Bu qış ağır keçəcək: COVID-19 digər xəstəliyi unutdurub, amma o da öldürür

101
(Yenilənib 09:26 01.11.2020)
Mütəxəssislərin hesablamalarına görə, qrip heç də adamları COVID-19-dan az öldürmür. Ona görə də poliklinikalara gedib peyvənd etdirməkdə fayda var.

Zülfiyyə Quluyeva, Sputnik Azərbaycan

BAKI, 1 noyabr - Sputnik. Payız fəsli ilə bağlı dünyanın bir sıra ölkələrində qripə qarşı peyvəndləməyə başlanılıb. Vaksinasiya tədbirləri koronavirus pandemiyası dövründə qripə yoluxmanın qarşısını almaq məqsədi daşısa da, bəzi ölkələrdə qrip peyvəndinin əks effekt verdiyinə dair məlumatlar yayılıb.

Xarici KİV-lərin Cənubi Koreyanın Səhiyyə və Sosial Rifah Nazirliyinə istinadən yaydığı məlumata görə, məcburi qrip peyvəndindən sonra 13 nəfər ölüb. Bu barədə ilk ölüm hadisəsinin 16 oktyabrda İnçxon şəhərində baş verdiyi bildirilir. 17 yaşlı məktəbli peyvənddən bir müddət sonra vəfat edib. Onun ardınca Seulda, Kenqido qəsəbəsində və digər bölgələrdə oxşar hadisələr baş verib. Qeyd edilir ki, ölənlərin əksəriyyəti yaşlı insanlardır.

Həkimlər bildiriblər ki, ən azı altı hadisədə istintaq peyvəndlə insanların ölümü arasında birbaşa əlaqəni aşkar etməyib. Ən çox görülən yan təsirlərdən olan anafilaktik şok ehtimalı üçün də testlər mənfi nəticə verib. Eyni zamanda, peyvəndlərdə heç bir zəhərli maddə tapılmayıb. Bu baxımdan, ölkənin Səhiyyə Nazirliyi COVİD-19 pandemiyası fonunda bu il məcburi olan qrip peyvəndinin dayandırılması üçün bir səbəb olmadığını düşünür. Azərbaycanda da ilkin mərhələdə risk qrupuna aid olan şəxslərə vaksinlərin vurulmasına başlanılıb.

Onu da qeyd edək ki, mütəxəssislərin hesablamalarına görə, qrip heç də adamları COVID-19-dan az öldürmür. Çünki qrip insan orqanizmində çoxsaylı xəstəliklərin yaranmasının əsasını qoyur. Ona görə də, öz təhlükəlilik dərəcəsinə görə, heç də koronalı oxşarından geri qalmır.

Sputnik Azərbaycan qripə qarşı peyvəndlərin təhlükəsini araşdırıb.

İnfeksionist Nilufər Məmmədova Sputnik Azərbaycan-a açıqlamasında bildirib ki, qrip-influenza virusları tərəfindən törədilən yoluxucu xəstəlikdir. Onun sözlərinə görə, hər kəs qripə yoluxa bilər:

"Hər bir şəxsdə qrip müxtəlif faktorların təsirindən fərqli təzahür edə bilər. Qrip məlum olan risk qruplarında ağırlaşmalarla müşahidə olunur. Bu risk qrupuna 65 yaşdan yuxarı şəxslər, istənilən yaşda xroniki xəstəliyi olanlar, o cümlədən, astma, diabet, ürək-damar, onkoloji və s. xəstəliyi olanlar, hamilə qadınlar və 5 yaşdan kiçik uşaqlar daxildir. Risk qrupuna daxil olan şəxslərin, həmçinin, risk qrupuna daxil olan şəxslərə qulluq edən və ya onlarla birlikdə yaşayanların həkim müayinəsindən keçdikdən sonra qrip əleyhinə vaksinasiya olunmaları məsləhətdir".

Ancaq infeksionist deyir ki, bəzi insanlar qrip əleyhinə vaksinasiya olunmamalı, ya da zərurət yarandıqda ciddi həkim nəzarəti altında olunmalıdır: "Xüsusən də, yumurta ağı zülalına qarşı şiddətli allergiyası olanlar, əvvəlki qrip vaksininə qarşı allergiyası olanlar, əvvəlki qrip vaksinindən sonra 6 həftə ərzində Guillan- Barre sindromu inkişaf edən şəxslər, yüksək hərarəti olanlar, 6 aydan kiçik uşaqların vaksinasiya olunması məsləhət görülmür".

N. Məmmədovanın sözlərinə görə, COVID-19-a yoluxmuş şəxslərin qrip əleyhinə vaksinasiya olunmasında heç bir problem yoxdur:

"COVID-19 xəstəliyini keçirib sağalan şəxslərdə qrip xəstəliyinə qarşı heç bir qoruyuculuq yaranmır. Ona görə də, Covid-19 keçirdikdən sonra əgər yüksək hərarət davam etmirsə və şəxs qrip xəstəliyinin ağırlaşmalarına görə risk qrupuna daxildirsə, həkim müayinəsindən sonra qrip əleyhinə vaksinasiya olunması məsləhətdir".

İnfeksionist bildirirb ki, vaksinin sentyabr- oktyabr aylarında olması məsləhət görülür. Nilufər Məmmədovanın sözlərinə görə, vaksin sayəsində xəstəliyin ağırlaşmalarının qarşısı alınır. İnfeksionist onu da nəzərə çatdırır ki, vaksin yalnız həkim müayinəsindən sonra tibb müəssisələrində olunmalıdır!

Qeyd edək ki, risk qrupu dedikdə xüsusi olaraq tibb işçiləri nəzərdə tutulur. Çünki tibb personalı hər zaman olduğu kimi xəstələrlə təmasda olur və xəstələnmə riski onlarda daha yüksəkdi. Həmçinin xroniki ağ ciyər xəstəlikləri olan şəxslər də qeydiyyatda olduqları rayon üzrə poliklinikalara yaxınlaşıb peyvənd vurdura bilərlər.

TƏBİB-in şöbə müdiri Yaqut Qarayevanın sözlərinə görə, Azərbaycana gətirilən yeni peyvəndlər hər bir şəxs üçün nəzərdə tutulub. Bu vaksinlərin koronavirusla heç bir əlaqəsi yoxdur, yalnız qrip xəstəliklərinə qarşı vurulur.

Qeyd edək ki, bütün respublika üzrə bir ay müddətində aparılan vaksinasiya tədbirləri ödənişsiz olaraq dövlət hesabına həyata keçiriləcək. Səhiyyə Nazirliyinin İSİM-in şöbə müdiri Səbinə Babazadə də Sputnik Azərbaycan-a bildirib ki, peyvəndlər dövlət hesabına əhaliyə vurulacaq:

"Dozasına görə, vaksinlərin həm keyfiyyəti, həm qiyməti, həm də saxlanılması qaydaları fərqli olur. Ölkəyə gətirilən bu vaksinlər çox keyfiyyətlidirlər. Nazirlik tərəfindən alınan bu peyvəndlər risk qrupunda olan bütün tibb işçilərinə, yaşı 65-dən yuxarı olan şəxslərə, hamilələrə və 6 aydan yuxarı olan uşaqlara vurulacaq. Digər qruplar isə özləri könüllü olaraq peyvənd üçün müraciət edə bilərlər".

101
Teqlər:
Tibbi Ərazi Bölmələrini İdarəetmə Birliyi, TƏBİB, peyvənd, vaksinasiya, Koronavirus, epidemiya, COVID-19, qrip
Əlaqədar
Qrip və kəskin respirator virus infeksiyaları ilə bağlı nazirlikdən açıqlama
Baş epidemioloqdan çağırış: Qrip virusuna yoluxanlar qalın geyinsin
Pnevmoniya, qrip, zökəm – infeksiyalardan qorunmaq üçün ...
Terapevtdən xəbərdarlıq: Qrip üçün olan toz dərmanları qarışdırıb içməyin
Çinli alimdən dəhşətli xəbərdarlıq: Koronavirus qrip kimi yayıla bilər
Qrip və koronavirus – Fərq nədədir  
Professor: “Pandemiya dövründə qrip əleyhinə vaksinasiya daha da aktuallaşır”
Rusiyada həkim

Şimal qonşumuzda bir gündə 300-dən çox adam koronavirusdan öldü

11
Dünyada koronavirus infeksiyasına indiyədək yoluxanların sayı 62,7 milyonu keçib, 1,45 milyondan çox adam isə virus səbəbilə ölüb

BAKI, 30 noyabr — Sputnik. Son bir sutka ərzində Rusiyada 26 338 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 368 nəfər ölüb.

Ümumilikdə, Rusiyada bu xəstəliyə yoluxanların sayı 2 milyon 295 654 nəfərə çatıb. Rusiyada pandemiya yayılandan 39895 nəfər COVID-19-dan vəfat edib. Ölkədə bu virusdan sağalanların sayı 1778704-ə çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 62,7 milyonu keçib, 1,45 milyondan çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

11
Teqlər:
Rusiya, Koronavirus, COVID-19
Plazma olan paketlrə, arxiv şəkli

TƏBİB-dən açıqlama: İmmun plazmaya ehtiyac var

14
(Yenilənib 13:39 30.11.2020)
İndiyə qədər ölkəmizdə 180-ə yaxın vətəndaş donor olmaq üçün müraciət edib, onların 100 nəfərindən immun plazma toplanılaraq 238 xəstəyə köçürülüb.

BAKI, 30 noyabr — Sputnik. Mərkəzi Qan Bankı "Donor ol, həyat qurtar!" şüarı ilə yeni növ koronavirusdan (COVID-19) sağalmış xəstələrə müraciət edib. Müraciətdə bildirilir ki, onlar ağır xəstələrə donor ola bilərlər. Sputnik Azərbaycan-ın məlumatına görə, Qan Bankının müdiri, TƏBİB-in Mikrobiologiya İşçi qrupunun rəhbəri Qumral Ələkbərovanın sözlərinə görə, hazırda süni tənəffüs cihazına bağlı və vəziyyəti kritik olan xeyli xəstə var. Onların sağalması üçün immun plazma müalicəsi lazımdır: "COVID-19 xəstəliyini keçirərək sağalanlarda anticisimlər formalaşır. Anticisimlər həmin xəstələrin heç də hamısında formalaşmır. Anticisimlər olan xəstələrdən immun plazma toplanılaraq ağır xəstələrə köçürülür. 18 yaşdan 60 yaşadək hər kəsin xəstəliyi keçirəndən 14 gün sonra donor olması mümkündür, qadınlardan hamiləlik keçirməyənlər donor ola bilər. İndiyə qədər ölkəmizdə 180-ə yaxın vətəndaş donor olmaq üçün müraciət edib, onların 100 nəfərindən immun plazma toplanılaraq 238 xəstəyə köçürülüb".

Proses tamamilə ağrısız və təhlükəsizdir, immun plazma qapalı və steril şəraitdə toplanılır. Həmin müalicə üsulunun səmərəsi pandemiyanın birinci dalğası zamanı sübut olunub. Virusun yoluxma dinamikasına fikir verəndə görürük ki, infeksiyadan minlərlə sağalan var, amma nədənsə onlar bəzən bunu gizlədirlər. Mütəxəssislər deyirlər ki, sağalanlar tərəddüd etmədən digər xəstələrin xilaskarı ola bilərlər.

14
Teqlər:
müraciət, vətəndaş, donor, TƏBİB

Topçu Vüsal məsələsində son nöqtə qoyuldu - "Məqsədimiz..."

15
"Az-Granata" MMC-nin PR meneceri: "Bu şəkilin seçilməsində məqsəd Azərbaycan Ordusunun mərdliyini, cəsarətini nümayiş etdirmək idi".

Zülfiyyə Quluyeva, Sputnik Azərbaycan

BAKI, 30 noyabr — Sputnik. Vətən müharibəsinin qəhrəmanlarından olan topçu Vüsal Şahkərimovu məşhurlaşdıran fotonun spirtli içki şüşəsinin üzərinə vurulması sosial şəbəkələrdə birmənalı qarşılanmayıb. İctimaiyyətdə qəhrəman topçunun şəklinin spirtli içki şüşəsində əks olunması geniş narazılığa səbəb olub. Əsgərin atası İslam Şahkərimov bildirib ki, şərab istehsalçılarına şifahi şəkildə razılıq verib: "Bir az əvvəl həmin adamlar yenə mənə zəng etmişdilər. Dedilər ki, Vüsal özü bu məsələyə nə deyir, əsas odur. Mən də belə düşünürəm ki, razılıq verməklə səhv etmişəm. Görürəm ki, camaatdan da xeyli narazılıq var. Elə az əvvəl Vüsalla da danışdım. Dedi ki, fotomun içki şüşəsinin üstünə vurulmasına etiraz edirəm".

"Az-Granata" MMC-nin PR meneceri Ülvi Günəşli Sputnik Azərbaycan-a açıqlamasında bildirib ki, artıq topçu Vüsal Şahkərimovla bağlı məsələ bağlanıb: "Qeyd edim ki, üzərində topçu Vüsal Şahkərimovun şəkli olan spirtli içki istehsala verilməmişdi. Sadəcə olaraq bu barədə məlumat paylaşılmışdı. "Az-Granata" MMC Vüsalın valideyni ilə danışaraq həm şifahi, həmçinin də rəsmi razılığını almışdı. Sadəcə olaraq bu məsələdə ictimaiyyətin fikrini nəzərə aldıq. Həmçinin topçumuz özü də şəklinin spirtli içki şüşəsində olmasına razı olmayıb. Biz də bütün bunları nəzərə alaraq bu məsələni qapatdıq".

Ü.Günəşli iddia edir ki, əslində bu məsələdə şirkətin məqsədi tamamilə başqa olub: "Bizim fikrimiz ictimaiyyətə düzgün çatdırılmadı. Şirkətimiz Vüsalın şəklinin vurulduğu kitabların çapına da sponsorluq etmək niyyətində idi. Bizim qədim tarixi adları daşıyan məhsullarımız var. Həmin məhsullar gələn qonaqlara təqdim edildikdə tariximizlə bağlı məlumatlar da verilir. Bizim üzərində topçu olan spirtli içkini bir dəfə istehsal etmək fikrimiz vardı. Bu şəkilin seçilməsində məqsəd Azərbaycan Ordusunun mərdliyini, cəsarətini nümayiş etdirmək idi".

Qeyd edək ki, əslən Xaçmaz rayonundan olan 19 yaşlı topçu Vüsal Şahkərimov Vətən müharibəsinin minlərlə qəhrəmanından biridir.

15