Körpə, arxiv şəkli

TƏBİB cəbhəyanı ərazilərdə yeni layihəyə başlayır

21
(Yenilənib 02:07 31.10.2020)
Dünyanı bürüyən pandemiya və müharibə şəraitində yeni doğulan körpələrin və anaların sağlamlığı bizim üçün prioritetdir

BAKI, 31 oktyabr - Sputnik. Tibbi Ərazi Bölmələrini İdarəetmə Birliyi (TƏBİB) cəbhəyanı bölgələrdə yeni layihəyə start verib.

Sputnik Azərbaycan-ın məlumatına görə, qurum cəbhə boyu bölgələrdə yerləşən riskli hamiləlik ilə qeydə alınan şəxslər üçün "Sağlam doğuş" layihəsini həyata keçirəcək.

"Bu gün TƏBİB-in tabeliyində olan tibb müəssisələri COVID-19 pandemiyası ilə mübarizə aparmaqla bərabər, ərazi bütövlüyümüzün bərpa olunmasında qəhrəmancasına döyüşərək yaralanmış əsgərlərimizə də yüksək keyfiyyətli tibbi xidmət göstərir. Mövcud vəziyyətdə diqqət ayıracağımız ən mühüm sahələrdən biri də antenatal xidmətdir. Dünyanı bürüyən pandemiya və müharibə şəraitində yeni doğulan körpələrin və anaların sağlamlığı bizim üçün prioritetdir", - deyə TƏBİB-in məlumatında bildirilir.
Layihə çərçivəsində cəbhəboyu ərazilərdə yaşayan, hamiləliyinin 38-ci həftəsində olan və riskli hamiləlik keçirən qadınlara müvafiq tibb müəssisələrində xidmətlərin göstərilməsi (riskli hamilələrin tibb müəssisəsində doğuşa qədər və 2 həftə doğuşdan sonra nəzarət altında saxlanılması), hamilələr üçün təlimlərin təşkili, ana südü ilə qidalandırmanın mühafizəsi, təşviqi və dəstəklənməsi, yenidoğulmuşa qulluq, analara psixoloji dəstəyin göstərilməsi nəzərdə tutulur.
“Sağlam doğuş” layihəsində iştirak etmək üçün cəbhəyanı rayonlarda yaşayan, riskli hamiləliyi olan şəxslərin TƏBİB-ə müraciət etməsi xahiş olunur. Qaynar xətt nömrəsi 1542-dir.

21
Əlaqədar
Biz şiddətli soyuqları görməmiş xəstəlik bizi "görə" bilər - yenidən qapanma mümkündür
TƏBİB-dən xəstələrə antibiotiklərlə bağlı xəbərdarlıq
Azərbaycanda koronavirusa yoluxma niyə artır?
Bölgə xəstəxanalarında tibb işçiləri arasında yoluxmalar artır
TƏBİB gənclərə xəbərdarlıq etdi
Həblər, arxiv şəkli

Koronavirusun müalicəsində antibiotiklərdən istifadə təhlükə yaradır

10
(Yenilənib 23:18 24.11.2020)
"Hazırkı statistikaya görə, xəstəxanaya yerləşdirilən koronavirus xəstələrinin səkkiz faizində bakterial və ya göbələk infeksiyası var. Bu da həmin xəstələrin 72 faizinin antibiotik istifadəsini göstərir"

BAKI, 24 noyabr — Sputnik. "Hazırda koronavirusa qarşı effektli müalicə yoxdur. Hazırkı dövrdə antimikrob dərmanlardan istifadə bu preparatlara qarşı davamlılığının yaranmasına səbəb ola bilər".

Sputnik Azərbaycan-ın məlumatına görə, bunu Ümumdünya Antimikrob Preparatlardan Düzgün İstifadəyə dair Maarifləndirmə Həftəsinə həsr olunmuş virtual mətbuat konfransında ÜST-ün Azərbaycandakı nümayəndəsi Hande Harmancı bildirib. Onun sözlərinə görə, antimikrob dərmanlardan uzunmüddətli istifadə ictimai səhiyyə üçün təhdid yaradır: "Hazırkı statistikaya görə, xəstəxanaya yerləşdirilən koronavirus xəstələrinin səkkiz faizində bakterial və ya göbələk infeksiyası var. Bu da həmin xəstələrin 72 faizinin antibiotik istifadəsini göstərir. Yüngül gedişli xəstəliklərdə antibiotiklərdən istifadə edilməsi düzgün deyil".

O qeyd edib ki, COVID-19 pandemiyası dünyada antibiotiklərdən istifadənin artmasına səbəb olub: "Antibiotiklərdən düzgün istifadə edilməməsi onun təsirinin azalmasına səbəb ola bilər".

10
Teqlər:
antibiotik, Koronavirus, epidemiya, COVID-19
Mövzu:
Dünyanı cənginə almış bəla
Peyvənd, arxiv şəkli

ÜST rəsmisi: peyvəndlər COVID-19-u dayandırmayacaq

12
(Yenilənib 19:14 24.11.2020)
Klüqenin fikrincə, peyvəndlər bütün sualları cavablandırmasa belə, bu virusa qarşı müharibədə böyük ümidlər verir

BAKI, 24 noyabr — Sputnik. Ümumdünya Səhiyyə Təşkilatının (ÜST) Avropa üzrə Regional Direktoru Hans Klüqe onlayn brifinq zamanı peyvəndlərin COVID-19-u tamamilə dayandırmayacağını, ancaq virusla mübarizədə böyük ümidlər yaratdığını qeyd edib.

Sputnik Azərbaycan Rusiya mətbuatına istinadla xəbər verir ki, Klüqenin sözlərinə görə, texnologiya və əczaçılığın inkişafı yeni imkanlar yaratsa da, peyvəndlər COVID-19-u tamamilə dayandırmayacaq.

Klüqenin fikrincə, peyvəndlər bütün sualları cavablandırmasa belə, bu virusa qarşı müharibədə böyük ümidlər verir.

"Məhz belə bir məqamda 53 Avropa ölkəsində əldə etdiyimiz nəhəng elmi-texnoloji təcrübə və bilikləri xatırlatmaq istərdim. Lakin bütün ölkələr üçün peyvənd bazarına bərabər çıxış təmin edə bilməsək, peyvəndlərdən səmərəli istifadə edilməsə və ölkələrdə peyvəndlərə şübhə ilə yanaşılma məsələsi aradan qaldırılmasa, bu potensial reallaşmayacaq", - deyə Klüqe bildirib.

12
Teqlər:
ÜST, dünya, peyvənd, yoluxma, Koronavirus, epidemiya, COVID-19
Mövzu:
Dünyanı cənginə almış bəla
Azərbaycan hərbçiləri, arxiv şəkli

Müzəffər Ordumuz artıq Kəlbəcərdə!

68
(Yenilənib 01:14 25.11.2020)
Bölmələrimizin bu istiqamətdə hərəkətini təmin etmək məqsədilə mühəndis işləri başa çatdırılıb, qoşunların hərəkət marşrutu üzrə çətin keçilən dağ yolları minalardan təmizlənir və istifadəyə hazır vəziyyətə gətirilir.

BAKI, 25 noyabr - Sputnik. Azərbaycan Respublikası, Rusiya Federasiyası Prezidentləri və Ermənistan Respublikası baş nazirinin imzaladığı üçtərəfli Bəyanata əsasən, Azərbaycan Ordusunun bölmələri noyabrın 25-də Kəlbəcər rayonuna daxil olub.

Sputnik Azərbaycan bildirir ki, məlumatı Azərbaycan Müdafiə Nazirliyi yayıb. Bölmələrimizin bu istiqamətdə hərəkətini təmin etmək məqsədilə mühəndis işləri başa çatdırılıb, qoşunların hərəkət marşrutu üzrə çətin keçilən dağ yolları minalardan təmizlənir və istifadəyə hazır vəziyyətə gətirilir.
Gün ərzində Kəlbəcərdən foto və video materiallar təqdim olunacaq.

68
Teqlər:
Azərbaycan ordusu, Qarabağ, Kəlbəcər rayonu