Çarpayıda qadın, arxiv şəkli

Gecə tərləmələrinin səbəbi bir neçə həkimin dilindən

5
(Yenilənib 23:05 13.01.2021)
Həkim: "Otağınızı gündə ən azı iki dəfə havalandırın, antidepresanlardan imtina edin, nazik paltarda yatın, limonaddan imtina edin və sakit əhval-ruhiyyəni qoruyun".

BAKI, 12 yanvar — Sputnik. Gecə tərləməsi bir çox xəstəliyin ümumi simptomudur.

Sputnik Azərbaycan xarici mətbuata istinadla xəbər verir ki, ancaq hər gecə tərləməsini xəstəlik əlaməti olaraq qəbul etmək də düzgün deyil.

Gecələr tərləməmək üçün hər bir insan üçün optimal olan otaq temperaturunu tənzimləmək lazımdır.

Gecə həddindən artıq tərləmə hipertoniya, işemiya, tromboflebit, miokard infarktı, revmatizm kimi ciddi ürək-damar xəstəliklərinin səbəbi ola bilər.

Bu barədə kardioloq Oleq Volkov danışıb. O, bildirib ki, xəstəliklər zamanı bədən stresli bir vəziyyəti əks etdirir və xəstəliklə mübarizə aparmaq üçün avtonom sinir sistemini aktivləşdirir. Əzələlər sıxılır, tənəffüs sürətlənir, bədən yapışqanlığı müşahidə edilir. Ovuc və qasıq nahiyələrində tər yaranır.

Artan hiperhidroz digər xəstəlikləri də əks etdirdiyi üçün düzgün diaqnoz qoymaq vacibdir. Bunun üçün bədənin geniş diaqnostikası tələb olunur. Ultrasəs, elektrokardiogram, maqnetik rezonans görüntüləmə və ya kompüter tomoqrafiyasından keçmək lazımdır.

Gecə tərləməsinin dəqiq səbəbini müəyyən etmək üçün tibbi müayinə keçirilməlidir. Bu simptom spesifik olmadığı üçün virus, endokrin, yoluxucu xəstəliklər barədə siqnal ola bilər.

Ancaq vərəmlə birlikdə tərləmə ilə yanaşı xəstələrdə öskürək, arıqlama və yüksək hərarət də müşahidə edilir.

"Praktik olaraq sətəlcəm, bronxopnevmoniya, plevrit, infeksion mononukleoz, Parkinson xəstəliyindən əziyyət çəkən bütün xəstələrdə şiddətli tərləmə müşahidə edilir" - bu barədə isə həkim Andrey Kondraxin danışıb.

Andrey Kondraxin qeyd edir ki, temperaturu süni şəkildə endirmək olmaz. Yüksək temperatur zamanı tərləmə çox olur və bu bədənin mübarizəsidir. Bu halda mütəxəssisə müraciət etmək mütləqdir.

Uşaqlarda gecə tərləmələri (xüsusən də başın arxasında) D vitamini çatışmazlığını, həmçinin anadangəlmə ürək xəstəliyini və ya beyin iflicinin əlaməti ola bilər. 3 yaşdan 12 yaşa qədər uşaqlarda gecə tərləməsinin ümumi səbəbi gecə qorxusudur.

Andrey Kondraxinin sözlərinə görə, sadalanan xəstəliklərə yanaşı, diabet xəstələrində də gecə tərləmələri müşahidə edilir. Lakin bunun yanında xəstədə zəiflik, aclıq hissi də olur. Gecə tərləmələri sistematikdirsə (xroniki), tibbi müayinədən keçməlisiniz. Bu hal xüsusi pəhrizlə də aradan qaldırıla bilər.

"Otağınızı gündə ən azı iki dəfə havalandırın, antidepresanlardan imtina edin, nazik paltarda yatın, limonaddan imtina edin və sakit əhval-ruhiyyəni qoruyun" - deyə həkim vurğulayıb.

Həkim Oleq Volkovun bildirdiyinə görə isə, ürək-damar sistemi ilə əlaqəli təsdiqlənmiş problemlər halında gecə tərləmələrini azaltmaq üçün mütəmadi olaraq, duş qəbul etmək, balanslı pəhriz saxlamaq, bədəni həddindən artıq fiziki fəaliyyətlə yükləməmək, stresdən çəkinmək lazımdır.

5
Sputnik V peyvəndi, arxiv şəkli

"Rusiya pul dalınca qaçmır": Avropada "Sputnik-V" peyvəndinin müdafiəsinə qalxdılar

18
(Yenilənib 17:59 18.01.2021)
Qərb "hekayəçiləri" illərdir Rusiyanın elm sahəsindəki inkişafını inkar etdiklərindən, indi bu ölkənin peyvənd yaratdığını eşidəndə təəccüblənirlər.

BAKI, 18 yanvar — Radio Sputnik. Rusiya koronavirus pandemiyasının qarşısını almağa qadir dərman hazırlayıb; "Monde diplomatique" fransız qəzetinin ispan nəşrinin yazdığına görə, Qərbdə rus elmi ilə bağlı cəhalət hökm sürür.

"Qərbin "Sputnik-V" peyvəndinin yaradılmasına laqeyd və şübhəli yanaşması Rusiyanın elmi ənənələri haqqında məlumatsızlıqdan irəli gəlir. "Dil, mədəni və siyasi fərqliliklərdən qaynaqlanan bu cəhalət Rusiyadakı təşəbbüslərə şübhə ilə yanaşır", – deyə jurnalist vurğulayır.

O qeyd edib ki, preparatın işlənib-hazırlanması Rusiyadakı elmi axtarışların bütöv bir tarixi elmi inkişaf zəncirinin nəticəsidir. Jurnalistin sözlərinə görə, Qərb "hekayəçiləri" illərdir Rusiyanın elm sahəsindəki inkişafını inkar etdiklərindən, indi bu ölkənin peyvənd yaratdığını eşidəndə təəccüblənirlər.

"ABŞ və Avropa Şurası kimi əczaçılıq laboratoriyalarının öz dərmanlarına astronomik qiymətlər qoyduğu ölkələrdən fərqli olaraq, Rusiya pul dalınca qaçmır", – deyə Federiko Kusko qeyd edir.

Onun sözlərinə görə, hazırda müxtəlif ölkələrdə "Sputnik-V" ilə bağlı geniş yayılmış bu cür şübhələr 50 ildən sonra heç kimin yadına düşməyəcək.

18

Koronavirusla mübarizənin yeni mərhələsi: Bakıda vaksinasiya necə başladı

28
(Yenilənib 17:02 18.01.2021)
Paytaxtın tibb müəssisələri koronavirusa qarşı hamıdan əvvəl peyvənd olunan şəxsləri qəbul etdi. Bunun necə baş verdiyini videoda izləyin.

Azərbaycanda vaksinasiya Çinin “CoronaVac” preparatından istifadə olunmaqla aparılır. Bu gün həmin preparat səhiyyə işçiləri və dövlət qurumlarında çalışanlar üzərində sınaqdan keçirildi. Daha sonra yaşı 65-dən yuxarı olan vətəndaşlar və hüquq-mühafizə orqanlarının pandemiyaya qarşı tədbirlərə cəlb olunmuş əməkdaşları peyvənd olunacaqlar.

Azərbaycanın tibb müəssisələrində peyvənd zonası yaradıldı - Reportaj >>

Qeyd edək ki, könüllü şəkildə peyvənd olunmaq istəyən vətəndaşlar bunun üçün elektron sistem vasitəsilə yaşayış yerlərinə ən yaxın tibb məntəqəsini və vaxtı seçməlidir. Lakin bundan əvvəl sahə həkiminin qəbulunda olmaq vacibdir.

28
Avtomat və güllələlər, arxiv şəkli

Qazax sakinində silah aşkarlanıb

0
(Yenilənib 00:11 19.01.2021)
Götürülən maddi sübutlar müvafiq ekspertizaya təqdm edilib, faktlarla bağlı XPŞ-nin İstintaq Qrupunda cinayət işi başlanılıb, araşdırmalar davam etdirilir.

BAKI, 18 yanvar — Sputnik. Nəqliyyatda Baş Polis İdarəsinin Narkotiklərlə Mübarizə Şöbəsinin və Dəmir Yolu Nəqliyyatında Polis İdarəsinin Gəncə st. Xətt Polis Şöbəsinin (XPŞ) əməkdaşlarının daxil olan məlumat əsasında keçirdikləri əməliyyat-axtarış tədbirləri nəticəsində qanunsuz olaraq narkotik vasitə saxlamaqda və gəzdirməkdə şübhəli bilinən, Qazax şəhər sakini, Afiq Məmmədov XPŞ-yə gətirilib.

Sputnik Azərbaycan Daxili İşlər Nazirliyinin Mətbuat Xidmətinin Gəncə regional qrupundan verilən məlumata istinadla xəbər verir ki, onun üzərində şəxsi axtarış keçirilən zaman əlində olan, göy rəngli politelen torbanın içərisindən 455 qram narkotik vasitə olan qurudulmuş "marixuana" aşkar edilərək götürülüb.

Afiq Məmmədovun ətrafında keçirilən istintaq-əməliyyat tədbirləri nəticəsində onun Qazax şəhər ərazisindəki qəbirstanlıqda odlu silah gizlətməsi də məlum olub. Polis əməkdaşlarının həmin əraziyə keçirdiyi baxış zaman oradan bir ədəd istifadəyə yararlı "AKM-72" tipli avtomat və həmin avtomata aid 4 ədəd patron aşkar edilərək götürülüb.

Götürülən maddi sübutlar müvafiq ekspertizaya təqdm edilib, faktlarla bağlı XPŞ-nin İstintaq Qrupunda cinayət işi başlanılıb, araşdırmalar davam etdirilir.

0