Körpə, arxiv şəkli

Payızda doğulan uşaqlarla bağlı bədbin göstərici

29
(Yenilənib 01:17 14.09.2020)
Hazırda mütəxəssislər payız aylarında uşaqların dərilərinin daha həssas olub-olmadığını tədqiq edirlər

BAKI, 14 sentyabr — Sputnik. Alimlər müəyyən ediblər ki, payızda doğulan körpələr daha çox astma, allergiya və ot qızdırmasına meylli olurlar. Sputnik Azərbaycan bildirir ki, bu barədə Daily Mail yazıb.

Tabloidin müsahibi olan Cessika Huey Kolorado ştatında Milli Yəhudi Sağlamlıq Tibb mərkəzində çalışır. Onun komandası payızda doğulan uşaqlarda bu cür xəstəliklərə daha çox meyllilik müşahidə edib. Çox zaman xəstəlikləri yaradan da məhz allergik reaksiyalar olur, sonradan isə müxtəlif fəsadlar törəyir. Mütəxəssislərin fikrincə, bu, bakterial mühitlə bağlı ola bilər.

Alimlər hesab edirlər ki, allergik resksiyalar körpənin qurumuş və çatlamış dərisindən orqanizmə allergenlər daxil olduqda yaranır. Hazırda onlar payız aylarında uşaqların dərilərinin daha həssas olub-olmadığını tədqiq edirlər.

“Əgər biz çox erkən yaşda, yəni körpə bətndən çıxan kimi, müdaxilə etsək, o zaman bu bizə allergik reaksiyaların qarşısını almaqda xeyli kömək edəcək”, - Huey bildirib.

 

29
Teqlər:
araşdırma, xəstəlik, qızdırma, astma, allergiya, allergen, payız, körpə
Əlaqədar
Depozitlə doğulan nəsil - Bala, sən mənə yaman baha oturdun...
Taksidə doğulan uşağın hekayəsi: "Üzümü çevirəndə o, artıq oturacağın üstündə idi"
Bu il uşaqlar arasında vaksinlə əhatələnmə səviyyəsi aşağı düşüb - Səbəb
Yenidoğulmuşlarda yaranan qulaq problemi - Düz bildiyimiz səhvlər
Körpə qidalarını arıqlamaq üçün yeməyin
Bakıda tibbi maska taxmış şəxs, arxiv şəkli

Bakıda koronavirus ocağı bu ərazidir

20
(Yenilənib 23:42 23.01.2021)
Ölkəmizdə koronavirusa ən çox yoluxma faktı Bakı şəhərində müşahidə olunub. Belə ki, ümumi yoluxma hallarının 52,2 faizi paytaxtda qeydə alınıb.

 

BAKI, 23 yanvar — Sputnik. Bakı şəhəri üzrə yeni növ koronavirus (COVID-19) infeksiyasına yoluxma göstəriciləri açıqlanıb. Sputnik Azərbaycan-ın koronavirusinfo.az saytına istinadən məlumatına görə, paytaxtın rayonları arasında ən yüksək yoluxma göstəricisi Binəqədi rayonunda qeydə alınıb.

Belə ki, paytaxt üzrə yoluxma hallarının 15 faizi həmin rayonun payına düşür. Bakı şəhərinin digər rayonlarına gəlincə, yoluxma hallarının 13,1 faizi Xətai, 12,2 faizi Yasamal, 10,8 faizi Sabunçu, 8,2 faizi Nərimanov, 8,2 faizi Suraxanı, 7,8 faizi Nəsimi, 7 faizi Nizami, 6,8 faizi Xəzər, 5,4 faizi Qaradağ, 5 faizi Səbail, 0,5 faizi Pirallahı rayonlarında qeydə alınıb.

Qeyd edək ki, ölkəmizdə koronavirusa ən çox yoluxma faktı Bakı şəhərində müşahidə olunub. Belə ki, ümumi yoluxma hallarının 52,2 faizi paytaxtda qeydə alınıb.

20
Sputnik V vaksininin istehsalı, arxiv şəkli

Rusiya peyvəndi Türkiyədə istehsal olunacaq

16
(Yenilənib 22:59 23.01.2021)
Rusiyanın "Sputnik V" peyvəndinin Türkiyədə istehsalı üçün türk əczaçılıq şirkəti ilə müqavilə imzalanıb.

BAKI, 23 yanvar — Sputnik. Rusiya Birbaşa İnvestisiyalar Fondu "Sputnik V" peyvəndinin Türkiyədə istehsalı üçün türk əczaçılıq şirkəti ilə müqavilə imzalayıb.

Sputnik Azərbaycan-ın məlumatına görə, artıq istehsal üçün lazım olan texnologiyanın köçürülməsinə başlanılıb. Peyvənd həm Türkiyədə daxili bazara, həm də digər ölkələrə göndəriləcək. Qeyd edək ki, Türkiyə xarici işlər naziri Mövlud Çavuşoğlu bir müddət əvvəl Rusiya peyvəndinin Türkiyədə istehsal olunacağını açıqlamışdı.

16
Dəniz quldurlarının bayrağı, arxiv şəkli

Dəniz quldurları Türkiyə gəmisinə hücum edib, azərbaycanlı mühəndis öldürülüb

0
(Yenilənib 00:29 24.01.2021)
Gəminin kapitanı bildirib ki, quldurlar radardan başqa bütün sistemləri söküblər: "Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

BAKI, 24 yanvar - Sputnik. Nigeriya sahillərində “Motsart” adlı Türkiyə şirkətinə məxsus Liberiya bayrağı altında üzən gəmiyə dəniz quldurları hücum edib.

“Report” xəbər verir ki, gəmidə olan 15 nəfər girov götürülüb, azərbaycanlı mühəndis isə qətlə yetirilib.

Gəminin kapitanı bildirib ki, quldurlar radardan başqa bütün sistemləri söküblər:

"Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

0