Kök adam

Ən zərərli pəhriz növləri açıqlandı

263
(Yenilənib 14:53 13.02.2021)
"Bu halda bütün qidalar bağırsağa hazır, həll olmuş şəkildə daxil olur ki, nəticədə də o, qidanın həllinə enerji sərf etmir. Beləliklə, bağırsağın atrofiyası, yəni fəaliyyətdən qalması prosesi baş verir".

BAKI, 13 fevral — Sputnik. Əvvəllər yalnız xəstələr və ya cərrrahiyə əməliyyatı keçirmiş insanlar pəhriz saxlayırdılarsa, son vaxtlar çoxları, xüsusən də orta yaşlı qadınlar müxtəlif dietik prosesləri öz üzərində sınaqdan keçirir və gözəl görünmək naminə sağlamlıqlarından məhrum ola biləcəklərini nəzərə almırlar.

Dietoloq İrina Pisareva "RT"-yə müsahibəsində bildirib ki, hazırda insanlar arasında çox populyar olan pəhriz növlərinin əksəriyyəti sağlamlığa zərbə vura bilər. Onun sözlərinə görə, pəhriz prosedurları içində ən zərərlisi uzun müddət ac qalmaqla arıqlamaq cəhdidir. Xalq arasında buna "fasilə ilə oruc saxlamaq" da deyilir.

"Pəhrizdən sonra adi qaydada qidalanmaya keçəndə insanların 80 faizi əvvəlkindən daha çox yemək yeməyə başlayır. Beləliklə də daha çox çəki alırlar", - deyə mütəxəssis qeyd edib.

Dietoloqun sözlərinə görə, məhdud sayda ərzaq məhsullarının qəbul edilməsini nəzərdə tutan mono-pəhrizlər də bir xeyli təhlükəlidir. Çünki bu halda orqanizm lazımi vitamin və mineralları ala bilmir, nəticədə bədənin immuniteti aşağı düşür və insanın ümumi vəziyyəti pisləşir.

Mütəxəssis yalnız meyvə-tərəvəz şirələri və smuzilərin qəbulu ilə məhdudlaşan detoks-dietaların zərərindən də danışıb.

"Bu halda bütün qidalar bağırsağa hazır, həll olmuş şəkildə daxil olur ki, nəticədə də o, qidanın həllinə enerji sərf etmir. Beləliklə də, bağırsağın atrofiyası, yəni fəaliyyətdən qalması prosesi baş verir", – deyə həkim vurğulayıb.

263
Koronavirus testi, arxiv şəkli

Azərbaycanda koronavirus: Yoluxanların sayı bir günə iki dəfəyədək artdı

6
İndiyədək ölkədə ümumilikdə 233 989 nəfərin koronavirus infeksiyasına yoluxması faktı müəyyən edilib, onlardan 228 479 nəfər müalicə olunaraq sağalıb, 3 213 nəfər vəfat edib.

BAKI, 26 fevral — Sputnik. Azərbaycanda bu gün koronavirus infeksiyasına 219 yeni yoluxma faktı qeydə alınıb, 180 nəfər müalicə olunaraq sağalıb və evə buraxılıb. Bu barədə Sputnik Azərbaycan-a Nazirlər Kabineti yanında Operativ Qərargahdan məlumat verilib.

Bildirilib ki, son sutkada 4 nəfər COVID-19-dan vəfat edib.

İndiyədək ölkədə ümumilikdə 233 989 nəfərin koronavirus infeksiyasına yoluxması faktı müəyyən edilib, onlardan 228 479 nəfər müalicə olunaraq sağalıb, 3 213 nəfər vəfat edib. Hazırda 2 297 aktiv xəstə var.

Son sutka ərzində yeni yoluxma hallarının müəyyənləşdirilməsi ilə əlaqədar 6908, bu günə qədər isə ümumilikdə 2 583 362 test icra olunub.

Qeyd edək ki, fevralın 25-də Azərbaycanda koronavirus infeksiyasına 126 yeni yoluxma faktı qeydə alınmış, 3 nəfər “COVID-19”dan vəfat etmişdi.

6
Teqlər:
Koronavirus, epidemiya, COVID-19

Azərbaycanda koronavirus statistikası: rəqəmlər azalır

21
İndiyədək ölkədə ümumilikdə 233 770 nəfərin koronavirus infeksiyasına yoluxması faktı müəyyən edilib, onlardan 228 299 nəfər müalicə olunaraq sağalıb, 3 209 nəfər vəfat edib

BAKI, 25 fevral — Sputnik. Azərbaycanda son sutkada koronavirus infeksiyasına 126 yeni yoluxma faktı qeydə alınıb, 142 nəfər müalicə olunaraq sağalıb və evə buraxılıb.

Sputnik Azərbaycan-ın məlumatına görə, barədə Nazirlər Kabineti yanında Operativ Qərargah məlumat yayıb. Son sutkada 3 nəfər “COVID-19”dan vəfat edib.

İndiyədək ölkədə ümumilikdə 233 770 nəfərin koronavirus infeksiyasına yoluxması faktı müəyyən edilib, onlardan 228 299 nəfər müalicə olunaraq sağalıb, 3 209 nəfər vəfat edib. Hazırda 2 262 aktiv xəstə var.

Son sutka ərzində yeni yoluxma hallarının müəyyənləşdirilməsi ilə əlaqədar 5 438, bu günə qədər isə ümumilikdə 2 576 545 test icra olunub.

21
Teqlər:
yoluxma, azalma, statistika, Azərbaycan, Koronavirus, epidemiya, COVID-19
Mövzu:
Azərbaycanda koronavirus: son xəbərlər

Şaxtalı fevral gecəsi bütün ailəsini itirən 81 yaşlı kişinin dəhşətli xatirələri

0
Xocalı faciəsinin şahidi 81 yaşlı Baloğlan Allahyarov bu qanlı gecədəki hadisələri heç zaman unutmayacağını bildirir. Həmin şaxtalı gecənin dəhşətli xatirələrindən biri ilə videomuzda tanış ola bilərsiniz.

Xocalıdan əli yalın, başıaçıq çıxanda Baloğlan Allahyarovun 51 yaşı vardı. Şaxtalı fevral gecəsi o da ailəsi ilə birgə ermənilərin qətliamından qurtulmağa çalışırdı. Həmin gecə o da dəhşətli faciə yaşadı. 21 yaşlı oğlu Etibarı, 20 yaşlı gəlini Çiçəyi və həyat yoldaşı Qəmzə xanımı itirdi. Yeganə övladı Etibar Allahyarov o zaman Xocalı aeroportu istiqamətində itkin düşüb. 81 yaşlı Baloğlan kişi indiyədək onun nə ölüsü, nə dirisi haqda xəbər ala bilmir. Baş verən hadisədən 29 il ötsə də, Xocalı sakini o gecəni heç vaxt yaddan çıxara bilmədiyini deyir.

Onun sözlərinə görə, ermənilər uşaq, qadın, ahıl demədən hər kəsi işgəncə ilə öldürüblər. Çobanın cibindən Quran kitabı çıxanda isə onu yandırmaq haqda əmr veriblər.

Baloğlan Allahyarov, Xocalı sakini: "Ordan - yamacın başından qumbaranı bizim başımıza atdılar. Torpağı necə sovurdusa... Bax, elə bil, mən burada oturmuşam, 40-50 nəfər orada. Baxdım gördüm ki, məndən aşağıdakıların hamısının başını elə bil toyuğun başı kimi kəsib üzürlər. Bax elə üzüblər. Başları, əlləri parçalandı. O vaxt ferma müdiri işləyirdim. Təvəkkül adında bir çobanım vardı, laçınlı idi. Onu tutmuşdular. Cibindən Quran kitabı tapmışdılar deyə onu odlamışdılar".

Xocalıda doğmalarını itirdikdən sonra Ağdam rayonuna pənah gətirən Baloğlan Allahyarov daha sonra Mingəçevir şəhərində məskunlaşır. Ölkə başçısı İlham Əliyev nur şəhərinə səfəri zamanı Xocalı sakininin evində olub.

 

0