Xəstə qız, arxiv şəkli

Evdə müalicə alan COVID xəstələrinə lazımi dərmanlar verilmir? - "500-600-ə tapmaq olur"

797
(Yenilənib 16:21 26.11.2020)
Qalib Əsədov bildirir ki, həmçinin Bakıda COVID-19 xəstəsi ilə kontaktda olan ailə üzvlərindən test yoxlamalarının aparılması dayandırılıb

Zülfiyyə Quluyeva, Sputnik Azərbaycan

BAKI, 26 noyabr — Sputnik. Tanınmış həkim Qalib Əsədov Azərbaycanda COVID-19 xəstəliyindən evdə müalicə alan xəstələrə verilən dərman preparatlarının azlığından şikayətlənib. Sputnik Azərbaycan-ın məlumatına görə, Q.Əsədov facebook sosial şəbəkəsindəki hesabında Türkiyədə və Azərbaycanda evdə müalicə alan COVID-19 xəstələrinə pulsuz verilən dərman preparatlarının müqayisəli şəklini paylaşıb.

O bildirib ki, antiviral preparatlar Azərbaycanda koronavirus xəstələrinə verilmir. Q.Əsədov həmçinin koronavirusa yoluxmuş şəxslərin ailə üzvlərinin koronavirusa görə test yoxlaması aparılmasının dayandırıldığını bildirib: "Birinci şəkildə evdə müalicə olunan COVID-19 xəstəsinə Türkiyədə verilən müalicə paketidir. Göründüyü kimi, bu xəstələrdə effekti sübut olunan antiviral preparat da (favicovir) qoyulub. İkinci şəkildə Azərbaycanda evdə müalicə olunan belə xəstəyə verilən müalicə paketidir. Heç bir antiviral dərman yoxdur. Zərər yox.

Heç olmasa, apteklərə verin, insanlar öz pulu ilə alsınlar. Bizdə bu dərmanı tapmaq mümkündür deyənlərlə tam razıyam. Bəzən 500-600 manata tapmaq olur. Amma düzü, yerini mən də bilmirəm. Sadəcə, belə eşitmişəm. Həmçinin Bakıda COVID-19 xəstəsi ilə kontaktda olan ailə üzvlərindən test yoxlamalarının aparılması dayandırılıb. Bunu bu gün mənə şəhər poliklinikasından dedilər. Testlərimiz, deyəsən, qurtarmaq üzrədir. Kim özünü yoxlatmaq istəyirsə, özəllərə müraciət edə bilər".

Tibbi Ərazi Bölmələrini İdarəetmə Birliyinin (TƏBİB) ictimaiyyətlə əlaqələr və PR-marketinq şöbəsinin məsləhətçisi Elnarə Baxış məsələnin araşdırılacağını, sorğuya cavab veriləcəyini bildirdi.

797
Teqlər:
qiymət, aptek, həkim, dərmanlar, Koronavirus, epidemiya, COVID-19
Mövzu:
Azərbaycanda koronavirus: son xəbərlər (386)
Sinovac CoronaVac peyvəndi, arxiv şəkli

Azərbaycanda COVID-19-a qarşı peyvəndin vurulacağı tarix açıqlandı

55
(Yenilənib 18:48 15.01.2021)
İbrahim Məmmədov bildirib ki, sərtləşdirilmiş karantin rejiminin yumşaldılıb-yumşaldılmaması barədə isə məlumatı yoxdur.

BAKI, 15 yanvar — Sputnik. Azərbaycanda vaksinasiyanın başlayacağı tarix açıqlanıb. Sputnik Azərbaycan-ın məlumatına görə, bu barədə Nazirlər Kabinetinin Mətbuat Xidmətinin rəhbəri İbrahim Məmmədov TRT Avaz-a müsahibəsində deyib.

O bildirib ki, gələn həftənin əvvəli Azərbaycanda vaksinasiyaya başlanılacaq: "Həm Türkiyə, həm də Azərbaycan Çin istehsalı peyvənd alıb. Azərbaycan Türkiyə ilə eyni vaksinləri alır. Bütün məsələlərdə olduğu kimi, bu məsələdə də Azərbaycan Türkiyə ilə həmrəylik nümayiş etdirdi".

İ.Məmmədov bildirib ki, sərtləşdirilmiş karantin rejiminin yumşaldılıb-yumşaldılmaması barədə isə məlumatı yoxdur.

55
Teqlər:
brifinq, Azərbaycan, peyvənd, Koronavirus, epidemiya, COVID-19
Koronavirus xəstəsi, arxiv şəkli

Şüa ilə koronavirusu müalicə etmək təhlükəlidir

8
(Yenilənib 01:13 15.01.2021)
"Bir insanı radiasiya ilə müalicə etməyə ehtiyac yoxdur. Müxtəlif radiasiya növləri mövcuddur. Rentgen şüaları və ultrabənövşəyi şüaların fərqi çox böyükdür"

BAKI, 15 yanvar — Sputnik. Koronavirusun radiasiya dozaları ilə müalicəsi təhlükəli ola bilər. Radiasiya və ultrabənövşəyi şüalardan səthləri və havanı dezinfeksiya etmək daha yaxşıdır. Sputnik Azərbaycan Rusiya mətbuatına istinadla xəbər verir ki, bu barədə tibb elmləri doktoru, virusoloq Anatoli Altşteyn danışıb.

Rusiya və Özbəkistandan olan elm adamları zəif dozalı radiasiyanın koronavirusu və mutasiyalarını insana zərər vermədən məhv edə biləcəyini müəyyən ediblər.

Bu barədə əvvəllər Ural Federal Universitetinin mətbuat xidməti də məlumat vermişdi.

Universitetdən verilən məlumata görə, COVID-19-a radiasiya təsirinin tədqiqi Ural Federal Universiteti və Özbəkistan Respublikası Elmlər Akademiyasının alimləri tərəfindən aparılır. Birgə tədqiqatlar zamanı yumşaq rentgen və ultrabənövşəyi şüalanmanın koronavirusa təsirinin xüsusiyyətləri aşkar olunub.

"Bir insanı radiasiya ilə müalicə etməyə ehtiyac yoxdur. Müxtəlif radiasiya növləri mövcuddur. Rentgen şüaları və ultrabənövşəyi şüaların fərqi çox böyükdür", - deyə Altşteyn bildirib.

Belə ki, bir insana içindəki koronavirusu öldürə biləcək dozada şüa verilərsə, onun özünə zərər vermək ehtimalı böyükdür.

Virusoloq buna alternativ olaraq qeyd edib: "Səthləri şüalandırmaq ən yaxşı dezinfeksiyadır. Havada bir virusu ultrabənövşəyi şüalarla öldürmək olar". 

8
Teqlər:
təhlükə, radiasiya, şüa, Koronavirus, epidemiya, COVID-19
Mövzu:
Yeni tip koronavirus pandemiyası
Türkiyə Prezidenti Rəcəb Tayyib Ərdoğan koronavirusdan peyvənd vurdurur

Ərdoğan koronavirus peyvəndindən sonra: "Sapsağlamam"

0
(Yenilənib 00:05 16.01.2021)
Türkiyə Prezidentinə yanvarın 14-də Çinin "Sinovac" şirkətinin istehsalı olan "CoronaVac" vaksini vurulub.

BAKI, 16 yanvar — Sputnik. Bu ana qədər hər hansı bir yan təsiri olmayıb. Sputnik Azərbaycan "Hurriyet" nəşrinə istinadən xəbər verir ki, bunu Türkiyə Prezidenti Rəcəb Tayyib Ərdoğan jurnalistlərə açıqlamasında bildirib.

"Bu ana qədər hər hansı bir yan təsiri olmayıb. Sapsağlamam. 28 gün sonra ikinci iynəmizi vurduracağıq", - deyə Ərdoğan qeyd edib.

Qeyd edək ki, Türkiyə Prezidenti Rəcəb Tayyib Ərdoğan canlı yayımda koronavirusa qarşı peyvənd edilib.

Türkiyə Prezidentinə Çinin "Sinovac" şirkətinin istehsalı olan "CoronaVac" vaksini vurulub.

0