Şəkər zavodunda iş prosesi, arxiv şəkli

Şəkərin narkotik təsiri varmış

22
Məlumdur ki, zövq alma hiss təbii yarana bildiyi kimi süni şəkildə (narkotik, alkoqol təsiri) yarana bilər.

BAKI, 23 avqust — Sputnik. Danimarkanın Orxus Universitetinin alimləri şəkərin insan beyninə narkotik kimi təsir etdiyini və asılılıq yaratdığını aşkarlayıblar.

Sputnik Azərbaycan xarici mətbuata istinadla xəbər verir ki, araşdırma çərçivəsində alimlər donuzlara 12 gün şirin su veriblər. Hər gün donuzlar iki litr şirin su qəbul edib. Onların beyninin vəziyyəti elmi təcrübədən əvvəl, ilk gündə və "kurs" tam başa çatdıqdan sonra qeydə alınıb.

"On iki günlük şəkər qəbulundan sonra beynin dofamin və opioid sistemlərində böyük dəyişikliklər gördük" -deyə ekspertlər bildirib. Beynin rahatlıq və zövq hissləri ilə əlaqəli hissəsində dəyişikliklər iki gün sonra özünü büruzə verib. Məlumdur ki, zövq alma hiss təbii yarana bildiyi kimi süni şəkildə (narkotik, alkoqol təsiri) yarana bilər.

Alimlər şəkərin qısa müddətdə beynin mükafat sistemini dəyişdirdiyini və asılılıq yaratdığını müəyyən edib.

22
Qəhvə dənəcikləri, arxiv şəkli

Hər dəfə çay qəhvə qəbulundan sonra...

16
(Yenilənib 21:32 17.01.2021)
H'kimin sözlərinə görə, gözəl gülüş üçün rəngli qazlı içkilərdən, ədviyyat və souslardan imtina etmək lazımdır.

BAKI, 17 yanvar — Sputnik. Seçenov Universitetinin Stomatologiya İnstitutunun direktoru İrina Makeeva, verdiyi müsahibədə, dişlərin rənginə mənfi təsir edən məhsulları sadalayıb.

Sputnik Azərbaycan Rusiya mətbuatına istinadla xəbər verir ki, dişləri daha çox qara qarağat, çuğundur, albalı və qırmızı şərab ləkələyir. Həkim bu məhsullarda turşu və rəngləmə piqmentlərinin olduğunu bildirib.

Onun sözlərinə görə, gözəl gülüş üçün rəngli qazlı içkilərdən, ədviyyat və souslardan imtina etmək lazımdır.

Həkim çay və qəhvədən daimi istifadənin dişləri qaraltdığını da vurğulayıb: "Çay və qəhvə dişləri boyayır. Çay daha çox təsir edir. Bunun səbəbi çayın tərkibində piqmentlərin və turşuların olmasıdır".

Mütəxəssis hər dəfə çay və ya qəhvə qəbulundan sonra ağzı yaxalamağı və ya ferment tərkibli bir diş köpüyü istifadə etməyi tövsiyə edib.

16
İsraildə epdimioloji vəziyyət

İsraildə “Pfizer” vaksini vurulan 13 nəfər üz iflici olub

16
Ötən ilin 20 dekabr tarixində İsraildə yeni növ koronavirus (COVID-19) infeksiyasına qarşı kütləvi vaksinasiya prosesinə başlanılıb.

BAKI, 17 yanvar - Sputnik. İsraildə yeni növ koronavirus infeksiyasına qarşı “Pfizer” vaksini ilə peyvənd olunan 13 nəfər üz iflici olub.

“Report”un məlumatına görə, bu barədə “The Jerusalem Post” İsrail Səhiyyə Nazirliyinin hesabatına istinadən xəbər verib.

Nazirlik bildirib ki, üz iflici olanların sayı daha çox ola bilər.

Qeyd edək ki, ötən ilin 20 dekabr tarixində İsraildə yeni növ koronavirus (COVID-19) infeksiyasına qarşı kütləvi vaksinasiya prosesinə başlanılıb. İlk olaraq İsrailin Baş naziri Binyamin Netanyahu peyvənd olunub.

16

İki gün əvvəl ordudan tərxis olunan könüllü əsgər ölüb

0
Onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

BAKI, 17 yanvar - Sputnik. Lənkəran rayonunun Göyşaban kəndindən Vətən müharibəsinə könüllü olaraq qatılan Mirzəzadə İbrahim Rüfət oğlu bu gün vəfat edib.

“Report”un verdiyi xəbərə görə, mərhum iki gün əvvəl səfərbərlik üzrə hərbi xidmətdən tərxis edilib.

İlkin məlumata görə, onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

Faktla bağlı araşdırma aparılır.

0