Reanimasiyada COVİD-19 xəstəsi, arxiv şəkli

“Koronavirusun dördüncü dalğasından heç bir ölkə sığortalanmayıb” - Həkim

294
(Yenilənib 23:03 29.03.2021)
"Ona görə də bir həkim kimi tövsiyəm budur ki, karantin qaydalarına ciddi riayət edin. Koronavirusun dördüncü dalğasından heç bir ölkə sığortalanmayıb" - Kardioloq

BAKI, 29 mart — Sputnik. COVID-19 xəstəliyi yenidən bütün dünyanı ağuşuna alaraq, sürətlə yayılmağa başlayıb. Cons Hopkins Universitetinin məlumatına görə, pandemiya ili ərzində dünyada 114,5 milyon nəfər koronavirusa yoluxub, 2,5 milyon nəfər dünyasını dəyişib.

Bu barədə Mərkəzi Gömrük Hospitalının Poliklinika şöbəsinin rəisi, kardioloq Tamilla Əliyeva məlumat verib. Onun sözlərinə görə, virusun dördüncü dalğasından özümüzü qorumaq üçün gigiyenik normalara ciddi riayət etməliyik:

"Hazırda bir sıra ölkələr koronavirusun dördüncü dalğasının başlanacağı barədə bəyan ediblər. Bunlar əsasən İran, İspaniya və Çindir. Son günlər koronavirusa yoluxanların sayının Rusiyada da yüksək artımı qeydə alınıb. "Arab News" agentliyinin məlumatına görə, İran Prezidenti Həsən Ruhani hələ fevral ayının 15-də ölkəyə koronavirusun dördüncü dalğasının yaxınlaşdığı barədə bəyan edib. Onun sözlərinə görə, İranın cənub-qərbində yerləşən bir sıra şəhərlərdə koronavirus böyük sürətlə yayılır. Pandemiya dövründə İranda 1,5 milyon yoluxma halı qeyd edilib, xəstələrdən 60 min nəfəri vəfat edib. Bu ölkədə COVID-19-a görə vaksinasiya fevral ayından başlayıb".

"Honkonqda koronavirusa qarşı yeni məhdudiyyətlər tətbiq edilib. Honkonq Səhiyyə Nazirliyinin yaydığı məlumata görə, şəhər xəstəliyin yeni - dördüncü dalğası ilə qarşılaşıb. İspaniyanın baş həkimi Fernando Simon da dördüncü dalğanın başlanacağını ehtimal edir. O qeyd edir ki, dördüncü dalğanın yaxınlaşması ehtimalı var, lakin onun hansı formada gələcəyi hələ də davam edən üçüncü dalğanın nəticələrindən asılı olacaq. İspaniyanın "La Razon" nəşrinin məlumatına görə, bu ölkədə yoluxmanın yeni pik nöqtəsi mayın 9-da qeydə alınacaq. Rusiyada da koronavirusdan həyatını itirənlərin sayı dördüncü dalğanın başlanmasından xəbər verir", - deyə o əlavə edib.

T.Əliyevanın sözlərinə görə, ABŞ-da koronavirusa yoluxmanın yeni sıçrayışı müşahidə olunub: "Ötən həftə gündəlik yoluxma sayı 70 min nəfər, vəfat edənlərin sayı 2 minə qədər olub. ABŞ Xəstəliklərə Nəzarət və Profilaktika Mərkəzinin rəhbəri Roşel Valenski bildirib ki, aşkar olunan yeni ştamlar xalqlarımız və tərəqqimiz üçün real təhlükədir. Mütəxəssislərin fikrincə, virus artıq bir neçə dəfə mutasiya edib. Amma onun ən yoluxucu hesab edilən Britaniya, Cənubi Afrika və Braziliya ştamları daha təhlükəlidir. Amerika virusoloqları hesab edirlər ki, ABŞ yeni - dördüncü dalğanın astanasındadır və mövcud vaksinlər hələ ki bu dalğaya qarşı effektivdir. Hazırda səhiyyənin qarşısındakı əsas vəzifə vaksinasiya prosesini sürətləndirməkdir".

"Hələ ötən ay, fevralın 15-də türkiyəli həkim Şenol Atakan mutasiya olunmuş virusun səbəb olduğu yoluxma sayının artması ilə mart ayında yenidən alovlanma ola biləcəyindən narahatlığını bildirmişdi. O, mutant virusun daha yoluxucu və müqavimətli olduğunu açıqlamışdı. Şenol Atakan yenə də gigiyena, məsafə və maska qaydalarına ciddi əməl etmək lazım olduğunu vurğulamışdı", - deyə o əlavə edib.

Mütəxəssis bildirir ki, türkiyəli həkimin dedikləri özünü doğrultdu: "Ona görə də bir həkim kimi tövsiyəm budur ki, karantin qaydalarına ciddi riayət edin. Koronavirusun dördüncü dalğasından heç bir ölkə sığortalanmayıb. Vaxtında peyvənd olunmaq sizi virusdan qoruyacaq yeganə effektiv vasitədir. Gigiyenik qaydalara riayət etməklə və peyvənd olunmaqla özünüzü və əzizlərinizi bu təhlükəli xəstəlikdən - COVID-19-dan qoruya bilərsiniz".

294
Gürcüstanda epdimioloji vəziyyət

Gürcüstanda COVID-19-un üçüncü dalğası başlayıb

7
Son sutka ərzində Gürcüstanda 707 nəfərdə koronavirus təsdiqlənib. Bununla da ölkədə COVID-19 xəstələrinin ümumi sayı 288 min 396-ya çatıb.

BAKI, 11 aprel - Sputnik. Gürcüstanda koronavirusun üçüncü dalğası başlayıb. Hökumət üçüncü dalğanın daha böyük fəsadlara səbəb olmaması və genişmiqyaslı epidemiyaya çevrilməməsi üçün tədbirlər görür.

AZƏRTAC xəbər verir ki, bu barədə Gürcüstanın Xəstəliklərə Nəzarət Milli Mərkəzinin rəhbəri, baş epidemioloq Amiran Qamkrelidze məlumat verib. Baş epidemioloq cəmiyyəti tətbiq olunan qaydalara riayət etməyə çağırıb.

Məlumat üçün qeyd edək ki, son sutka ərzində Gürcüstanda 707 nəfərdə koronavirus təsdiqlənib. Bununla da ölkədə COVID-19 xəstələrinin ümumi sayı 288 min 396-ya çatıb. Onların da 277 min 303-ü müalicə olunub. Koronavirusdan son sutka ərzində 8 nəfər dünyasını dəyişib.

7

Ölkədə COVID-19 əleyhinə peyvənd olunanların sayı açıqlanıb

10
(Yenilənib 20:22 11.04.2021)
Bir gündə birinci mərhələ üzrə vaksinasiya olunanların sayı 18 956, ikinci mərhələ üzrə vaksinasiya olunanların sayı 4 582 nəfərdir.

BAKI, 11 aprel - Sputnik. Azərbaycanda son sutkada koronavirus (COVID-19) əleyhinə 23 538 vaksin vurulub.

Nazirlər Kabineti yanında Operativ Qərargahdan verilən məlumata görə, bir gündə birinci mərhələ üzrə vaksinasiya olunanların sayı 18 956, ikinci mərhələ üzrə vaksinasiya olunanların sayı 4 582 nəfərdir.

Ölkədə vurulan vaksinlərin ümumi sayı 1 177 087, birinci mərhələ üzrə vaksinasiya olunanların ümumi sayı 758 275, ikinci mərhələ üzrə vaksinasiya olunanların sayı isə 418 812 təşkil edir.

10

Bu işlərin görülməsi Azərbaycanda işsizliyi azaldacaq ekspert açıqlayır

0
(Yenilənib 18:38 11.04.2021)
İqtisadçı ekspert Fuad İbrahimov deyir ki, işğaldan azad edilmiş ərazilərdə qruculuq işlərinin aktiv şəkildə davam etdirilməsi çox sayda iş yerlərinin açılmasına səbəb olacaqdır
Fuad İbrahimov: “Vaksinasiyanın sürətlənməsi iqtisadi fəallığı artıracaq”

Beynəlxalq Valyuta Fondunun (BVF) yenilənmiş proqnozuna əsasən, bu il Azərbaycanda işsizlik səviyyəsi 5,8% təşkil edəcək. Gələn il isə bu göstəricinin cüzi azalaraq 5,7%-ə bərabər olacağı gözlənilir.

İqtisadçı ekspert Fuad İbrahimov Sputnik Azərbaycan-a deyir ki, pandemiyanın dünya iqtisadiyyatına ziyan vurması işsizlik ordusunun yaranmasına səbəb olub: “Dünya iqtisadiyyatında bu problemin aradan qaldırılması üçün böyük zaman lazımdır. Azərbaycan haqqında danışdıqda onu deyə bilərəm ki, vaksinasiya prosesinin getdikcə sürətlənməsini görürük. Bu da özlüyündə iqtisadi fəallığın artması ilə nəticələnəcək. Eyni zamanda mövsümi işlərlə bağlı sahələrin yenidən bərpa olunması da işsizlik statistikasının azalmasına təsir edəcək. Xüsusən də işğaldan azad edilmiş ərazilərdə quruculuq işlərinin aktiv şəkildə davam etdirilməsi çox sayda iş yerlərinin açılmasına səbəb olacaqdır”.

Fuad İbrahimovun geniş şərhinə audiofaylda qulaq asa bilərsiniz

0