Bakıda qoruyucu geyimdə olan tibb işçisi

Əziz-xələf koronavirus, səni niyə gizlədirlər?

154
(Yenilənib 01:39 02.09.2020)
"Virusa yoluxmuş insanlar mənzildə bütün əşyalardan istifadə edirlər. Sanitar qovşaq daxil olmaqla ev dezinfeksiya olunmalıdır ki, o mənzildə yaşayanlar üçün təhlükə qalmasın"

Zülfiyyə Quluyeva, Sputnik Azərbaycan

BAKI, 2 sentyabr — Sputnik. Qaydalara əsasən, koronavirusa yoluxma ocaqları dezinfeksiya edilməli olsa da, bu qaydalara tam əməl edilmir. Koronavirus xəstələri və bu virusdan dünyasını dəyişən insanların ailələri arasında evlərinin indiyədək bir dəfə belə dezinfeksiya olunmadığını söyləyənlər var. T.M. (adı şərtidir) Sputnik Azərbaycan-a açıqlamasında bildirib ki, o, koronavirusa yoluxsa da, mənzili dezinfeksiya olunmayıb.

Respublika Gigiyena və Epidemiologiya Mərkəzinin şöbə müdiri Ziyəddin Kazımov da koronavirusa yoluxma halının aşkarlandığı, eyni zamanda virusdan rəhmətə gedən insanların evlərinin dezinfeksiya edilməsinin vacib olduğunu söyləyib. O bildirib ki, dezinfeksiya işlərinin aparılmaması o halda baş verir ki, hər hansı bir xəstənin nəticəsinin pozitivliyi barədə Ərazi Gigiyena Mərkəzinə məlumat ötürülmür:

“Xəstəni test edən və nəticəni bilən həkimlər Ərazi Gigiyena Mərkəzinə məlumat verməlidirlər. Bundan sonra isə ərazi dezinfeksiya şöbələri lazım olan tədbirləri həyata keçirməli, dezinfeksiya aparılmalıdır”.

Z.Kazımov onu da vurğulayıb ki, qurum yalnız xəstələrin olduğu evin dezinfeksiya edilməsinə məsuliyyət daşıyır. Yəni buraya xəstə aşkar olunan həyət və ya küçələr daxil deyil. 

Onun sözlərinə görə, fərdi həyətyanı sahəsi olan şəxslər həyətlərinin dezinfeksiya edilməsi üçün mütləq prosesi həyata keçirən qurumla müqavilə bağlamalıdırlar.

Sputnik Azərbaycan koronavirusa yoluxma və ölüm qeydə alınan mənzillərdə dezinfeksiya işlərinin aparılmamasının hansı təhlükə yaratdığını araşdırıb.

Tibb Universitetinin Tədris Cərrahiyyə Klinikasının dosenti Ədalət Rüstəm Sputnik Azərbaycan-a açıqlamasında bildirib ki, yoluxma ocaqlarının dezinfeksiyası vacibdir. Onun sözlərinə görə, koronavirusa yoluxma qeydə alınan mənzillər mütləq şəkildə dezinfeksiya olunmalıdır: “Çünki həmin mənzillərdə virusa yoluxma ehtimalı qalır.

Avropada, koronavirusla mübarizənin aparıldığı bütün ölkələrdə yoluxma ocaqları dezinfeksiya olunur. Bu, ÜST tərəfindən də verilmiş təlimatdır. Çünki xəstənin toxunduğu hər yerdə virus qala bilər. Yoluxma ocağı ona görə dezinfeksiya olunur ki, həmin mənzildə virusa yoluxma halı təkrar qeydə alınmasın.

Nəzərə almaq lazımdır ki, virusa yoluxmuş insanlar mənzildə bütün əşyalardan istifadə edirlər. Sanitar qovşaq daxil olmaqla ev dezinfeksiya olunmalıdır ki, o mənzildə yaşayanlar üçün təhlükə qalmasın”.

"Sürətli və dəqiq". Rusiyada koronavirusu havada aşkarlayan cihaz yaradılıb>>

O ki qaldı koronavirusa yoluxma və ölüm qeydə alınmış ünvanlarda bəzi hallarda dezinfeksiya tədbirlərinin aparılmamasına, Ziyəddin Kazımov Sputnik Azərbaycan-a açıqlamasında bildirib ki, belə hallar tək-tək ola bilər: “Virusa yoluxmuş, yaxud da vəfat etmiş şəxsin yaşadığı ünvan siyahıda varsa, mütləq həmin mənzil dezinfeksiya edilir. Dezinfeksiya tədbiri məcburidir. Çünki belə ünvanlar yoluxma ocaqlı hesab edilir.

Çox təəssüf ki, bəzən vətəndaşlar özləri mənzilin dezinfeksiyasından yayınırlar. Virusa yoluxmuş şəxslər yaşadıqları yeri gizlədirlər. Amma ünvan qeydiyyatdadırsa, dərhal həmin ünvanda dezinfeksiya aparılır.

Mən sizin vasitənizlə müraciət edirəm ki, əgər virusa yoluxmuş şəxslərdən kiminsə evi dezinfeksiya olunmayıbsa, ərazi GEM-inə müraciət edə bilər. Yox, əgər vətəndaş virusa yoluxduğu halda yaşadığı ünvanı gizlədirsə, bu zaman məsuliyyət onun öz üzərinə düşür".

154
Teqlər:
dezinfeksiya, Koronavirus, COVID-19
Mövzu:
Azərbaycanda koronavirus: son xəbərlər (299)
Əlaqədar
Bəşəriyyət üçün ən böyük icad - hər kəsin ondan istifadəsi şərtdirmi?
Koronavirusa yoluxma sayında yenə artım və ölənlər var
İnanılmaz! COVID-19 xəstəsi rekord vurdu
COVID-19-a qarşı peyvənd ölkəyə nə vaxt gətiriləcək? - Prezidentdən açıqlama
Azərbaycanlı alim COVID-19 üçün vaksin hazırladı
Koronavirus testi, arxiv şəkli

Azərbaycanda koronavirusa yoluxanlarla bağlı son rəqəm açıqlandı

13
İndiyədək ümumilikdə 38894 nəfər koronavirus infeksiyasına yoluxub, onlardan 36424 nəfər müalicə olunaraq sağalıb, 572 nəfər vəfat edib

BAKI, 18 sentyabr — Sputnik. Azərbaycan Respublikasında koronavirus (COVID-19) infeksiyasına 117 yeni yoluxma faktı qeydə alınıb, 135 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmışbir nəfər vəfat edib.

İndiyədək ümumilikdə 38894 nəfər koronavirus infeksiyasına yoluxub, onlardan 36424 nəfər müalicə olunaraq sağalıb, 572 nəfər vəfat edib, aktiv xəstə sayı 1898 nəfərdir. Ölkədə son sutka ərzində 5898, hazırkı dövrədək isə 1041184 test aparılıb.

13
Mövzu:
Azərbaycanda koronavirus: son xəbərlər (299)
Əlaqədar
Şəkidə bu ərazidə koronavirusa kütləvi yoluxma aşkarlanıb
Dörd rayonun alış-veriş etdiyi bazar üç günlük bağlandı
ÜST COVID-19 vaksinin təsdiqlənməsi şərtlərini açıqladı
Google-un köməyilə koronavirusun harada “partladığını” bilmək olar
Alman virusoloq: “Həyatın dayanmasına imkan vermək olmaz”
Tibb işçisi

Koronavirus qurbanlarının sayı 950 minə yaxınlaşır

10
(Yenilənib 11:59 18.09.2020)
Avropada virusa yoluxanların sayına görə Rusiya ilk yerdədir. Belə ki, bu ölkədə 1 milyon 081 min 152 yoluxma qeydə alınıb

BAKI, 18 sentyabr — Sputnik. Dünyada koronavirusa yoluxanların sayı 30 175 496 milyona çatıb. Bu barədə Sputnik Azərbaycan Cons Hopkins Universitetinin saytına istinadən xəbər verir.

Məlumata əsasən, virusa yoluxmuş 946 063 nəfər vəfat edib, 20 527 308 xəstə isə sağalıb.

Koronavirusa yoluxmaların sayına görə ilk pillədə ABŞ qərarlaşıb ki, bu ölkədə xəstələrin sayı 6 milyon 674 min 458 nəfərə çatıb. Avropada virusa yoluxanların sayına görə, Rusiya ilk yerdədir. Belə ki, bu ölkədə 1 milyon 081 min 152 yoluxma qeydə alınıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Ümumdünya Səhiyyə Təşkilatı (ÜST) fevralın 11-də virusun törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

10
Teqlər:
Koronavirus, epidemiya, COVID-19
Əlaqədar
Professor: “Koronavirus uşaqlar arasında simptomsuz formada müşahidə edilir”
Belarus koronavirus vaksininin sınaqlarına hazırlaşır
Google-un köməyilə koronavirusun harada “partladığını” bilmək olar
Koronavirusu ilk araşdıran alimlərdən bədbin şərh: "Çox vaxtımız yoxdur, gecikmişik"
Bu xəstəliklər zamanı koronavirus peyvəndinin vurulması tamamilə qadağandır

Tofiq Yaqublu aclığı dayandırdı

0
(Yenilənib 17:28 18.09.2020)
Həkim Adil Qeybulla bildirib ki, hazırda Tofiq Yaqublunun səhhəti kafidir, vəziyyətinə uyğun olaraq, bu gün və ya sabah evə buraxılacaq.

BAKI, 18 sentyabr — Sputnik. Müsavat Partiyasının fəalı Tofiq Yaqublu aclıq aksiyasını dayandırıb. Sputnik Azərbaycan xəbər verir ki, bu barədə Yaqublunun həkimi Adil Qeybulla məlumat verib.

Həkim bildirib ki, hazırda Tofiq Yaqublunun səhhəti kafidir. Vəziyyətinə uyğun olaraq, bu gün və ya sabah evə buraxılacaq.

Qeyd edək ki, Penitensiar Xidmət həbsdə olan müsavatçı Tofiq Yaqublu ilə bağlı rəsmi açıqlama yayıb. Sputnik Azərbaycan Pentensiar Xidmətin məlumatına istinadla xəbər verir ki, məhkəmənin hökmü ilə azadlıqdan məhrumetmə cəzasına məhkum edilmiş Tofiq Yaqublu Ədliyyə Nazirliyi Penitensiar Xidmətinin saxlanıldığı 3 saylı istintaq təcridxanasında 02.09.2020-ci il tarixdən yemək qəbulundan imtina edilib, bununla əlaqədar səhhəti həkim nəzarətinə götürülərək o, təcridxananın tibb məntəqəsinə köçürülüb.

Eyni zamanda xahişi ilə şəxsən tanıdığı mülki sektorun həkimi Adil Qeybullanın konsultasiyası təşkil edilmiş, A.Qeybulla onun səhhətinə gündəlik nəzarət edilməsi və müalicəsinin aparılması üçün çalışdığı xəstəxanaya – "City Hospital"a köçürülməsini xahiş edib.

Bununla əlaqədar T.Yaqublunun səhhətinə qayğı və həssaslıqla yanaşılaraq o, 12.09.2020-ci il tarixdə həmin xəstəxanaya yerləşdirilib.

17.09.2020-ci il tarixdə T.Yaqublu "City Hospital"da TƏBİB-in və Ədliyyə Nazirliyinin Tibb xidmətinin həkimləri tərəfindən birgə müayinə olunub və vəziyyətinin orta ağırlıqda stabil olduğu müəyyən edilib.

Hazırda T.Yaqublunun fizioloji göstəriciləri normal olsa da, o, əsasən yataqdadır, başgicəllənmədən, ümumi halsızlıqdan şikayət edir. Hazırkı durumu onun məhkəmə prosesində iştirakına çətinlik törədir.

T.Yaqublunun müdafiəsini həyata keçirən vəkillərin hökmdən verdikləri apelyasiya şikayətləri və barəsində seçilmiş qətimkan tədbirinin dəyişdirilməsinə dair vəsatəti Bakı Apellyasiya Məhkəməsinin icraatında olduğundan, Tibb xidməti tərəfindən onun səhhət durumunun nəzərə alınması ilə bağlı məhkəməyə müraciət edilib.

Sentyabrın 18-də Bakı Apelyasiya Məhkəməsində keçirilmiş ilkin baxış zamanı məhkəmə humanistlik göstərərək T.Yaqublunun barəsində seçilmiş həbs qətimkan tədbirini ev dustaqlığı ilə əvəz edib.

0
Teqlər:
TƏBİB, Penitensiar xidmət, Tofiq Yaqublu