Azərbaycanda koronavirus infeksiyasına qarşı vaksinasiya

Qaydaları kim pozur - Peyvənd vurdurmaq üçün koronavirusa yoluxmalısan?

1420
(Yenilənib 00:22 10.03.2021)
"Əgər sıxlıq yaranırsa, peyvənd məntəqələrinin sayı artırılmalıdır. Çünki sıxlığın yaranması virusa yoluxma təhlükəsi yarada bilər", - infeksionist

Zülfiyyə Quluyeva, Sputnik Azərbaycan

BAKI, 10 mart — Sputnik. Azərbaycanda peyvənd məntəqələrində sıxlıq yaranıb. Hətta bununla bağlı iqtisadçı Samir Əliyev də Facebook sosial şəbəkə hesabında məlumat paylaşıb. İqtisadçı iddia edib ki, koronavirusa qarşı peyvənd vurdurmaq üçün əvvəlcədən randevu götürmək sistemi yaxşı işləmir. Nəticədə həssas qrupa daxil olan insanlar peyvənd vurdurmaq üçün getdikləri yerlərdə uzun növbələrdə dayanır, bir-biri ilə təmasda olurlar.

Sinovac Biotech şirkətinin CoronaVac peyvəndi, arxiv şəkli
© AFP 2021 / MAURO PIMENTEL

Sputnik Azərbaycan vaksin məntəqələrində yaranmış sıxlığın səbəbini və problemdən çıxış yolunu araşdırıb.

İnfeksionist Vüqar Cavadzadə Sputnik Azərbaycan-a açıqlamasında bildirib ki, əslində peyvənd məntəqələrində sıxlığın yaranması vaksin üçün aparılan təbliğatın müsbət nəticə verdiyini göstərir: "Müsbət tərəfi odur ki, insanlar vaksinasiyaya əvvəlki dövrlə müqayisədə daha çox müraciət edirlər. Amma pandemiya dövründə insanlar arasında sosial məsafənin qorunması şərtdir. Bunun üçün mütləq şəkildə insanlar öncə onlayn şəkildə qeydiyyatdan keçməli, daha sonra peyvənd məntəqəsinə yaxınlaşmalıdırlar. İndiki vəziyyət göstərir ki, bu vəziyyəti yaradan elə insanların özləridir. Onlar qeydiyyatdan keçməmiş vaksin məntəqələrinə yaxınlaşırlar. Bu isə sıxlığa səbəb olur. Amma istənilən halda peyvənd məntəqələrində ciddi nəzarət olmalıdır. Buna bəzi poliklinikalarda əməl olunur. Məsələn, mən 20 saylı poliklinikaya getmişdim. Orada qapıdaca insanların temperaturu yoxlanılır. Döşəməyə isə məsafə saxla işarələri vurulub. Bütün poliklinikalarda yaradılmış peyvənd məntəqələrində sosial məsafənin saxlanılmasına nəzarət edilməlidir. Əgər buna rəğmən sıxlıq yaranırsa, peyvənd məntəqələrinin sayı artırılmalıdır. Çünki sıxlığın yaranması virusa yoluxma təhlükəsi yarada bilər".

Azərbaycanlı məşhurlar vaksinasiyadan sonra özlərini necə hiss edirlər>>

Səhiyyə Nazirliyindən isə bildirdilər ki, peyvənd məntəqələrinin sayı kifayət qədərdir. Bütün poliklinikalarda bunun üçün şərait yaradılıb. Sadəcə olaraq insanlar onlayn qeydiyyatdan keçmədən peyvənd məntəqələrinə yaxınlaşdıqlarından belə sıxlıq yaranır.

İcbari Tibbi Sığorta üzrə Dövlət AgentliyiTibbi Ərazi Bölmələrini İdarəetmə Birliyindən isə bildilir ki, “Azərbaycan Respublikasında COVID-19 xəstəliyi əleyhinə 2021-2022-ci illər üçün Vaksinasiya Strategiyası”na uyğun olaraq hazırda 50 yaş və daha yuxarı şəxslərin COVID-19 xəstəliyinə qarşı vaksinasiyası həyata keçirilir. Sözügedən şəxslər https://randevu.its.gov.az/ saytına daxil olaraq, “COVID-19 vaksin randevu” elektron xidmətindən istifadə etməklə koronavirus xəstəliyi əleyhinə vaksinasiya üçün onlayn qaydada növbə götürməlidilər.  Lakin bəzi vətəndaşlar koronavirus xəstəliyi əleyhinə vaksinasiya üçün onlayn növbə götürmədən birbaşa olaraq tibb müəssisəsinə müraciət edirlər. Bu da təbii olaraq, tibb müəssisələrində sıxlığa səbəb olur. Tibb müəssisələrinin əməkdaşları növbədən kənar müraciət edən yaşlı nəslin nümayəndələrini hörmət əlaməti olaraq geri qaytarmamaq üçün onlara da xidmət göstərməli olurlar. Peyvənd məntəqələrində sıxlığın yaranmasına digər bir səbəb onlayn növbə xidmətindən istifadə edən bəzi şəxslərin qeyd olunan randevu vaxtından tez və ya gec müəssisəyə gəlməsi olur. Bu cür halların baş verməməsi üçün qurum vətəndaşlarımızdan bir daha xahiş edir ki, koronavirus xəstəliyi əleyhinə vaksinasiya üçün https://randevu.its.gov.az/ saytından onlayn qaydada növbə götürsünlər və təyin olunan vaxta uyğun məntəqəyə yaxınlaşsınlar. Elektron xidmət vasitəsilə qeydiyyatdan keçməkdə çətinlik çəkən şəxslər isə ərazi üzrə poliklinikaya zəng edə bilərlər. Bu zaman onlara qeydiyyatçılar tərəfindən onlayn növbənin götürülməsi üçün dəstək göstərilir.

Miqrantlar Azərbaycan Dövlət Miqrasiya Xidmətinin həyətində, arxiv şəkli
© State Migration Service of the Republic of Azerbaijan

Qeyd edək ki, peyvənd məntəqəsində sıxlığı əks etdirən görüntülər Xırdalandakı 5 saylı orta məktəbdə çəkilib. Fotoları paylaşan Samir Əliyev bildirib ki, randevu.its.gov.az saytında valideynləri üçün saat 11.00-a vaxt götürüb: “Gəlmişik ki, azı 200 nəfər. 50 nəfər keçib, bizə 221-222-ci sıra verilib. Soruşuram, mənim vaxtım 11.00-dır, niyə mənə yeni nömrə verirsən? Mənə camaatı göstərib deyir ki, bunlar da növbə gözləyirlər, bu qədər camaatı tapdalayıb keçmək istəyirsən? İzah edə bilmirəm ki, mən növbə tutmuşam, heç kimin növbəsinə girmək fikrim yoxdur. TƏBİB deyir ki, vaxtı seçib növbə gözləmədən vaksin vurdur. Ancaq təcrübə göstərir ki, TƏBİB-in camaata yenilik kimi sırıdığı onlayn növbə boş şeydir, işləmir. Hörmətli TƏBİB, yaxşı-yaxşı bax qurduğun sistemin təcrübədə işləməsinə...”

1420
Teqlər:
infeksionist, poliklinika, sıxlıq, vaksinasiya, Koronavirus, epidemiya, COVID-19
Mövzu:
Azərbaycanda COVID-19 əleyhinə vaksinasiya (73)
Koronavirusa qarşı peyvənd, arxiv şəkli

COVID əleyhinə vaksinin üçüncü dozası: o kimlərə vurula bilər?

16
(Yenilənib 19:14 16.05.2021)
Ekspert deyir ki, insana hansı vaksin vurulubsa, üçüncü doza vaksini də həmin peyvənddən vurulmalıdır.

Zülfiyyə Quluyeva, Sputnik Azərbaycan

BAKI, 16 may — Sputnik. "Moderna" şirkəti koronavirusun Braziliya və Cənubi Afrika ştammlarına qarşı üçüncü peyvənd dozasının təsiri barədə açıqlama verib. Məlumata əsasən, tədqiqat iştirakçıları peyvəndin ikinci dozasından səkkiz ay sonra əlavə doza alıblar. 15 gündən sonra analizlər COVID-19-un yeni ştammlarına qarşı anticisimlərin gücləndirilmiş reaksiyasını göstərib. Şirkət əlavə dozaya bədənin dözümlülüyünü də qeyd edib. Tədqiqat nəticələri hələ mütəxəssislər tərəfindən təsdiqlənməyib, şirkət araşdırmalarına davam edəcəyini bildirib.

Qeyd edək ki, Azərbaycanda hazırda koronavirus əleyhinə vaksin iki dozada tətbiq edilir. Amma mütəxəssislər bəzi kateqoriya üçün üçüncü doza peyvəndin tətbiqini mümkün hesab edirlər.

İnfeksionist Vüqar Cavadzadə Sputnik Azərbaycan-a açıqlamasında bildirib ki, koronavirusa qarşı ölkəmizdə hazırda iki doza vaksinin tətbiqi ciddi zərurətdir. V.Cavadzadə bununla belə, hər iki vaksinin yaratdığı immunitetin müddətinin 6 ay təşkil etdiyini söyləyir:

"Üç ay müddətində virusa yoluxma qeydə alınsa belə, xəstələnmə faizi çox aşağı olur. Amma peyvənd edilən insanlar üç aydan sonra xəstələnə bilirlər. Mən hesab edirəm ki, koronavirus cəmiyyətdə davam edərsə, üçüncü doza vaksinin vurulmasına da ehtiyac duyulacaq".

İnfeksionist bunun səbəbini iki doza vaksin olunan şəxslər arasında xəstələnmə hadisəsinin qeydə alınması ilə izah edir: "Dünyada, eləcə də ölkəmizdə də iki doza vaksin olunan şəxslər arasında xəstələnmə halları baş verib. 6 aydan sonra ola bilər ki, risk qrupuna daxil olan şəxslərə üçüncü doza vaksinin vurulmasına ehtiyac yaransın".

V.Cavadzadə deyir ki, vaksin öldürülmüş virus hissəciyidir. Bu antigen bədənə daxil edildikdə antitellər yaranır. Beləcə də xəstəliyə qarşı bədəndə süni immunitet formalaşır. İnfeksionist bildirir ki, bu antitelin 6 aydan sonra qanda azalması, yaxud da yox olub getməsi prosesi baş verir.

Həmsöhbətimiz bildirir ki, Azərbaycanda koronavirus əleyhinə vaksinasiyanın zəif olması ölkəmizdə pandemiyanın arzuolunan səviyyədə aşağı düşməsinə mane olur:

"Azərbaycanda 1 milyondan çox əhali vaksinasiyaya cəlb olunub. Bir sıra ölkələrdə isə bu göstərici 70-80 faizə yaxındır. Çox təəssüf ki, Azərbaycanda vaksinasiya prosesi çox ləng gedir. Kimlər ki risk qrupuna daxildir, həmin şəxslərin üçüncü doza vaksin olunması gündəmə gələ bilər".

Ekspert deyir ki, insana hansı vaksin vurulubsa, üçüncü doza vaksini də həmin peyvənddən vurulmalıdır. Onun sözlərinə görə, eyni vaksindən istifadə daha məqsədəuyğundur.

Milli Məclisin Səhiyyə Komitəsinin üzvü, deputat Müşfiq Məmmədli Sputnik Azərbaycan-a açıqlamasında bildirib ki, peyvənd strategiyasında üçüncü doza vaksinin tətbiqi nəzərdə tutulmayıb. Onun sözlərinə görə, bununla belə dünya ölkələrində, xüsusilə inkişaf etmiş ölkələrdə üçüncü dozanın tətbiqi ilə bağlı müəyyən fikirlər var. Deputat bildirir ki, üçüncü doza möhkəmləndirilmiş vaksin sayılır. Bununla bağlı qərar ancaq pandemiyanın necə davam edəcəyindən asılı olacaq: "Koronavirus əleyhinə üçüncü doza vaksinin tətbiqi üçün pandemiyanın hansı istiqamətdə davam edəcəyini nəzərə almalıyıq. Həmçinin statistik məlumatlar toplanılmalıdır. Əgər pandemiya hazırkı səviyyədə, yəni sönmək istiqamətində davam edərsə, həmçinin vaksinasiya olunmuş insanların sayı kifayət həddə çatarsa, yoluxmaların sayında da azalma olarsa, üçüncü dozaya ehtiyac olmayacaq. Peyvənd olunmuş əhali faizi 70 faizə çatdıqdan sonra üçüncü doza ilə bağlı qəti fikrə gəlmək olar. Azərbaycan və digər yanaşı ölkələrin peyvənd strategiyasında üçüncü doza nəzərdə tutulmayıb. Təbii ki, zamanla buna qərar verilə bilər", - deyə deputat bildirir.

M.Məmmədli deyir ki, peyvəndlənmiş insanların qanındakı antitellərin səviyyəsi mərhələ-mərhələ ölçülür. Onun sözlərinə görə, əgər antitellərin səviyyəsi yenidən xəstələnmə həddinə çatarsa, bu barədə qərar verilə bilər. O bildirir ki, yalnız bundan sonra üçüncü möhkəmləndirmə dozasının vurulması üzərində düşünmək mümkündür.

M.Məmmədli deyir ki, hal-hazırkı peyvənd strategiyasında üçüncü doza vaksinin tətbiqi nəzərdə tutulmasa da, bu istiqamətdə elmi araşdırmalar aparılır.

Eləcə də oxuyun: 

Azərbaycanda koronavirusa yoluxma sayı azalır - RƏSMİ

Ekspertlərdən həyəcan təbili: Məktəblər açılandan sonra epidemik vəziyyət pisləşəcək

Peyvənd vurduranlar arxayınlaşmamalıdırlar

Quterreş vaksinə qarşı davamlı koronavirus mutasiyalarının əmələ gəlməsini istisna etmir

16
Teqlər:
Azərbaycan, doza, vaksinasiya, vaksin, Koronavirus, epidemiya, COVID-19
Mövzu:
Azərbaycanda COVID-19 əleyhinə vaksinasiya (73)
Sinovac Biotech şirkətinin CoronaVac peyvəndi, arxiv şəkli

Ölkədə qədər insan vaksin olunub?

6
(Yenilənib 17:17 16.05.2021)
Azərbaycanda bu günə qədər vurulan vaksinlərin ümumi sayı 1795049, birinci mərhələ üzrə peyvənd olunanların ümumi sayı 1030831 təşkil edir.

BAKI, 16 may — Sputnik. Azərbaycanda bu gün 17623 nəfər vaksinasiya olunub. Sputnik Azərbaycan-ın xəbərinə görə, bu barədə Nazirlər Kabineti yanında Operativ Qərargah məlumat yayıb.

Gün ərzində birinci mərhələ üzrə vaksinasiya olunanların sayı 4455, ikinci mərhələ üzrə vaksinasiya olunanların sayı 13168 nəfər təşkil edib.

Azərbaycanda bu günə qədər vurulan vaksinlərin ümumi sayı 1795049, birinci mərhələ üzrə peyvənd olunanların ümumi sayı 1030831, ikinci mərhələ üzrə vaksinasiya edilənlərin sayı 764218 nəfər təşkil edir.

6
Teqlər:
vaksin, Azərbaycan, vaksinasiya
Mövzu:
Azərbaycanda COVID-19 əleyhinə vaksinasiya (73)
ABŞ hərbçiləri Əfqənistanda

Çin ABŞ qoşunlarının Əfqanıstandan çıxarılmasına qarşıdır

0
(Yenilənib 21:07 16.05.2021)
Faktiki olaraq isə qoşunların çıxarılmasına hələ aprel ayında başlanıb. Ağ Evin rəhbəri Co Bayden bunu ABŞ və Avropa qüvvələrinin Əfqanıstanda dayanıqlı hökuməti nə qurmağa, nə da onu dəstəkləməyə qadir olmaması ilə izah edib.

 

BAKI, 16 may — Sputnik. Çin Xalq Respublikasının xarici işlər naziri Van İ pakistanlı həmkarı Mahmud Qureyşi ilə telefon danışığında ABŞ qoşunlarının Əfqanıstandan çıxarılmasına qarşı tənqidi fikirlər səsləndirib. Sputnik Azərbaycan Rusiya mediasına istinadən xəbər verir ki, çinli nazir Amerika qoşunlarının tez-tələsik çıxarılmasını Əfqanıstanda barışıq prosesinə ciddi zərbə adlandıraraq regionda sabitlik barədə neqativ fikirlərini dilə gətirib.

VAN İ bildirib ki, rəsmi Pekin yaranmış vəziyyətdə BMT-nin "vacib rol oynayacağına", Şanxay Əməkdaşlıq Təşkilatı üzvü olan ölkələrin isə Əfqanıstandakı vəziyyətin qaydaya salınmasına ciddi diqqət yetirəcəyinə ümid etdiyini bildirib.

"Əfqanıstanla qonşu ölkələr qarşılıqlı fəaliyyəti gücləndirməli, bir cəbhə kimi hərəkət etməli və əlaqələndirilmiş addımlar atmalıdırlar", - deyə nazir bildirib.

Çin xarici siyasət idarəsinin rəhbəri həmçinin İslamabadın Əfqanıstanda sülhün əldə olunması istiqamətində addımlarını yüksək qiymətləndirdiyini və Pakistanın ənənəvi olaraq Əfqanıstanla bağlı proseslərdə vacib nüfuza malik olduğunu deyib.

Xatırladaq ki, mayın 8-də ABŞ-ın NATO üzrə müttəfiqləri Əfqanıstandan qoşunların çıxarılmasını ləngitməyi və alyansın digər üzvlərinə bu ölkədən çıxmaq üçün daha çox vaxt verilməsini israrla xahiş ediblər. Bəzi ölkələr Əfqanıstandan qüvvələrini vaxtında çıxara bilməyəcəklərini və buna görə də amerikalı hərbçiləri iyulun 4-dən sonra da Əfqanıstanda saxlamağı xahiş ediblər.

Qeyd edək ki, ABŞ və NATO qoşunlarının Əfqanıstandan çıxarılmasına rəsmən mayın 1-də başlanıb və sentyabrın 11-nə qədər davam etməlidir. Faktiki olaraq isə qoşunların çıxarılması hələ aprel ayında başlanıb. Ağ Evin rəhbəri Co Bayden bunu ABŞ və Avropa qüvvələrinin Əfqanıstanda dayanıqlı hökuməti nə qurmağa, nə da onu dəstəkləməyə qadir olmaması ilə izah edib.

Eləcə də oxuyun: 

ABŞ Əfqanıstandan çıxardığı əsgərləri harada yerləşdirəcək?

WSJ: Avropa ABŞ-dan Əfqanıstandan qoşunların çıxarılmasını ləngitməyi xahiş edir

* Hərbi ekspert Baydenin qərarı barədə: "Bakı Vaşinqtona hava-su kimi lazımdır"

 

0
Teqlər:
qoşunlar, Çin, ABŞ, Pakistan, Əfqanıstan