İspaniyada epidemioloji vəziyyət, arxiv şəkli

Payızda koronavirusun ikinci dalğası olacaq, amma günəş bizi xilas edəcək

4407
(Yenilənib 20:29 21.07.2020)
Milan Dövlət Universitetinin professoru Mario Kleriçi bildirib ki, yay aylarında ultrabənövşəyi şüaların təsiri ilə əhəmiyyətli dərəcədə zəifləyəcək COVID-19-un ikinci dalğası xeyli yüngül keçəcək.

BAKI, 21 iyul — Sputnik. Yay aylarında ultrabənövşəyi şüaların təsiri ilə əhəmiyyətli dərəcədə zəifləyəcək COVID-19-un ikinci dalğası xeyli yüngül keçəcək. Bunu RİA Novosti-yə məşhur immunoloq, Milan Dövlət Universitetinin professoru Mario Kleriçi bildirib.

Alim Milan Dövlət Universitetinin immunoloqlarının və İtaliya Milli Astrofizika İnstitutunun (Inaf) mütəxəssislərinin birgə tədqiqatına rəhbərlik edib. Bu elmi işin materiallarını ehtiva edən preprint iyun ayında digər ölkələrin alimlərini COVID-19 pandemiyasına aid mühüm məlumatlarla operativ şəkildə tanış etmək üçün nəşr edilib.

İtalyan bioloqları Sars-CoV-2 virusunu bir damla suya yerləşdiriblər, koronavirusa yoluxmuş bir insanın öskürmə və ya asqırması zamanı baş verən effekti təkrarlayıblar. Onu müxtəlif diapazonlarda ultrabənövşəyi şüalanmaya məruz qoyublar. Eksperimentlər zamanı müəyyən edilib ki, hətta kiçik dozalarda da ultrabənövşəyi şüaların təsiri sanki saniyələr ərzində virusun tam inaktivasiyasına səbəb ola bilər. Alimlər Günəş radiasiyasının səviyyəsi ilə dünyanın müxtəlif regionlarında epidemioloji vəziyyət arasındakı əlaqəni də müəyyən ediblər. Müəyyən bir yerdə ultrabənövşəyi şüanın səviyyəsi nə qədər yüksəksə, koronavirusa yoluxma halları daha az qeydə alınıb.

Bu tədqiqatın nəticələrinə əsaslanaraq, Kleriçi payızda COVID-19-un ikinci dalğasının gəlmə ehtimalı haqqında RİA Novosti-nin suallarını cavablandırıb.

"İndi heç birimiz əminliklə deyə bilmərik ki, nə olacaq. Ancaq hesab edirəm ki, ikinci dalğa hələ gələcək, amma onunla mübarizə yazdakına nisbətdə daha asan olacaq", - deyə immunoloq bildirib.

Eyni zamanda, Kleriçi qeyd edib ki, mikrobioloqların bu gün fərqləndirdikləri koronavirus əslində fevral ayında epidemiyanın başlanğıcında Avropada ortaya çıxanlardan praktiki olaraq fərqlənmir.

"Bu, əhəmiyyətli dəyişikliklərə məruz qalmayan və çox aqressiv olan eyni virusdur. Lakin yay aylarında uzun müddət günəş radiasiyasına məruz qalandan sonra o, ciddi şəkildə zəifləyəcək. Deyək ki, əgər əvvəllər biz xəstəliyin yaranmasına səbəb ola biləcək minlərlə aktiv virus hissəciklərinin varlığını müşahidə edirdiksə, uzunmüddətli ultrabənövşəyi şüalanmadan sonra onların sayı on dəfələrlə azalacaq və vahidlərə qədər ixtisar olacaq. Günəş şüaları virusun inaktivasiyasına gətirib çıxarır", - professor vurğulayıb.

Peyvənd sınağı
© Photo : Press service of the RF Ministry of Defense

İkinci dalğanın daha yumşaq keçəcəyinə başqa bir mühüm səbəb kimi, Kleriçi COVID-19-a qarşı mübarizə üçün bütün tibb sisteminin əhəmiyyətli dərəcədə hazırlıqlı olduğunu göstərib.

"Bu gün həm həkimlər, həm də potensial pasiyentlər sözügedən virus haqqında daha çox şey bilirlər və təcili vəziyyətdə nə etmək lazım olduğunu daha yaxşı başa düşürlər. Məhz bu iki faktorun birləşməsi ikinci dalğanın daha asan keçəcəyinə ümid etməyə imkan verir", — deyə Kleriçi əlavə edib.

Ümumdünya Səhiyyə Təşkilatı bu il martın 11-də COVID-19 adlandırdığı yeni növ koronavirus infeksiyasını pandemiya elan edib. ÜST-nin son məlumatlarına görə, dünyada artıq 14 milyondan çox yoluxma hadisəsi aşkarlanıb, 597 mindən artıq insan dünyasını dəyişib.

4407
Yerevanda epdimioloji vəziyyət

Ermənistanda koronavirusla bağlı rekord: Bir gündə 25-dən çox adam öldü

13
Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

BAKI, 27 oktyabr — Sputnik. Ermənistanda koronavirusa yoluxanların sayı 80410-a çatıb. Sputnik Ermənistan xəbər verir ki, bu barədə Ermənistanın Xəstəliklərə Nəzarət və Profilaktika üzrə Milli Mərkəzinin yaydığı məlumatda bildirilib.

Məlumatda qeyd olunub ki, bir gündə bu virusa yoluxanların sayı daha 1600 nəfər artıb.

Ermənistanda son gündə daha 26 nəfər ölüb. Ümumilikdə bu virusdan ölənlərin sayı 1222-ə çatıb. Xəstəlikdən sağalanların sayı 51814 nəfər olub. Hazırda bu ölkədə 27027 nəfər xəstəxanada müalicə alır.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 43,4 milyonu keçib, 1,16 milyondan çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

13
Koronavirus testi, arxiv şəkli

Azərbaycanda koronavirusa yoluxmada azalma qeydə alındı

49
(Yenilənib 17:00 26.10.2020)
Azərbaycanda bu gün koronavirus infeksiyasına 527 yeni yoluxma faktı qeydə alınıb, 131 nəfər müalicə olunaraq sağalıb, 8 nəfər isə vəfat edib.

BAKI, 26 oktyabr — Sputnik. Azərbaycanda bu gün koronavirus infeksiyasına 527 yeni yoluxma faktı qeydə alınıb, 131 nəfər müalicə olunaraq sağalıb və evə buraxılıb. Sputnik Azərbaycan-ın məlumatına görə, bu barədə Nazirlər Kabineti yanında Operativ Qərargah məlumat yayıb.

Son sutkada 8 nəfər COVID-19-dan vəfat edib. Hazırkı dövrədək ölkəmizdə 50 min 486 nəfərin koronavirus infeksiyasına yoluxması faktı müəyyən edilib. Onlardan 41 min 410 nəfər müalicə olunaraq sağalıb, 679 nəfər vəfat edib. Aktiv xəstə sayı 8397 nəfərdir. Ötən müddət ərzində 1 milyon 298 min 348 test aparılıb. Bugünkü test sayı isə 6814-dir.

49
Əlaqədar
Daha 9 şagirddə koronavirus aşkarlandı
Azərbaycanda koronavirus: son sutkada 128 yoluxma
Koronavirus daha tez öldürməyə başlayıb
Daha 20 şagirddə koronavirus aşkarlandı
Bakıda yağışlı hava

Sabah yağışlı dumanlı hava gözlənilir

0
Oktyabrın 28-də Azərbaycanın rayonlarında havanın əsasən yağmursuz keçəcəyi, lakin gecə və səhər bəzi yerlərdə yağış yağacağı, duman olacağı gözlənilir

BAKI, 27 oktyabr — Sputnik. Oktyabrın 28-də gözlənilən hava şəraiti ilə bağlı proqnoz açıqlanıb. Azərbaycan Ekologiya və Təbii Sərvətlər Nazirliyinin Milli Hidrometeorologiya Xidmətinin Sputnik Azərbaycan-a verdiyi məlumata görə, oktyabrın 28-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi, gecə və səhər bəzi yerlərdə duman olacağı gözlənilir.

Mülayim cənub-şərq küləyi əsəcək. Havanın temperaturu Abşeron yarımadasında gecə 12-15, gündüz 19-21, Bakıda gecə 13-15, gündüz 19-21 dərəcə isti olacaq. Atmosfer təzyiqi normadan yüksək 770 mm civə sütunu, nisbi rütubət gecə 70-80, gündüz 45-50 faiz təşkil edəcək.

Oktyabrın 28-də Azərbaycanın rayonlarında havanın əsasən yağmursuz keçəcəyi, lakin gecə və səhər bəzi yerlərdə yağış yağacağı, duman olacağı gözlənilir. Mülayim şərq küləyi əsəcək.

Havanın temperaturu gecə 9-14, gündüz 19-24, dağlarda gecə 5-9, gündüz 11-16 dərəcə isti olacaq.

Tibbi-meteoroloji proqnoza gəlincə, oktyabrın 28-də Abşeron yarımadasında meteoroloji amillərin mülayim tərəddüdü gözlənilir ki, bu da meteohəssas insanlar üçün nisbətən əlverişlidir.

0