Bakıda sərtləşdirilmiş xüsusi karantin rejimi

Maska taxmağın belə bir ziyanı da var imiş

285
(Yenilənib 00:45 14.02.2021)
"Təsəvvür edin ki, saunada temperaturu tənzimləyən istilik ötürücüsünün üstünə dəsmal sərmisiniz. Bu zaman ötürücü kifayət qədər istilik ötürmədiyini "fikirləşərək" daha çox buxar verməyə başlayır və saunanı həddən artıq qızdırır".

BAKI, 14 fevral — Sputnik. COVID-19 da daxil olmaqla, hər hansı bir virusun yayılmasının qarşısını almaq üçün maska taxmaq vacibdir. Amma maskanın xeyri olduğu qədər zərəri də var. Corc Meyson Universitetinin Sistemli Biologiya Məktəbinin professoru Ança Baranova RİA Novosti-yə açıqlamasında bildirib ki, maska taxmaq yalnız fiziki narahatlığa səbəb olmur, eyni zamanda bədənin termorequlyasiyasının pozulmasına da gətirib çıxarır. Mütəxəssisin sözlərinə görə, üstəlik, məsələnin psixoloji tərəfləri də var.

"İnsan bir canlı növü olaraq müəyyən xüsusiyyətlərə malikdir. Məsələn, biz bir-birimizin üzünü görməyəndə narahatlıq və stress keçirməyə başlayırıq. Bundan başqa, maska üzə kip şəkildə oturur ki, bu zaman da nəfəs almaq çətinləşir və orqanizmin termorequlyasiya prosesi pozulur", - deyə Baranova vurğulayır.

Mütəxəssis bunu belə izah edir: "Təsəvvür edin ki, saunada temperaturu tənzimləyən istilik ötürücüsünün üstünə dəsmal sərmisiniz. Bu zaman ötürücü kifayət qədər istilik ötürmədiyini "fikirləşərək" daha çox buxar verməyə başlayır və saunanı həddən artıq qızdırır. Maska taxanda da eynilə bu cür proses baş verir. Üzün maska ilə örtülən hissəsində bioloji termo ötürücülər yeləşir. Onlar orqanizmin vəziyyəti ilə bağlı siqnal ötürür. Maska taxanda üzün müəyyən hissəsi isinir və bu zaman orqanizm sizin hərarətinizin qalxdığını nəzərə alaraq, diskomfort siqnalı verməyə başlayır. Ona görə də insanları həmişə maskada gəzməyə məcbur etmək olmaz, arada fasilə vermək lazımdır".

Bununla belə, mütəxəssis indiki vəziyyətdə maskadan imtina etməyi məsləhət görmür.

"Mütləq təhlükəsizliyin ideal dünyasında, koronavirus olmasa belə, maska rejimi vacibdir. Çünki qrip və başqa infeksiyalar da mövcuddur. Həmin infeksiyalar da bəzən ölümcül ola bilər. Buna görə də 100% təhlükəsizlik üçün maskadan həmişə düzgün istifadə etmək lazımdır", - deyə Baranova qeyd edib.

285
Azərbaycanda koronavirus infeksiyasına qarşı vaksinasiya

Poliklinikalarda sıxlıq yaranıb - hörmət edib geri qaytara bilmirlər...

8
(Yenilənib 13:49 05.03.2021)
Tibb müəssisələrinin əməkdaşları növbədənkənar müraciət edən yaşlı nəslin nümayəndələrini hörmət əlaməti olaraq geri qaytarmamaq üçün onlara da xidmət göstərməli olurlar.

BAKI, 5 mart — Sputnik. Azərbaycan Respublikasının Səhiyyə Nazirliyi, İcbari Tibbi Sığorta üzrə Dövlət Agentliyi və Tibbi Ərazi Bölmələrini İdarəetmə Birliyi vaksinasiyada sıxlıqla bağlı açıqlama yayıblar. Sputnik Azərbaycan-a daxil olan məlumatda bildirilir ki, "Azərbaycan Respublikasında COVID-19 xəstəliyi əleyhinə 2021-2022-ci illər üçün Vaksinasiya Strategiyası"na uyğun olaraq hazırda 50 yaş və daha yuxarı şəxslərin COVID-19 xəstəliyinə qarşı vaksinasiyası həyata keçirilir.

Sözügedən şəxslər https://randevu.its.gov.az/ saytına daxil olaraq, "COVID-19 vaksin randevu" elektron xidmətindən istifadə etməklə koronavirus xəstəliyi əleyhinə vaksinasiya üçün onlayn qaydada növbə götürməlidirlər.

Lakin bəzi vətəndaşlar koronavirus xəstəliyi əleyhinə vaksinasiya üçün onlayn növbə götürmədən birbaşa olaraq tibb müəssisəsinə müraciət edirlər. Bu da təbii olaraq, tibb müəssisələrində sıxlığa səbəb olur. Tibb müəssisələrinin əməkdaşları növbədənkənar müraciət edən yaşlı nəslin nümayəndələrini hörmət əlaməti olaraq geri qaytarmamaq üçün onlara da xidmət göstərməli olurlar.

Peyvənd məntəqələrində sıxlığın yaranmasına digər bir səbəb onlayn növbə xidmətindən istifadə edən bəzi şəxslərin qeyd olunan randevu vaxtından tez və ya gec müəssisəyə gəlməsi olur.

Qurumlar bu cür halların baş verməməsi üçün vətəndaşlarımızdan bir daha xahiş ediblər ki, koronavirus xəstəliyi əleyhinə vaksinasiya üçün https://randevu.its.gov.az/ saytından onlayn qaydada növbə götürsünlər və təyin olunan vaxta uyğun məntəqəyə yaxınlaşsınlar.

Elektron xidmət vasitəsilə qeydiyyatdan keçməkdə çətinlik çəkən şəxslər isə ərazi üzrə poliklinikaya zəng edə bilərlər. Bu zaman onlara qeydiyyatçılar tərəfindən onlayn növbənin götürülməsi üçün dəstək göstərilir.

8
Teqlər:
Tibbi Ərazi Bölmələrini İdarəetmə Birliyi, İTSDA, Səhiyyə Nazirliyi, sıxlıq, poliklinika, vaksinasiya, vaksin
Azərbaycanda koronavirus infeksiyasına qarşı vaksinasiya

Emin Əmrullayev peyvənd olunan müəllimlərin sayını açıqladı

7
(Yenilənib 13:09 05.03.2021)
Martın 3-dən Azərbaycanda təhsil işçilərinin koronavirus əleyhinə peyvəndlənməsi prosesi başlayıb. Vaksinasiyada Çinin Sinovac şirkətinin CoronaVac peyvəndindən istifadə olunur

BAKI, 5 mart — Sputnik. "Artıq təhsil işçilərinin vaksinasiyası prosesinin üçüncü günüdür. Bu müddətdə 1000-dən çox müəllimimizin vaksinasiyası həyata keçirilib".

Sputnik Azərbaycan-ın məlumatına görə, bu barədə təhsil naziri Emin Əmrullayev sosial şəbəkədəki hesabında yazıb.

Nazir qeyd edib ki, şagirdlərin davamlı öyrənməsi və təhsil müəssisələrinin mütəmadi fəaliyyətini təmin etmək üçün 50 yaşdan yuxarı pedaqoji və texniki heyətin peyvənd olunması zəruridir: "Birlikdə qısa zaman ərzində bu prosesi uğurla başa çatdıracağımıza inanıram".

Martın 3-dən Azərbaycanda təhsil işçilərinin koronavirus əleyhinə peyvəndlənməsi prosesi başlayıb. Vaksinasiyada Çinin Sinovac şirkətinin CoronaVac peyvəndindən istifadə olunur.

7
Teqlər:
müəllimlər, Sinovac Biotech, vaksinasiya, Azərbaycan
Mövzu:
Azərbaycanda COVID-19 əleyhinə vaksinasiya
İclas zalı, arxiv şəkli

YAP İdarə Heyətindən çıxarılanların SİYAHIsı

7
YAP-ın Siyasi Şurası ləğv olunub. Partiyanın 40 nəfərdən ibarət İdarə Heyəti və Nəzarət Təftiş Komissiyası formalaşdırılıb

BAKI, 5 mart — Sputnik. Yeni Azərbaycan Partiyasının (YAP) İdarə Heyətindən çıxarılan şəxslərin adı məlum olub.

Sputnik Azərbaycan APA-ya istinadən bildirir ki, partiyanın bu gün keçirilmiş qurultayında formalaşdırılan 40 nəfərdən ibarət İdarə Heyətində aşağıdakı şəxslər yer almayıblar:

Ramiz Mehdiyev, Əli Həsənov, Siyavuş Novruzov, Hacıbala Abutalıbov, Vaqif Əliyev, Nurlana Əliyeva, Akif Əlizadə, Yusif Hümbətov, Kərim Kərimov, Abel Məhərrəmov, Əli Həsənov.

Qeyd edək ki, YAP-ın Siyasi Şurası ləğv olunub. Partiyanın 40 nəfərdən ibarət İdarə Heyəti və Nəzarət Təftiş Komissiyası formalaşdırılıb. Partiyada Veteranlar Şurası yaradılıb. Arif Rəhimzadə Veteranlar Şurasının sədri seçilib

 

7
Teqlər:
qurultay, YAP