Bu da alimlər maska boş şeydir...

63
"Əgər bəzi adamlar müdafiə vasitələrindən düzgün istifadə etmirlərsə, onların effektivliyini müəyyənləşdirmək çətindir"

BAKI, 20 dekabr – Sputnik. Maska taxmaqla koronavirus pandemiyasının qarşısını almaq mümkün deyil.

Sputnik Azərbaycan bildirir ki, bu fenomeni The Daily Mail-in rəyini soruşduğu alimlər izah ediblər.

Edinburq Universitetinin virusoloqu Pol Diqard xatırladıb ki, infeksiya hava-damcı yolu ilə yayılır. Əgər insan asqırır və ya öskürürsə, infeksiya havaya düşür. Virus hissəcikləri çox xırdadır və parçanı asanlıqla keçir. Ancaq virus iri su damcılarının içində olanda maneəni keçə bilmir.

Maskalar o zaman effektivdir ki, onları düzgün taxasan – yəni adamın ağzı da, burnu da örtülü olmalıdır. Bunu isə London Gigiyena və Tropik Tibb Məktəbinin professoru Cimmi Uitvort deyib. Əgər bəzi adamlar müdafiə vasitələrindən düzgün istifadə etmirlərsə, onların effektivliyini müəyyənləşdirmək çətindir.

“Biz maskaların hansı effekt verdiyini dəqiq bilmirik. Amma ağlımız diktə edir ki, onları taxmaq lazımdır”, - professor əlavə edib.

Bu ərəfədə amerikalı alimlər hansı maskaların pandemiya zamanı daha effektli olduğunu araşdırıblar. Tədqiqatın nəticələrinə görə, müxtəlif tip maskalar bir-birindən ciddi şəkildə fərqlənir. Beləliklə, virusdan ən yaxşı qoruyan N95 maskasıdır. İkinci yerdə bağları olan cərrahiyyə maskaları və üzərində neylon coraba oxşayan əlavə müdafiə qatı olan, rezin qulplu maskalardır.

Məişət maskaları sırasında ikiqat neylon maskalar daha effektlidir. Pambıq bandana, balaklava (yalnız göz və ağız yeri açıq olan baş geyimi, “oğru papağı” – red.) və poliesterdən olan maskalar isə yarıbayarı az qoruyur. Ən keyfiyyətsizlər isə toxunmamış polipropilendən olan və üçqat pambıq maskalar hesab olunub.

63
Teqlər:
Böyük Britaniya, effekt, yoluxma, alimlər, Koronavirus, epidemiya, COVID-19, maska
Mövzu:
Yeni tip koronavirus pandemiyası (576)
Sinovac CoronaVac peyvəndi, arxiv şəkli

Azərbaycanda COVID-19-a qarşı peyvəndin vurulacağı tarix açıqlandı

55
(Yenilənib 18:48 15.01.2021)
İbrahim Məmmədov bildirib ki, sərtləşdirilmiş karantin rejiminin yumşaldılıb-yumşaldılmaması barədə isə məlumatı yoxdur.

BAKI, 15 yanvar — Sputnik. Azərbaycanda vaksinasiyanın başlayacağı tarix açıqlanıb. Sputnik Azərbaycan-ın məlumatına görə, bu barədə Nazirlər Kabinetinin Mətbuat Xidmətinin rəhbəri İbrahim Məmmədov TRT Avaz-a müsahibəsində deyib.

O bildirib ki, gələn həftənin əvvəli Azərbaycanda vaksinasiyaya başlanılacaq: "Həm Türkiyə, həm də Azərbaycan Çin istehsalı peyvənd alıb. Azərbaycan Türkiyə ilə eyni vaksinləri alır. Bütün məsələlərdə olduğu kimi, bu məsələdə də Azərbaycan Türkiyə ilə həmrəylik nümayiş etdirdi".

İ.Məmmədov bildirib ki, sərtləşdirilmiş karantin rejiminin yumşaldılıb-yumşaldılmaması barədə isə məlumatı yoxdur.

55
Teqlər:
brifinq, Azərbaycan, peyvənd, Koronavirus, epidemiya, COVID-19
Koronavirus xəstəsi, arxiv şəkli

Şüa ilə koronavirusu müalicə etmək təhlükəlidir

8
(Yenilənib 01:13 15.01.2021)
"Bir insanı radiasiya ilə müalicə etməyə ehtiyac yoxdur. Müxtəlif radiasiya növləri mövcuddur. Rentgen şüaları və ultrabənövşəyi şüaların fərqi çox böyükdür"

BAKI, 15 yanvar — Sputnik. Koronavirusun radiasiya dozaları ilə müalicəsi təhlükəli ola bilər. Radiasiya və ultrabənövşəyi şüalardan səthləri və havanı dezinfeksiya etmək daha yaxşıdır. Sputnik Azərbaycan Rusiya mətbuatına istinadla xəbər verir ki, bu barədə tibb elmləri doktoru, virusoloq Anatoli Altşteyn danışıb.

Rusiya və Özbəkistandan olan elm adamları zəif dozalı radiasiyanın koronavirusu və mutasiyalarını insana zərər vermədən məhv edə biləcəyini müəyyən ediblər.

Bu barədə əvvəllər Ural Federal Universitetinin mətbuat xidməti də məlumat vermişdi.

Universitetdən verilən məlumata görə, COVID-19-a radiasiya təsirinin tədqiqi Ural Federal Universiteti və Özbəkistan Respublikası Elmlər Akademiyasının alimləri tərəfindən aparılır. Birgə tədqiqatlar zamanı yumşaq rentgen və ultrabənövşəyi şüalanmanın koronavirusa təsirinin xüsusiyyətləri aşkar olunub.

"Bir insanı radiasiya ilə müalicə etməyə ehtiyac yoxdur. Müxtəlif radiasiya növləri mövcuddur. Rentgen şüaları və ultrabənövşəyi şüaların fərqi çox böyükdür", - deyə Altşteyn bildirib.

Belə ki, bir insana içindəki koronavirusu öldürə biləcək dozada şüa verilərsə, onun özünə zərər vermək ehtimalı böyükdür.

Virusoloq buna alternativ olaraq qeyd edib: "Səthləri şüalandırmaq ən yaxşı dezinfeksiyadır. Havada bir virusu ultrabənövşəyi şüalarla öldürmək olar". 

8
Teqlər:
təhlükə, radiasiya, şüa, Koronavirus, epidemiya, COVID-19
Mövzu:
Yeni tip koronavirus pandemiyası (576)
Türkiyə Prezidenti Rəcəb Tayyib Ərdoğan koronavirusdan peyvənd vurdurur

Ərdoğan koronavirus peyvəndindən sonra: "Sapsağlamam"

0
(Yenilənib 00:05 16.01.2021)
Türkiyə Prezidentinə yanvarın 14-də Çinin "Sinovac" şirkətinin istehsalı olan "CoronaVac" vaksini vurulub.

BAKI, 16 yanvar — Sputnik. Bu ana qədər hər hansı bir yan təsiri olmayıb. Sputnik Azərbaycan "Hurriyet" nəşrinə istinadən xəbər verir ki, bunu Türkiyə Prezidenti Rəcəb Tayyib Ərdoğan jurnalistlərə açıqlamasında bildirib.

"Bu ana qədər hər hansı bir yan təsiri olmayıb. Sapsağlamam. 28 gün sonra ikinci iynəmizi vurduracağıq", - deyə Ərdoğan qeyd edib.

Qeyd edək ki, Türkiyə Prezidenti Rəcəb Tayyib Ərdoğan canlı yayımda koronavirusa qarşı peyvənd edilib.

Türkiyə Prezidentinə Çinin "Sinovac" şirkətinin istehsalı olan "CoronaVac" vaksini vurulub.

0