Peyvənd, arxiv şəkli

Bəşəriyyət üçün ən böyük icad - hər kəsin ondan istifadəsi şərtdirmi?

423
(Yenilənib 17:35 01.09.2020)
"Əsas olan peyvəndin tərkibi və onun tərkibinin təsdiqlənib-təsdiqlənməməsidir. Buna baxmaq lazımdır. Həm də peyvəndlərin əksəriyyətinin istehsalı ÜST-ün nəzarətindədir" - Ekspert

Nigar İsgəndərova, Sputnik Azərbaycan

BAKI, 1 sentyabr — Sputnik. İnsanları kütləvi şəkildə yeni növ koronavirus infeksiyasından qorumaq məqsədilə immunitetin formalaşması üçün planetin 65-70 faiz əhalisi peyvənd olunmalıdır. Ümumdünya Səhiyyə Təşkilatının (ÜST) Baş tədqiqatçısı Sumya Svaminatan belə deyib və bildirib ki, virusdan qorunmanın ən yaxşı yolu peyvənd olunmaqdır.

ÜST mütəxəssisi Maria van Kerkxove də peyvəndləmənin əhalini qorumaq üçün ən təsirli üsul olduğunu vurğulayıb.

Payızdan sağ çıxaq: Operativ Qərargahın yanaşması və addımlarından çox şey asılı olacaq>>

COVID-19 bəşəriyyət üçün yeni virus olduğundan onun hazırlanmaqda olan peyvəndi ilə bağlı bir sıra suallar var. Pediatr-neonatoloq-reanimatoloq Telman Aytayev Sputnik Azərbaycan-a açıqlamasında bəzi məqamlara aydınlıq gətirib:

"Peyvənd bəşəriyyət üçün ən böyük icaddır. Bu gün dünyanın qarşılaşdığı pandemiya şəraitində insanlar üçün ziyanları az və faydaları çox olan bir peyvənd təsdiqlənəcək. Bu peyvəndlər ilk mərhələdə tibbi personala vurulacaq. Çünki ən böyük risk altında olan qrup onlardır. Bundan sonra isə digər risk qruplarına bu peyvəndlər vurulacaq və sonrakı mərhələdə isə bütün əhali üçün əlçatan olacaq".

"Bu gün əhalinin 60-70 faizinin bu virusu keçirməsi pandemiyanın bitməsi mənasına gəlir. Lakin peyvəndlə bağlı deyim ki, onun insanlara pis təsir edəcəyi ilə bağlı bir məlumat yoxdur. Çünki bu gün digər peyvəndlər də əhalinin, demək olar ki, bütün təbəqəsinə edilir. Bu peyvəndlərdən sonra əhalidə həmin xəstəliklərə qarşı immunitet yaranır. Biz bunadək də həmin peyvəndlərin yan təsirlərini görməmişik", - deyə ekspert əlavə edib.

O bildirib ki, peyvəndin harada istehsalı önəmli faktor deyil: "Əsas olan peyvəndin tərkibi və onun tərkibinin təsdiqlənib-təsdiqlənməməsidir. Buna baxmaq lazımdır. Həm də peyvəndlərin əksəriyyətinin istehsalı ÜST-ün nəzarətindədir. Bundan başqa, peyvəndin saxlanma şəraiti də çox önəmlidir. Saxlanma şəraiti düzgün olmadıqda o, xarab olur. Bu zaman da peyvəndin insan üzərində pozitiv təsiri itir".

"Peyvənd olunmadan COVID-19-dan qorunmaq mümkündürmü?" sualına cavab olaraq isə ekspert deyib ki, ümumiyyətlə, digər xəstəliklərdən qorunmaq üçün peyvəndlənmə vacib olduğu kimi, bu xəstəlikdə də vaksinasiya tövsiyə edilir: "Müxtəlif xəstəliklərdən qorunma zamanı da peyvəndləmə aparılır və bu zaman bəzən müəyyən əlamətlər, qızdırma, halsızlıq müşahidə edilir. Lakin bunlar xəstəliyə yoluxduqdan sonra müşahidə olunan əlamətlərlə müqayisədə zəifdir. Bu səbəbdən də peyvənd tövsiyə edilir".

423
Koronavirus testi, arxiv şəkli

Azərbaycanda son sutkada 714 nəfər koronavirusa yoluxdu - Yenə rekord

21
(Yenilənib 15:17 21.10.2020)
Aktiv xəstə sayı 5 503 nəfərdir. Ötən müddət ərzində 1 milyon 250 min 736 test aparılıb. Bugünkü test sayı isə 9 072-dir.

BAKI, 21 oktyabr — Sputnik. Azərbaycanda bu gün koronavirus infeksiyasına 714 yeni yoluxma faktı qeydə alınıb, 176 nəfər müalicə olunaraq sağalıb və evə buraxılıb. Sputnik Azərbaycan-ın məlumatına görə, bu barədə Nazirlər Kabineti yanında Operativ Qərargah məlumat yayıb.

Son sutkada 7 nəfər COVID-19-dan vəfat edib. Hazırkı dövrədək ölkəmizdə 46 min 593 nəfərin koronavirus infeksiyasına yoluxması faktı müəyyən edilib. Onlardan 40 min 448 nəfər müalicə olunaraq sağalıb, 642 nəfər vəfat edib. Aktiv xəstə sayı 5 503 nəfərdir. Ötən müddət ərzində 1 milyon 250 min 736 test aparılıb. Bugünkü test sayı isə 9 072-dir.

21
Moskvada tibb işçiləri, arxiv şəkli

Qonşu ölkədə bir gündə 300-dən çox şəxs öldü

38
(Yenilənib 12:46 21.10.2020)
Ümumilikdə, Rusiyada bu xəstəliyə yoluxanların sayı 1447335-ə çatıb. Rusiyada pandemiya yayılandan 24952 nəfər COVID-19-dan vəfat edib.

BAKI, 21 oktyabr — Sputnik. Son bir sutka ərzində Rusiyada 15700 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 317 nəfər ölüb.

Ümumilikdə, Rusiyada bu xəstəliyə yoluxanların sayı 1447335-ə çatıb. Rusiyada pandemiya yayılandan 24952 nəfər COVID-19-dan vəfat edib. Ölkədə bu virusdan sağalanların sayı 1096560-a çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 40,7 milyonu keçib, 1,2 mindən çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

38
Qarabağ klubunun futbolçuları, arxiv şəkli

"Qarabağ" qardaş Türkiyəni seçdi

0
(Yenilənib 17:48 21.10.2020)
Azərbaycanın "Qarabağ" futbol klubunun rəhbərliyi Avropa Liqasının qrup mərhələsinin ev oyunlarının neytral ərazidə keçirilməsi ilə bağlı qərarından apelyasiya şikayəti verib.

BAKI, 21 oktyabr — Sputnik. Azərbaycanın "Qarabağ" futbol klubunun rəhbərliyi Avropa Liqasının qrup mərhələsinin ev oyunlarını keçirmək istədiyi ölkənin adını açıqlayıb.

Sputnik Azərbaycan "Report"a istinadən xəbər verir ki, Avropa Futbol Assosiasiyaları İttifaqının (UEFA) İcraiyyə Komitəsi dünən Azərbaycan və Ermənistanın Dağlıq Qarabağdakı hərbi əməliyyatlarla əlaqədar ölkələrində UEFA-nın himayəsi altında ev oyunlarının keçirilməsinə qadağa qoyulması barədə qərar qəbul edib.

"Qarabağ" klubunun direktoru Emrah Çelikel bəyan edib ki, bu halda komandası ev oyunlarını qardaş Türkiyədə keçirmək istəyir.

"İndi üç neytral ərazi var – Kipr, Macarıstan və Polşa, ancaq bizim alternativ seçim təklif etmək imkanımız var. Avropa Liqasının qrup mərhələsindəki rəqiblərimizi Türkiyənin şəhərlərindən birində qəbul etmək istəyirik", – deyə E.Çelikel bildirib.

Komandanın bu seçimini əsaslandıran klub direktoru qeyd edib ki, Avropa İttifaqı ərazisindəki oyunlar üçün futbolçulara viza almaq lazım gəlir, bu prosedur isə xeyli vaxt tələb edir. Türkiyə ilə Azərbaycan arasında vizasız-gediş gəliş sistemi qüvvədə olduğundan, oyun qardaş ölkənin stadionlarından birində keçirilsə, sənədləşmə işlərinə əlavə vaxt lazım gəlməyəcək.

E.Çelikel klubun UEFA İcraiyyə Komitəsinin qərarından apelyasiya şikayəti verəcəyini də vurğulayaraq bildirib ki, Avropa kuboku oyunlarının Bakıda keçirilməsinə heç bir təhdid yoxdur.

Qeyd edək ki, "Qarabağ" klubu oktyabrın 22-də Avropa Liqasının qrup mərhələsi çərçivəsində ilk oyununu Tel-Əvivdə yerli "Makkabi" klubuna qarşı keçirəcək. Bir həftə sonra isə futbolçularımız Bakıda İspaniyanın "Villarreal" komandasını qəbul etməli idi.

0
Teqlər:
qrup mərhələsi, Avropa Liqası, Türkiyə, Qarabağ futbol klubu
Əlaqədar
UEFA rəhbərliyi Bakının AVRO-2020 siyahısından çıxarılacağını istisna etmir
Yaşıl sahənin adamı: "Gün gələcək, Şuşada Avropa çempionatı keçirəcəyik"
Dünya futbolunun türk ulduzu Azərbaycana dəstəyini ifadə etdi
UEFA rəhbəri: "Ümid edirəm ki, Qarabağdakı münaqişə tezliklə sülh yolu ilə həll ediləcək"