Stetoskop, arxiv şəkli

İcbari tibbi sığortada özəl klinikaların kənarda qalması prosesə necə təsir edir

137
(Yenilənib 08:21 08.02.2021)
Ekspert icbari tibbi sığorta üzrə xidmətlərin keyfiyyətindən, əlçatanlıq məsələsindən və bu sahədə çətinliklərdən danışıb.

Xalid Məmmədov, Sputnik Azərbaycan

BAKI, 8 fevral — Sputnik. 2021-ci il üçün icbari tibbi sığortanın xidmətlər zərfinə daxil olan xidmətlərin sayı açıqlanıb. İcbari Tibbi Sığorta üzrə Dövlət Agentliyinin Departament rəhbəri Vüqar Qurbanov bu il üçün xidmətlər zərfinə 2800-dən çox xidmətin daxil edildiyini deyib: "Bu, yalnız tibbi xidmətlərlə bağlıdır. Bura digər müalicə növləri daxil edildikdə, bu say 3000-dən çox olacaq".

Qeyd edək ki, Nazirlər Kabinetinin 2020-ci il 10 yanvar tarixli Qərarı ilə təsdiq edilmiş “İcbari tibbi sığorta üzrə Xidmətlər Zərfi”nə 2550 sayda müxtəlif tibbi xidmət daxil edilib. Beləliklə, bu il tibbi xidmətlərin sayında artım olacaq.

Bəs, bu xidmətlərin keyfiyyəti necədir və əlçatandırmı?

"İqtisadi və Sosial İnkişaf Mərkəzi" İctimai Birliyinin sədr müavini Rəşad Həsənov Sputnik Azərbaycan-a deyib ki, hələlik bu proses tam formalaşmayıb, işlər aparılır: "Burada müəyyən çətinliklər var. Çətinliklərdən biri inzibatçılıq ilə bağlıdır. Bəzi hallarda müraciətlərə baxılma xeyli vaxt aparır. Bu da xüsusilə təcili xidmətlərə ehtiyacı olanlar üçün çətinlik yaradır. Digər məsələ xidmətin keyfiyyəti ilə bağlıdır. Çünki peşəkar həkimlərin bu prosesə cəlb edilməsində hələlik çətinlik var. Özəl klinikada yüksək gəlir əldə edən peşəkar həkim nəyə görə nisbətən az gəlirlə dövlət müəssisəsində çalışmalıdır?"

"Digər bir problem hələlik özəl sahənin bu prosesdən kənarda qalmasıdır. Bu, rəqabəti nisbətən zəiflədir. Düzdür, özəl sektor ilə müəyyən əməkdaşlıq hiss olunur. Xüsusilə pandemiya dövründə özəl xəstəxanalara yönləndirmələr oldu. Lakin növbəti mərhələdə bu istiqamətdə konkret qərarlar verilməli, dayanıqlı mexanizm yaradılmalıdır. Vətəndaş seçim edə bilməlidir", - deyə ekspert qeyd edib.

Onun sözlərinə görə, icbari tibbi sığortanın xidmətlər zərfinə daxil olan xidmətlərin sayının mərhələli şəkildə artırılması anlaşılandır: "İcbari tibbi sığorta haqlarının yığımları artdıqca, müştəri bazası genişləndikcə xidmətlərin sayı daha da arta bilər. Ümumilikdə xidmətlərin keyfiyyətinin daha da artırılması yaxşı olardı. İcbari tibbi sığortanın bu ilin sonunadək mərhələli şəkildə bütün ölkə ərazisində tətbiq edilməsi nəzərdə tutulur".

"Tibbi xidmətlər üzrə xərcin müəyyən qismini icbari tibbi sığorta fondu, müəyyən qismini isə vətəndaşın özü kompensasiya edir. Bu, dünya təcrübəsində də belədir. Birmənalı şəkildə bütün xərclərin ödənilməsi problemlərə gətirir, sığorta mexanizmindən sui-istifadə halları yaranır. Bəzi hallarda 100 faiz sığorta yalnız könüllü sığorta şirkətləri tərəfindən həyata keçirilir. Burada belə xərcin ən az 5 faizi vətəndaşın üzərinə qoyulur", - deyə o əlavə edib.

137
Koronavirusa qarşı peyvənd Pfizer-BioNTech, arxiv şəkli

İcbari Tibbi Sığorta üzrə Dövlət Agentliyi ÜST-ə etirazını bildirdi

170
Agentlik: Azərbaycanın “Pfizer-BioNTech” vaksinlərini əldə edəcək 18 ölkə siyahısına daxil edilməməsi aydın deyil

BAKI, 4 mart - Sputnik. İcbari Tibbi Sığorta üzrə Dövlət Agentliyi (Agentlik) Azərbaycanın COVAX platforması çərçivəsində “Pfizer-BioNTech” vaksinlərini əldə edəcək 18 ölkə siyahısına daxil edilməməsi barədə Ümumdünya Səhiyyə Təşkilatının (ÜST) qeydi ilə razı deyil.

Agentlikdən bildirilib ki, ÜST tərəfindən verilən məlumatda 29 yanvar tarixinədək COVID-19 peyvənd proqramına başlamış iştirakçı ölkələr “Pfizer-BioNTech” peyvəndinin birinci müstəsna paylanma mərhələsinə daxil edilmədiyi qeyd olunub:

“Bu əsaslandırma aydın deyil və bununla bağlı müddəalar heç bir hüquqi sənəddə və rəsmi yazışmalarda öz əksini tapmayıb. Azərbaycan ÜST-ün tövsiyələrini nəzərə alaraq vaksinasiya strategiyasını təsdiqləyib və vaksinlərin qəbulu üçün bütün texniki tələbləri yerinə yetirib.

Ötən il yaradılmış COVAX platformasının “SARS-CoV-2” virusuna qarşı vaksinlərin hazırlanması təşəbbüsünü yüksək qiymətləndirən və bu əməkdaşlığa ilk qoşulan 50 ölkədən biri də məhz Azərbaycan Respublikasıdır”.

Məlumatda qeyd olunub ki, Azərbaycan vaksinlərin dünya ölkələri arasında ədalətlilik və həmrəylik prinsipləri ilə bölgüsünün tərəfdarıdır:

“Təəssüflə qeyd etmək istərdik ki, təcrübədə bunun əksini görürük.

Bir daha vurğulayırıq ki, Azərbaycan ilk gündən ÜST-ün tövsiyələrinə uyğun fəaliyyət göstərməklə yanaşı, COVID-19-la mübarizə çərçivəsində həyata keçirilən əməkdaşlıqlara öz töhfəsini vermişdir və vətəndaşlarının sağlamlığı üçün qarşıya qoyulmuş bütün öhdəlikləri yerinə yetirməyə bu gün də davam edir”.

Bildirilib ki, COVAX-la yazışmalarda Azərbaycanın bu vaksinləri infrastruktur baxımından qəbul etməyə tam hazır olduğu bildirilib:

“Bu gün COVAX layihəsi faktiki olaraq öz öhdəliklərini yerinə yetirə bilmir. Vaksinlərin düzgün paylaşdırılmasında ədalətsiz yanaşma birbaşa bu layihənin icrasında ciddi problemlərin olmasından xəbər verir.  Hesab edirik ki, COVAX layihəsi çərçivəsində bu proses nəzarətdə saxlanılmalı və istehsalçı şirkətlər qarşısında konkret tələblər qoyulmalıdır. 

Agentlik mövqeyini COVAX-a göndərilən rəsmi məktubda bildirib və təşəbbüskar qurumları qərara yenidən baxmağa çağırıb”.

170
AstraZeneca vaksini, arxiv şəkli

Azərbaycana "AstraZeneca" peyvəndi gətiriləcək

13
(Yenilənib 19:12 04.03.2021)
Azərbaycanda 2021-ci il yanvarın 18-dən əhalinin risk qrupuna aid kateqoriyasının vaksinasiyasına başlanılıb. Vaksinasiyada əsasən Çinin SinoVac şirkətinin CoronaVac peyvəndindən istifadə olunur.

BAKI, 4 mart — Sputnik. Azərbaycana COVID-19 əleyhinə 432 min doza "AstraZeneca" peyvəndi gətiriləcək. Sputnik Azərbaycan-ın xəbərinə görə, bu barədə Ümumdünya Səhiyyə Təşkilatının (ÜST) Avropa regionu üzrə ofisinin rəhbəri Hans Kluqe media nümayəndələri üçün keçirilən brifinqdə deyib.

ÜST rəsmi bildirir ki, peyvəndin ayrılması və tədarükü, peyvəndin çatdırılması müvafiq şəkildə tənzimlənir.

Azərbaycanda 2021-ci il yanvarın 18-dən əhalinin risk qrupuna aid kateqoriyasının vaksinasiyasına başlanılıb. Vaksinasiyada əsasən Çinin SinoVac şirkətinin CoronaVac peyvəndindən istifadə olunur.

13
Teqlər:
Azərbaycan, Koronavirus, epidemiya, COVID-19, AstraZeneca, peyvənd
Mövzu:
Azərbaycanda COVID-19 əleyhinə vaksinasiya
Oğlan, arxiv şəkli

Daha bir telefon mağazasından oğurluq olub

0
Yasamal ərazisindəki mağazaların birindən 10.000 manat dəyərində 20 ədəd mobil telefon oğurlamaqda şübhəli bilinən əvvəllər dəfələrlə məhkum olunmuş A.Yusifov saxlanılıb.

BAKI, 4 mart — Sputnik. Yasamalda telefon mağazasından 10.000 manat dəyərində mobil telefon, moped və 2 ədəd motosiklet oğurlayan şəxslər saxlanılıblar. Bu bardəə Daxili İşlər Nazirliyindən Sputnik Azərbaycan-a verilən məlumatda bildirilib.

Qeyd olunub ki, Yasamal Rayon Polis İdarəsinin (RPİ) 27-ci Polis Bölməsinin (PB) əməkdaşlarının keçirdikləri əməliyyat-axtarış tədbirləri nəticəsində rayon ərazisindəki mağazaların birindən 10.000 manat dəyərində 20 ədəd mobil telefon oğurlamaqda şübhəli bilinən əvvəllər dəfələrlə məhkum olunmuş A.Yusifov saxlanılıb. Saxlanılan şəxsin ətrafında aparılmış tədbirlərlə onun paytaxt sakini Kamil Xasıyevlə birgə Bakı şəhər sakini olan 1 nəfərin mopedini, 2 şəxsin isə “Yamaha” və “Haojue” markalı motosikletlərini qaçırmaları da müəyyən edilib. Bölmə əməkdaşları tərəfindən həyata keçirilən əməliyyat-axtarış tədbirləri nəticəsində K.Xasiyev də saxlanılaraq istintaq təqdim edilib.

Faktla bağlı 27-ci Polis Bölməsində saxlanılan şəxslər barəsində toplanan materiallar Yasamal RPİ-nin İstintaq Şöbəsinə göndərilib, araşdırmalar davam etdirilir. 

0