AstraZeneca peyvəndi, arxiv şəkli

Azərbaycan üçün ciddi siqnal: Alacağımız vaksindən Avropa ölkələri ard-arda imtina edir

1426
(Yenilənib 21:53 15.03.2021)
"Əgər Avropa ölkələrində vaksinin çox ciddi yan təsirləri qeydə alınıbsa, Azərbaycan da bu vaksini almaqdan imtina etməlidir" - Ədalət Rüstəm

Zülfiyyə Quluyeva, Sputnik Azərbaycan

BAKI, 15 mart — Sputnik. Norveç Dərman Preparatları Agentliyinin (DPA) baş həkimi Siqurd Hortemo və Norveç İctimai Səhiyyə İnstitutu Azərbaycanın da alacağı COVID-19 əleyhinə "AstraZeneca" vaksini ilə bağlı narahatlıq doğuran məlumat yayıb. Məlumata görə, "AstraZeneca" vaksini vurulmuş şəxslərin ağciyər arteriyasında yüksək tromboemboliya (qan damarının laxta ilə tıxanması - red.), venaların trombozu və ya trombosit səviyyəsinin düşməsi kimi simptomlar yaranıb. Danimarka və Norveçin "AstraZeneca"nın tətbiqini dayandırmasından öncə Avstriya qanın laxtalanmasının pozulması və ağciyər arteriyasında tromboemboliya səbəbindən ölüm faktını araşdırması üçün bu peyvəndin istifadəsinə ara verib.

Bu gün Niderland, İspaniyaAlmaniya, Fransa və İtaliya da "AztraZeneca" vaksinin tətbiqini dayandırıb. İtaliyanın Biella şəhərinin prokurorluğu isə peyvənd vurulmuş musiqi müəlliminin ölümündən sonra AstraZeneca vaksin partiyasına həbs qoyub.

Qeyd edək ki, Baş nazir Əli Əsədov koronavirus (COVID-19) infeksiyasının Azərbaycan Respublikasının ərazisində yarada biləcəyi təhlükənin qarşısının alınması və bu sahədə immunizasiya tədbirlərinin həyata keçirilməsi məqsədilə sərəncam imzalayıb. Həmin sərəncama görə, "İcbari Tibbi Sığorta üzrə Dövlət Agentliyi ilə GAVİ ALLİANCE arasında imzalanmış dərman vasitəsinin tədarükünə dair 2020-ci il 18 sentyabr tarixli Sazişə əsasən, İsveç Krallığının "AztraZeneca" Şirkətinə məxsus 432 000 doza COVID-19 vaksin dərman vasitəsinin Azərbaycana idxalı 180 gün müddətində həyata keçirilməlidir.

Sputnik Azərbaycan "AztraZeneca" peyvəndi ilə bağlı yayılmış məlumatlardan sonra bu vaksinin ölkəmizdə tətbiqinin təhlükəsini araşdırıb.

Azərbaycan Tibb Universitetinin Tədris Cərrahiyyə Klinikasının dosenti Ədalət Rüstəm Sputnik Azərbaycan-a açıqlamasında bildirib ki, "AstraZeneca" vaksini ilə bağlı yaranmış məlumatlar Azərbaycanda da narahatlıq yaratmaya bilmir: "Bilirsiniz ki, Azərbaycan Sinovac Biotech şirkətinin "CoronaVac" peyvəndindən sonra Rusiyanın "Sputnik V" dərman vasitəsinin və "AstraZeneca" vaksininin ölkəmizdə tətbiqini təsdiqləyib. Amma "AstraZeneca" peyvəndi alıb tətbiq edən ölkələrdən bu vaksinin yan təsirləri ilə bağlı gələn məlumatlar heç də ürəkaçan deyil. Vaksinin tromb yaratdığı, qan laxtalanmasına səbəb olduğu deyilir. Çox güman ki, Azərbaycan yayılmış bu məlumatlardan sonra "AstraZeneca" vaksinini almayacaq".

Ə.Rüstəm deyir ki, bir sıra Avropa ölkələrinin "AstraZeneca" vaksininin tətbiqini dayandırması Azərbaycan üçün də ciddi siqnaldır: "Əgər Avropa ölkələrində vaksinin çox ciddi yan təsirləri qeydə alınıbsa, Azərbaycan da bu vaksini almaqdan imtina etməlidir".

İnfeksionist Vüqar Cavadzadə isə Sputnik Azərbaycan-a açıqlamasında bildirib ki, "AstraZeneca" vaksininin çox ciddi yan təsirləri ilə bağlı məlumatlar təsdiq olunmamış bu peyvənddən imtina etmək doğru olmaz:

"Vaksinasiyadan öncə "CoronaVac" peyvəndi ilə bağlı da eyni fikir yaradırdılar. Bütün bunlar fərziyyədir. "AstraZeneca" vaksininin zərəri hələ ki sübut olunmayıb. "AstraZeneca" peyvəndi vektor texnologiyası ilə hazırlanır. Virusun kiçik hissəciyi antigen xüsusiyyəti daşıyır, adenovirusun üzərinə yerləşdirilir. Adenovirus daşıyıcı xarakter daşıyır. Kiçik hissəcik heç vaxt tromboemboliya yarada bilməz".

V.Cavadzadə deyir ki, peyvənddən üz iflici olduğu deyilən şəxslərlə bağlı məlumat öz təsdiqini tapmayıb: "Bir müddət öncə vaksinin üz iflicinə səbəb olduğu deyilirdi. Amma araşdırma zamanı məlum oldu ki, həmin şəxslər üz iflicini əvvəldən keçirdiblər".

İnfeksionist bildirir ki, "AstraZeneca" vaksinini, ürək-damar sistemi xəstəliklərinin ciddi xroniki xəstəliyi yoxdursa, vurmaq olar: "Bu gün elə şəxslər var ki, ürəyində iki stenti var, amma ona vaksin vurulub. Trombun vaksinlə əlaqələndirilməsi sübut olunmayıb".

Məlumat üçün bildirək ki, Norveçin səhiyyə orqanları COVID-19 əleyhinə "AstraZeneca" vaksini vurulmuş üç nəfər tibb işçisinin qanaxma, tromb və trombositlərin aşağı miqdarı simptomları ilə müalicə aldığını xəbər verib.

Norveç Dərman Preparatları Agentliyinin (DPA) baş həkimi Siqurd Hortemonun sözlərinə görə, Avropa Dərman Preparatları Agentliyi (EMA) hər üç insidenti araşdırır.

AstraZeneca isə bəyan edib ki, qeydə alınmış 17 milyon doza yeridilməsi hallarının analizi ağciyər arteriyasında yüksək tromboemboliya (qan damarının laxta ilə tıxanması - red.), venaların trombozu və ya trombosit səviyyəsinin düşməsi kimi simptomların olmasını təsdiqləməyib.

"Faktiki olaraq COVID-19 əleyhinə AstraZeneca vaksini üçün belə qeydə alınmış hallar peyvənd almamış əhali arasında təbii olaraq baş verəcək hallardan çox deyil", - şirkətin nümayəndəsi deyib. Onun sözlərinə görə, belə meyllər və qanunayğunluqlar vaksinin sınaqları zamanı da qeydə alınmayıb.

Ümumdünya Səhiyyə Təşkilatının "AstraZeneca" vaksininin təhlükəsi barədə bütün siqnallar üzrə apardığı analizin nəticəsi isə həftə ərzində məlum olacaq. Bunu RİA Novosti-yə ÜST-ün rəsmi nümayəndəsi Marqaret Harris bildirib. 

Buna rəğmən qurum koronavirus əleyhinə vaksinasiyanın mümkün qədər sürətli aparılmasını məsləhət görüb. Bu barədə isə ÜST-ün İmmunizasiya və Vaksin Departamentinin rəhbəri Ketrin O`Brayen Avroparlamentin komitə iclasının dinləməsində danışıb. O, vaksinin təhlükəli olduğu barədə siqnallardan deyil, peyvənddən qabaq testdən keçmək məsələsinə toxunub: "ÜST bu barədə dəqiq mövqe bildirib - belə bir tövsiyə yoxdur. Peyvənddən öncə insanların testdən keçirilməsi zərurəti və ya tələbi vaksin alınmasında onlar qarşısına yeni bir sədd çəkir. Yoluxanların heç də hamısında xəstəliyə qarşı uzunmüddətli immunitet yaranmayacaq. Məsləhət belədir ki, yüksək risk qruplarından başlayaraq vaksinasiyanı mümkün qədər sürətli davam etdirmək lazımdır".

1426
Teqlər:
sifariş, Azərbaycan, Avropa, imtina, AstraZeneca, vaksin, vaksinasiya, COVID-19, epidemiya, Koronavirus
Mövzu:
Azərbaycanda COVID-19 əleyhinə vaksinasiya (61)
Sinovac Biotech şirkətinin CoronaVac peyvəndi, arxiv şəkli

Azərbaycanda peyvənd olunanların sayı açıqlandı

12
(Yenilənib 17:33 14.04.2021)
Azərbaycanda bu günə qədər vurulan vaksinlərin ümumi sayı 1243191, birinci mərhələ üzrə peyvənd olunanların ümumi sayı 813413 olub.

 

BAKI, 14 aprel — Sputnik. Azərbaycanda bu gün 31028 nəfər vaksinasiya olunub. Sputnik Azərbaycan xəbər verir ki, bu barədə Nazirlər Kabineti yanında Operativ Qərargah məlumat yayıb.

Qeyd olunub ki, gün ərzində birinci mərhələ üzrə vaksinasiya olunanların sayı 26347, ikinci mərhələ üzrə vaksinasiya olunanların sayı 4681 nəfər təşkil edib.

Azərbaycanda bu günə qədər vurulan vaksinlərin ümumi sayı 1243191, birinci mərhələ üzrə peyvənd olunanların ümumi sayı 813413, ikinci mərhələ üzrə vaksinasiya edilənlərin sayı 429778 nəfər təşkil edir.

12
Teqlər:
Azərbaycan, vaksinasiya
Mövzu:
Azərbaycanda COVID-19 əleyhinə vaksinasiya (61)

Azərbaycanda koronavirusla bağlı durum: ölü sayı 30-dan düşmür

249
Son sutka ərzində yeni yoluxma hallarının müəyyənləşdirilməsi ilə əlaqədar 14086, bu günə qədər isə ümumilikdə 3054472 test icra olunub.

BAKI, 14 aprel — Sputnik. Azərbaycanda koronavirus (COVID-19) infeksiyasına 2293 yeni yoluxma faktı qeydə alınıb, 2071 nəfər müalicə olunaraq sağalıb. Nazirlər Kabineti yanında Operativ Qərargahdan Sputnik Azərbaycan-a verilən məlumata görə, analiz nümunələri müsbət çıxan 31 nəfər vəfat edib.

İndiyədək ölkədə ümumilikdə 291894 nəfərin koronavirus infeksiyasına yoluxması faktı müəyyən edilib, onlardan 255833 nəfər müalicə olunaraq sağalıb, 4009 nəfər vəfat edib. 32052 nəfər aktiv xəstə sayını təşkil edib.

Son sutka ərzində yeni yoluxma hallarının müəyyənləşdirilməsi ilə əlaqədar 14086, bu günə qədər isə ümumilikdə 3054472 test icra olunub.

249
Teqlər:
Azərbaycan, statistika, ölüm, yoluxma, test, Koronavirus, epidemiya, COVID-19
Mövzu:
Azərbaycanda koronavirus: son xəbərlər
ABŞ prezidneti Co Bayden, arxiv şəkli

Baydenlə Putinin görüşü yaxın həftələrdə baş tuta bilər

0
"Biz Rusiya ilə stabil və təxmin edilən münasibətləri üstün tuturuq. Bu, öz növbəsində kommunikasiya xətlərinin açıq olmasını tələb edir ki, biz baxışlarımız, siyasət, Rusiyanın hərəkətlərinə qarşı etirazımız barədə aydın danışa bilək" - Blinken.

BAKI, 15 aprel - Sputnik. ABŞ Prezidenti Cozef Bayden rusiyalı həmkarı Vladimir Putinə "yaxın həftələrdə" görüşməyi təklif edib.

Sputnik Azərbaycan-ın məlumatına görə, bunu ABŞ dövlət katibi Entoni Blinken deyib. Bir qədər öncə isə Ağ Ev görüşün yaxın bir neçə ay ərzində baş tuta biləcəyini bildirmişdi.

​"Biz Rusiya ilə stabil və təxmin edilən münasibətləri üstün tuturuq. Bu, öz növbəsində kommunikasiya xətlərinin açıq olmasını tələb edir ki, biz baxışlarımız, siyasət, Rusiyanın hərəkətlərinə qarşı etirazımız barədə aydın danışa bilək. Bu, yanlışlardan qaçmaq üçün vacibdir. Bunu da siz dünən gördünüz: Bayden prezident Putinə zəng vuraraq yaxın həftələrdə görüşməyi təklif etdi", - Blinken Brüsseldə təşkil olunmuş mətbuat konfransında deyib.

0
Teqlər:
görüş, Cozef Bayden, Vladimir Putin