COVID-19-a yoluxmuş gənc tələbə Emir Muradzadə (mərkəzdə)

Ölümlə həyat arasında çarpışan qəhrəman - Süni nəfəs aparatı, reanimasiya...

1076
(Yenilənib 21:56 25.08.2020)
"Baş həkimi adətən öz otağında görməyə alışmışıq. Yəni, ilk dəfə Mərkəzi Gömrük Hospitalında baş həkimi palatada gördüm. Həqiqətən, bunun özü də xəstə üçün az bir şey deyil"

Nigar İsgəndərova, Sputnik Azərbaycan

BAKI, 24 avqust — Sputnik. Çinin Uhan şəhərində yeni tip koronavirus infeksiyasının yayıldığını eşidəndə, heç ağlıma belə gəlməzdi ki, nə vaxtsa bu xəstəlik Azərbaycanı da cənginə alacaq və beş-altı ay sonra özüm də yoluxacağam.

Bunu Sputnik Azərbaycan-a COVID-19-a yoluxmuş gənc tələbə Emir Muradzadə deyib. O, hələlik virusu tam məğlub etməsə də, ilkin mərhələdə ona qalib gəlmiş sayıla bilər. Azərbaycan Dillər Universitetinin 4-cü kurs tələbəsi olan Emir, "Beynəlxalq münasibətlər və idarəetmə - Norveçşünaslıq" ixtisası üzrə təhsil alır. Dediyinə görə, mart ayında Azərbaycanda da COVID-19-la bağlı gündəlik rəqəmlər açıqlanmağa başlayanda, tələblərə ciddi əməl edib. Maska taxıb, sosial məsafəni gözləsə də, xəstəlik ondan yan keçməyib.

"Düşünürəm ki, ictimai nəqliyyatda yoluxmuşam, çünki hansısa xəstə ilə birbaşa təmasda olmamışam. İctimai nəqliyyatda, qapalı yerlərdə maska taxsaq belə, yoluxma ehtimalı olur", - deyə həmsöhbətimiz qeyd edir.

© Sputnik / Stringer
COVID-19-a yoluxmuş gənc tələbə Emir Muradzadə (mərkəzdə)

O, xəstəliyin ilkin əlamətlərini avqustun 4-də özündə hiss etməyə başlayıb: "Binədə, bibimgildə idim. Səhər durdum, təxminən 40-45 dəqiqə dayanmadan öskürdüm, sinəmdə ağır göynəmə oldu. Sonra anamın yanına, bağa getdim, ciyərlərimdə bir ağırlıq hiss edirdim. Uzandım, dedim yəqin keçər. Düzü, COVID-19-un simptomlarını bilsəm də, bir-iki simptoma görə təlaşa düşmək istəmədim. Həmin gün iki dəfə ishal, ürəkbulanmanın olması artıq şübhələrə əsas yaratdı. Getdikcə səhhətimdə ağırlaşma hiss edirdim və anamın təkidi ilə həkimə müraciət etdim. Kompüter tomoqrafiyasından keçəndə ağciyərimdə buzlu şüşə aşkarlandı".

Bundan sonra Emir ev şəraitində ailə həkimlərinin təlimatları ilə müalicə almağa başlayıb. Bir müddətdən sonra səhhətində pisləşmə baş verib. "Semaşko" xəstəxanasında yatanadək onda təngnəfəslik və digər ağır əlamətlər olmayıb. Saturasiya indeksi də qaydasında olub. Avqustun 12-dən sonra vəziyyəti ağırlaşıb. Daha iki gün 1 saylı Kliniki Tibbi Mərkəzdə qalıb. Lakin səhhətində heç bir irəliləyiş olmayıb.

Sonra ölüm-dirim mübarizəsi başlayıb. Hətta başqa xəstəxanaya nəql edilmək üçün mindirildiyi Təcili Tibbi Yardım maşınında ünvan başına sağ gedib çata bilməmək qorxusu içinə dolub: "Təcili Tibbi Yardım briqadası məni süni nəfəs aparatına qoşaraq Mərkəzi Gömrük Hospitalına gətirdi. Yolda dözə bilməyəcəyimi düşünür, hospitala çatacağıma inanmırdım. Bura daxil olanda saturasiyam 50-60 arası idi.  4-5 gün reanimasiyada qaldım. Tural Sadlqov, Mirmənsim, Aynur, Sevinc və adını unutduğum digər həkimlər reanimasiyada mənə qulluq etdi, nəzarətdə saxladı. Saturasiyam 50-lərdə olduğundan məni daha çox həyəcan bürüyürdü. Artıq həyatım süni nəfəs aparatından asılı idi".

© Sputnik / Stringer
COVID-19-a yoluxmuş gənc tələbə Emir Muradzadə

Emir artıq 5 gündür ki, reanimasiyadan stasionara köçürülüb. Həkimlərin xəstələrin ayağa qalxması üçün əllərindən gələni etdiklərini bildirib. Burada bizim nazımızla oynayırdılar, qidalanmamız normal idi, lazım olduqda tələbdən daha artığını edirdilər. Baş həkim, Faiq, Hümmət və Afət həkim də hər gün səhər tezdən mənə, eyni zamanda da digər xəstələrə də şəxsən baş çəkirdilər. Baş həkim hər gün o kambenzonu geyərək bizə baş çəkirdi. Daha öncə yatdığım xəstəxanada mən bunu görmədim. Çünki biz baş həkimi adətən öz otağında görməyə alışmışıq. Yəni, ilk dəfə Mərkəzi Gömrük Hospitalında baş həkimi palatada gördüm. Həqiqətən, bunun özü də xəstə üçün az bir şey deyil. Bu həm də psixoloji dəstəkdir".

Bəli, ekspertlər də deyir ki, bu gün psixoloji dəstək istənilən xəstəliyin sağalmasında ən böyük amildir. Həmçinin, adını bir neçə aydır ki, gündəlik həyatımıza daxil etdiyimiz, haqqında hələlik bir çox həqiqətləri bilmədiyimiz bu xəstəliyə qalib gəlmək üçün də psixoloji dəstək ən önəmli rola malikdir. Təbii ki, burada da ən böyük yük xəstənin yaxınları ilə yanaşı tibbi personalın üzərinə düşür...

1076
Şəmkirdə vaksinasiya

Şəmkirlilər koronavirusa qarşı vaksinasiyaya "hə" dedilər

14
(Yenilənib 23:53 21.01.2021)
Şəmkirdə COVİD-19 pandemiyasına qarşı vaksinasiyaya başlayıb. Peyvəndləmədən keçən tibb işçiləri özlərini yaxşı hiss etdiklərini bildiriblər.

İlham Mustafayev, Sputnik Azərbaycan

21 yanvar - Sputnik. Şəmkir rayon sakinləri COVID-19-a qarşı peyvəndləməyə cəlb edilib. Rayon mərkəzi xəstəxanasında bunun üçün 4 vaksin otağı yaradılıb.

Sputnik Azərbaycan-ın bölgə müxbiri xəbər verir ki, “Sinovac” vaksini ilkin mərhələdə risk qrupuna daxil olan sakinlərə könüllülük əsasında vurulacaq. Şəmkirdə təlimata uyğun olaraq tibbi müayinədən keçən sakinlər peyvənd edilib. Vaksinin əhəmiyyəti immuniteti gücləndirmək yolu ilə xəstəlikdən qorunmaq, infeksiyanın ötürülməsini məhdudlaşdırmaq, ölüm halının qarşısını almaq və səhiyyə sisteminə düşən yükü azaltmaqdan ibarətdir. Peyvəndin əks təsirinin olmadığını bildirmək üçün tibb işçiləri  vaksinasiyada ön sıralarda olub.

Tibb işçisi Sevda Məmmədova peyvəndləməyə çox müsbət yanaşdığını söyləyib:

 “Mən də bir tibb işçisi olaraq bu günkü vaksinasiyada iştirak etdim və peyvəndi qəbul etdim. Özümü çox yaxşı hiss edirəm. Heç bir narahatçılığım yoxdu”, - deyə bildirib.
  • Şəmkirdə vaksinasiya
    © Sputnik / Ilham Mustafa
  • Şəmkirdə vaksinasiya
    © Sputnik / Ilham Mustafa
  • Şəmkirdə vaksinasiya
    © Sputnik / Ilham Mustafa
1 / 3
© Sputnik / Ilham Mustafa
Şəmkirdə vaksinasiya
.

Koronoviruslu xəstələrin müalicəsi üzrə çalışan həkim Coşqun Yusibov isə peyvəndləmədən sonra tezliklə normal həyata qayıtmağın mümkünlüyünü bildirib:

“Dövlətin yaratdığı imkanlardan ilk istifadə edənlərdən biri də mən oldum. Özümü çox rahat hiss edirəm. Çox yaxşıyam, heç bir kənar reaksiya yoxdur”, –  deyə həkim C. Yusibov əlavə edib.

Şəmkir rayonunda tibbi işçilərinin sayı 2000-dən çoxdur. İlkin mərhələdə rayona 1115 doza vaksin göndərilib. Günədlik olaraq Rayon mərkəzi Xəstəxanasında 150-200 nəfərin peyvənd olunması planlaşdırılır. Tibb işçiləri ilə yanaşı risk qrupuna daxil olan hüquq-mühafizə orqanlarının əməkdaşları əks-epidemik tədbirlərə cəlb olunacaq.

14
Həkim, arxiv şəkli

Ölkədə bəzi xəstəliklərin kökü kəsilib

16
(Yenilənib 17:32 21.01.2021)
Difteriya, yenidoğulmuşlarda tetanus, göyöskürək və malyariya xəstəlikləri isə ümumiyyətlə qeydə alınmayıb.

BAKI, 21 yanvar — Sputnik. Səhiyyə Nazirliyinin məlumatına əsasən, ötən ilin yanvar-noyabr aylarında 2019-cu ilin müvafiq dövrü ilə müqayisədə ölkədə qızılca ilə (99,3 faiz), bruselyoz ilə (66,2 faiz), su çiçəyi ilə (60,2 faiz), skarlatina ilə (56,1 faiz), viruslu hepatit ilə (49,0 faiz), qazanılmış immunçatışmazlıq sindromu ilə (43,5 faiz), qonokokk infeksiyası ilə (41,1 faiz), ağciyər vərəmi ilə (33,5 faiz), sifilis ilə (29,5 faiz) xəstələnmə halları azalıb.

Dövlət Statistika Komitəsindən Sputnik Azərbaycan-a verilən məlumata görə, kəskin poliomielit, epidemik parotit, tulyaremiya, anadangəlmə məxmərək sindromu, difteriya, yenidoğulmuşlarda tetanus, göyöskürək və malyariya xəstəlikləri isə ümumiyyətlə qeydə alınmayıb.

16
Manat, arxiv şəkli

Siyasi partiyalar dövlət vəsaitini hara sərf edir? partiya rəsmiləri açıqlayır

0
(Yenilənib 00:33 22.01.2021)
“Siyasi Partiyalar haqqında” qanuna uyğun olaraq dövlət büdcəsindən vəsaitin ayrılması yolu ilə siyasi partiyalara maliyyə yardımı göstərilir.

Elvin Səlimov, Sputnik Azərbaycan

BAKI, 22 yanvar — Sputnik. Yeni Azərbaycan Partiyası (YAP) 2020-ci ilə dair gəlirləri və xərclərini açıqlayıb. Ötən il YAP-ın gəlirləri 12 288 708 manat olub. Qeyd edək ki, “Siyasi Partiyalar haqqında” qanuna uyğun olaraq dövlət büdcəsindən vəsaitin ayrılması yolu ilə siyasi partiyalara maliyyə yardımı göstərilir.

Bəs dövlət büdcəsindən maliyyələşən partiyalar hesabatlılığa nə qədər önəm verir və vəsaitlər nəyə xərclənir? Sputnik Azərbaycan mövzu ilə bağlı bir neçə partiya rəsmisinin fikirlərini öyrənib.

Yeni Azərbaycan Partiyası İcra Katibliyinin Siyasi təhlil və proqnozlaşdırma şöbəsinin müdiri, millət vəkili Aydın Mirzəzadə deyib ki, təmsil olunduğu partiya “Siyasi Partiyalar haqqında” qanunun tələblərinə uyğun olaraq hər ilin yekununda maliyyə hesabatını açıqlayır.

O bildirib ki, YAP-ın fəaliyyəti tamamilə şəffafdır:

“Yığılan üzvlük haqları və qəbul edilən vəsaitlər partiyanın saxlanmasına, müxtəlif tədbirlərin keçirilməsinə, eyni zamanda vaxtaşırı təşkil edilən humanitar fəaliyyətlərə sərf olunur. Partiyamızın rəhbəri ölkə başçısıdır və onun fəaliyyətindəki şəffaflıq rəhbərlik etdiyi partiyanın fəaliyyətində də özünü göstərir. YAP ölkəmiz üçün aktual olan bütün məsələlərlə bağlı prinsipial mövqeyini ortaya qoyur. Dövlət quruculuğu, seçkilər və cəmiyyətin maarifləndirilməsində öz üzərinə düşən vəzifələri yerinə yetirir”.

Hazırkı parlamentdə YAP-dan sonra ən çox millət vəkili ilə təmsil olunan Vətəndaş Həmrəyliyi Partiyasının sədri, millət vəkili Sabir Rüstəmxanlı isə deyib ki, rəhbərlik etdiyi partiya əsasən dövlət büdcəsi hesabına maliyyələşir və əlavə gəlir mənbəyi yoxdur. O bildirib ki, ayrılan vəsait partiyanın icra aparatının saxlanmasına sərf edilir. Sədr qeyd edib ki, partiya yarananda üzvlük haqqı toplamaq ənənəsi olmayıb və indi də yoxdur: “Partiyamızın böyük gəlirləri yoxdur. Bununla belə büdcədən ayrılan vəsaitin hesabına müəyyən humanitar aksiyalarda iştirak edirik. Ehtiyac olsa, partiyamız gəlirlər və xərclərlə bağlı hesabatı açıqlaya bilər”.

Böyük Quruluş Partiyasının sədri, millət vəkili Fazil Mustafa bildirib ki, sədrlik etdiyi partiyanın hesabatı yaxın müddətdə hazırlanıb, təqdim ediləcək: “Partiyaların hesabatlı olmasına müsbət yanaşırıq. Bizim partiyamız ilkin hesabat təqdim edən partiyalardandır və bununla bağlı hər hansı problem yoxdur”. Vəsaitin yetərliliyi haqqında sualımıza cavabında partiya sədri bildirib ki, dövlət tərəfindən ayrılan vəsait yetərincədir və onu da partiyanın inkişafı üçün sərf edirlər.

“Eyni zamanda partiyamızda üzvlük haqları toplanır ki, bu da partiyamız üçün kifayət edir”, – deyə partiya sədri qeyd edib.

0