COVİD-19 xəstəsi, arxiv şəkli

Uroloq: COVID-19 zamanı uro-onkoloji xəstələrdə kimyaterapiyanın ertələnməsi məsləhətdir

1273
(Yenilənib 22:05 08.09.2020)
Bəhruz Xalıqov: Reanimasiyada olan COVID-19 xəstələri arasında təxminən hər 10 xəstədən 2-3-də orqan çatışmazlığı ilə əlaqədar dializə ehtiyac duyanlar olur.

Nigar İsgəndərova, Sputnik Azərbaycan

BAKI, 8 sentyabr — Sputnik. COVID-19-dan müalicə alanlar arasında uroloji xəstəliklərdən əziyyət çəkənlər də var. Onlar digər xəstələrlə müqayisədə bu xəstəliyi daha ağır keçirirlər.

Sputnik Azərbaycan Mərkəzi Gömrük Hospitalının uzman uroloqu Bəhruz Xalıqovla bu mövzuda bəzi suallara aydınlıq gətirib:

- MGH-də müalisə alan COVID-19 xəstələri arasında dializ olunanların sayı nə qədərdir?

- Bildiyiniz kimi, biz COVID-19-la mübarizəyə ilk qoşulan xəstəxanalardan biriyik. Hazırda Azərbaycanda COVID-19-la əlaqədar stasionar şəraitdə yatan xəstələrin yanaşı xəstəlikləri ilə bağlı statistika aparılmayıb. Bu səbəbdən də biz rəqəm açıqlamaqda çətinlik çəkirik. İndi biz xəstəliklə mübarizə mərhələsində olduğumuzdan, statistika ilə bağlı işləri arxa planda saxlamışıq. Pandemik vəziyyət sabitləşdikdən sonra bu rəqəmləri işləyəcəyik. Lakin onu qeyd edim ki, hazırda stasionarda dializ olunan xəstəmiz yoxdur. Lakin reanimasiyada olan COVID-19 xəstələri arasında təxminən hər 10 xəstədən 2-3-də, orqan çatışmazlığı ilə əlaqədar dializə ehtiyacı olanlar olur. Dünyada koronavirusun böyrəyin funksiyasına mənfi təsirini sübut edən elmi araşdırmalar mövcuddur. Müxtəlif xroniki xəstəliklərdən əziyyət çəkən şəxslər var ki, onlar COVID-19-a yoluxduqları, orqan çatışmazlığı yarandığı zaman sidik ifrazı azalır və digər problemlər baş qaldırır. Biz məcburuq ki, bu durumlarda xəstələri dializə bağlayaq.

- Belə xəstələr təqribən hansı yaş aralığındadır? Onların içində gənc və azyaşlı varmı?

- Bizim təcrübəmizdə belə xəstələr arasında azyaşlı olmayıb. Ən gənc xəstəmiz 18 yaşında idi. Digərləri orta və yaşlı nəslin nümayəndələri olub.

- COVID-19-dan ölüm hallarında uroloji xəstəliklərin payını necə qiymətləndirirsiz?

- Yanaşı, xroniki xəstəlikləri olan şəxslər COVID-19 pnevmaniyasını daha ağır şəkildə keçirirlər. Məsələn, belə xəstələrə şəkər, zob, onkoloji xəstəliklərdən əziyyət çəkənləri də aid etmək olar. Uro-onkoloji, yəni uroloji yollarda onkoloji xəstəlikləri olan və bu səbəbdən də kimyaterapiya alan xəstələrdə immunitet aşağı düşür. İmmunitet aşağı olduğundan belə xəstələr COVID-19-u ağır keçirirlər. Sidik kisəsində daş, zəif böyrək xəstəlikləri olan xəstələrdə də infeksiyaya bağlı olaraq, immunitet aşağı düşür və bu səbəbdən onlar da xəstəliyi ağır keçirirlər. Avropa Uroloji Dərnəyi bu sahədə diqqətli olmağı tövsiyə edir. Qurum bildirir ki, COVID-19-a yoluxan insanların sidik yollarının infeksiyası alovlana bilər. Bundan başqa, COVID-19-dan müalicə alan uro-onkoloji xəstələrdə kimyaterapiyanın ertələnməsi tövsiyə olunur. Dərnəyin məsləhəti oldu ki, təcili durumlarda, qanaxmalarda, şiddətli infeksiyalarda, kəskin böyrək çatışmazlığında, ağırlaşmış onkoloji xəstəliklər zamanı ilkin yardımlar göstərilsin. Biz də fəaliyyətimizdə bu protokollara əməl edirik.

- Ölənlər arasında uroloji, uro-onkoloji xəstəliklərdən əziyyət çəkənlər nə qədərdir?

- Dünyasını dəyişən xəstələr arasında xroniki xəstəlikləri olanlar üstünlük təşkil edir. Çünki belə xəstələrdə immunitet aşağı olur və onlar xəstəliyə daha tez təslim olurlar. Lakin statistika aparmadığımızdan, bu istiqamətdə dəqiq bir rəqəm deyə bilməyəcəm.

- Oxucularımıza nə tövsiyə edərdiz?

- İnsanları maksimum dərəcədə məsuliyyətli olmağa, sosial məsafəni gözləməyə, maska taxmağa, gigiyenik qaydalara əməl etməyə səsləyirik. Bunlara əməl etsək, virus bizə yaxın gəlməz.

1273
Teqlər:
Uroloq, xəstəxana, COVID-19, həkim
 Koronavirus testi, arxiv şəkli

COVID-19 taym-aut götürüb: Azərbaycanda günün statistikası

28
Hazırkı dövrədək Azərbaycanda 121176 nəfərin koronavirus infeksiyasına yoluxması faktı müəyyən edilib. Onlardan 74902 nəfər müalicə olunaraq sağalıb, 1392 nəfər vəfat edib

BAKI, 30 noyabr — Sputnik. Azərbaycan Respublikasında koronavirus (COVID-19) infeksiyasına 2981 yeni yoluxma faktı qeydə alınıb, 1226 nəfər müalicə olunaraq sağalıb və evə buraxılıb. Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 31 nəfər vəfat edib.

Hazırkı dövrədək Azərbaycanda 121176 nəfərin koronavirus infeksiyasına yoluxması faktı müəyyən edilib. Onlardan 74902 nəfər müalicə olunaraq sağalıb, 1392 nəfər vəfat edib. Aktiv xəstə sayı 44882 nəfərdir. Ötən müddət ərzində 1728577 test aparılıb. Bugünkü test sayı isə 10342-dir.

28
Teqlər:
ölənlər, yoluxma, Azərbaycan, Koronavirus, epidemiya, COVID-19
Mövzu:
Azərbaycanda koronavirus: son xəbərlər
Rusiyada həkim

Şimal qonşumuzda bir gündə 300-dən çox adam koronavirusdan öldü

14
Dünyada koronavirus infeksiyasına indiyədək yoluxanların sayı 62,7 milyonu keçib, 1,45 milyondan çox adam isə virus səbəbilə ölüb

BAKI, 30 noyabr — Sputnik. Son bir sutka ərzində Rusiyada 26 338 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 368 nəfər ölüb.

Ümumilikdə, Rusiyada bu xəstəliyə yoluxanların sayı 2 milyon 295 654 nəfərə çatıb. Rusiyada pandemiya yayılandan 39895 nəfər COVID-19-dan vəfat edib. Ölkədə bu virusdan sağalanların sayı 1778704-ə çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 62,7 milyonu keçib, 1,45 milyondan çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

14
Teqlər:
Rusiya, Koronavirus, COVID-19
Rusiya hökumətinin rəhbəri Mixail Mişustin, arxiv şəkli

Paşinyan indi Rusiyanın Baş nazirinə zəng etdi

0
(Yenilənib 18:28 30.11.2020)
Mişustin, həmçinin Paşinyanı məlumatlandırıb ki, Avrasiya İqtisadi İttifaqının (Aİİ) hökumətlərarası Şurasının növbəti iclasının videokonfrans formatında keçirilməsi ilə bağlı Aİİ-nin komissiyasına müraciət edib.

BAKI, 30 noyabr — Sputnik. Ermənistanın və Rusiyanın baş nazirləri – Nikol Paşinyan və Mixail Mişustin arasında telefon danışığı baş tutub. Sputnik Ermənistan xəbər verir ki, telefon danışığı Ermənistan tərəfinin təşəbbüsü ilə baş tutub.

Telefon danışığı zamanı tərəflər Ermənistan-Rusiya münasibətlərinə dair bir sıra məsələləri müzakirə ediblər.

Mişustin, həmçinin Paşinyanı məlumatlandırıb ki, Avrasiya İqtisadi İttifaqının (Aİİ) hökumətlərarası Şurasının növbəti iclasının videokonfrans formatında keçirilməsi ilə bağlı Aİİ-nin komissiyasına müraciət edib.

0
Teqlər:
telefon danışığı, Mixail Mişustin, Nikol Paşinyan, Rusiya, Ermənistan