Nepalda epidemioloji vəziyyət

COVID-19-la bağlı dəhşət saçan rəqəmlər

146
(Yenilənib 10:53 10.10.2020)
Dünyada COVID-19-a yoluxanların sayı açıqlandı: 8 milyondan çox aktiv xəstə var, onlardan 68 mindən çoxunun vəziyyəti ağırdır.

BAKI, 10 oktyabr — Sputnik. Dünyada COVID-19-a yoluxanların sayı açıqlanıb. Sputnik Azərbaycan-ın worldmeters.com-a istinadən xəbərinə görə, bu günədək COVID-19-a yoluxanların sayı 37 milyon 119 min 547 min olub.

Bu günədək ölənlərin sayı isə 1 milyon 72 min 825 olub. Sağalanların sayı isə 27 milyon 902 min 493 olub.

Hazırda aktiv xəstə sayı 8 milyon 144 min 229, onlardan vəziyyəti ağır olanların sayı isə 68 min 385 olub.

146
Teqlər:
Koronavirus, epidemiya, COVID-19
Əlaqədar
Azərbaycanda COVID-19-a yoluxanların sayı yenə ikirəqəmliyə düşdü
COVID-19-la bağlı dəhşətli proqnoz: iki milyon insan ölə bilər
Azərbaycanda bir sutkada 162 nəfərdə COVID-19 aşkarlandı
COVID-19-la mübarizəyə cəlb olunan həkimlərin maaşları necə hesablanır? Nazirlik açıqladı
COVID-19-a yoluxma sayı xeyli artdı, iki nəfər ölüb
 Azərbaycanda koronavirus infeksiyasına qarşı vaksinasiya

Azərbaycanda universitetdə peyvəndləmə başladı

5
(Yenilənib 15:59 19.01.2021)
Vaksinasiya prosesində ilk növbədə risk qrupuna aid olan şəxslər, yəni yaşı 65-dən yuxarı olan həkimlər və universitet əməkdaşları iştirak edəcəklər

BAKI, 19 yanvar — Sputnik. Yanvarın 18-dən etibarən Azərbaycanda COVİD-19 infeksiyasına qarşı vaksinasiya prosesinə səhiyyə işçilərinin peyvəndlənməsi ilə start verilib. Artıq Azərbaycan Tibb Universitetinin (ATU) klinikalarında da vaksinasiya prosesinə başlanılıb. ATU-dan Sputnik Azərbaycan-a verilən məlumata görə, klinikalarda hər cür tələblərə cavab verən vaksinasiya məntəqələri fəaliyyət göstərir.

Əvvəlcə ATU-nun rektoru, professor Gəray Gəraybəyli və universitet rəhbərliyində təmsil olunan şəxslər peyvənd olunublar.

ATU-nun Tədris Cərrahiyyə Klinikasının direktoru, professor Surxay Hadıyev bildirib ki, vaksinasiya prosesində ilk növbədə risk qrupuna aid olan şəxslər, yəni yaşı 65-dən yuxarı olan həkimlər və universitet əməkdaşları iştirak edəcəklər. Sonra isə mərhələli şəkildə universitetin digər əməkdaşları da peyvənd olunacaqlar. S. Hadıyev vaksinasiyanın könüllü olduğunu diqqətə çatdırıb. Lakin qeyd edib ki, COVİD-19 pandemiyasına yoluxmamaq üçün peyvənd olunmaq çox vacibdir.

ATU-nun Tədris Stomotoloji Klinikasının direktoru, tibb üzrə fəlsəfə doktoru Mahir Səfərov qeyd edib ki, Səhiyyə Nazirliyi və Azərbaycan Tibb Universitetinin rəhbərliyinin göstərişinə əsasən, klinikada ayrıca vaksinasiya otağı ayrılıb:

"Orada 4 tibb bacısı fəaliyyət göstərir. Vaksinasiya üçün klinkamızda, demək olar ki, hər cür şərait yaradılıb. Tədris Cərrahiyyə Klinikasının reanimasiya blokundan bir tibb bacısı da bizə təhkim olunub".

ATU-nun Onkoloji Klinikasının müalicə işləri üzrə direktor müavini, dosent Nigar Mehdiyeva koronavirusa qarşı aparılan vaksinasiyanın əhalinin sağlamlığının qorunması üçün çox mühüm tədbirlər qrupuna aid olduğunu qeyd edib. Digər klinikalarda olduğu kimi Onkoloji Klinikada da sanitar və tibbi normalara uyğun olaraq vaksinasiya məntəqəsinin təşkil olunduğunu bildirib. Qeyd edək ki, adıçəkilən klinikalarda ATU-nun əməkdaşları vaksinasiya olunacaqlar.

5
 Azərbaycanda koronavirus infeksiyasına qarşı vaksinasiya

"CoronaVac" peyvəndi kimlər üçün təhlükəlidir - 14 əsas qayda

37
(Yenilənib 14:54 19.01.2021)
Peyvəndin birinci dozasından sonra anafilaksiya (həyati təhlükə yaradan allergik reaksiya) müşahidə olunarsa, ikinci doza tətbiq edilməməlidir

BAKI, 19 yanvar — Sputnik. Dünəndən Azərbaycanda koronavirusa qarşı vaksinasiya prosesi başlayıb. İlk peyvənd səhiyyə naziri Oqtay Şirəliyevə vurulub. Ümumilikdə isə birinci mərhələdə peyvənd səhiyyə işçiləri və dövlət qurumlarında çalışanlar üzərində sınaqdan keçiriləcək. Daha sonra yaşı 65-dən yuxarı olan vətəndaşlar və hüquq-mühafizə orqanlarının pandemiyaya qarşı tədbirlərə cəlb olunmuş əməkdaşları peyvənd olunacaqlar.

Mütəxəssislərin fikrincə, vaksinasiya sayəsində COVID-19 pandemiyasının qarşısı əhəmiyyətli dərəcədə alınacaq. Bununla belə, əhalinin peyvənd preparatlarına münasibəti birmənalı deyil. Bəzi ölkələrdə vaksinasiya prosesindən sonra qeydə alınan ölüm halları peyvəndə olan şübhələri bir az da artırır. Türkiyə Səhiyyə Nazirliyi bəyan edib ki, koronavirus peyvəndi vurularkən xoşagəlməz hallarla qarşılaşmamaq üçün mütləq şəkildə 14 əsas qaydaya əməl olunmalıdır. Bu barədə "CNN Türk" məlumat yayıb. Azərbaycanda da vaksinasiya prosesinin Türkiyədə olduğu kimi Çinin "CoronaVac" preparatından istifadə edilməklə həyata keçirildiyini nəzərə alaraq, həmin qaydaları diqqətinizə çatdırırıq:

1. Peyvənd sol qola vurulmalıdır. Bu, sağ əlin daha işlək olması ilə izah olunur. Başqa sözlə, peyvəndin vurulduğu yerdə hər hansı bir xoşagəlməz lokal reaksiya müşahidə olunarsa, sağ əl işlək vəziyyətdə qalsın deyə, sol ələ üstünlük verilir.

2. Digər peyvəndlərlə koronavirus peyvəndi arasında ən az 4 həftə vaxt olmalıdır.

3. Peyvənd vurulan şəxs oturaq vəziyyətdə olmalı və preparat bədənə yeridiləndən sonra 15 dəqiqə ayağa qalxmadan gözləməlidir.

Ərdoğan koronavirus peyvəndindən sonra: "Sapsağlamam">>

4. Növbəti təlimat verilənə qədər COVID-19 peyvəndi koronavirusa yoluxmuş və ya vaksinasiyadan 10 gün əvvəl xəstəliyi təsdiqlənmiş şəxslə təmasda olan insanlara vurulmayacaq.

5. Hamiləlik dövründə COVID-19 peyvəndinin tətbiqi ilə bağlı hər hansı bir təsdiqlənmiş məlumat yoxdur. Bununla belə, COVID-19-u ağır formada keçirmə riski olan hamilə qadınlara öz istəklərinə uyğun olaraq peyvənd vurula bilər. Lakin hamiləliyin ilk üç ayında belə qadınlara peyvəndin vurulması qadağandır.

6. Uşaq əmizdirən qadınlara da "CoronaVac" peyvəndinin vurulması ilə bağlı hər hansı bir təsdiqlənmiş məlumat yoxdur. Bununla belə, COVID-19-u ağır formada keçirmə riski yüksək olan uşaq əmizdirən qadınlara öz istəklərinə uyğun olaraq peyvənd vurula bilər.

7. Epilepsiya kimi infeksiya və ya peyvəndlə şiddətlənə bilən nevroloji xəstəlik diaqnozu qoyulmuş şəxslər üçün peyvənd olunması barədə qərar yalnız xəstəyə tibbi nəzarəti həyata keçirən səhiyyə müəssisəsinin qiymətləndirməsindən sonra verilə bilər.

8. Peyvənd qan laxtalanması problemi olan şəxslərdə daxili qanaxmaya səbəb ola bilər.

9. Peyvəndin birinci dozasından sonra anafilaksiya (həyati təhlükə yaradan allergik reaksiya) müşahidə olunarsa, ikinci doza tətbiq edilməməlidir.

10. Hərarəti 38 dərəcədən yuxarı olan və dəqiq diaqnoz qoyulmamış kəskin respirator xəstəlik ehtimalı olanlara peyvənd vurulması bu əlamətlər keçənə qədər təxirə salınmalıdır.

11. "CoronaVac" preparatı gün işığına və soyuğa qarşı həssasdır. Bu səbəbdən də +2 və +8 dərəcədə saxlanılmalıdır. Preparat peyvənd saxlama xüsusiyyəti olmayan "no-frost" tipli soyuducularda daxili divarlara toxunmayacaq şəkildə və yaxşı olar ki, ikinci rəfdə, yaxud da soyuducunun qapısındakı hissədə saxlanılsın. Soyuducunun içində isə donma dərəcəsi göstərilməlidir.

12. Peyvənd tətbiq olunan şəxs xüsusi mobil tətbiq vasitəsilə qeydə alınmalı və növbəti peyvəndin vaxtı ona xəbər verilməlidir.

13. Tibb müəssisəsində hər peyvənd tətbiqindən sonra otaq havalandırılmalı, günün sonunda isə dezinfeksiya olunmalıdır.

14. Peyvənd vurulandan sonrakı ilk 12 saatda kəskin allergik reaksiya, ilk bir həftə ərzində gündəlik həyat tərzinə təsir göstərə biləcək qədər yorğunluq, baş ağrısı, şiddətli lokal reaksiya, 38 dərəcədən yuxarı hərarət, ishal, qusma, ilk iki ayda qoxunun və dadbilmənin itirilməsi, üz iflici və digər nevropatoloji əlamətlər yaranarsa, bu barədə mütləq peyvəndin vurulduğu tibb məntəqəsinə məlumat verilməlidir.

37
Teqlər:
təhlükə, Koronavirus, epidemiya, COVID-19, vaksin, peyvənd
Mövzu:
Azərbaycanda COVID-19 əleyhinə vaksinasiya

“Vətən uğrunda yaralandığıma görə çox xoşbəxtəm” - qazi

0
(Yenilənib 11:53 19.01.2021)
Yardımlı rayonu Bürzünbül kənd sakini Əsgər Səfərov 44 günlük Vətən müharibəsi zamanı yaralansa da “Vətən uğrunda yaralandığıma görə çox xoşbəxtəm” deyir.

2008-ci ilin iyul ayında həqiqi hərbi xidmətə yollanan qazimiz nümunəvi xidmət etdiyinə görə komandanlığı onu hərbi hissədə saxlayıb. “Canavar” ləqəbli tankçı Əsgər Səfərov düşmənin bir neçə hərbi texnikası və canlı qüvvəsini məhv edib.

Instagram / firstvicepresidentazerbaijan

“Sentyabrın 27-də səhər saat 07:00-da biz əməliyyata başladıq. Bizim əməliyyatımız Cocuq Mərcanlıdan Xudafərin körpüsünə qədər davam etdi. Həmin döyüşlərdə düşmənin kalan tankları və şəxsi heyəti məhv oldu. Çoxlu sayda hərbi texnikaları əlimizə keçdi. Oktyabrın 6-da Xudafərin körpüsünün yanından axşam saat 18:00-da biz əməliyyata başladıq. Bizim bir tank və bir BMP-miz var idi, o biri tanklarımız başqa istiqamətdən əməliyyata başlayacaqdılar. Mənfur düşmən bizi güclü artilleriya atəşinə tutmağa başladı. Mən dərhal texnikaları geriyə çəkmək komandasını verdim. Rabitə vasitəsi ilə əlaqəyə çıxıb texnikanı Araz çayının kənarında saxlamağı əmr etdim”, - deyə qazi Əsgər Səfərov qeyd edib.

"Vətən yolunda gedib, şəhid olub. Bundan qürurlu nə ola bilər ki?!" - Şəhid atası >>

Həmin ərazidə gedən şiddətli döyüşlərdə ermənilərin 60 nəfərə yaxın şəxsi heyəti məhv edilib və onların bir neçə ədəd döyüş texnikası ələ keçirilib. “Canavar”ın tabeliyində olan əsgərlər şəhidlərimizi və yaralılarımızı götürüb arxaya gəliblər. Qazimiz şəhidi döyüş meydanından götürərkən mənfur düşmən “Faqot” silahından ona tərəf atəş açıb. O, tabeliyində olan əsgərləri ərazidən çıxarıb, şəhidi ermənilər aparmasın deyə özü həmin yerdə tək qalıb.     

“Düşmən mənə TƏİR raketindən atəş açdı, o raketlər tank üçündür. Vura bilərdilər, amma Allah bizim tərəfdə idi. Şükür Allaha ki, tez bir zamanda torpaqlarımız alındı, biz çox sevindik. Allah şəhidlərimizə rəhmət eləsin, yaralılarımıza da şəfa versin! Allah Ordumuza kömək olsun!”, - deyə Əsgər Səfərov bildirib.

0