Bakıda insanlar maskada, arxiv şəkli

Hande Harmancıdan ümidverici sözlər: Daha yumşaldılmış formaya keçmək olar

978
(Yenilənib 13:51 20.08.2020)
"Azərbaycan hazırda rəng sistemi tətbiq etməklə bölgələrin virusa yoluxma riskini müəyyən edir. Bu bölgələrdə də daha sərt karantin rejimi tətbiq edilir ki, bu da çox doğru addımdır"

BAKI, 20 avqust — Sputnik. "Koronavirus pandemiyası ilə mübarizədə yeni mərhələyə giririk. Payız mövsümündə koronavirus pandemiyası ilə bağlı yoluxmaların artacağı gözlənilir. Ölkələrdə ciddi, sərt karantinlərin tətbiqinə deyil, daha yumşaldılmış formada, qabaqlayıcı tədbirlərin görülməsinə, lokal qapanmalara gedərək xəstəliklə mübarizəni davam etdirmək olar”.

Sputnik Azərbaycan-ın məlumatına görə, bu barədə Ümumdünya Səhiyyə Təşkilatının (ÜST) Azərbaycandakı nümayəndəsi Hande Harmancı açıqlama verib. O bildirib ki, artıq ÜST ölkələrin sərt karantin rejiminə qayıtmasını tövsiyə etmir. Lakin müəyyən bölgələr olaraq karantin tədbirlərinin yenidən tətbiqi və insanların qaydalara məsuliyyətli yanaşmasını tövsiyə edir:

"Virusla mübarizənin lokallaşdırılması, bölgələrdə xəstəliklə bağlı vəziyyəti gözdən keçirməsi vacibdir. Xəstəliyin olduğu kənd məhəllələrində lokal mübarizə metodları tətbiq edilməlidir".

H.Harmancı onu da bildirib ki, sosial məsafənin saxlanılması, əl gigiyenasına əməl edilməsi çox vacibdir: "Yenə də qapalı məkanlarda, bankların qarşısında tibbi maskalar olmadan dayanmaq, başqa şəxslərlə sıx ünsiyyət saxlamaq olmaz. Sadaladığımız bu qaydalara əməl olunarsa, ölkələrdə ciddi, sərt karantinlərin tətbiqinə deyil, daha yumşaldılmış formada davam etdirmək olar. Azərbaycan hazırda rəng sistemi tətbiq etməklə bölgələrin virusa yoluxma riskini müəyyən edir. Bu bölgələrdə də daha sərt karantin rejimi tətbiq edilir ki, bu da çox doğru addımdır".

978
Teqlər:
karantin, Koronavirus, COVID-19
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar (381)
Əlaqədar
Koronavirusun ikinci dalğa vahiməsi: Bakılılar ona inanırlarmı? – sorğu
ÜST payız əvəzinə xoxan gözləyir, bizim həkim "qorxma, qoçağım" deyir
Hovuzda qaynaşan insanlara bəraət qazandırdılar – paxıllıq edirsiniz
Masa arxasında ayılar və qəhvə üçün növbə: Bakıda sanki virusu yaddan çıxarıblar
Qapanmalı, yoxsa qapanmamalı: saxta bəyanat milyonları çaşdırdı
Davud Hüseynov

COVID-ə yoluxan şəkilinin qısa macərası - FOTO

6
(Yenilənib 18:30 27.11.2020)
Digərlərinin də sağlamlığı üçün real təhlükə yaradan D.Hüseynov barəsində Şəki ŞRPŞ-nin İstintaq bölməsində araşdırma aparılır.

BAKI, 27 noyabr — Sputnik. Şəkidə koronavirus infeksiyasına yoluxmuş rayon sakininin yaşadığı evi tərk etməsi barədə Şəki Şəhər Rayon Polis Şöbəsinə məlumat daxil olub.

Sputnik Azərbaycan Daxili İşlər Nazirliyinin Mətbuat Xidmətinin Şəki regional qrupunun məlumatına istinadla xəbər verir ki, rayon sakini Davud Hüseynovun COVID-19 testinin nəticəsi pozitiv olduğuna görə, ev şəraitində müalicə təyin edilsə də o, qaydaları pozaraq yaşadığı ünvanı tərk edib.

© AR Ministry of Internal Affairs
Davud Hüseynov

Polis əməkdaşları tərəfindən dərhal həyata keçirilən tədbirlərlə D.Hüseynovun "Niva" markalı avtomobillə şəhər ərazisində hərəkətdə olduğu məlum olub. Onun olduğu ünvan müəyyən edilib və polis əməkdaşlarının da müşayiəti ilə evinə geri qaytarılıb.

Digərlərinin də sağlamlığı üçün real təhlükə yaradan D.Hüseynov barəsində Şəki ŞRPŞ-nin İstintaq bölməsində araşdırma aparılır.

6
Kommunarkada karantin mərkəzi, arxiv şəkli

Rusiyada daha bir rekord qeydə alındı Koronavirusla bağlı rəqəmlər açıqlandı

8
(Yenilənib 15:52 27.11.2020)
Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

BAKI, 27 noyabr — Sputnik. Son bir sutka ərzində Rusiyada 27543 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 496 nəfər ölüb.

Ümumilikdə, Rusiyada bu xəstəliyə yoluxanların sayı 2215533-ə çatıb. Rusiyada pandemiya yayılandan 38 558 nəfər COVID-19-dan vəfat edib. Ölkədə bu virusdan sağalanların sayı 1712174- ə çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 55,6 milyonu keçib, 1,34 milyondan çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

8
Teqlər:
yoluxma, COVID-19, Koronavirus, Rusiya
Семья, фото из архива

Ölkədə Ailə Məsləhət mərkəzləri yaradılacaq

0
(Yenilənib 19:16 27.11.2020)
Həmçinin, 2020–2022-ci illərdə erkən uşaqlıq dövründə uşaqlara göstərilən sosial xidmətin təhlili və səmərəliliyinin artırılmasına dair təkliflər hazırlanacaq.

BAKI, 27 noyabr — Sputnik. 2022–2023-cü illərdə ailədaxili sosial və psixoloji işin təşkili üçün Ailə Məsləhət mərkəzlərinin yaradılmasına dair təkliflər hazırlanacaq. Sputnik Azərbaycan-ın məlumatına görə, bu, Prezident İlham Əliyevin 2020-ci il 27 noyabr tarixli Sərəncamı ilə təsdiq edilən “Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı”nda əksini tapıb. Fəaliyyət Planına əsasən, Ailə, Qadın və Uşaq Problemləri üzrə Dövlət Komitəsi, Əmək və Əhalinin Sosial Müdafiəsi Nazirliyinə tapşırıq verilib. 

Həmçinin, 2020–2022-ci illərdə erkən uşaqlıq dövründə uşaqlara göstərilən sosial xidmətin təhlili və səmərəliliyinin artırılmasına dair təkliflər hazırlanacaq. Fəaliyyət Planına əsasən, Ailə, Qadın və Uşaq Problemləri üzrə Dövlət Komitəsi, Əmək və Əhalinin Sosial Müdafiəsi Nazirliyinə tapşırıq verilib. Fəaliyyət Planına əsasən, Nazirlər Kabineti, Əmək və Əhalinin Sosial Müdafiəsi Nazirliyi, Ailə, Qadın və Uşaq Problemləri üzrə Dövlət Komitəsinə 2020-2022-ci illərdə alternativ qayğı xidməti kimi, “himayədar ailə” institutunun tətbiqi və inkişaf etdirilməsinə dair mexanizmlərin müəyyən olunması üçün  normativ hüquqi baza yaradılması ilə bağlı tapşırıq verilib.

0
Teqlər:
sosial, uşaq psixologiyası, psixoloji yardım, psixoloji problem, mərkəz, məsləhət, ailə