Qadın respiratorda

Sevişərkən maska taxın: Kanadanın baş həkimi məsləhət görür

2099
(Yenilənib 14:57 07.09.2020)
"Virusa yoluxma və onu yayma riskini minimuma endirmək üçün edə biləcəyiniz bəzi şeylər var. Öpüşməkdən çəkinin, üz-üzə təmasdan qaçının, ağzınızı və burnunuzu bağlayan maska taxın", – Tereza Tem bildirib

BAKI, 3 sentyabr — Sputnik. Cinsi əlaqə zamanı özünüzü koronavirusa yoluxmaqdan qorumaq üçün öpüşməyin və maska taxın.

Sputnik Azərbaycan "Reuters" agentliyinə istinadən xəbər verir ki, belə bir məsləhəti Kanadanın Baş həkimi Tereza Tem verib.

Tereza Tem bildirib ki, seks zamanı orqanik mayelər vasitəsilə COVID-19-a yoluxmaq riski azdır, lakin yeni tərəfdaşlarla cinsi fəaliyyət, xüsusilə də öpüşmək kimi sıx əlaqə yoluxma riskini artırır.

"Virusa yoluxma və onu yayma riskini minimuma endirmək üçün edə biləcəyiniz bəzi şeylər var. Öpüşməkdən çəkinin, üz-üzə təmasdan qaçının, ağzınızı və burnunuzu bağlayan maska geyinin və hər hansı bir cinsi fəaliyyətdən əvvəl özünüzün və tərəfdaşınızın simptomlarını yoxlayın", - Tem bildirib.

Sentyabrın 1-nə olan məlumata görə, Kanadada COVID-19-a 129425 yoluxma və 9132 ölüm halı qeydə alınıb. Yeni gündəlik yoluxma halları pik göstəricilərdən aşağıdır, lakin son zamanlar Kanadanın bəzi qərb əyalətlərində yoluxma sayının artmasına səbəb olan artım müşahidə olunur.

2099
Teqlər:
qorumaq, qorunma, maska, Koronavirus, seks
Mövzu:
Yeni tip koronavirus pandemiyası (586)
Əlaqədar
Braziliyalı ulduz futbolçu koronavirusa yoluxdu
Koronavirusa yoluxub-yoluxmadığınızı bilmirsinizsə, bu əlamətlərə diqqət edin
On minlərlə insan necə peyvənd ediləcək: Detallar açıqlandı
Pişik dərmanı "COVID-19"-u məhv edə bilər
COVID-19-dan sağalanlar barədə iki fikir mövcuddur
Həkim, arxiv şəkli

Məşhur həkim xərçəng xəstəliyinin indiyədək elmə məlum olmayan əlamətini açıqlayıb

29
(Yenilənib 19:36 24.01.2021)
Həkim uzunmüddətli uçuşların və ya uzun müddət avtomobil sürməyin qan laxtalanmasına səbəb ola biləcəyini əlavə edib.

BAKI, 24 yanvar - Sputnik. Rusiyalı məşhur həkim və televiziya aparıcısı Aleksandr Myasnikov, insanda onkoloji xəstəliyə dəlalət edən və indiyədək elmə məlum olmayan daha bir əlaməti qeyd edib. Sputnik Azərbaycan xəbər verir ki, o, bu barədə "Rossoya 1" telekanalının efirində danışıb.

Həkim qan laxtalanmasının xərçəngin əlaməti ola biləcəyini söyləyib. Myasnikov qeyd edib ki, qan laxtası aşkar edilərsə, onun mövcudluğunun səbəbini mümkün qədər dəqiq müəyyən etmək üçün həkimə müraciət etmək və tam müayinədən keçmək lazımdır. 

"Əgər hər hansı bir səbəb varsa - çox çəkənsizsə, hormonal dərman qəbul edirsizsə, (...) omba əməliyyatı etdirmisizsə və ya üç gündən çox xəstəxanada yatmısızsa - bunların hamısı risk faktorlarıdır", - deyə o, bildirib. 

Həkim uzunmüddətli uçuşların və ya uzun müddət avtomobil sürməyin də qan laxtalanmasına səbəb ola biləcəyini əlavə edib.

Bundan əvvəl Myasnikov, koronavirusa qarşı peyvəndlə bağlı ən çox yayılan yeddi sualı cavablandırıb. O, bu məsələdə bir həkimin tövsiyəsinə etibar etməyin daha yaxşı olduğunu söyləyib. Çünki bəzi peyvəndlər daha uzun müddət qoruyur, bəziləri isə xroniki xəstəlikləri olan insanlar üçün daha uyğundur.

 

29
Teqlər:
Xərçəngin müalicəsi, xərçəng xəstəliyi, xərçəng riski, Xərçəng
Koronavirusа qarşı peyvənd, arxiv şəkli

Rusiya peyvəndi digərlərindən daha yaxşı nəticə göstərib - Karlos Sala

24
(Yenilənib 17:58 24.01.2021)
“Sputnik V” vaksini adenoviruslu vektorların əsasında yaradılıb. Bu vektorlarda SARS-CoV-2 virusunun çıxıntışəkilli zülalı var.

BAKI, 24 yanvar - Sputnik. Rusiyanın koronavirus əleyhinə “Sputnik V” preparatı bir vektorlu dərmanlardan daha yaxşı nəticələr göstərir. Bu fikirlər Rusiya preparatına dair beynəlxalq elmi ekspert şurasının üzvü Karlos Salaya məxsusdur.

"Bizi həmişə bu metodun böyük effektivlik hipotezinə görə adenovirusun müxtəlif vektorlarının istifadəsi strategiyası maraqlandırıb. Və bu nümayiş etdirildi, çünki eyni platformadakı vaksinlərlə müqayisə edəndə nəticələr daha yaxşı olur", – ekspert Sputnik radiosuna bildirib.

Ekspert bunu innovativ nəticə adlandırıb.

“Sputnik V” vaksini adenoviruslu vektorların əsasında yaradılıb. Bu vektorlarda SARS-CoV-2 virusunun çıxıntışəkilli zülalı var. Adenovirusların özləri replikasiya imkanından məhrumdurlar - onlar gentetik materialın (antigenin) insan orqanizminin hüceyrələrinə çatdırılma sistemi rolunu oynayırlar.

Rusiyanın COVID-19 əleyhinə vaksinləri

Ötən ilin avqustunda Rusiya Səhiyyə nazirliyi dünyada ilk dəfə olara COVID-19-un profilaktikası üçün vaksini qeydə aldı. Vaksin Qamaleya adına mərkəz tərəfindən hazırlanıb və Rusiya Birbaşa sərmayələr fondu ilə birgə istehsal olunur. Peyvəndə “Sputnik V” adı verilib.

Rusiyanın ikinci koronavirus əleyhinə vaksini “EpiVakKorona” Novosibirskin “Vektor” mərkəzi tərəfindən  hazırlanıb.

Bundan əlavə, REA-nın Çumakov adına İmmunobioloji preparatların tədqiqatı və hazırlanması mərkəzinin “canlı” vaksini kliniki sınaq mərhələsindədir.

24
Teqlər:
Sputnik-V peyvəndi, Koronavirus, epidemiya, COVID-19

Cavad Zərif Azərbaycana gəlib

0
(Yenilənib 23:00 24.01.2021)
İranlı diplomatın Azərbaycandan sonra Rusiya, Ermənistan, Gürcüstan və yaxın günlərdə - həftə sonu Türkiyəyə də səfər edəcəyi planlaşdırılıb. 

BAKI, 24 yanvar - Sputnik. İranın Xarici İşlər naziri Məhəmməd Cavad Zərif bu gün axşam Azərbaycana rəsmi səfərə gəlib.

Sputnik Azərbaycan xəbər verir ki, Zərif hava limanında jurnalistlərə açıqlamasında qardaş Azərbaycan Respublikasına səfərindən məmnunluğunu ifadə edib. O, Azərbaycanın torpaqlarını azad etdiyinə görə sevinc hissi keçirdiyini deyib. 

Zərif səfər müddətində əsas müzakirə ediləcək istiqamətləri də açıqlayıb:

“Əsas müzakirə mövzusu bölgədəki regional əməkdaşlıqdır. Bu da bizim üçün çox vacibdir. İran İslam Respublikası regiondakı ölkələrlə ikitərəfli yaxın münasibətlərə üstünlük verir”. 

İran XİN rəhbərinin sözlərinə görə, sabah azərbaycanlı rəsmilərlə Dağlıq Qarabağdakı vəziyyət, əməkdaşlıq və azad olunmuş ərazilərdə yenidənqurma, eləcə də təhlükəsizlik məsələləri ilə bağlı danışıqlar olacaq.

Zərif azərbaycanlı məcburi qaçqınların azad edilmiş doğma torpaqlarına qayıtmasına da münasibət bildirib. Qeyd edib ki, bu məsələ də danışıqlar masasında müzakirə ediləcək. Səfər çərçivəsində, həmçinin, Şimal-Cənub və Cənub-Qərb dəhlizləri ilə bağlı məsələlərə də toxunulacaq.

İranlı diplomat əlavə edib ki, Azərbaycandan sonra Rusiya, Ermənistan, Gürcüstan və yaxın günlərdə - həftə sonu Türkiyəyə də səfər edəcəyi planlaşdırılıb. 

0
Teqlər:
İranın xarici işlər naziri Məhəmməd Cavad Zərif, Məhəmməd Cavad Zərif, Qarabağ, Gürcüstan, Ermənistan, Türkiyə, Rusiya, İran