Körpə uşağın peyvənd olunması, arxiv şəkli

Bu il uşaqlar arasında vaksinlə əhatələnmə səviyyəsi aşağı düşüb - Səbəb

26
(Yenilənib 11:11 05.09.2020)
"Əgər peyvənd olunmayan uşaq qızılcaya, məxmərəyə yoluxursa, ikincili infeksiyalara yoluxma riski artır"

Zülfiyyə Quluyeva, Sputnik Azərbaycan

BAKI, 5 sentyabr — Sputnik. Azərbaycanda bu il uşaqlar arasında peyvəndlə əhatələnmə bir qədər aşağı düşüb. Bu məlumatı Sputnik Azərbaycan-a açıqlamasında Səhiyyə Nazirliyinin Respublika Gigiyena və Epidemiologiya Mərkəzinin (RGEM) direktor müavini Afaq Əliyeva deyib.

O bildirib ki, hər il uşaqlar arasında immunizasiya tədbirləri aparılır. Bu tədbirlər çərçivəsində peyvənddən kənar qalan uşaqlar peyvəndə cəlb olunurlar: "Amma bu il mart ayından etibarən ölkəmizdə koronavirus pandemiyasına görə bu tədbirlər keçirilsə də az valideyn öz uşağını peyvənd olunmağa gətirə bildi. Səbəb isə pandemiya səbəbindən virusa yoluxmadan ehtiyat edərək valideynlərin uşaqlarını polikilinikalara gətirməməsi, eləcə də evdən çıxmağa qoyulan məhdudiyyətlər oldu. Bu üzdən əvvəlki illərlə müqayisədə uşaqlar arasında peyvəndə cəlb olunma bu il qismən aşağı oldu.

Amma biz bu il də immunlaşdırıcı tədbirlər keçirdik. Çünki peyvənd təqviminə daxil olunan peyvəndlər uşaqları koronavirusa yoluxmadan qorumasa da, digər idarəolunan viruslardan qoruyur. Əgər peyvənd olunmayan uşaq qızılcaya, məxmərəyə yoluxursa, ikincili infeksiyalara yoluxma riski artır. Çünki immun sistemi zəifləyir. Ona görə də biz valideynlərə pandemiya şəraitində uşaqlarını peyvənd təqviminə daxil olan vaksinlərdən kənar saxlamamağı tövsiyə edirik".

26
Əlaqədar
Bəşəriyyət üçün ən böyük icad - hər kəsin ondan istifadəsi şərtdirmi?
On minlərlə insan necə peyvənd ediləcək: Detallar açıqlandı
COVID-19-a qarşı peyvənd ölkəyə nə vaxt gətiriləcək? - Prezidentdən açıqlama
Azərbaycanlı alim COVID-19 üçün vaksin hazırladı
Pişik dərmanı "COVID-19"-u məhv edə bilər
Koronavirus

Koronavirusun yeni ştammının şəkli yayıldı

10
(Yenilənib 11:34 25.01.2021)
Alimlər laboratoriya heyvanlarından istifadə edərək virusun struktur xüsusiyyətlərini, eləcə də hüceyrələrdə, eksperimental modellərdə təzahürlərini öyrənirlər

BAKI, 25 yanvar — Sputnik. Rusiyanın "Vektor" mərkəzi koronavirusun Britaniya ştammının fotosunu yayıb.

Sputnik Azərbaycan bildirir ki, şəkil "Rospotrebnadzor"un saytında yayımlanıb.

Ştammın şəklini virusun yeni variantının tədqiqatı çərçivəsində mikroskop vasitəsilə çəkiblər. Alimlər laboratoriya heyvanlarından istifadə edərək virusun struktur xüsusiyyətlərini, eləcə də hüceyrələrdə, eksperimental modellərdə təzahürlərini öyrənirlər.

Qurumdan bildiriblər ki, hazırlanmış PZR testləri variant virusunu mutasiyaya uğramamış virusdan fərqləndirə bilir. Həmçinin "Rospotrebnadzor"un məlumatına görə, COVID-19-un yeni mutasiyaları "EpiVakKorona" vaksininin effektivliyinə təsir etmir.

10
Teqlər:
ştamm, Koronavirus, epidemiya, COVID-19
Mövzu:
Yeni tip koronavirus pandemiyası
Limonlu çay

Limonlu çayın növbəti faydaları üzə çıxıb

21
(Yenilənib 11:17 25.01.2021)
Tədqiqatlar göstərir ki, limon şirəsinin istifadəsi ümumi kalorililiyi məhdudlaşdırmaqla birlikdə piy çöküntülərini azaldır və menopauza ərəfəsində qadınlarda insulinorezistentliyi artırır.

BAKI, 25 yanvar - Sputnik. Çay, insanın çəkisini artıran şirin içkilərlə müqayisədə kalorisi olmayan yüksək keyfiyyətli içkidir. Sağlamlığa xeyri olan çay içərkən biz təkcə arıqlamırıq, həm də bir sıra üstünlüklər, o cümlədən, soyuqdəymədən və ya zökəmdən sonra bərpa olunmaq üçün üstünlüklər əldə edirik. Limon, arıqlamaq istəyənlər üçün faydalı olan C vitamini, sellüloz və bitki birləşmələri ilə zəngindir.

Sputnik Azərbaycan “MedikForum” saytına istinadla xəbər verir ki, bəzi tədqiqatlardan alınan nəticələrə görə, limonlarda həll olunan sellüloz toxluq hissini uzadır.

Orqanizmdəki toksinləri təmizləyən bu gözəl içkinin düzgün qəbulu bədənin normal fəaliyyəti üçün zəruridir. Çay qidanı enerjiyə çevirir və metabolizm prosesini yaxşılaşdırır. Metabolizmin sürəti aktivliyi saxlamaq üçün bədənin hansı tempdə kalori yandırdığını müəyyənləşdirir. Tədqiqatlar göstərir ki, limon şirəsinin istifadəsi ümumi kalorililiyi məhdudlaşdırmaqla birlikdə piy çöküntülərini azaldır və menopauza ərəfəsində qadınlarda insulinorezistentliyi artırır.

Adi limonlu çay hazırlamaq üsulu çox sadədir. Qaynadılan suya bir xörək qaşığı adi çay əlavə olunur və bir dəqiqəlik qaynamağa qoyulur. Daha sonra isə, limon şirəsi və şəkər əlavə olunur. İçkini yaxşıca süzgəcdən keçirmək, sonra da dadına görə isti və ya soyuq içmək tövsiyə olunur. Daha effektiv nəticələr əldə etmək üçün gündə bir-iki fincan şəkərsiz limonlu çay içmək olar.

21
Teqlər:
çay, limonun xeyri, limon şirəsi, limon
Aleksandr Şalyapin

Məşhur komik evində ölü tapıldı

0
(Yenilənib 12:24 25.01.2021)
O, "Bumer: İkinci film", "Univer. Novaya obşaqa" (Univer: Yeni yataqxana), "Qadınlar kişilərə qarşı", "Ağır qum" (serial) kimi ekran işlərində rol alıb

BAKI, 25 yanvar — Sputnik. Moskvada məşhur komik və aktyor, "Stand up Show"nun (Comedy Club) iştirakçısı Aleksandr Şalyapinin meyiti tapılıb. Sputnik Azərbaycan Rusiya KİV-nə istinadən xəbər verir ki, onun özünə qəsd etdiyi bildirilir.

Qeyd olunur ki, Şalyapinin meyitini həyat yoldaşı tapıb. Qadın evə təcili yardım çağırıb.

Hazırda hadisənin təfərrüatı araşdırılır.

Şalyapinin 41 yaşı olub. O, "Bumer: İkinci film", "Univer. Novaya obşaqa" (Univer: Yeni yataqxana), "Qadınlar kişilərə qarşı", "Ağır qum" (serial) kimi ekran işlərində rol alıb.

0
Teqlər:
Rusiya, serial, vəfat, aktyor