AstraZeneca peyvəndi, arxiv şəkli

Avropalılar şokda. Bu vaksinin dəqiq "problemi" var: həm qanaxma yaradır, həm tromb

137
"Onların simptomları qeyri-adidir: qanaxma, trombların (laxtaların) yaranması və trombositlərin aşağı səviyyəsi" - Steynar Madsen

BAKI, 14 mart - Sputnik. Şənbə günü Norveçin səhiyyə orqanları COVID-19 əleyhinə AstraZeneca vaksini vurulmuş üç nəfər tibb işçisinin qanaxma, tromb və trombositlərin aşağı miqdarı simptomları ilə müalicə aldığını xəbər verib.

Sputnik Azərbaycan bildirir ki, bu barədə Reuters yazır. 

Xatırladaq ki, bundan öncə Danimarka eyni vaksinin insanlarda qan laxtalanması yaratdığı səbəbindən onun tətbiqini dayandırmışdı. Cümə günü Norveç oxşar addım atıb. 

"Biz bilmirik, bu hadisələr vaksinlə əlaqəlidir, ya yox", - Norveç Dərman Preparatları Agentliyinin (DPA) baş həkimi Siqurd Hortemo Norveç İctimai Səhiyyə İnstitutu ilə birlikdə keçirdiyi brifinqdə deyib. 

Bildirilir ki, xəstəxanaya çatdırılan hər üç nəfərin yaşı 50-dən aşağıdır. 

Hortemonun sözlərinə görə, Avropa Dərman Preparatları Agentliyi (EMA) hər üç insidenti araşdırır.

"Onların simptomları qeyri-adidir: qanaxma, trombların (laxtaların) yaranması və trombositlərin aşağı səviyyəsi", - Norveç DPA-nın tibbi direktoru Steynar Madsen NRK telekanalına deyib. 

"Ağır vəziyyətdədirlər, biz buna ciddi yanaşırıq", - deyən Madsen əlavə edib ki, hökumət bu hadisələr haqda şənbə günü məlumat alıb. 

AstraZeneca bəyan edib ki, qeydə alınmış 17 milyon doza yeridilməsi hallarının analizi ağciyər arteriyasında yüksək tromboemboliya (qan damarının laxta ilə tıxanması - red.), venaların trombozu və ya trombosit səviyyəsinin düşməsi kimi simptomların olmasını təsdiqləməyib. 

"Faktiki olaraq COVID-19 əleyhinə AstraZeneca vaksini üçün belə qeydə alınmış hallar peyvənd almamış əhali arasında təbii olaraq baş verəcək hallardan çox deyil", - şirkətin nümayəndəsi deyib. 

Onun sözlərinə görə, belə meyllər və qanunayğunluqlar vaksinin sınaqları zamanı da qeydə alınmayıb. 

Havaların isinməsi koronovirusa necə təsir edəcək – həkim məsləhəti>>

Danimarka və Norveçin AstraZeneca-nın tətbiqini dayandırmasından öncə Avstriya qanın laxtalanmasının pozulması və ağciyər arteriyasında tromboemboliya səbəbindən ölüm faktını araşdırması səbəbindən bu peyvəndin istifadəsinə ara verib. 

Cümə axşamı EMA məlumat yayıb ki, vaksinin faydası risklərdən daha çoxdur və ondan istifanə davam etdirmək lazımdır. 

137
Teqlər:
Avropa, Norveç, qanaxma, qan, problem, vaksinasiya, vaksin, AstraZeneca

Koronavirusa görə daha bir məktəbdə tədris müvəqqəti dayandırılıb

9
Bakı üzrə bu göstəricilər 60 faiz, Sumqayıt üzrə 74,2 faiz, Abşeron rayonu üzrə 84,6 faiz, regionlar üzrə isə 67,2 faiz təşkil edir.

BAKI, 17 may — Sputnik. Hazırda yalnız 1 peşə təhsili müəssisəsi karantin səbəbilə yerində tədrisi müvəqqəti dayandırıb.

Bu barədə Sputnik Azərbaycan-a Peşə Təhsili üzrə Dövlət Agentliyindən məlumat verilib. Peşə təhsil müəssisələrində çalışan pedaqoji və texniki heyətin COVID-19 əleyhinə vaksinasiya prosesi davam edir. Ümumi heyətin 66,1 faizi birinci doza, 19,1 faizi isə hər iki doza üzrə vaksinasiya prosesində iştirak ediblər. Bakı üzrə bu göstəricilər 60 faiz, Sumqayıt üzrə 74,2 faiz, Abşeron rayonu üzrə 84,6 faiz, regionlar üzrə isə 67,2 faiz təşkil edir.

Qeyd edilib ki, martın ayının sonundan etibarən "Azərbaycan Respublikasında COVID-19 xəstəliyi əleyhinə 2021-2022-ci illər üçün Vaksinasiya Strategiyası"na uyğun olaraq, Peşə təhsil müəssisələrinin pedaqoji və texniki heyəti üçün vaksinasiya prosesinə başlanılıb.

Eləcə də oxuyun:

Azərbaycanda bir gündə COVID-ə yoluxanlarla sağalanların sayı bərabərləşir

COVID əleyhinə vaksinin üçüncü dozası: o kimlərə vurula bilər?

* Ekspertlərdən həyəcan təbili: Məktəblər açılandan sonra epidemik vəziyyət pisləşəcək

9
Teqlər:
bağlanma, məktəb, Koronavirus, epidemiya, COVID-19
Mərkəzi Gömrük Hospitalının terapevti Dr. Nazilə Xəlilbəyova

Yüksək təzyiqi olan bu beş tövsiyəyə riayət etməlidir həkim açıqlayır

15
(Yenilənib 10:35 17.05.2021)
Mərkəzi Gömrük Hospitalının terapevti Nazilə Xəlilbəyova deyir ki, yüksək təzyiqin müxtəlif səbəbləri olduğu üçün ilk növbədə həkimə müraciət edilməlidir
Nazilə Xəlilbəyova: “Yüksək təzyiqi olan insanlar özlərinə diqqət göstərməlidirlər”

2005-ci ildən hər il mayın 17-si Ümumdünya Hipertoniya ilə Mübarizə Liqası və Beynəlxalq Hipertoniya Cəmiyyətinin təşəbbüsü ilə Ümumdünya Arterial Hipertoniya ilə Mübarizə Günü qeyd edilir.

Sputnik Azərbaycan Hipertoniya ilə Mübarizə Günündə Mərkəzi Gömrük Hospitalının terapevti Nazilə Xəlilbəyovadan yüksək təzyiqi olan insanların yerinə yetirməli olduqları beş tövsiyəni soruşub.

Nazilə Xəlilbəyova deyib ki, yüksək təzyiq olan insanlar özlərinə xüsusi diqqət göstərməlidir: “İlk tövsiyəm budur ki, yüksək təzyiqi olan insanlar mütləq həkimə müraciət etməlidir. Çünki yüksək təzyiqin müxtəlif səbəbləri var. Aydınlaşdırılmalıdır bu təzyiq osteoxondroz, ürək, ya böyrək problemi ilə əlaqəlidir. İkinci məsləhətim odur ki, insanlar qida rasiyonuna fikir versinlər və gecə vaxtı çox yeməsinlər. Həmçinin təmiz havada gəzinti, idman hərəkətləri edilməsi tövsiyə edilir. Yüksək daşıyıcısı olan insanlar stresdən uzaq olmalıdır. Digər ən vacib məqam isə yuxu rejiminə diqqət edilməsidir”.

Nazilə Xəlilbəyovanın fikirlərinə audiofaylda qulaq asa bilərsiniz

15
Flora Kərimova, arxiv şəkli

Flora Kərimova illər sonra Şuşadakı məhəllələrində - VİDEO

0
Müğənni Şuşanın bəzi küçələrini, eyni zamanda Bülbülün, Xurşudbanu Natəvanın, Üzeyir Hacıbəyovun güllələnmiş heykəllərini ziyarət edib.

BAKI, 17 may — Sputnik. Xalq artisti Flora Kərimova illər sonra işğaldan azad olunan Şuşa şəhərindəki məhəllələrində olub. Sputnik Azərbaycan xəbər verir ki, bu barədə o, özünün "Instagram" hesabında paylaşım edib. Müğənni Şuşanın bəzi küçələrini, eyni zamanda Bülbülün, Xurşudbanu Natəvanın, Üzeyir Hacıbəyovun güllələnmiş heykəllərini ziyarət edib. Kərimova Şuşadakı uşaqlıq xatirlələri haqqında da izləyicilərinə məlumat verib.

Посмотреть эту публикацию в Instagram

Публикация от Flora Kərimova (@flora_kerimova_official)

"Havasından doymadığım, suyuna susadığım ocağım – Şuşam", - deyə Flora Kərimova paylaşıma şərh bildirib.

Eləcə də oxuyun:

Şuşanı ərəblərin vasitəsilə dünyaya göstərdilər - FOTO

* Həsrəti sovuran unudulmaz iki gün: Şuşada "Xarı-bülbül" festivalı - VİDEO

* Şuşada bu ifa hamını təsirləndirdi - Prezident kövrəldi, Nazir ağladı - Video

0
Teqlər:
video, Flora Kərimova, Şuşa