Koronavirus testi, arxiv şəkli

Yeni üsulu Azərbaycan həkimləri effektiv saymadılar - Uşaqların gərək qanı yoxlansın

190
(Yenilənib 01:43 10.09.2020)
"Bu testlərin heç biri 100 faiz deyil. Yəni "pozitiv" olan nəticələr də səhv çıxa bilər. Yaxud da əksinə ola bilər, kimsə xəstədir, amma testin nəticəsi "neqativ"dir" - Telman Aytayev

Nigar İsgəndərova, Sputnik Azərbaycan

BAKI, 10 sentyabr — Sputnik. Almaniya-Azərbaycan Radioloji və Neyroradioloji Cəmiyyətinin sədri, Köln Universiteti Klinikasının tibb elmləri doktoru Nuran Abdullayev Azərbaycanda ümumtəhsil müəssisələrində və bağçalarda uşaqlar arasında yeni üsulla COVID-19 testlərinin aparılmasını təklif edib.

Tibb elmləri doktoru belə hesab edir ki, pandemiya dövründə təhsil müəssisələrini, məktəbləri bağlı saxlamaq koronavirusla effektiv mübarizə üsulu deyil. O hesab edir ki, uşaqlar da virusu böyüklər kimi yaya bildiyindən, lakin hələlik heç bir ölkədə virusun sırf uşaqlar arasında yayılmasını müəyyənləşdirmək mümkün olmadığından onlarla xüsusən ehtiyatlı olmaq vacibdir.

Ekspert deyir ki, hazırda dünyanın bir sıra ölkələrində uşaqlar da anticisim testlərinə cəlb olunublar. Bu test böyüklərdən fərqli olaraq uşaqlarda qandan götürülmür. O hesab edir ki, uşaqlarda anticisimlər Azərbaycan üçün yeni üsul sayılacaq ağız suyu vasitəsilə müəyyən edilməlidir. Nəticədə test uşağın bu virusu keçirib-keçirmədiyi barədə məlumat verəcək.

Sputnik Azərbaycan-ın "Bu üsul nə dərəcədə effektiv hesab oluna bilər?" sualını Mərkəzi Gömrük Hospitalının Pediatriya şöbəsinin müdiri Telman Aytayev cavablandırıb. O deyir ki, anticisimlərlə bağlı testlər FAD (Food and Drug) tərəfindən təsdiqlənməyib: "Bu testlərin heç biri 100 faiz deyil. Yəni "pozitiv" olan nəticələr də səhv çıxa bilər. Yaxud da əksinə ola bilər, kimsə xəstədir, amma testin nəticəsi "neqativ"dir. Düşünürəm ki, uşaqları bu testlərlə yoxlamaqla elə bir şeyə nail olmayacağıq. Anticisim testlər təsdiqlənməyib".

"Sadəcə olaraq uşaqlar asimptomatik qrupda yer alaraq risk qrupuna aid şəxslərə bu xəstəlikləri keçirə bilərlər. Bu səbəbdən məktəb və bağçaların açılması da virusun yayılmasında önəmli rol oynayacaq", - deyə mütəxəssis bildirib.

Hospitalın pediatrı Fərəh Vahabova isə deyir ki, ağız suyu ilə yalnız bir həftəlik dövrün nəticələrini öyrənmək mümkündür: "Ağız suyu ancaq xəstəliyin bir həftə ərzində olub-olmadığınıı göstərə bilən testdir. Yəni ağız suyu hazırda, son bir həftədə şəxsin xəstə olub-olmadığını göstərə bilər. Lakin bu üsulla xəstənin bir həftədən əlavə hansısa bir zamanda bu xəstəliyi keçirib-keçirmədiyini göstərmir. Bunun üçün, yəni xəstənin ümumiyyətlə virusu keçirib-keçirmədiyini öyrənmək üçün qandan analiz götürmək lazımdır. Bunun üçün isə immunoqlobulin G-ni yoxlamaq lazımdır ki, şəxsin immuniteti var, ya yoxdur".

Bu il uşaqlar arasında vaksinlə əhatələnmə səviyyəsi aşağı düşüb - Səbəb>>

Pediatr deyir ki, 12 yaşadək uşaqlarda bu xəstəlik o qədər də ağır keçməyib: "Lakin uşaqların hansısa xroniki xəstəlikləri olduqda, yəni onkoloji xəstəliklər, şəkər və digər endokrinoloji xəstəliklər, qan xəstəlikləri olduqda bu zaman COVID-19-un həmin uşaqlarda ağır keçməsi ehtimalı var. Tənəffüs yollarında olan xüsusi hüceyrələr var ki, o uşaqlarda çox inkişaf etməyib və bu səbəbdən uşaqlar COVID-19-u yüngül keçirirlər. 1 yaşadək olan uşaqlar isə bunu daha yüngül, adi qrip kimi keçirirlər".

"Uşaqlar bu xəstəliyi ağır keçirməsələr də, daşıyıcı ola bilərlər. Lakin bu o demək deyil ki, uşaqlar xəstələnməyə bilərlər. Bu haqda heç yerdə yazılmayıb. Ümumiyyətlə, deyim ki, uşaqların müayinələri o qədər də dərin deyil", - deyə ekspert əlavə edib.

Pediatr deyir ki, ölkədən-ölkəyə gedərkən də uşaqlar yoxlanılır və bu, məsləhətdir.

Maraqlıdır, bəzi hallarda valideyn yoluxur, lakin uşağın test nəticəsi "neqativ" olur. Bununla bağlı pediatr deyir ki, uşaq dərhal yoxlanıldığı üçün onun nəticəsi neqativ çıxır: "Lakin 3 gün, yaxud da bir həftəyə test edildikdə nəticə "pozitiv" olacaq. Sadəcə həmin dövrdə, qeyd etdiyim kimi, uşaqların tənəffüs yollarında xüsusi hüceyrələr yoxdur deyə, o virusları tanımır, qəbul eləmir. Amma uşağın bədənində o virus ola bilər. Ola bilər ki, o, heç xəstələnməsin, çünki uşaqdır. Uşağın qanında immunoqlobulin G yoxlanılsa, onun qanında "pozitiv" olma ehtimalı var. Bu həm də o deməkdir ki, uşağın bədənində artıq bu virusa qarşı immunitet də formalaşıb. Sadəcə olaraq uşaq bu virusu yüngül keçirir".

Pediatr hesab edir ki, məktəbə girəndə analizlərin verilməsi yaxşı olardı: "Sadəcə olaraq hər gün məktəbə gəlib, evə gedən uşaqlarda bu testlərin götürülməsi üçün də Azərbaycanın imkanı olmayacaq. Hər gün uşaq evə gedib, xəstələrlə kontaktda olub yenidən məktəbə qayıdacaq. Lakin uşaqlar hər gün həkim nəzarətində olmalı, qızdırmalı olanlar məktəbə buraxılmamalı, onlardan analizlər götürülməlidir. Yaxşı olardı ki, uşaqlardan qan analizi götürülüb immunoqlobulin G yoxlanılsın. İmmuniteti olan uşaqlar ən azı 3 ay xəstələnməyəcəklər".

190
Teqlər:
pediatr, həkim, Azərbaycan, Almaniya, immun sistemi, immunitet, qan, analiz, test, uşaq, Koronavirus, epidemiya, COVID-19
Mövzu:
Azərbaycanda koronavirus: son xəbərlər (393)
Əlaqədar
Uşaq bağçalarının açılması bu yerlərdə təxirə salındı
Yoluxma sayı yenə artdı: Azərbaycanda bir sutkada 3 nəfər COVID-19-dan öldü
Professor: “Seroloji testlərin insanların razılığı əsasında keçirilməsi vacibdir”
Bu üsulla COVID-19 xəstələrinə daha dəqiq diaqnoz qoyulur - Mütəxəssis danışır
Çinin koronavirus peyvəndinin qiyməti bəlli oldu, amma gərək ikisini alasan
Azərbaycanda koronavirus infeksiyasına qarşı vaksinasiya

Azərbaycan vətəndaşlarının vaksinasiya olunacağı tarix açıqlandı

11
(Yenilənib 18:44 22.01.2021)
TƏBİB-in rəhbəri: "Risk qrupuna aid vətəndaşlar başda olmaqla, bütün əhali mərhələli şəkildə vaksinasiyada iştirak edəcək".

BAKI, 22 yanvar — Sputnik. "Azərbaycanda koronavirus infeksiyasına qarşı vaksinasiya başlanıb və qarşıdakı iki həftə ərzində tibb işçilərimizin peyvənd olunması prosesi başa çatacaq". Sputnik Azərbaycan-ın məlumatına görə, bunu "Anadolu" agentliyinə açıqlamasında Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri Ramin Bayramlı bildirib.

Onun sözlərinə görə, daha sonra 65 yaşdan yuxarı vətəndaşlar peyvənd olunacaqlar: "Risk qrupuna aid vətəndaşlar başda olmaqla, bütün əhali mərhələli şəkildə vaksinasiyada iştirak edəcək. İlkin olaraq risk qrupları, ikinci mərhələdə isə 50 yaşdan yuxarı insanların peyvənd olunması nəzərdə tutulur. Nəticədə biz xəstəxanalarda olan aktiv xəstələrin sayında azalmaya nail ola bilərik. Xəstəxanalarda müalicə alanların 70-75 faizi 50 yaşdan yuxarı şəxslərdir".

11
Teqlər:
Tibbi Ərazi Bölmələrini İdarəetmə Birliyi, brifinq, TƏBİB
Koronavirus testi, arxiv şəkli

Azərbaycanda son sutkada 632 nəfər COVID-19-dan sağalıb

11
Son sutka ərzində yeni yoluxma hallarının müəyyənləşdirilməsi ilə əlaqədar 6 144, ötən müddət ərzində isə ümumilikdə 2 347 951 test aparılıb.

BAKI, 22 yanvar - Sputnik. Azərbaycan Respublikasında koronavirus (COVID-19) infeksiyasına 280 yeni yoluxma faktı qeydə alınıb, 632 nəfər müalicə olunaraq sağalıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 11 nəfər vəfat edib.

İndiyədək ölkədə ümumilikdə 228 526 nəfərin koronavirus infeksiyasına yoluxması faktı müəyyən edilib, onlardan 219 019 nəfər müalicə olunaraq sağalıb, 3 064 nəfər vəfat edib, aktiv xəstə sayı 6 443 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 6 144, ötən müddət ərzində isə ümumilikdə 2 347 951 test aparılıb.

11
Штаб-квартира Министерства обороны США, фото из архива

Tarixdə ilk dəfə qaradərili general Pentaqonun rəhbəri təyin edilib

0
(Yenilənib 20:58 22.01.2021)
İraq, Əfqanıstan kimi qaynar bölgələrdə xidmət etmiş Ostin 2013-ci ildə ABŞ Mərkəzi Komandanlığının rəhbəri təyin olunub.

BAKI, 22 yanvar - Sputnik. ABŞ Senatı bu gün istefada olan dörd ulduzlu general Lloyd Ostinin ölkənin müdafiə naziri vəzifəsinə namizədliyini təsdiq edib.

Sputnik Azərbaycan xarici mediaya istinadla xəbər verir ki, Pentaqon rəhbərləri arasında ilk afroamerikalı olan Ostin tezliklə müvafiq and içəcək.

İraq, Əfqanıstan kimi qaynar bölgələrdə xidmət etmiş Ostin 2013-ci ildə ABŞ Mərkəzi Komandanlığının rəhbəri təyin olunub.

O, 2016-cı ildə ordudan istefa verərək sonradan Nümayəndələr Palatası və Senatın üzvü olub.

0
Teqlər:
Pentaqon, ABŞ