Oteldə tibb işçisi, arxiv şəkli

Azərbaycanda həkimlərin yoluxması ilə bağlı İDDİA: qaldıqları otellərdə...

2476
(Yenilənib 13:54 09.07.2020)
"Xüsusi rejimli koronavirus xəstəxanalarında işləyən bütün işçilərin həftədə azı 1 dəfə tibbi müayinəsi aparılmalı, yoluxmuşlar təcrid və müalicə edilməlidirlər. Əks halda, qərargah həkim axtarışına başlayacaq"

Nigar İsgəndərova, Sputnik Azərbaycan

BAKI, 9 iyul — Sputnik. "Həkimlər, tibb işçiləri və texniki yardım işçiləri arasında SARS-CoV-2 virusu ilə yoluxma sayı günbəgün artmaqdadır. Onların arasında 20-dək ölüm halı baş verib. COVID-19 xəstələrinin müalicəsinə cəlb olunan xüsusi rejimli xəstəxanalarda onlarla həkim, tibb işçisi və texniki işçi hazırda müalicə alır. Bəziləri ev şəraitində müalicə olunurlar. Yoluxmuş və müalicə olunmuş və hazırda müalicəsi davam edən tibb işçilərinin böyük əksəriyyəti peşəkarlardır, özlərini xəstələrinin yolunda fəda edənlərdir. 

Həkimlər və tibb işçiləri arasında Azərbaycan praktik anesteziologiya və reanimatologiya kimi ən ağır, ən mürəkkəb tibb sahəsinin generalı kimi tanınmış məşhur həkim Cavid Paşayev COVID-19 xəstəliyinin ağır forması ilə mücadilə edir, ölüm-qalım mübarizəsi aparır. Ona şəfa diləyir, dualarımızı əsirgəmir, tezliklə ailəsinə, cəmiyyətə və səhiyyəmizə dönüşünü arzulayırıq".

Bu barədə Azərbaycan Tibb Universitetinin dosenti Ədalət Rüstəm Sputnik Azərbaycan-a məlumat verib. O bildirib ki, Azərbaycanda pandemiyanın başladığı ilk vaxtlarda, bu təhlükəli infeksiyaya yoluxmuşlar stasionara qədərki mərhələnin, yeni poliklinikaların, ginekoloji konsultasiyaların, təcili tibb yardım stansiyalarının, adi xəstəxanaların tibbi personalı idi: "Bu, təbii idi və dünya ölkələrində də eyni vəziyyət idi. Çünki bu mərhələdə fəaliyyət göstərən tibb və texniki işçilər fərdi bioloji mühafizə vasitələri ilə təchiz olunmamışdılar, peşə fəaliyyətləri ilə əlaqədar olaraq adi xəstələrlə, insanlarla daha çox ünsiyyətdə olurlar. Son günlərdə Azərbaycanda digər ölkələrdə, xüsusilə Avropa və Amerika ölkələrində təzahür etməyən ağır situasiya yaranıb. İyun ayında və iyul ayının ilk dekadasında ölkəmizdə koronavirus infeksiyası ilə yoluxmuş tibb və texniki işçilər arasında bilavasitə xüsusi rejimli koronavirus xəstəxanalarında işləyən tibb və texniki işçilər, o cümlədən həkimlər çoxluq təşkil edirlər. Bu faktdır. Artıq Tibb Universitetinin reanimasiya şöbəsinin 21 işçisi yoluxma səbəbindən elə həmin xəstəxanada müalicə olunur. Bu fakt və onu doğuran səbəblər üzərində Nazirlər Kabineti yanında Operativ Qərargah, Səhiyyə Nazirliyi, TƏBİB tərəfindən tutarlı məlumatlar verilmir".

"Qərargahın brifinqlərində jurnalistlər tərəfindən verilən çoxsaylı, əksəriyyəti real əhəmiyyət daşımayan "növbətçi" suallar arasında bu tip arqumentar-faktoloji suallar səsləndirilmir. Səsləndirildiyi halda belə cavablar yayındırılır, əsas mahiyyəti əks etdirmir. Sual isə konkretdir: nə üçün xususilə Bakı şəhərində xüsusi rejimli xəstəxanalarda işləyən tibb və texniki işçilər, həmçinin həkimlər arasında son 1 ayda yoluxma hadisələri kəskin artıb? Səbəb nədir, səbəblər nədir?

Lakonik, qısa sual qərərgahda eşidilməyəcək. Ən yaxşı halda yayğın, mücərrəd cavab eşidəcəyik. Bu sualın cavabı isə belədir: Bakı şəhərində mart ayının sonlarından bu günə qədər COVID-19 xəstələrinin müalicəsi ən modern, ən möhtəşəm, ən gözəl, ən müasir avadanlıqlarla, dərman preparatları və müalicə vasitələri ilə təchiz edilmiş, ən yüksək səviyyəli ixtisaslaşmış tibb heyəti olan bu xəstəxanalarda və mərkəzlərdə aparılır: Azərbaycan Tibb Universitetinin tədris cərrahiyyə və terapevtik klinikaları, Mərkəzi Neftçilər Xəstəxanası, təzəcə açılmış 575 yerlik, Avropanın ən gözəl mərkəzi - "Yeni klinika", Bakı Sağlamlıq Mərkəzi, son 10 gündə Şəhər 1 saylı Kliniki Tibbi Mərkəz (Semaşko adı ilə tanınan).

Bu xəstəxanalarda ölkənin SARS-CoV-2 infeksiyasına yoluxmuş xəstələrinin ən azı yarısı müalicə olunmuş, sağalmış və müalicə olunurlar. Məncə, onların sayı təxminən 11-13 mindir. Həmin xəstəxanaların hamısının həkimləri, tibb və texniki işçiləri ötən müddətdə Ağ şəhərdə, 5 ulduzlu "Boulevard Hotel"də yerləşdiriliblər. Ara-sıra narazılıqlar olsa da, ümumən hotel rəhbərliyi və işçiləri tərəfindən tibb və texniki işçilərə, həkimlərə qayğı, qulluq, qida təminatı qənaətbəxşdir, insanların keyfiyətli istirahəti xeyli əlverişlidir.

 "Boulevard Hotel"in ciddi çatışmayan cəhətləri - havalandırma sisteminin olmaması, bütün otaqlarda pəncərənin olmaması, yalnız bir divarın qapalı şüşədən ibarət olması, dəhlizlərdə xalça-kovrolitin olması, keyfiyyətli təmizləmə və dezinfeksiya işlərinin aparılmasının mümkünsüzlüyü, hoteldə eyni vaxtda qalan 300-500 tibb işçisinin, texniki yardım işçilərinin və həkimlərin koronavirus infeksiyası ilə yoluxmasının əsas şərtləridir", - deyə həkim əlavə edib.

O bildirir ki, xüsusi rejimli stasionar xəstəxanada yoluxmuş şəxs infeksiyanı hotelə gətirir: "Qeyd etdiyim qeyri-münbit şərait hoteldaxili yoluxmalara rəvac verib, verməkdədir. Çünki hotel karantin rejiminə uyğun deyil və onun uyğunlaşdırılması mümkünsüzdür. Nə etməli? Tibb işçilərinin dislokasiyası təcili dəyişdirilməli, onlar 20-30 nəfərlik kiçik qruplara ayrılmalı və yataqxana tipli, havalanma sistemi, pəncərələri və eyvanları olan, dəhlizləri metlax, "linoleumla" döşənmiş, xalçasız-kovrolitsiz olan (asan yuyulan və dezinfeksiya edilən) hotellər və uyğun binalara yerləşdirilməlidirlər. Xüsusi rejimli koronavirus xəstəxanalarında işləyən bütün işçilərin həftədə azı 1 dəfə tibbi müayinəsi aparılmalı, yoluxmuşlar təcrid və müalicə edilməlidirlər. Əks halda, qərargah həkim axtarışına başlayacaq".

2476
Teqlər:
Bakı, yoluxma, Koronavirus, COVID-19, həkim
Mövzu:
Azərbaycanda koronavirus: son xəbərlər (270)
Əlaqədar
Bu əsl faciədir - ATU-da 57 həkim koronavirusa yoluxub
Ön cəbhədə vuruşan həkim: “Sona qədər buradayam, mübarizə aparacağam” - MÜSAHİBƏ
Azərbaycanda yenə həkim koronavirusdan dünyasını dəyişdi
Həyatını riskə ataraq: Rejissor azərbaycanlı həkimlərin fədakarlığını seriala çəkəcək
TƏBİB qəzaya düşən həkimlərlə bağlı məlumat yaydı
Koronavirusа qarşı peyvənd, arxiv şəkli

"Misli görünməmiş əməkdaşlığa" "meymun" cavabı - dünya gözləyir, rəsmilərsə düşünürlər

367
(Yenilənib 11:51 14.08.2020)
Mənbə qeyd edib ki, vaksin amerikalıların həyatını xilas edə bilər və Vaşinqton buna görə vaksini "qəbul etmək barədə yaxşı-yaxşı düşünməlidir"

BAKI, 14 avqust — Sputnik. Rusiya koronavirus əleyhinə peyvəndin yaradılması ilə bağlı Birləşmiş Ştatlara kömək təklif edib, lakin amerikalılar bundan imtina ediblər. Sputnik Azərbaycan xəbər verir ki, bunu adı çəkilməyən rusiyalı məmur CNN telekanalına açıqlamasında bildirib.

Rusiya dünyada koronavirus əleyhinə peyvəndi qeydiyyatdan keçirən ilk ölkə oldu
Ruptly / РФПИ / WHO / Дмитрий Куракин/Пресс-служба Минздрава России

Kanalın mənbəsi qeyd edib ki, Rusiya ABŞ-ın vaksin hazırlanmasına yönəlmiş "Supersəs sürət" layihəsi çərçivəsində bu ölkəyə "misli görünməmiş əməkdaşlıq" təklif edib. Lakin məlum olub ki, ABŞ Rusiyanın tibbi layihələri üçün "açıq" deyil.

"Rusiyaya qarşı ümumi inamsızlıq hiss olunur və biz hesab edirik ki, vaksinlər, testləşdirmə və müalicə daxil olmaqla bu texnologiyaları ABŞ məhz inamsızlığa görə qəbul etmir", - deyə yüksəkvəzifəli rusiyalı məmur bildirib.

Rusiya rəsmi dairələri telekanala bildiriblər ki, Rusiya Federasiyası vaksin haqqında informasiya mübadiləsinə hazırdır. Bu, ABŞ farmakoloji şirkətlərinə ABŞ-da vaksin istehsal etməyə yardım edə bilər.

Mənbə qeyd edib ki, vaksin amerikalıların həyatını xilas edə bilər və Vaşinqton buna görə vaksini "qəbul etmək barədə yaxşı-yaxşı düşünməlidir":

"Əgər bizim vaksin ən effektiv vaksinlərdən biri olsa, onda suallar meydana çıxacaq: Niyə ABŞ bu imkanı öyrənmədi, niyə siyasət vaksinin yoluna çıxdı".

Bu arada ABŞ rəsmiləri CNN-ə bildiriblər ki, ABŞ-da Rusiya vaksini "tam hazırlanmış hesab olunmur və ona görə də Amerikada ciddi maraq doğurmayıb".

"ABŞ onu heç meymunlar üzərində sınamayacaq, o ki qaldı insanlar üzərində", - deyə adı çəkilməyən ABŞ məmuru bildirib.

Öz növbəsində RF Səhiyyə nazirinin köməkçisi Aleksey Kuznetsov RİA Novosti-nin sorğusuna cavab olaraq bildirib ki, Rusiya COVID-19 əleyhinə vaksinin hazırlanması sahəsində ABŞ-a heç bir rəsmi təklif göndərməyib.

Xatırladaq ki, avqustun 11-i Prezident Vladimir Putin Rusiya Federasiyasında koronavirusdan ilk peyvəndin qeydiyyatını elan edib. Prezident deyib ki, onun qızlarından biri peyvəndi öz üzərində sınaqdan keçirib. Rusiyanın koronavirusa qarşı hazırladığı yeni peyvənd "Sputnik V" adını alıb.

Bu, 1957-ci ildə Yerin ilk süni peykinin buraxılması ilə bağlıdır.

""Sputnik-1" bütün dünyada kosmik tədqiqatları fəallaşdırıb. COVID-19-dan yeni Rusiya peyvəndi dünya ictimaiyyəti üçün necə deyərlər, "Sputnik anı" yaradıb", – deyə adın izahında bildirilir.

RF Səhiyyə naziri Mixail Muraşko bildirib ki, peyvəndi ilk olaraq tibb işçiləri və müəllimlər alacaqlar. Onun sözlərinə görə, Qamaleya adına Mərkəzin hazırladığı klinik tədqiqatların nəticələrinə əsasən, yüksək effektivlik və təhlükəsizlik, immunlaşmanın ciddi fəsadları heç kimdə qeydə alınmayıb. Nazir əlavə edib ki, vaksin daha altı peyvəndin əsaslandığı məlum platformada yaradılıb.

O, vaksinin bundan sonra da minlərlə insanın iştirakı ilə klinik sınaqdan keçəcəyini vurğulayıb. Muraşko bildirib ki, vaksinin iki meydançada - Rusiya Səhiyyə Nazirliyinin Qamaleya adına Mərkəzində və "Binnofarm" şirkətində - buraxılmasına başlanacaq.

Rusiya Federasiyası Baş nazirinin müavini Tatyana Qolikova deyib ki, həkimlərin koronavirusa qarşı peyvəndlənməsinin avqust və ya sentyabr ayının sonlarında başlaya biləcəyini gözləyir.

367
Mövzu:
Dünyanı cənginə almış bəla
Əlaqədar
İnsanları ölümcül xəstəlikdən "Sputnik" xilas edəcək
ABŞ-ın baş infeksionisti Rusiyanın koronavirus peyvəndinə şübhə edib
Koronavirusa qarşı peyvənddən xəstələnmək olarmı?
"Rusiyanın koronavirus peyvəndi: dahiyanə hər şey kimi sadədir"
Koronavirusdan qurtulmaq şansımız yaranıb - "Təbii ki, peyvəndi Azərbaycana da verərik"
Tavada yemək, arxiv şəkli

Mif dağıdıldı, yeyin-için, kef edin...

548
(Yenilənib 08:24 14.08.2020)
Dietoloqun fikrincə, az yağlı qidalar istehsalçılara fayda versə də, nişasta və şəkərin çox olması səbəbindən arıqlamaq istəyənlərə zərər verə bilər.

BAKI, 14 avqust — Sputnik. Rusiyalı dietoloq Anastasiya Çernıx bu vaxta qədər arıqlama haqqında olan mifləri dağıdacaq açıqlama verib.

Sputnik Azərbaycan Rusiya mətbuatına istinadla xəbər verir ki, onun sözlərinə görə, ən böyük səhv ac qalmaqla arıqlamağın mümkün olacağını düşünməkdir.

"Biz acdığımız zaman maddələr mübadiləsi daha yavaşlayır, orqanzim stress vəziyyətində ehtiyat enerjiyə keçir. Bu zaman çəkinin düşməsi isə, əzələ kütləsi və suyun itirilməsi ilə bağlı olur. Yağ kütləsi dəyişilməz olaraq qalır" - o qeyd edib.

İkinci dağıdılmış mif isə axşam saat 6-dan sonra qidalanmamaqla bağlıdır.

Həkim bildirib ki, belə qidalanma rejimi hər kəsin orqanizminə uyğun olmaya və artıq qadağa orqanizmə zərər vura bilər: "Ən əsası axşamlar asanlıqla həzm oluna bilən protein tərkibli qidaların qəbul edilməsidir. Məsələn, balıq və nişastalı olmayan tərəvəzlər: pomidor, xiyar, bibər yemək olar".

Dietoloqun fikrincə, az yağlı qidalar istehsalçılara fayda versə də, nişasta və şəkərin çox olması səbəbindən arıqlamaq istəyənlərə zərər verə bilər.

Mütəxəssis qeyd edib ki, sağlamlığına zərər vermədən arıqlamaq istəyən şəxslər dietoloqa müraciət etməli, müayinədən keçməli və tələb edilən analizləri verməlidir.

548
Teqlər:
dietoloq, dieta
Azərbaycan Respublikasının Təhsil Nazirliyi, arxiv şəkli

Tələbələrin köçürülməsinə başlanılır: qayda qadağalar açıqlandı

2
Xarici ölkədə qiyabi (distant) təhsil alan və (və ya) fəaliyyət göstərdiyi ölkədə akkreditə olunmayan ali təhsil müəssisəsindən Azərbaycan Respublikasının orta ixtisas təhsili müəssisələrinə tələbələrin köçürülməsinə yol verilmir

BAKI, 14 avqust — Sputnik. Avqustun 17-dən tələbələrin köçürülməsi prosesinə start veriləcək. Bu barədə Sputnik Azərbaycan-a Təhsil Nazirliyindən məlumat verilib. Bildirilib ki, elektron sənəd qəbulu avqustun 23-dək davam edəcək.

Tələbələrin ölkə daxilində və xaricdə yerləşən ali təhsil müəssisələrindən köçürülməsi, yaxud bir ixtisasdan digərinə dəyişdirilməsi, eləcə də ölkəmizdə yerləşən orta ixtisas təhsili müəssisələri tələbələrinin, magistratura səviyyəsində təhsilalanların köçürülməsi transfer.edu.az portalı vasitəsi ilə həyata keçirilir.

Portala müraciət edən şəxslər köçürülmək istədiyi təhsil müəssisəsini seçmək imkanına malikdir. Bunun üçün təhsilalanlar tələb olunan məlumatları daxil etməklə, köçürülmə meyarlarına uyğun gəlib-gəlmədiyini müəyyən edə bilərlər.

Qeyd edək ki, Təhsil Nazirliyi tərəfindən yaradılan transfer.edu.az portalı tələbələrin köçürülməsi prosesinin sadələşdirilməsinə və şəffaflığın təmin olunması məqsədinə xidmət edir. Portal fəaliyyətə başladığı gündən bu günədək 7 minə yaxın tələbənin köçürülməsi həyata keçirilib.

Azərbaycanın ali məktəblərində tələbələrin bir ali məktəbdən digər ali məktəbə və ya bir ixtisasdan digər ixtisasa köçürülməsi (daxili köçürülmə) qaydasına görə, proses Təhsil Nazirliyinin razılığı ilə qış və yay tətili dövründə müvafiq ali məktəb rəhbərliyinin əmri ilə həyata keçirilir. Mövcud qaydalara görə, tələbələrin bir ali məktəbdən digərinə köçürülməsinə yalnız əsaslı səbəblər olduğu halda (ailə qurduqda, sağlamlıqla bağlı problem olduqda, yaşayış yerini dəyişdikdə və s.) icazə verilir. Dövlət adından təsisçi funksiyalarını həyata keçirən digər nazirlik, dövlət komitəsi və ya idarələrin (bundan sonra - qurum) tabeliyində olan dövlət ali təhsil müəssisələrinə köçürülməsi və bərpası tabe olduqları qurumun və Təhsil Nazirliyinin razılığı ilə həyata keçirilir.
Təhsil Nazirliyi ali təhsil müəssisələrinin bakalavriat səviyyələrində təhsilalanların köçürülməsi zamanı minimal keçid balları haqqında məlumatı Dövlət İmtahan Mərkəzinin (DİM) rəsmi internet səhifəsindən əldə edir.
Magistratura səviyyəsinin 1-ci tədris ili müddətində tələbələrin öz ixtisası (ixtisaslaşması) üzrə bir ali təhsil müəssisəsindən digərinə köçürülməsi və ya təhsilalma formasını dəyişməsi o şərtlə aparıla bilər ki, DİM tərəfindən keçirilən qəbul imtahanlarında tələbənin topladığı bal qəbul olunduğu ildə köçürülmək istədiyi ali təhsil müəssisəsində müvafiq ixtisas (ixtisaslaşma) üzrə minimal keçid balından az olmasın.
Bir ali təhsil müəssisəsindən digərinə köçürülən, ixtisasını dəyişən şəxslər (dövlət sifarişi əsasında təhsilalanların eyni ixtisas üzrə köçürülməsi istisna olmaqla) təhsillərini yalnız ödənişli əsaslarla davam etdirirlər.
Ölkə daxilində bakalavriat səviyyəsində tələbələrin bir ali təhsil müəssisəsindən digərinə köçürülməsi üçün Dövlət İmtahan Mərkəzinin (DİM) tərəfindən keçirilən qəbul imtahanlarında tələbənin topladığı bal qəbul olunduğu ildə köçürülmək istədiyi ali təhsil müəssisəsində müvafiq ixtisas üzrə minimal keçid balından az olmamalıdır. Bu zaman tələbənin qəbul olunduğu və köçürülmək istədiyi ixtisaslar DİM tərəfindən müəyyən olunmuş eyni ixtisas qrupu daxilində olmalıdır. II və III ixtisas qruplarında müəyyənləşdirilmiş "tarix və coğrafiya müəllimliyi", "tarix müəllimliyi" və "tarix" ixtisasları öz aralarında, eləcə də II ixtisas qrupunda müəyyənləşdirilmiş "beynəlxalq münasibətlər" və "regionşünaslıq" ixtisasları isə III ixtisas qrupuna daxil olan digər ixtisaslarla (mədəniyyət və incəsənət ixtisasları istisna olmaqla) uyğun hesab edilməlidir.

Xarici ölkələrin ali təhsil müəssisələrindən Azərbaycan təhsil müəssisələrinə köçürülərkən tələbənin təhsil aldığı ali təhsil müəssisəsinin dünyanın ən yaxşı ali təhsil müəssisələri reytinqlərində yer alması, xarici ölkə ali təhsil müəssisələrində əyani təhsil alması, DİM tərəfindən keçirilən imtahanlarda iştirak etmədikləri halda beynəlxalq səviyyəli imtahanlarda qazandığı nəticələr (SAT imtahanından yeni şkala üzrə ən azı 1000 bal (riyaziyyat üzrə ən azı 560 bal), TOEFL İBT imtahanından ən azı 75 bal, İELTS imtahanından ən azı 6.0 bal); qənaətbəxş akademik göstəriciləri; köçürülmə səbəbləri; təhsil aldığı ali təhsil müəssisənin dünyanın ən yaxşı ali təhsil müəssisələri reytinqlərində yer alması, DİM tərəfindən keçirilən qəbul imtahanlarında iştirak etdiyi halda tələbənin topladığı balın həmin ildə köçürülmək istədiyi ali təhsil müəssisəsində müvafiq ixtisas üzrə minimal keçid balından az olmaması və tələbənin akademik göstəriciləri nəzərə alınır.

Xarici ölkədə qiyabi (distant) təhsil alan və (və ya) fəaliyyət göstərdiyi ölkədə akkreditə olunmayan ali təhsil müəssisəsindən Azərbaycan Respublikasının orta ixtisas təhsili müəssisələrinə tələbələrin köçürülməsinə yol verilmir.
Əcnəbilər və vətəndaşlığı olmayan şəxslər elektron köçürülmədə iştirak edə bilərlər. Bir semestr ərzində tələbə transfer.edu.az saytında yalnız bir dəfə qeydiyyatdan keçə bilər.

Ali təhsilin bakalavriat səviyyəsini (əsas (baza ali) tibb təhsilini) başa vurmayan şəxslərin orta ixtisas təhsili müəssisələrinə köçürülməsi məsələsinə qış və yay tətili müddətində onların qəbul olunduqları və əsinə köçürülən şəxslər təhsillərini yalnız ödənişli əsaslarla davam etdirirlər və köçürülən şəxs həmin təhsil müəssisəsində köçürüldüyü ixtisas üzrə təhsil alacağı qrup üçün müəyyən edilmiş məbləğdə təhsil haqqı ödəyir.

2
Əlaqədar
Müəllimlərin imtahanına tələbələr nəzarət edəcəklər
Fransalı tələbənin karantinli Bakı təcrübəsi: “Mütləq buraya ailəmlə qayıdacağam”
Mis məftilin üstündə qurulan təhsildən "qızıl" gələcəyi necə gözləyək?
Distant təhsil - Gələcəyimizi təmin edən fürsət, yoxsa savadsızlığa aparan "Troya atı"
Yeni modelə keçidin başlanğıcı: Azərbaycanda pandemiya dövründə təhsil inqilabı