AstraZeneca peyvəndi, arxiv şəkli

"AstraZeneca" Avropaya peyvənd tədarükünü 25% azaltdı

511
(Yenilənib 16:01 12.03.2021)
Ümumilikdə Avropa ölkələrində "AstraZeneca" preparatı ilə vaksinasiya olunmuş 3 milyon nəfərdən 22-də qan laxtalanması müşahidə edilib.

BAKI, 12 mart — Sputnik. "AstraZeneca" şirkəti 2021-ci ilin birinci rübündə Avropa İttifaqı ölkələrinə koronavirus peyvəndi tədarükü ilə bağlı proqnozu 25 fazi azaldaraq 40 milyon dozadan 30 milyon dozaya endirib. Bu barədə RİA Novosti "Reuters"-ə istinadla məlumat yayıb. Məlumatda bildirilir ki, sözügedən rəqəm şirkətin müqavilə öhdəliklərinin üçdə birinə bərabərdir. Agentlik qeyd edir ki, dərman çatışmazlığı Brüsselin vaksinasiya planlarına ciddi zərbə vuracaq.  "Reuters" problemin qlobal tədarük zənciri daxilindəki daşınmalarla bağlı olduğunu da vurğulayıb.

Bu günə kimi Avstriya, Lüksemburq, Estoniya, Litva, Latviya və Danimarka "AstraZeneca" firmasının istehsal etdiyi COVID-19-a qarşı peyvənd preparatının tətbiqini dayandırıb. Buna səbəb preparatın vurulduğu insanlarda ciddi əlavə təsirlərin müşahidə olunmasıdır. Danimarkanın səhiyyə nazirliyindən bu barədə verilən məlumatda bildirilir ki, ölkədə "AstraZeneca" peyvəndi vurulan insanlarda əlavə təsir kimi qan laxtalanması əmələ gəldiyi üçün preparatın tətbiqinə müvəqqəti olaraq fasilə verilir.

Qeyd edək ki, bir qədər bundan əvvəl Avropa İttifaqının (Aİ) dərman preparatları üzrə tənzimləyici qurumu olan EMA-dan verilən açıqlamada "AstraZeneca" tərəfindən yeni tip koronavirusa qarşı istehsal olunmuş peyvənd preparatının "ABV5300" nömrəli partiyasının qanda laxtalanmaya səbəb olduğu və bunun bir nəfərin ölümü ilə nəticələndiyi bildirilmişdi. Martın 9-a olan məlumata görə, ümumilikdə Avropa ölkələrində "AstraZeneca" preparatı ilə vaksinasiya olunmuş 3 milyon nəfərdən 22-də qan laxtalanması müşahidə edilib. 1 milyon dozadan ibarət "ABV5300" nömrəli peyvənd partiyası 17 Aİ ölkəsinə göndərilib.

511
Həblər, arxiv şəkli

Bu dərmanlar Azərbaycanda qadınlara pulsuz veriləcək

12
(Yenilənib 21:21 16.04.2021)
Azərbaycanda antenatal qulluq üzrə klinik protokollara əsasən hər bir hamilə qadına fol turşusu və profilaktik doza dəmir preparatı təyin olunmalıdır.

BAKI, 17 aprel — Sputnik. İcbari Tibbi Sığorta üzrə Dövlət Agentliyi (Agentlik) ilə BMT-nin Uşaq Fondu (UNICEF) arasında əməkdaşlıq çərçivəsində Azərbaycana dəmir və fol turşusu tərkibli 54000 qutu həb ianə edilib.

Agentlikdən Sputnik Azərbaycan-a verilən məlumata görə, UNICEF tərəfindən ianə edilmiş Çin Xalq Respublikasının istehsalı olan preparatların Bakıda "İpək Yolu" gömrük terminalında təhvil-təslimi keçirilib.

Tədbirdə UNICEF-in Azərbaycandakı nümayəndəliyinin Səhiyyə və qidalanma proqramının rəhbəri Töhfə Cəmilova və Agentliyin Beynəlxalq əməkdaşlıq şöbəsinin müdiri Ruslan Abdullayev iştirak ediblər.

"Hamiləlik dövründə ananın sağlamlığı və bətnindəki körpənin sağlam formalaşması üçün ananın orqanizmində kifayət qədər fol turşusu və dəmir olmalıdır. Fol turşusunun defisiti dölün sinir sisteminin formalaşmasında qüsurların yaranmasına gətirib çıxarır. Araşdırmalar göstərir ki, hamilə qadınların iki nəfərdən birində dəmir-defisitli anemiya müşahidə olunur. Məhz bu səbəbdən beynəlxalq təcrübədə hamilə qadınlara dəmir və fol turşusu preparatı qəbul etmək tövsiyə olunur", - UNICEF-in nümayəndəsi T.Cəmilova bildirib.

R.Abdullayev ianəyə görə Agentliyin rəhbərliyi adından təşəkkürünü bildirib. R.Abdullayev qeyd edib ki, UNICEF-in tövsiyəsinə uyğun olaraq, ianə edilən preparatlar yaxın günlərdə tibb müəssisələrinə paylanılacaq: "Qısa zamanda hamiləliyin birinci trimestrində olan qadınlar TƏBİB-in nəzdindəki tibb müəssisələrinə müraciət edib preparatları pulsuz əldə edə biləcəklər. Bu təminat uşaqlar arasında əlilliyin qarşısının alınmasına, ana və körpə ölümü riskinin azaldılmasına öz töhfəsini verəcək. Gələn ildən hamiləlik dövründə müşahidə olunan dəmir və fol turşusu defisitinin profilaktikası məqsədi ilə bu preparatlar icbari tibbi sığortanın Xidmətlər Zərfinə daxil ediləcək. Sözügedən qərar ana və uşaq sağlamlığının qorunmasının Azərbaycan hökuməti üçün prioritet məsələ olduğunu göstərir".

Qeyd edək ki, Azərbaycanda antenatal qulluq üzrə klinik protokollara əsasən hər bir hamilə qadına fol turşusu və profilaktik doza dəmir preparatı təyin olunmalıdır.

12
Braziliyada COVİD-19 xəstələri, arxiv şəkli

Son günlər ərzində ilk dəfə koronavirusdan sağalanlar yoluxanları üstələdi

20
İndiyədək ölkədə ümumilikdə 296 374 nəfərin koronavirus infeksiyasına yoluxması faktı müəyyən edilib, onlardan 260 193 nəfər müalicə olunaraq sağalıb, 4 077 nəfər vəfat edib. 32 104 nəfər aktiv xəstə sayını təşkil edib.

BAKI, 16 aprel - Sputnik. Azərbaycanda bu gün koronavirus infeksiyasına 2163 yeni yoluxma faktı qeydə alınıb, 2251 nəfər müalicə olunaraq sağalıb və evə buraxılıb.

Sputnik Azərbaycan xəbər verir ki, bu barədə Nazirlər Kabineti yanında Operativ Qərargah məlumat yayıb.

Son sutkada 32 nəfər “COVID-19”dan vəfat edib.

İndiyədək ölkədə ümumilikdə 296 374 nəfərin koronavirus infeksiyasına yoluxması faktı müəyyən edilib, onlardan 260 193 nəfər müalicə olunaraq sağalıb, 4 077 nəfər vəfat edib. 32 104 nəfər aktiv xəstə sayını təşkil edib.

Son sutka ərzində yeni yoluxma hallarının müəyyənləşdirilməsi ilə əlaqədar 13 478, bu günə qədər isə ümumilikdə 3 082 157 test icra olunub.

20
Kişi uşağı ilə, arxiv şəkli

Bu il 17 uşaq övladlığa verilib

0
Övladlığagötürmə sahəsində idarəetmənin Əmək və Əhalinin Sosial Müdafiəsi Nazirliyi tərəfindən həyata keçirildiyi 1 noyabr 2019-cu ildən övladlığa verilən uşaqların sayı isə 23-ü oğlan, 21-i qız olmaqla 44 nəfərdir.

 

BAKI, 17 aprel — Sputnik. Dövlət uşaq müəssisələrindəki uşaqların doğma ailə mühitinə qayıdışına nail olunması istiqamətində işlərin davamı olaraq, bu ilin yanvar-mart aylarında 17 uşaq həmin müəssisələrdən ailələrinə qaytarılıb.

Əmək və Əhalinin Sosial Müdafiəsi Nazirliyindən Sputnik Azərbaycan-a verilən məlumata görə, qeyd olunan müddətdə 17 uşaq (9-u oğlan, 8-i qız) isə övladlığa verilib.

Övladlığagötürmə sahəsində idarəetmənin Əmək və Əhalinin Sosial Müdafiəsi Nazirliyi tərəfindən həyata keçirildiyi 1 noyabr 2019-cu ildən övladlığa verilən uşaqların sayı isə 23-ü oğlan, 21-i qız olmaqla 44 nəfərdir.

Uşaqların övladlığa götürüldüyü ailələrdə inkişafı üçün şəraitin olmasına xüsusi diqqət yetirilir. Bu istiqamətdə ciddi nəzarət həyata keçirilir, övladlığa götürülən uşaqların ailələrdəki vəziyyətinin öyrənilməsi üçün dövri monitorinqlər aparılır.

0