AstraZeneca peyvəndi, arxiv şəkli

Bu koronavirus peyvəndi qanı laxtalandırır

747
(Yenilənib 23:58 11.03.2021)
Beş ölkənin ardınca Danimarka da bu firmanın istehsal etdiyi COVID-19-a qarşı peyvənd preparatının tətbiqini dayandırdı.

BAKI, 12 mart — Sputnik. Bu gündən etibarən Danimarkada koronavirus əleyhinə "AstraZeneca" peyvəndinin tətbiqi dayandırılıb.

"Haberglobal"ın yaydığı məlumata görə, buna səbəb preparatın vurulduğu insanlarda ciddi əlavə təsirlərin müşahidə olunmasıdır. Beləliklə, Avstriya, Lüksemburq, Estoniya, Litva və Latviyadan sonra Danimarka "AstraZeneca" preparatının təhlükəsizliyini şübhə altına alan altıncı ölkə olub. Danimarkanın səhiyyə nazirliyindən bu barədə verilən məlumatda bildirilir ki, ölkədə "AstraZeneca" peyvəndi vurulan insanlarda əlavə təsir kimi qan laxtalanması əmələ gəldiyi üçün preparatın tətbiqinə müvvəqqəti olaraq fasilə verilir.

Qeyd edək ki, bir qədər bundan əvvəl Avropa İttifaqının (Aİ) dərman preparatları üzrə tənzimləyici qurumu olan EMA-dan verilən açıqlamada "AstraZeneca" tərəfindən yeni tip koronavirusa qarşı istehsal olunmuş peyvənd preparatının "ABV5300" nömrəli partiyasının qanda laxtalanmaya səbəb olduğu və bunun bir nəfərin ölümü ilə nəticələndiyi bildirilmişdi. Martın 9-a olan məlumata görə, ümumilikdə Avropa ölkələrində "AstraZeneca" preparatı ilə vaksinasiya olunmuş 3 milyon nəfərdən 22-də qan laxtalanması müşahidə edilib.

1 milyon dozadan ibarət "ABV5300" nömrəli peyvənd partiyası 17 Aİ ölkəsinə göndərilib. Martın 9-dan etibarən yuxarıda adı çəkilən dövlətlər bu peyvənddən istifadəni dayandırıblar.

296 mindən artıq vətəndaşına Oksford Universiteti ilə "AstraZeneca" firması tərəfindən birgə istahsal olunmuş koronavirus peyvəndi vurulan Cənubi Koreyada isə vaksinasiyadan sonra 7 nəfərin dünyasını dəyişməsi səbəbindən cinayət işi açılıb.

747
Teqlər:
Koronavirus, epidemiya, COVID-19

Koronavirus xəstəsi ictimai yerdə aşkarlanıb

6
(Yenilənib 10:03 13.04.2021)
Balakəndə koronavirus xəstəsi polis əməkdaşları tərəfindən ictimai yerdə hərəkətdə olarkən saxlanılıb və evinə geri qaytarılıb.

BAKI, 13 aprel — Sputnik. Balakən Rayon Polis Şöbəsinin əməkdaşları tərəfindən keçirilən müvafiq tədbirlərlə aktiv koronavirus xəstəsi ictimai yerdə aşkarlanıb. Daxili İşlər Nazirliyinin Mətbuat Xidmətinin Şəki regional qrupundan Sputnik Azərbaycan-a verilən məlumata görə, COVID-19 testinin nəticəsi pozitiv olan rayon sakini Natiq İsayevə ev şəraitində müalicə təyin edilməsinə və sanitar-karantin qaydaları izah olunmasına baxmayaraq, o, yaşadığı ünvanı tərk edib. Həmin şəxs polis əməkdaşları tərəfindən ictimai yerdə hərəkətdə olarkən saxlanılıb və evinə geri qaytarılıb.

N.İsayev barəsində Balakən Rayon Polis Şöbəsinin İstintaq bölməsində araşdırma aparılır.

6
Teqlər:
xəstə, Koronavirus, karantin
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Psixoloq iş başında

Polinarkomaniyada artım var

6
(Yenilənib 00:41 13.04.2021)
"Psixostimulyatorlar qrupundan sintetik psixoaktiv maddə olan metamfetaminin və opiatların birlikdə qəbulu istifadəçilərin sinir sistemində kəskin pozuntular yaradır" - Pərvin Məmmədov

BAKI, 12 aprel — Sputnik. Polinarkomaniya hallarında artım var. Sputnik Azərbaycan-ın xəbərinə görə, bu barədə Səhiyyə Nazirliyinin Respublika Narkoloji Mərkəzinin şöbə müdiri Pərvin Məmmədov "Tibb Qəzeti"nə müsahibəsində deyib.

O bildirib ki, son dövrlər polinarkomaniya, yəni iki və daha artıq sintetik, yarımsintetik və təbii narkotik vasitələrin birlikdə qəbulu halları artıb: "Psixostimulyatorlar qrupundan sintetik psixoaktiv maddə olan metamfetaminin və opiatların birlikdə qəbulu istifadəçilərin sinir sistemində kəskin pozuntular yaradır".

O qeyd edib ki, belə hallarda həkim-narkoloqlarla yanaşı, müalicədə həkim-psixoterapevt və həkim-nevropatoloqlara ciddi ehtiyac duyulur.

6
Entoni Hopkins

Entoni Hopkins üçüncü "Tunc maska"sını aldı

0
(Yenilənib 10:42 13.04.2021)
Bu, 83 yaşlı E.Hopkinsin üçüncü "Tunc maska"sıdır. Bundan əvvəl, o, "Kölgələr ölkəsi" ("Shadowlands", 1993) və "Quzuların səssizliyi" ("The Silence of the Lambs", 1990) filmləri üzrə bu nüfuzlu mükafata layiq görülmüşdü.

BAKI, 13 aprel — Sputnik. Britaniyalı aktyor Entoni Hopkins "Ən yaxşı aktyor" nominasiyası üzrə Britaniyanın Film və Televiziya Sənətləri Akademiyasının (BAFTA) mükafatını qazanıb.

Sputnik Azərbaycan xarici mediaya istinadən xəbər verir ki, aktyor bu mükafatı fransalı rejissor Florian Zellerin çəkdiyi və qocalıq, xəstəlik və uşaqlarla münasibətlərdən bəhs edən dram janrlı "Ata" ("The Father", 2020) filmindəki roluna görə əldə edib.

Bu, 83 yaşlı E.Hopkinsin üçüncü "Tunc maska"sıdır. Bundan əvvəl, o, "Kölgələr ölkəsi" ("Shadowlands", 1993) və "Quzuların səssizliyi" ("The Silence of the Lambs", 1990) filmləri üzrə bu nüfuzlu mükafata layiq görülmüşdü.

Hopkinsin builki əsas rəqibi "Ma Reyni: blyuzun anası" ("Ma Rainey's Black Bottom", 2020) filmində rol alan və ötən ilin avqustunda 43 yaşında xərçəng xəstəliyindən vəfat edən amerikalı Çedvik Bouzman olub. Mükafata digər namizədlər "Metalın səsi" ("Sound of Metal", 2019) filmindəki roluna görə britaniyalı Riz Ahmed, "Ağ pələng" ("The White Tiger", 2020) filminə görə hindistanlı Adarş Qurav, həmçinin "Sərxoş" ("Drunk", 2020) filminə görə danimarkalı Mads Mikkelsen və "Mavritaniyalı" ("The Mauritanian", 2021) filminə görə fransız Tahar Rahim idi.

Qeyd edək ki, məşhur aktyor bir neçə dəfə "Oscar", "Qızıl qlobus", "Emmi" və s. mükafatları qazanıb.

0
Teqlər:
Entoni Hopkins, aktyor, mükafat, film