Göz əməliyyatı, arxiv şəkli

Gözlərimə bax, zaman öləcəyini deyim...

190
(Yenilənib 19:46 21.08.2020)
Araşdırma nəticəsində müəyyən edilib ki, kiçik göz bəbəkləri olan şəxslər böyük göz bəbəyi olanlarla müqayisədə iki dəfə tez ölürlər.

BAKI, 21 avqust — Sputnik. Bir qrup elm adamı ürək çatışmazlığı olan xəstələrin gözlərinin həkimlərə gələcəkləri barədə çox şey söyləyə biləcəyini müəyyən edib. Sputnik Azərbaycan xarici mətbuata istinadla xəbər verir ki, araşdırmaya görə, kiçik göz bəbəyi xəstələrin erkən öləcəyinin əlamətidir.

Həkimlər iki altqrupu - kiçik və böyük göz bəbəkləri olan 870 nəfəri nəzarət altına alıblar. Bundan sonra həkimlər könüllüləri 2 həftə müşahidə ediblər.

Nəticədə müəyyən edilib ki, kiçik göz bəbəkləri olan şəxslər böyük göz bəbəyi olanlarla müqayisədə iki dəfə tez ölürlər.

Bununla yanaşı, müşahidə altında olan kiçik göz bəbəyinə malik şəxslərin yarısı xəstəxanalara yerləşdirilib. Göz bəbəyi böyük olanların isə 28 faizi xəstəxanaya çatdırılıb.

"Bizim yeni araşdırmamız sübut edir ki, göz bəbəyi ürək çatışmazlığı olan şəxslərin ölüm riskini müəyyən etməyə imkan verir", - deyə araşdırmanın müəlliflərindən Koxey Nozaki deyib.

Mütəxəssislər qeyd edirlər ki, Alzheymer, Parkinson, diabet və s. xəstəliklərin diaqnozunda da göz bəbəyinin müayinəsindən istifadə edilir.

190
Azərbaycanda koronavirus infeksiyasına qarşı vaksinasiya

Azərbaycan vətəndaşlarının vaksinasiya olunacağı tarix açıqlandı

4
(Yenilənib 18:44 22.01.2021)
TƏBİB-in rəhbəri: "Risk qrupuna aid vətəndaşlar başda olmaqla, bütün əhali mərhələli şəkildə vaksinasiyada iştirak edəcək".

BAKI, 22 yanvar — Sputnik. "Azərbaycanda koronavirus infeksiyasına qarşı vaksinasiya başlanıb və qarşıdakı iki həftə ərzində tibb işçilərimizin peyvənd olunması prosesi başa çatacaq". Sputnik Azərbaycan-ın məlumatına görə, bunu "Anadolu" agentliyinə açıqlamasında Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri Ramin Bayramlı bildirib.

Onun sözlərinə görə, daha sonra 65 yaşdan yuxarı vətəndaşlar peyvənd olunacaqlar: "Risk qrupuna aid vətəndaşlar başda olmaqla, bütün əhali mərhələli şəkildə vaksinasiyada iştirak edəcək. İlkin olaraq risk qrupları, ikinci mərhələdə isə 50 yaşdan yuxarı insanların peyvənd olunması nəzərdə tutulur. Nəticədə biz xəstəxanalarda olan aktiv xəstələrin sayında azalmaya nail ola bilərik. Xəstəxanalarda müalicə alanların 70-75 faizi 50 yaşdan yuxarı şəxslərdir".

4
Teqlər:
Tibbi Ərazi Bölmələrini İdarəetmə Birliyi, brifinq, TƏBİB
Koronavirus testi, arxiv şəkli

Azərbaycanda son sutkada 632 nəfər COVID-19-dan sağalıb

7
Son sutka ərzində yeni yoluxma hallarının müəyyənləşdirilməsi ilə əlaqədar 6 144, ötən müddət ərzində isə ümumilikdə 2 347 951 test aparılıb.

BAKI, 22 yanvar - Sputnik. Azərbaycan Respublikasında koronavirus (COVID-19) infeksiyasına 280 yeni yoluxma faktı qeydə alınıb, 632 nəfər müalicə olunaraq sağalıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 11 nəfər vəfat edib.

İndiyədək ölkədə ümumilikdə 228 526 nəfərin koronavirus infeksiyasına yoluxması faktı müəyyən edilib, onlardan 219 019 nəfər müalicə olunaraq sağalıb, 3 064 nəfər vəfat edib, aktiv xəstə sayı 6 443 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 6 144, ötən müddət ərzində isə ümumilikdə 2 347 951 test aparılıb.

7
Rəşad Cavadov

Qusar hüzn içindədir: İyirmi yaşlı şəhid balasını torpağa verdi

0
(Yenilənib 18:58 22.01.2021)
Rəşad Fərzəli oğlu Cavadov 2019-cu ilin oktyabr ayında həqiqi hərbi xidmətə çağrılıb. Bir il üç ay sonra ömrü yarıda kəsilib.

Leyla Abdullayeva, Sputnik Azərbaycan

BAKI, 22 yanvar — Sputnik. Dünən Füzuli rayonu ərazisində minaya düşən Azərbaycan Ordusunun 20 yaşlı əsgəri Rəşad Fərzəli oğlu Cavadov bu gün doğulduğu Qusar rayonunun Hil kəndində dəfn edilib.

Sputnik Azərbaycan-ın verdiyi məlumata görə, şəhid əsgər 2019-cu ilin oktyabr ayında həqiqi hərbi xidmətə çağrılıb. O, bir il üç ay hərbi xidmətdə olub.

  • Rəşad Cavadov
    © Sputnik / Leyla Abdullayeva
  • Rəşad Cavadov
    © Sputnik / Leyla Abdullayeva
  • Rəşad Cavadov
    © Sputnik / Leyla Abdullayeva
1 / 3
© Sputnik / Leyla Abdullayeva
Rəşad Cavadov

Rəşad Cavadov ailənin 6 övladından biri idi. Onun özündən başqa 4 qardaşı və 1 bacısı var.

Nur içində uyusun!

0