Yaşlı adam, arxiv şəkli

Mövsümə deyil, təzyiqə baxmaq lazımdır: ürək-damar xəstəlikləri haqda mifi yox etdilər

79
(Yenilənib 15:29 01.09.2020)
"Ürək-damar sistemi xəstəliklərinin şiddətlənməsi mövsümdən asılı deyil. Bununla belə infarkt və insultların əsasən səhər saatlarında baş verdiyi məlumdur" - Kardioloq

Nigar İsgəndərova, Sputnik Azərbaycan

BAKI, 30 avqust — Sputnik. Bu gün bütün dünyada ən geniş vüsət alan xəstəliklərindən biri, elə ən başlıcası ürək-damar xəstəlikləridir. Maraqlıdır, bu xəstəliklər əsasən hansı mövsümdə şiddətlənir və onun gənclər arasında geniş vüsət almasının səbəbi nədir?

Bu suallarla bağlı Mərkəzi Gömrük Hospitalının kardioloqu Samir Mustafayev Sputnik Azərbaycan-ın suallarını cavablandırıb.

© Sputnik / Stringer
Kardioloq Samir Mustafayev

- Öncə istəyirəm, ürəyin fəaliyyəti ilə bağlı danışaq.

- Ürək ana bətnində fəaliyyətə başlayan ilk orqandır. Dölün ürəyi ana bətnində 6 həftəsindən etibarən döyünməyə başlayır. Ürək həyatın və canlılığın qaynağı olaraq qəbul edilir. Yəqin ki, bu səbəbdəndir ki, ruhun ürəkdə yerləşdiyinə inanılır. Ürəyimiz ortalama dəqiqədə 70, gündə 104000 və ildə 38 milyon dəfə döyünərək, qanı orqanizimdə dövr etdirir. Üstəlik də 280-300 qram ağırlığında, sadəcə yumruğumuz böyüklüyündədir.

- Ürək-damar sistemi xəstəliklərinin dünyada rastlanma tezliyi haqda da məlumat verərdiniz.

- Ümumdünya Səhiyyə Təşkilatının məlumatlarına görə, ürək-damar sistemi xəstəlikləri ölümlər arasında ilk yeri tutur. Hər il 18 milyon insan bu xəstəliklərdən dünyasını dəyişir. Bu rəqəmin 2030-cu ildə 23 milyon olacağı ehtimal olunur. Xəstəliklər arasındakı ölümlərin 31%-i ürək-damar sistemi xəstəliklərinin payına düşür.

- Bu tip xəstəliklər əsasən hansı mövsümdə şiddətlənir?

-  Ürək-damar sistemi xəstəliklərinin şiddətlənməsi mövsümdən asılı deyil. Bununla belə, infarkt və insultların əsasən səhər saatlarında baş verdiyi məlumdur. Eyni zamanda havaların soyuması həm təzyiqin yüksəlməsinə, həm də infeksiyalara bağlı olaraq ürək çatışmazlığı hallarının artmasına səbəb olur. Yay aylarında ilk növbədə təzyiqin səviyyəsinə diqqət etmək lazımdır. Maye itkisinə bağlı olaraq təzyiqin aşağı düşməsi huşun itməsinə səbəb ola bilər.

- Gənclər arasında da ürəyindən şikayət edənlərin sayı artıb.

- Ürək-damar xəstəliklərinin gənclərdə daha çox görünməsinin səbəbi qidalanma vərdişlərinin dəyişməsi, oturaq həyat və stressdir. Əvvəlki illərlə müqayisədə fəstfud qidalanma tərzi geniş yayılıb. Bu da gənclərin daha çox doymuş yağlarla zəngin yeməklərə üstünlük verməsinə yol açır. Nəticədə ürək-damar xəstəliklərinin artmasına səbəb olur. Digər səbəb oturaq həyat və buna bağlı artıq çəki problemidir. Artıq çəki və piylənmə kimi problemlər də ürək-damar xəstəliklərinin artmasına səbəb olur. Meqapolislərdə tıxac, hava çirklənməsi kimi əlavə təsirlər stressə səbəb olur. Bu da gənc yaşda ürək-damar xəstəlikləri riskini artırır.

79
Əlaqədar
Abşeronun ən sevilən nemətlərindən birinin faydaları
Artıq çəki koronavirus peyvəndinin təsirini azaldır
Qan plazmasından istifadə edərkən diqqətli olmaq lazımdır
Koronavirusa ikinci dəfə yoluxmuş xəstə dəhşətli simptomlardan danışıb
Yüz minlərlə həyatı qurtaracaq - bu içki xərçəngdən müdafiə edir
Koronavirus vaksini, arxiv şəkli

Azərbaycan koronavirusa görə peyvənd alacaq

18
(Yenilənib 11:39 21.09.2020)
İmzalanan sazişə görə, ÜST tərəfindən təsdiqlənmiş və tələblərə cavab verən peyvənd istehsal olunduqda tez bir zamanda təşkilatın başqa üzv ölkələri ilə bərabər, Azərbaycan da təsdiqlənmiş peyvəndlə təmin olunacaq.

BAKI, 21 sentyabr — Sputnik. İcbari Tibbi Sığorta üzrə Dövlət Agentliyi və GAVI (Global Alliance for Vaccines) təşkilatı arasında saziş imzalanıb.

18 sentyabr 2020-ci il tarixində imzalanan sazişə görə, ÜST (Ümümdünya Səhiyyə Təşkilatı) tərəfindən təsdiqlənmiş və tələblərə cavab verən peyvənd istehsal olunduqda tez bir zamanda təşkilatın başqa üzv ölkələri ilə bərabər, Azərbaycan da təsdiqlənmiş peyvəndlə təmin olunacaq.

Bu barədə Sputnik Azərbaycan-a Tibbi Ərazi Bölmələrini İdarəetmə Birliyindən (TƏBİB) verilən məlumatda bildirilir ki, 2019-cu ilin sonundan etibarən dünyada sürətlə yayılan SARS-CoV-2 virusuna görə yaranmış pandemiya əksər ölkələrin səhiyyə və iqtisadi sistemlərini böhran vəziyyətinə salıb. Pandemiya davam etdiyi müddətdə bir çox sərt karantin tədbirləri və müalicə metodları tətbiq edilsə də, güclü mübarizə sistemləri hələ də hazır deyil.

Yoluxucu xəstəliklərə səbəb olan digər viruslardan fərqli olaraq SARS-CoV-2 virusu gec mutasiya olan, lakin yoluxdurucu gücü sürətlə artan virusdur. Bu şəraitdə epidemioloji vəziyyətə nəzarət edə bilmək üçün ən effektiv vasitə həssas əhali qruplarının vaksinasiyasıdır. Hesablamalar göstərir ki, əhalinin ilkin olaraq 20%-nə peyvəndlərin vurulması epidemioloji vəziyyətə effektiv nəzarət etmək üçün kifayət edə bilər. İstifadə oluna biləcək vaksinlər üzrə vacib tələblərdən biri vaksinin effektiv və təhlükəsiz olmasıdır. Vaksin virusa qarşı ən azı 50% qoruyuculuq qabiliyyətinə malik olmalı və kənar mənfi təsirləri minimum səviyyədə olmalıdır. Çoxtərəfli platformalarda ölkələrin iştirakı məqsədilə GAVI, CEPI və ÜST tərəfindən COVAX platforması yaradılıb. COVAX təşkilatı geniş sayda peyvənd namizədlərini müxtəlif texnologiyalar vasitələrilə qiymətləndirərək təhlükəsiz COVID-19 peyvənd təkliflər portfelini istifadə etmə imkanı yaradan əvəzolunmaz mexanizmə malik sistemdir.

COVAX platformasının əsas məqsədi, COVID-19 ilə mübarizədə vaksin istehsalını sürətləndirmək və bütün ölkələr üçün ədalətli və bərabər əlçatanlıq imkanı yaratmaqdır. Hazırda klinik sınaqlar fazasında olan 30 vaksindən cəmi 6-sı 3-cü klinik fazada sınaqlardan keçirilir. Tədqiqatlar davam etdiyindən vaksinlərin effektivliyi və təhlükəsizliyi haqqında hələ fikir söyləmək mümkün deyil. Lakin aparıcı vaksin namizədləri artıq çoxsaylı ön sifarişlər qəbul etdiklərindən bu tələbin həcminin onların istehsal potensialından çox olmasını nəzərə alsaq, növbəti sifarişləri tezliklə tam təmin etmək mümkün olmaya bilər. Bunları nəzərə alaraq, Azərbaycan Respublikası elmin nailiyyətlərinə və dünya praktikasına əsaslanaraq əhalinin sağlamlığının qorunması istiqamətində ehtiyac olan bütün tədbirləri həyata keçirməyə davam edəcək və bu barədə ictimaiyyətə əlavə məlumat veriləcək. Qeyd edək ki, GAVI təşkilatının əsası 2000-ci ildə qoyulub. Təşkilatın mərkəzi ofisi İsveçrənin Cenevrə şəhərində yerləşir.

18
Teqlər:
ÜST, Azərbaycan, vaksin, Koronavirus, epidemiya, COVID-19
Əlaqədar
ABŞ-da iki azərbaycanlı ölüb
Azərbaycanda ən çox koronavirus aşkarlanan ərazi açıqlandı
COVID-19 artıq nəzarətdən çıxıb
ÜST COVID-19 vaksinin təsdiqlənməsi şərtlərini açıqladı
Professor: “Koronavirus uşaqlar arasında simptomsuz formada müşahidə edilir”
Microsoft şirkətinin həmtəsisçisi Bil Qeyts

Bill Qeyts COVID-19 pandemiyasının başa çatacağı tarixi açıqladı

574
(Yenilənib 22:22 20.09.2020)
"Microsoft" korporasiyasının banisi: "Epidemiya ən yaxşı halda ehtimal ki, 2022-ci ildə başa çatacaq. Ancaq 2021-ci il ərzində qlobal yanaşma olduğu halda bizi göstəriciləri aşağı salmaq lazımdır".

BAKI, 20 sentyabr — Sputnik. COVID-19 pandemiyası ən yaxşı halda 2022-ci ildə başa çatacaq.

Sputnik Azərbaycan Report-a istinadla xəbər verir ki, bu fikri "Microsoft" korporasiyasının banisi Bill Qeyts "Fox News" telekanalına müsahibəsində səsləndirib.

Bill Qeytsə ABŞ-da və dünyada sanitar-epidemiologiya vəziyyətin bütövlükdə nə vaxt normallaşa biləcəyi barədə sual verilib. "Bizim ümid etdiyimiz kimi, 2021-ci ilin əvvəlində peyvəndlərin tətbiqi təsdiq edilsə, onda ABŞ-da vəziyyət növbəti normal məcraya qayıtmağa başlayacaq və əlbəttə əgər başqa ölkələrə kömək etsək, fəaliyyətimiz gələn ilin sonunda normaya düşəcək", - deyə o, suala cavabında bildirib.

"Epidemiya ən yaxşı halda ehtimal ki, 2022-ci ildə başa çatacaq. Ancaq 2021-ci il ərzində qlobal yanaşma olduğu halda bizi göstəriciləri (infeksiyanın yayılması-red) aşağı salmaq lazımdır. Allaha şükür ki, peyvəndi inkişaf etdirmə texnologiyaları artıq mövcuddur, maliyyə işi alındı ​​və şirkətlər ən yaxşı mütəxəssislərini təmin etdilər. Bu səbəbdən nikbinəm ki, bütün bunlar əbədi qalmayacaq", - Qeyts deyib.

Onun hesablamasına görə, dünyada pandemiya zamanı peyvəndləmə səviyyəsi əvvəlki 20 ildə əldə olunan irəliləyişi məhv edərək, 14 faiz azalıb. Bill Qeyts Birləşmiş Ştatların "inkişaf etməkdə olan ölkələr üçün peyvəndlərin alınmasına kömək etməkdə özünü göstərə bilməməsindən məyus olduğunu dilə gətirib.

574
Teqlər:
Fox News, epidemiya, Koronavirus, COVID-19, Bill Gates
Əlaqədar
Bill Geytsin "koronavirusdan betər fəlakət" sözləri nə dərəcədə doğrudur?
Dərsliklər, arxiv şəkli

Nazirlikdən dərsliklərdə erməni bayrağı iddiasına cavab

0
(Yenilənib 16:15 21.09.2020)
Sosial şəbəkələrdə yayılmış erməni bayrağının rənglərinin əks olunduğu iddia edilən kitabların heç biri dərslik deyil və Təhsil Nazirliyi tərəfindən nəşr edilməyib

BAKI, 21 sentyabr — Sputnik. Təhsil Nazirliyi dərslikdə erməni bayrağının rənglərinin olması iddiası ilə bağlı açıqlama yayıb. Nazirlikdən Sputnik Azərbaycan-a verilən məlumata görə, sosial şəbəkələrdə yayılmış erməni bayrağının rənglərinin əks olunduğu iddia edilən kitabların heç biri dərslik deyil və Təhsil Nazirliyi tərəfindən nəşr edilməyib.

Təhsil Nazirliyinin məktəblər üçün nəşr etdirdiyi bütün dərsliklərlə www.trims.edu.az saytının "Qrifli dərsliklər" bölməsində tanış olmaq mümkündür. Təhsil sahəsi və dərsliklər ictimaiyyətin daim maraq dairəsində olduğundan bəzi maraqlı şəxslər vaxtaşırı olaraq belə köhnəlmiş və ya uydurma məlumatları yaymaqla insanlar arasında süni ajiotaj və narazılıq yaratmağa cəhd edirlər. Çünki bir çox insanlar yayılan xəbəri araşdırmadan onu mütləq həqiqət kimi qəbul edirlər. Təhsil Nazirliyi geniş ictimaiyyətdən dərsliklər barədə yayılan xəbərlərin doğruluğunu www.trims.edu.az saytı vasitəsilə yoxlamağı xahiş edir.

İstənilən kitab nəşriyyat məhsulu hesab edilir və onun hazırlanması zamanı mövcud qanunvericiliyə əsasən, nəşr üçün nəzərdə tutulmuş materialların senzurasına yol verilmir. Hər bir hüquqi və ya fiziki şəxs nəşriyyat məhsulunun sifarişçisi ola bilər.

0
Teqlər:
açıqlama, Təhsil Nazirliyi, rəng, bayraq, Ermənistan, Azərbaycan, tarix, dərslik