Çin peyvəndi, arxiv şəkli

Çinin koronavirus peyvəndinin qiyməti bəlli oldu, amma gərək ikisini alasan

295
(Yenilənib 12:17 18.08.2020)
"Bir iynə 97 faiz müdafiə zəmanəti verir. Yarım aya COVID-19-a müqavimət üçün anticisim yaranır. Əgər iki iynə vurulsa, zəmanət 100 faizdir"

BAKI, 18 avqust — Sputnik. Çinin istehsal etdiyi COVID-19 peyvəndi təsdiqləndikdən sonra bu ilin dekabr ayının sonunda bazara çıxarıla bilər. Sputnik Azərbaycan RİA Novosti-yə istinadla xəbər verir ki, bu barədə dövlət "Sinopharm" korporasiyasının idarə heyətinin sədri Lyu Tzinçjen bildirib:

"Aprelin 27-də Pekin Bioloji Tədqiqat İnstitutu aktiv olmayan peyvəndin klinik sınaqlarına başlayıb. Klinik sınaqların birinci və ikinci mərhələsinin nəticələri iyunun 28-də məlum oldu. İyunun 23-də isə "Sinopharm" Birləşmiş Ərəb Əmirliklərində beynəlxalq klinik sınaqların üçüncü mərhələsinə başladı. Beynəlxalq klinik sınaqların üçüncü mərhələsi başa çatdıqdan sonra peyvənd təsdiqlənəcək və bu ilin dekabr ayının sonuna qədər peyvəndin bazara çıxacağını gözləyirik".

Onun sözlərinə görə, fevralın 16-dan etibarən ağ siçovullar, siçanlar, Qvineya donuzları, makaka və dovşanlar da daxil olmaqla yeddi növ eksperimental heyvanda peyvəndin immunogenliyi barədə tədqiqatlar aparılıb.

Daha sonra peyvənd kiçik insan qrupu üzərində sınaqdan keçirilib və klinik sınaqlar başlanıb. Lyu Tzinçjen peyvəndin vaksinasiyasından sonra şiddətli əks-təsirlərin olmadığını və peyvənd vurulan şəxslərdə antikor yarandığını qeyd edib.

"Bir iynə 97 faiz müdafiə zəmanəti verir. Yarım aya COVID-19-a müqavimət üçün anticisim yaranır. Əgər iki iynə vurulsa, zəmanət 100 faizdir", - o əlavə edib.

Onun sözlərinə görə, birinci və ikinci iynə arasında fasilə 28 gün olmalıdır. Ancaq iynələrin ikisini də bir gündə sağ və sol qollara vurdurmaq mümkündür. Bir iynə 4 mikroqramdır. "Sinopharm"-ın rəhbərinin sözlərinə görə, peyvənd baha olmayacaq.

"Vaksinlər satışa çıxarıldıqdan sonra qiymətlər baha olmayacaq. Düşünürəm ki, bir iynə bir neçə yüz yuan olacaq. Məsələn, iki iynə 1000 yuan (144 dollara)" ola bilər", - deyə Lyu Tzinçjen vurğulayıb.

295
Teqlər:
Çin, vaksin, Koronavirus, epidemiya, COVID-19
Mövzu:
Dünyanı cənginə almış bəla (492)
Əlaqədar
TƏBİB rəsmisi COVID-19-a qarşı peyvənd barədə
Rusiyada koronavirus peyvəndinin istehsalı başladı
Çin də prosesə qoşulur - sınağı birgə keçirəcəklər
Tanınmış həkim koronavirusa qarşı tədbirləri ələ saldı: elə bil şamandırlar
İlk koronavirus peyvəndini yaradan həkimləri “satın almaq” istəyirlər
Samsung şirkəti

Dünya nəhənginin rəhbəri vəfat etdi

17
2014-cü ildə Li Qon Hi insult keçirib, bundan sonra korporasiyada idarəetmə faktiki olaraq onun oğlu, Samsung Electronics törəmə şirkətinin vitse-prezidenti Li Çjo Yona keçib.

BAKI, 25 oktyabr — Sputnik. Samsung konserninin sədri Li Qon Hi vəfat edib, Sputnik Azərbaycan bildiri ki, bu barədə Rönhap agentliyi xəbər verir.

Biznesmen bazar günü Seuldakı Samsung xəstəxanasında keçinib.

Li Qon Hi 1942-ci ildə anadan olub və 1987-ci ildə Samsung-un ikinci sədri olub. O, bu vəzifədə qrupun yaradıcısı olan öz atası Li Byon Çxolu əvəz edib.

2014-cü ildə Li Qon Hi insult keçirib, bundan sonra korporasiyada idarəetmə faktiki olaraq onun oğlu, Samsung Electronics törəmə şirkətinin vitse-prezidenti Li Çjo Yona keçib.

Cənubi Koreya prokurorluğu Li Çjo Yonun hakimiyyəti ələ keçirmək üçün qeyri-qanuni maxinasiyalara əl atmasından şübhəlidir.

Li Çjo Yondan başqa Li Qon Hinin iki qızı qalıb - Li Bu Çjin və Li So Hyon. Daha bir qızı Li Yun Hyon 2005-ci ildə intihar edib.

17
Məktəb, arxiv şəkli

Uşaqlar hansı yaşdan etibarən maska taxmalıdırlar?

42
Rusiyanın Paster adına Epidemiologiya və Mikrobiologiya Elmi Tədqiqat İnstitutunun mütəxəssisləri belə hesab edirlər ki, 12 yaşdan başlayaraq uşaqlarda virusa qarşı həssaslıq yaranır.

BAKI, 24 oktyabr — Sputnik. Bütün dünyadan koronavirus epidemiyası yayıldığı gündən bu yana hansı yaşdan etibarən uşaqların maska taxmalı olduqları məsələsi də ən çox müzakirə olunan mövzulardan biridir. Rusiyalı ekspert bu suala dəqiq cavab verib.

Sputnik Azərbaycan RİA Novosti-yə istinadən bildirir ki, mütəxəssislər 12 yaşdan etibarən bütün uşaq və yeniyetmələrin maska taxmasını tövsiyə edirlər. Rusiyanın Paster adına Epidemiologiya və Mikrobiologiya Elmi Tədqiqat İnstitutunun mütəxəssisi belə hesab edir ki, bu yaşdan başlayaraq uşaqlarda virusa qarşı həssaslıq yaranır. Mütəxəssisin sözlərinə görə, bununla belə, uşaqlar COVID-19 virusunun aktiv daşıyıcıları hesab olunmurlar. Müşahidələr göstərir ki, bu virus əksər hallarda uşaqlara böyüklərdən yoluxur.

42
UNEC-in professoru Elnur Sadıqov

Professor: “Banklar bu əməliyyatlardan uzaq olsalar yaxşıdır”

0
Azərbaycan Dövlət İqtisad Universitetinin (UNEC) Maliyyə və maliyyə institutları kafedrasının professoru Elnur Sadıqov deyir ki, bankların yeganə problemi müştəri hesablarında təhlükəsizliyin təmin edilməsidir
Elnur Sadıqov: “Müştərilərin banklardan uzaqlaşacağı ilə bağlı nəzəriyyələr özünü doğrultmayıb”

Ənənəvi banklarla onlayn ödəmə platformları və elektron portmanatlarının rəqabəti getdikcə artaraq bankların müştəri cəlb etməsini çətinləşdirəcək. Bu barədə “Moody’s” beynəlxalq reytinq agentliyi tərəfindən “Qlobal rəqəmsallaşma pərakəndə ödəmələrdə ənənəvi bankların üstün mövqeyini sual altına qoyur” adlı hesabatda bildirilir.

Azərbaycan Dövlət İqtisad Universitetinin (UNEC) Maliyyə və maliyyə institutları kafedrasının professoru Elnur Sadıqov Sputnik Azərbaycan-a deyir ki, banklar bu gün kifayət qədər geniş elektron xidmətlər yerinə yetirir:

“Pandemiya səbəbindən bankların müştərilərlə apardığı əməliyyatlar azalıb. Ancaq bu, müştərilərin bir dəfəlik banklardan kənarlaşması demək deyil. Müasir texnologiyaların inkişafı müştərilərin daha geniş şəkildə bank xidmətlərindən istifadəsini zəruri edir. Bu gün bankların yeganə problemi müştəri hesablarında təhlükəsizliyin təmin edilməsidir. Müasir dövrdə elə əməliyyatlar var ki, banklar onlardan uzaq olsalar yaxşıdır. Müştərilərin banklardan uzaqlaşacağı ilə bağlı nəzəriyyələr özünü doğrultmayıb”.

Elnur Sadıqovun geniş şərhinə audiofaylda qulaq asa bilərsiniz

0