İnfeksiya bölməsi, arxiv şəkli

ÜST payız əvəzinə xoxan gözləyir, bizim həkim "qorxma, qoçağım" deyir

1144
(Yenilənib 19:00 18.08.2020)
"Kəskin respirator viruslara görə peyvəndimiz var. Bu səbəbdən məsləhət görərdim ki, heç bir şikayəti olmayanlar elə sentyabrda qrip əleyhinə peyvənd etdirsinlər" - İlhamə Şirinova

Nigar İsgəndərova, Sputnik Azərbaycan

BAKI, 19 avqust — Sputnik. Ümumdünya Səhiyyə Təşkilatının payızda COVID-19-un şiddətlənməsi ilə bağlı bədbin proqozu, üstəlik, mövsümi respirator virus təhlükəsi insanlarda təşviş yaradır. Bəs risklərdən qorunmaq üçün nə edilməlidir?

Tibb üzrə ekspert Adil Qeybulla Sputnik Azərbaycan-a açıqlamasında bu haqda danışıb: "Virusun zəifləməsindən sonra payızda daha bir dalğanın olması proqnozlaşdırılır. Lakin deyim ki, hələlik payızdakı dalğanın zəif və güclü olmasını proqnozlaşdırmaq mümkün deyil".

Ekspert deyir ki, yeni tip koronavirusu ənənəvi viruslardan fərqləndirmək üçün diqqətli olmaq lazımdır: "Bu səbəbdən vaxtında yaxma götürməklə COVID-19 diaqnozunun olub-olmamasını müəyyənləşdirmək lazımdır. Artıq biz həkimlər qrupu olaraq bununla bağlı bir tövsiyə işləyib hazırlayırıq və yaxın günlərdə bu tövsiyə xarakterli maarifləndirici məlumat mətbuata təqdim olunacaq. Burada bizim konkret təkliflərimiz olacaq. Bu səbəbdən hələlik bu barədə danışmaq istəmirəm. Amma hesab edirəm ki, əhalinin bu tövsiyələrdən məlumatlı olması vacibdir".

"İmmuniteti möhkəmləndirmək üçün hesab edirəm ki, ilk növbədə qidalanmaya diqqət etmək lazımdır. Yaxşı qidalanmaq vacibdir. Bununla yanaşı, fiziki aktivliyə fikir vermək də önəmlidir. Bütün bu amillər immunitetin möhkəmlənməsi üçün başılca faktorlardır", - deyə ekspert əlavə edib.

COVID-19 xəstələrinin müalicəsi prosesində yaxından iştirak edən Yeni Klinikanın infeksionisti İlhamə Şirinova isə Sputnik Azərbaycan-a açıqlamasında bildirib ki, artıq bəzi öılkələrdə COVID-19 peyvəndi olsa da, Azərbaycanda hələlik ki, bu peyvənd yoxdur: "Lakin kəskin respirator viruslara görə peyvəndimiz var. Bu səbəbdən məsləhət görərdim ki, heç bir şikayəti olmayanlar elə sentyabrda qrip əleyhinə peyvənd etdirsinlər. Çünki insan qripə qarşı özünü qorusa, təkcə COVID-19-dan qorunmaq üçün mübarizə aparacaq. Əks halda immunitet aşağı düşəcək və bu zaman həm COVID-19, həm də kəskin respirator virusla mübarizə çətin olacaq".

"Bol tərəvəz, meyvə, vitamin qəbul etmək lazımdır. Bundan başqa, analiz verib, həkim rəyi ilə vitamin D-ni hər kəs qəbul etməlidir. C vitaminindən istifadə etmək, stresdən uzaq olmaq lazımdır. Çünki bu təcrübəmdə də gördüm: qorxan xəstələrdə daha çox ağırlaşma və xəstəni itirmə halları oldu", - deyə ekspert əlavə edib.

İ.Şirinova bildirib ki, çoxlu kompleks vitaminlər və proteinlər qəbul etmək lazımdır.

1144
Əlaqədar
Qapanmalı, yoxsa qapanmamalı: saxta bəyanat milyonları çaşdırdı
Azərbaycanda COVID-19: Yeni yoluxma sayı yenə 100-dən yuxarıdır, ölən də var
Bu üsulla COVID-19 xəstələrinə daha dəqiq diaqnoz qoyulur - Mütəxəssis danışır
“Vaksinə xoşagəlməz reaksiya olan kimi dayandırılacaq”
Tanınmış həkim koronavirusa qarşı tədbirləri ələ saldı: elə bil şamandırlar
Koronavirus testi, arxiv şəkli

Azərbaycanda koronavirusa yeni yoluxanların sayında ciddi artım var

20
Son sutkada Azərbaycanda koronavirusa 988 yeni yoluxma faktı qeydə alınıb, 11 nəfər isə bu xəstəlikdən vəfat edib.

BAKI, 28 oktyabr — Sputnik.Azərbaycanda bu gün koronavirus infeksiyasına 988 yeni yoluxma faktı qeydə alınıb, 340 nəfər müalicə olunaraq sağalıb və evə buraxılıb. Sputnik Azərbaycan-ın məlumatına görə, bu barədə Nazirlər Kabineti yanında Operativ Qərargah məlumat yayıb.

Son sutkada 11 nəfər COVID-19-dan vəfat edib. Hazırkı dövrədək ölkəmizdə 52 min 137 nəfərin koronavirus infeksiyasına yoluxması faktı müəyyən edilib. Onlardan 42 min 033 nəfər müalicə olunaraq sağalıb, 699 nəfər vəfat edib. Aktiv xəstə sayı 9405 nəfərdir. Ötən müddət ərzində 1 milyon 319 min 474 test aparılıb. Bugünkü test sayı isə 11426-dır.

20
Teqlər:
Koronavirus, epidemiya, COVID-19
Əlaqədar
Alimlər koronavirus zamanı karantin rejiminin tətbiq olunmasına qarşı çıxdılar
Daha 20 şagirddə koronavirus aşkarlandı
Azərbaycanda koronavirus xəstəsi yaşayış yerini icazəsiz tərk etdi
Koronavirus daha tez öldürməyə başlayıb
Koronavirus da öz işindədir: Azərbaycanda bir sutkada 230 nəfərdə COVID-19 aşkarlandı
Qoca erməni

Astronomik rəqəmlər - Ermənistanda yoluxanların sayı artır

31
(Yenilənib 13:19 28.10.2020)
Ümumilikdə bu virusdan ölənlərin sayı 1243-ə çatıb. Xəstəlikdən sağalanların sayı 52508 nəfər olub. Hazırda bu ölkədə 28548 nəfər xəstəxanada müalicə alır.

BAKI, 28 oktyabr — Sputnik. Ermənistanda koronavirusa yoluxanların sayı 82651-ə çatıb. Sputnik Ermənistan xəbər verir ki, bu barədə Ermənistanın Xəstəliklərə Nəzarət və Profilaktika üzrə Milli Mərkəzinin yaydığı məlumatda bildirilib.

Məlumatda qeyd olunub ki, bir gündə bu virusa yoluxanların sayı daha 2241 nəfər artıb.

Ermənistanda son gündə daha 21 nəfər ölüb. Ümumilikdə bu virusdan ölənlərin sayı 1243-ə çatıb. Xəstəlikdən sağalanların sayı 52508 nəfər olub. Hazırda bu ölkədə 28548 nəfər xəstəxanada müalicə alır.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 44 milyonu keçib, 1,17 milyondan çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

31
Cenevrə, arxiv şəkli

Azərbaycan Ermənistanın XİN rəhbərlərinin görüşü təxirə salındı

0
ATƏT-in Minsk qrupunun həmsədrlərinin də iştirakı ilə Azərbaycan və Ermənistan XİN rəhbərlərinin görüşü cümə günü İsveçrənin Cenevrə şəhərində baş tutacaq.

BAKI, 29 oktyabr — Sputnik. Azərbaycan və Ermənistan Xarici İşlər Nazirləri Ceyhun Bayramov və Zöhrab Mnatsakanyanın bu günə planlaşdırılan görüşü təxirə salınıb. Sputnik Azərbaycan xəbər verir ki. Bunu adı çəkilməyən mənbə RİA Novosti-yə deyib.

Mənbə bildirib ki, ATƏT-in Minsk qrupunun həmsədrlərinin də iştirakı ilə Azərbaycan və Ermənistan XİN rəhbərlərinin görüşü cümə günü İsveçrənin Cenevrə şəhərində baş tutacaq.

0