Koronavirus testi üçün burundan götürülən yaxma, arxiv şəkli

Qadınların koronavirusla başqa dərdi var

22
(Yenilənib 01:29 21.12.2020)
Qadın sağlamlığı üzrə mütəxəssis, terapevt həkim Luiza Nyuson bildirib ki, COVID-19-un uzun müddət davam edən başgicəllənməsi, yorğunluq, diqqətin pozulması kimi əlamətləri menopauza üçün də xarakterikdir

BAKI, 21 dekabr - Sputnik. Yüzlərlə qadın koronavirusun yeni nəticəsi ilə üz-üzə qalıb: menopauza vaxtından əvvəl başlayır.

Sputnik Azərbaycan bildirir ki, onların bu problemi haqda Daily Mail yazıb.

Tabloid yazır ki, Somersetdən olan 46 yaşlı Doun Nayt martda Tailanda səyahətdən qayıdarkən koronavirusa yoluxub. Həftələrlə öskürüb, boğulub və özünü zəif hiss edib. Eyni vaxta da aybaşı dövrü dayanıb.

"COVID-19-un əlamətləri dəhşətli idi, özü də aylarla sürdü, divandan güclə qalxırdım, odur ki, aybaşının olmamasına elə də diqqət yetirmədim", - qadın deyib.

Bir neçə ay sonra məlum olub ki, Naytda COVID-19-un uzunmüddətli forması inkişaf edib - yəni o, başqaları üçün təhlükəli olmasa da, simptomların bəziləri qalmışdı. İyunda onda yeni ağırlaşmalar müşahidə olundu - nəbzi artdı, əllərində, ayaqlarında yanma hissi peyda oldu. Həkimə gedən qadının qan analizlərindən belə məlum oldu ki, estrogen, progesteron kimi reproduktiv hormonlar, eləcə də follikulları stimullaşdıran hormon (FSH) "postmenopauza" mərhələsindədir. "Həkim də mənə postmenopauza diaqnozu qoydu", - deyən Nayt bildirir ki, qohumlarındakı qadınlarda bu dövr ən azı 50 yaşında başlayıb. 

COVID-19-a yoluxan başqa qadınlarda eyni nəticə üzə çıxıb. Facebook səhifəsində uzun müddət COVID simptomları olan insanların qrupunda müzakirə aparan qadınlar aybaşının qəfildən kəsilməsi barədə məlumatlar veriblər. 100-dən çox qadının iştirak etdiyi sorğuda onların 80%-i menstrual dövrün ya dəyişdiyini, ya da tamamilə kəsildiyini bildirib.

Qadın sağlamlığı üzrə mütəxəssis, terapevt həkim Luiza Nyuson bildirib ki, COVID-19-un uzun müddət davam edən başgicəllənməsi, yorğunluq, diqqətin pozulması kimi əlamətləri menopauza üçün də xarakterikdir, bu isə hər iki hal arasında müəyyən əlaqənin olduğundan xəbər verir.

22
Teqlər:
problem, qadınlar, Koronavirus, epidemiya, COVID-19
Mövzu:
Yeni tip koronavirus pandemiyası (576)
Sinovac CoronaVac peyvəndi, arxiv şəkli

Azərbaycanda COVID-19-a qarşı peyvəndin vurulacağı tarix açıqlandı

55
(Yenilənib 18:48 15.01.2021)
İbrahim Məmmədov bildirib ki, sərtləşdirilmiş karantin rejiminin yumşaldılıb-yumşaldılmaması barədə isə məlumatı yoxdur.

BAKI, 15 yanvar — Sputnik. Azərbaycanda vaksinasiyanın başlayacağı tarix açıqlanıb. Sputnik Azərbaycan-ın məlumatına görə, bu barədə Nazirlər Kabinetinin Mətbuat Xidmətinin rəhbəri İbrahim Məmmədov TRT Avaz-a müsahibəsində deyib.

O bildirib ki, gələn həftənin əvvəli Azərbaycanda vaksinasiyaya başlanılacaq: "Həm Türkiyə, həm də Azərbaycan Çin istehsalı peyvənd alıb. Azərbaycan Türkiyə ilə eyni vaksinləri alır. Bütün məsələlərdə olduğu kimi, bu məsələdə də Azərbaycan Türkiyə ilə həmrəylik nümayiş etdirdi".

İ.Məmmədov bildirib ki, sərtləşdirilmiş karantin rejiminin yumşaldılıb-yumşaldılmaması barədə isə məlumatı yoxdur.

55
Teqlər:
brifinq, Azərbaycan, peyvənd, Koronavirus, epidemiya, COVID-19
Koronavirus xəstəsi, arxiv şəkli

Şüa ilə koronavirusu müalicə etmək təhlükəlidir

8
(Yenilənib 01:13 15.01.2021)
"Bir insanı radiasiya ilə müalicə etməyə ehtiyac yoxdur. Müxtəlif radiasiya növləri mövcuddur. Rentgen şüaları və ultrabənövşəyi şüaların fərqi çox böyükdür"

BAKI, 15 yanvar — Sputnik. Koronavirusun radiasiya dozaları ilə müalicəsi təhlükəli ola bilər. Radiasiya və ultrabənövşəyi şüalardan səthləri və havanı dezinfeksiya etmək daha yaxşıdır. Sputnik Azərbaycan Rusiya mətbuatına istinadla xəbər verir ki, bu barədə tibb elmləri doktoru, virusoloq Anatoli Altşteyn danışıb.

Rusiya və Özbəkistandan olan elm adamları zəif dozalı radiasiyanın koronavirusu və mutasiyalarını insana zərər vermədən məhv edə biləcəyini müəyyən ediblər.

Bu barədə əvvəllər Ural Federal Universitetinin mətbuat xidməti də məlumat vermişdi.

Universitetdən verilən məlumata görə, COVID-19-a radiasiya təsirinin tədqiqi Ural Federal Universiteti və Özbəkistan Respublikası Elmlər Akademiyasının alimləri tərəfindən aparılır. Birgə tədqiqatlar zamanı yumşaq rentgen və ultrabənövşəyi şüalanmanın koronavirusa təsirinin xüsusiyyətləri aşkar olunub.

"Bir insanı radiasiya ilə müalicə etməyə ehtiyac yoxdur. Müxtəlif radiasiya növləri mövcuddur. Rentgen şüaları və ultrabənövşəyi şüaların fərqi çox böyükdür", - deyə Altşteyn bildirib.

Belə ki, bir insana içindəki koronavirusu öldürə biləcək dozada şüa verilərsə, onun özünə zərər vermək ehtimalı böyükdür.

Virusoloq buna alternativ olaraq qeyd edib: "Səthləri şüalandırmaq ən yaxşı dezinfeksiyadır. Havada bir virusu ultrabənövşəyi şüalarla öldürmək olar". 

8
Teqlər:
təhlükə, radiasiya, şüa, Koronavirus, epidemiya, COVID-19
Mövzu:
Yeni tip koronavirus pandemiyası (576)
Türkiyə Prezidenti Rəcəb Tayyib Ərdoğan koronavirusdan peyvənd vurdurur

Ərdoğan koronavirus peyvəndindən sonra: "Sapsağlamam"

0
(Yenilənib 00:05 16.01.2021)
Türkiyə Prezidentinə yanvarın 14-də Çinin "Sinovac" şirkətinin istehsalı olan "CoronaVac" vaksini vurulub.

BAKI, 16 yanvar — Sputnik. Bu ana qədər hər hansı bir yan təsiri olmayıb. Sputnik Azərbaycan "Hurriyet" nəşrinə istinadən xəbər verir ki, bunu Türkiyə Prezidenti Rəcəb Tayyib Ərdoğan jurnalistlərə açıqlamasında bildirib.

"Bu ana qədər hər hansı bir yan təsiri olmayıb. Sapsağlamam. 28 gün sonra ikinci iynəmizi vurduracağıq", - deyə Ərdoğan qeyd edib.

Qeyd edək ki, Türkiyə Prezidenti Rəcəb Tayyib Ərdoğan canlı yayımda koronavirusa qarşı peyvənd edilib.

Türkiyə Prezidentinə Çinin "Sinovac" şirkətinin istehsalı olan "CoronaVac" vaksini vurulub.

0