Dəriyə qulluq, arxiv şəkli

Dərini qocaldan beş vərdiş

98
(Yenilənib 09:46 23.03.2021)
Şirniyyat həvəskarlarının dərisi də, sən demə, elastikliyini və hamarlığını tez itirir, Günəş şüalarına qarşı həssas olur. 

BAKI, 24 mart - Sputnik. Tanınmış həkim-aparıcı Yelena Malışeva dəriyə "ölümcül" təsir göstərən pis vərdişləri açıqlayıb.

O deyir ki, ilk növbədə yuxudan əvvəl dərinin təmizliyinə fikir vermək lazımdır. İş burasındadır ki, yalnız dəri tam təmiz olduqda hüceyrələr gecə vaxtı bərpa olunur və yenilənir.

"Çirk, dərinin öz yağı və təmizlənməmiş kosmetika məsamələri bağlayır, akne əmələ gəlməsinə səbəb olur, dəri quruyur", - həkim deyib.

Siqaret çəkmək dəridə qan dövranını azaldır, bu səbəbdən dəri oksigen və digər qidalandırıcı maddələrdən məhrum olur. Siqaretlərdəki zəhərli maddələr dərinin elastikliyini məhv edir.

Günəş kremlərindən gündə ancaq bir dəfə istifadə etmək də dəridə problem yarada bilir. Malışeva deyir ki, onu ilin hər fəslində, hər dəfə küçəyə çıxanda (gündə bir neçə dəfə olsa da) çəkmək gərəkdir. 

Şirniyyat həvəskarlarının dərisi də, sən demə, elastikliyini və hamarlığını tez itirir, Günəş şüalarına qarşı həssas olur. 

Dəri üçün zərərli olan daha bir vərdiş - aknelərin səhv müalicəsidir. Onları sıxarkən yerində çapıq qala, ya da infeksiya düşə bilər. Onlarla benzoilperoksid və salisil turşusu ilə mübarizə aparmaq tövsiyə olunur. 

98
Sinovac Biotech şirkətinin CoronaVac peyvəndi, arxiv şəkli

Azərbaycanda peyvənd olunanların sayı açıqlandı

12
(Yenilənib 17:33 14.04.2021)
Azərbaycanda bu günə qədər vurulan vaksinlərin ümumi sayı 1243191, birinci mərhələ üzrə peyvənd olunanların ümumi sayı 813413 olub.

 

BAKI, 14 aprel — Sputnik. Azərbaycanda bu gün 31028 nəfər vaksinasiya olunub. Sputnik Azərbaycan xəbər verir ki, bu barədə Nazirlər Kabineti yanında Operativ Qərargah məlumat yayıb.

Qeyd olunub ki, gün ərzində birinci mərhələ üzrə vaksinasiya olunanların sayı 26347, ikinci mərhələ üzrə vaksinasiya olunanların sayı 4681 nəfər təşkil edib.

Azərbaycanda bu günə qədər vurulan vaksinlərin ümumi sayı 1243191, birinci mərhələ üzrə peyvənd olunanların ümumi sayı 813413, ikinci mərhələ üzrə vaksinasiya edilənlərin sayı 429778 nəfər təşkil edir.

12
Teqlər:
Azərbaycan, vaksinasiya
Mövzu:
Azərbaycanda COVID-19 əleyhinə vaksinasiya

Azərbaycanda koronavirusla bağlı durum: ölü sayı 30-dan düşmür

251
Son sutka ərzində yeni yoluxma hallarının müəyyənləşdirilməsi ilə əlaqədar 14086, bu günə qədər isə ümumilikdə 3054472 test icra olunub.

BAKI, 14 aprel — Sputnik. Azərbaycanda koronavirus (COVID-19) infeksiyasına 2293 yeni yoluxma faktı qeydə alınıb, 2071 nəfər müalicə olunaraq sağalıb. Nazirlər Kabineti yanında Operativ Qərargahdan Sputnik Azərbaycan-a verilən məlumata görə, analiz nümunələri müsbət çıxan 31 nəfər vəfat edib.

İndiyədək ölkədə ümumilikdə 291894 nəfərin koronavirus infeksiyasına yoluxması faktı müəyyən edilib, onlardan 255833 nəfər müalicə olunaraq sağalıb, 4009 nəfər vəfat edib. 32052 nəfər aktiv xəstə sayını təşkil edib.

Son sutka ərzində yeni yoluxma hallarının müəyyənləşdirilməsi ilə əlaqədar 14086, bu günə qədər isə ümumilikdə 3054472 test icra olunub.

251
Teqlər:
Azərbaycan, statistika, ölüm, yoluxma, test, Koronavirus, epidemiya, COVID-19
Mövzu:
Azərbaycanda koronavirus: son xəbərlər
ABŞ prezidneti Co Bayden, arxiv şəkli

Baydenlə Putinin görüşü yaxın həftələrdə baş tuta bilər

0
"Biz Rusiya ilə stabil və təxmin edilən münasibətləri üstün tuturuq. Bu, öz növbəsində kommunikasiya xətlərinin açıq olmasını tələb edir ki, biz baxışlarımız, siyasət, Rusiyanın hərəkətlərinə qarşı etirazımız barədə aydın danışa bilək" - Blinken.

BAKI, 15 aprel - Sputnik. ABŞ Prezidenti Cozef Bayden rusiyalı həmkarı Vladimir Putinə "yaxın həftələrdə" görüşməyi təklif edib.

Sputnik Azərbaycan-ın məlumatına görə, bunu ABŞ dövlət katibi Entoni Blinken deyib. Bir qədər öncə isə Ağ Ev görüşün yaxın bir neçə ay ərzində baş tuta biləcəyini bildirmişdi.

​"Biz Rusiya ilə stabil və təxmin edilən münasibətləri üstün tuturuq. Bu, öz növbəsində kommunikasiya xətlərinin açıq olmasını tələb edir ki, biz baxışlarımız, siyasət, Rusiyanın hərəkətlərinə qarşı etirazımız barədə aydın danışa bilək. Bu, yanlışlardan qaçmaq üçün vacibdir. Bunu da siz dünən gördünüz: Bayden prezident Putinə zəng vuraraq yaxın həftələrdə görüşməyi təklif etdi", - Blinken Brüsseldə təşkil olunmuş mətbuat konfransında deyib.

0
Teqlər:
görüş, Cozef Bayden, Vladimir Putin