Tibb işçisi Dövlət Gömrük Komitəsinin hospitalında, arxiv şəkli

Ağır COVID-19 xəstələri üçün yeni avadanlıqlar gətirildi

37
(Yenilənib 15:03 07.09.2020)
Layihənin birinci mərhələsində 10000 şəffaf maska, 10000 qoruyucu eynək, 8000 tibbi qoruyucu xalat və 140000 respirator maska ölkəyə gətirilib və müvafiq tibb müəssisələrinə paylanıb

BAKI, 7 sentyabr — Sputnik. #TeamEurope-un təşəbbüsü olan, Avropa İttifaqının maliyyələşdirdiyi və ÜST-ün Avropa üzrə Regional Ofisi tərəfindən həyata keçirilən "Sağlamlıq üçün Həmrəylik Təşəbbüsü" layihəsi çərçivəsində COVID-19-lu ağır xəstələrin müalicəsində istifadə olunması üçün 129 ədəd oksigen konsentratoru və 60 ədəd pulsoksimetr ölkəyə gətirilib. Sputnik Azərbaycan xəbər verir ki, bu barədə Ümumdünya Səhiyyə Təşkilatının Bakı ofisi məlumat yayıb.

Bildirilib ki, layihənin birinci mərhələsində 10000 şəffaf maska, 10000 qoruyucu eynək, 8000 tibbi qoruyucu xalat və 140000 respirator maska ölkəyə gətirilib və müvafiq tibb müəssisələrinə paylanıb.

Qeyd edək ki, "Sağlamlıq üçün Həmrəylik Təşəbbüsü" layihəsinin məqsədi COVID-19-un yayılmasının qarşısının alınması, virusun aşkarlanması və cavab tədbirlərinə dəstək vermək, şərq qonşularının ictimai səhiyyə sahəsində fövqəladə hallara qarşı mübarizə potensialını gücləndirməkdir.

37
Teqlər:
oksigen, maska, ÜST, xəstə, avadanlıq, Koronavirus, COVID-19
Əlaqədar
Hindistan Braziliyanı keçdi – sonluq isə görünmür
Azərbaycanlı müğənni koma vəziyyətinə düşüb
Reanimasiyada olan COVID-19 xəstələrinin sayı açıqlandı
Koronavirus müəllimi onlayn mühazirə dediyi yerdə haqlayıb
Qırxa qədər ölkə Rusiyanın vaksininə maraq göstərir
Pfizer-BioNtech peyvəndi, arxiv şəkli

ÜST iddia edir ki, vaksindən ölən yoxdur

8
ÜST nümayəndəsinin sözlərinə görə, peyvəndin bir neçə yan təsirləri qeydə alınıb, məsələn, anafilaktik şok kimi

BAKI, 20 yanvar - Sputnik. Koronavirus infeksiyasına qarşı peyvəndlərdən hələlik heç bir ölüm halı qeydə alınmayıb. Sputnik Azərbaycan RİA Novosti-yə istinadən bildirir ki, bunu Ümumdünya Səhiyyə Təşkilatının eksperti Mariancela Simao deyib. 

"Əlimizdə bazarda geniş istifadə olunan peyvənd var. Bu, Pfizer-dir. Və hələlik hazırda istifadə olunan vaksinlərdən heç bir ölüm halının şahidi olmamışıq, - o bildirib. 

ÜST nümayəndəsinin sözlərinə görə, bir neçə yan təsirlər qeydə alınıb, məsələn, anafilaktik şok kimi. Bəzi peyvənd olunmuş şəxslərdə isə ciddi allergiyalara meyllilik var. Belə hallarda mütləq tibb müəssisələrində nəzarət altında peyvənd vurdurmaq lazımdır, mütəxəssis söyləyib.  

Simao əlavə edib ki, ÜST vaksinlərin istənilən ciddi yan təsirini izləyir və öz tövsiyələrini yeniləyir. Hazırda koronavirus əleyhinə daha 12 preparatı təşkilatın ekspertləri qiymətləndirməlidirlər.

8
Teqlər:
ÜST, ölüm, Pfizer, vaksin
Mövzu:
Yeni tip koronavirus pandemiyası
Nyu-Yorkda divarda təsvir, arxiv şəkli

Koronavirusun daha bir ştammı aşkarlandı

10
(Yenilənib 23:39 20.01.2021)
Yeni ştammın təhlükə dərəcəsi barədə hazırda məlumat yoxdur. Bununla yanaşı, elm adamları yeni mutasiyanın nə qədər tez ötürüldüyünü təyin etməlidirlər

BAKI, 20 yanvar — Sputnik. Amerikanın Kaliforniya ştatında koronavirusun yeni ştammı aşkarlanıb. Sputnik Azərbaycan xarici mətbuata istinadla xəbər verir ki, virusun yeni forması CAL.20C "Britaniya" ştammının axtarışı zamanı müəyyən edilib.

Alınan biomateriallarda mutasiyaya uğramış koronavirus aşkar edilib. Mütəxəssislər virusun yeni variantının keçən ilin yayında ortaya çıxdığını, ancaq özünü payızda göstərdiyini düşünürlər. Hazırda CAL.20C geniş yayılıb.

Məlumata görə, mutasiyaya uğramış koronavirus yanvarın 13-də Los-Ancelesdəki bir laboratoriyada nümunələrin yarısından çoxunda müəyyən edilib.

"Ştamm həqiqətən burada meydana gəlib və onun tətil dövründə ortaya çıxmağa və yayılmağa imkanı olub", - deyə Cedars-Sinai Tibb Mərkəzinin əməkdaşlarından biri bildirib.

Yeni ştammın təhlükə dərəcəsi barədə hazırda məlumat yoxdur. Bununla yanaşı, elm adamları yeni mutasiyanın nə qədər tez ötürüldüyünü təyin etməlidirlər.

ABŞ-da koronavirus qurbanlarının sayı 400 min nəfəri keçib. Milad bayramından sonra ölümlərin sayı da kəskin şəkildə çoxalıb.

10
Teqlər:
mutasiya, ştamm, Koronavirus, epidemiya, COVID-19
Mövzu:
Yeni tip koronavirus pandemiyası