Qrafiti, arix şəkli

Koronavirusa ikinci dəfə yoluxma necə baş verir

43
(Yenilənib 00:30 17.01.2021)
Bəzi hallarda xəstəlikdən sağalıb evə yazılan pasiyentlərin verdikləri testlər mənfi nəticə göstərsə də, həmin şəxslərin xəstəxanadan çıxandan 4-17 gün sonra yenidən koronavirusa yoluxduğu qeydə alınıb.

BAKI, 17 yanvar — Sputnik. Dünyada COVID-19 pandemiyası başlayandan bu yana ən çox müzakirə olunan məqamlardan biri də koronavirusa ikinci dəfə yoluxmanın mümkün olub-olmamasıdır. Tibb sahəsi üzrə fəaliyyət göstərən elm adamları, nəhayət, bu suala konkret cavab verə biliblər.

Sputnik Azərbaycan "Komsomolskaya Pravda"ya istinadla xəbər verir ki, alimlərin nəzəriyyəsinə görə, xəstəlik bədənə yayılan vaxt bəzi viruslar hüceyrələrarası mayenin - eksozomların içindəki qovuqcuqda "gizlənə" bilir və orqanizm xəstəliyə qalib gələndən sonra yenidən üzə çıxır. Koronavirus infeksiyasından ölən xəstələrin toxuma nümunələrinin təhlilləri göstərir ki, COVID-19 infeksiyası da yoluxmuş hüceyrələrin qovuqcuqlarına nüfuz etməyə qadirdir. Bununla yanaşı, alimlər eksozomların içərisində koronavirusun yalnız fərdi hissəciklərini deyil, bütöv kütləsini də aşkarlayıblar.

Qeyd edək ki, koronavirusa yoluxmuş xəstələrlə bağlı bəzi nəticələr bu nəzəriyyəni təsdiqləyir. Müəyyən hallarda xəstəlikdən sağalıb evə yazılan pasiyentlərin verdikləri testlər mənfi nəticə göstərsə də, həmin şəxslərin xəstəxanadan çıxandan 4-17 gün sonra yenidən koronavirusa yoluxduğu qeydə alınıb.

Mütəxəssislər bu səbəbdən COVID-19-a yoluxub sağalmış insanların da qoruyucu vasitələrdən istifadə etməsinin və maska taxmasının vacibliyini vurğulayırlar. Peyvənd olunan şəxslərin maska taxıb-taxmaması məsələsi isə hələlik müzakirə mərhələsindədir.

43
Teqlər:
təkrar yoluxma, Koronavirus, epidemiya, COVID-19
Mövzu:
Yeni tip koronavirus pandemiyası (628)
Jenevada Ümumdünya Səhiyyə Təşkilatının mənzil-qərargahı, arxiv şəkli

Hələ tələsməyin - ÜST məsləhət görmür

20
Bu yaxınlarda Avropa Komissiyası İttifaq ölkələrinə gələnlərdən koronavirusdan peyvənd olunma barədə sertifikat (pasport) tələb olunacağını açıqlamışdı.

BAKI, 3 mart - Sputnik. Ümumdünya Səhiyyə Təşkilatı koronavirusdan peyvənd olunma barədə pasportların tətbiqini ölkələrə hələ ki tövsiyə etmir. 

Sputnik Azərbaycan bildirir ki, bu barədə ÜST-ün rusiyadakı nümayəndəsi Melita Vuynoviç RİA Novosti-yə deyib.

"ÜST bildirib ki, hazırda bu cür pasportların (COVID vaksini barədə) tətbiqini məsləhət görmür, amma əlbəttə ki, ölkələr öz yolları ilə gedirlər, hamı çalışır ki, əhalinin daha çox hərəkiliyini təmin eləsin", - Vuynoviç bildirib.

Onun sözlərinə görə, tez və ya gec ÜST belə bir tövsiyə verəcək, üstəlik bu məsələdə ölkələrlə əməkdaşlığa da başlayacaq. 

Qeyd edək ki, bu yaxınlarda Avropa Komissiyası İttifaq ölkələrinə gələnlərdən koronavirusdan peyvənd olunma barədə sertifikat (pasport) tələb olunacağını açıqlamışdı. Hazırlıq prosesinin 3 ay ərzində yekunlaşacağı bildirilir. 

20
Sinovac Biotech şirkətinin CoronaVac peyvəndi, arxiv şəkli

Azərbaycanda da tətbiq olunan "CoronaVac" peyvəndi qədər effektlidir?

14
(Yenilənib 18:34 03.03.2021)
Türkiyədə aparılan xüsusi elmi tədqiqatdan sonra peyvənd preparatının ən çox rast gəlinən əlavə təsirləri də müəyyənləşdirilib

 

BAKI, 3 mart — Sputnik. Türkiyədə Çinin "Sinovac" şirkətinin istehsal etdiyi "CoronaVac" peyvəndinin 3-cü faza nəticələri açıqlanıb. Sputnik Azərbaycan Türkiyənin NTV kanalına istinadla xəbər verir ki, həmin nəticələrə əsasən, "CoronaVac" preparatı COVID-19-a qarşı 83,5 faiz effektlidir. Eyni zamanda, peyvəndin yoluxmuş şəxslərin xəstəxanaya düşməsinin qarşısını 100 faiz aldığı müəyyənləşdirilib. Bu barədə elmi tədqiqat Türkiyənin Hacettepe Universitetində aparılıb.

Sputnik / ruptly / Sputnik V @sputnikvaccine / Macarıstan XİN

Yayılan məlumatda "CoronaVac" peyvəndinin əlavə təsirləri də sadalanır. Bunların sırasında birinci yeri ümumi əzginlik tutur. Peyvənd olunanların 9,8 faizində bu hal müşahidə olunub. Bundan başqa, vaksinasiya olunanlarda baş ağrısı (7,6%), əzələ ağrısı (3,8%), qızdırma (2,5 %), titrəmə (2,4%) də qeydə alınıb. Ən çox rast gəlinən lokal xarakterli əlavə təsir isə inyeksiya yerində bir müddət ağrı hissinin qalmasıdır.

Qeyd edək ki, Azərbaycanda da vaksinasiya prosesi Çinin "Sinovac" şirkətinin istehsal etdiyi "CoronaVac" peyvəndi ilə aparılır. Nazirlər Kabineti yanında Operativ Qərargahdan verilən son məlumata görə, indiyə kimi ölkəmizdə yeni koronavirus (COVID-19) infeksiyasına qarşı ümumilikdə 313,582 nəfər peyvəndlənmə prosesində iştirak edib. Hazırda vaksinasiya prosesi respublikanın bütün rayonlarında davam etdirilir.

 

14
Teqlər:
Sinovac Biotech, peyvənd, Koronavirus, epidemiya, COVID-19
Türkiyənin Cobra zirehli maşını, arxiv şəkli

Türkiyə minaya davamlı yeni zirehli maşınını göstərdi - VİDEO

0
Cobra zirehli maşınlarının əvvəlki versiyaları 15 ölkədə, o cümlədən Azərbaycanda, Gürcüstanda və Qazaxıstanda istifadə olunur. 

BAKI, 3 mart - Sputnik. Türkiyənin Otokar şirkəti Cobra sinfindən olan, mina əleyhinə müdafiə ilə təmin olunmuş təkərli zirehli Cobra II MRAP avtomobilini nümayiş etdirib. 

Sputnk Azərbaycan Anadolu agentliyinə istinadən bildirir ki, Cobra II MRAP ekipajı ballistik, mina və əldəqayırma partlayıcı təhlükəsindən qoruyur. 

​Zirehli maşının xüsusi konstruksiyası, təmir və xidmətin asanlığı hətta döyüş şəraitində belə onu tam və sürətli yığıb-sökməyə imkan verir. 

Zirehli maşında 11 sərnişin yerləşir, tələbə görə, üç və ya beş qapılı ola bilər.

Cobra zirehli maşınlarının əvvəlki versiyaları 15 ölkədə, o cümlədən Azərbaycanda, Gürcüstanda və Qazaxıstanda istifadə olunur. 

0