Doktor, arxiv şəkli

Daha bir həkimimiz COVİD-19-a yoluxdu

270
(Yenilənib 11:18 09.07.2020)
100-lərlə xəstəni xilas edən həkimə dəstək lazımdır 100-lərlə xəstəni xilas edən həkimə dəstək lazımdır

BAKI, 8 iyul — Sputnik. Anestezioloq Cavid Paşayev də COVİD-19-a yoluxub. Sputnik Azərbaycan xəbər verir ki, bu barədə həkimin həmkarları məlumat paylaşıblar. C.Paşayevin həmkarı Elgün Əhmədov bunları yazıb: "Azərbaycan Tibb Universitetinin anestezioloqu Cavid Paşayev üçün əlimizdə, kənarda ən effektiv vasitələrdən nə varsa maksimum istifadə edəcəyik. COVID xəstələri nəzərə alınmaqla "High Flow Oxygen Therapy" əlavə applikasiya tətbiq olunaraq yeni istehsal olunan son model cihaz Cavid doktor üçün göndəriləcək".

Qeyd edək ki, bunadək 100-lərlə xəstəni xilas edən COVID-19-a yoluxan həkim bunadək də özünün sosial şəbəkə hesabından mütəmadi olaraq insanlara diqqətli olmağı, tələblərə əməl etməyi səsləyib.

"Cavid doktor vaxt tapan kimi də ayrı xəstəxanalarda həkim dostlarına köməyə gedirdi. İndi özü yoluxub. Neçə gün öz reanimasiya şöbəsində qalıb. 3 günün içində virus proqress edib, ciyərinin əksəriyyəti zədələnib. Vəziyyəti pisdir. Əlaqədar qurumların da diqqətinə çatdıraq ki, bu cür insanların müalicəsinə, hər cür avadanlığa qoşulmasına göstəriş verilsin", - deyə xəstəliyə yoluxan həkim haqda paylaşılan digər statuslarda qeyd olunub.

270
Teqlər:
həkim, Koronavirus, COVID-19
Mövzu:
Azərbaycanda koronavirus: son xəbərlər (319)
Əlaqədar
Yaponiya mədəniyyəti koronavirusun qarşısını necə aldı - Yaponlar kimi niyə ola bilmirik?
Azərbaycana koronavirusa görə xarici mütəxəssislər gətirildi
Koronavirusdan sağalan insanlar yenidən yoluxa bilərlər
Medalın əks tərəfi: Bakı koronavirusun ciddi olduğunu nəhayət anlayıb
Səhiyyə Nazirliyi koronavirus xəstələrinin evdə müalicə prosedurunu açıqladı
Rusiya Prezidenti Vladimir Putin

Putin koronavirus peyvəndlərinin effektivliyindən danışdı: "Sovet məktəbi sağdır"

20
(Yenilənib 22:53 29.10.2020)
Putin vurğulayıb ki, ilk növbədə Rusiya vətəndaşları koronavirus əleyhinə vaksinlər ilə təmin olunacaqlar.

BAKI, 29 oktyabr — Sputnik. Rusiyanın koronavirus əleyhinə olan hər iki vaksini təhlükəsiz və effektivdir. Sputnik Azərbaycan RİA Novosti-yə istinadən xəbər verir ki, bunu Rusiya Prezidenti Vladimir Putin bildirib.

"Rusiya vaksinlərinin sınaqları davam edir, ümid edirəm ki, bu ilin sonunda kütləvi vaksinləşməyə başlaya bilərik", - deyə Prezident qeyd edib.

O vurğulayıb ki, ilk növbədə Rusiya vətəndaşları koronavirus əleyhinə vaksinlər ilə təmin olunacaqlar. Lakin Rusiya vaksinlər üzrə intellektual mülkiyyətin satışını həyata keçirməyə və ya xarici tərəfdaşların meydançalarında onların istehsalını təmin etməyə hazırdır.

Putin eyni zamanda qeyd edib ki, Rusiyada koronavirus əleyhinə vaksinin hazırlanması ölkədə elmin inkişaf etdiyini, sovet məktəbi sağdır.

20
 Koronavirus testi üçün burundan götürülən yaxma, arxiv şəkli

Yeni antirekord: Azərbaycanda bir sutkada COVID-ə yoluxanların sayı mini ötdü

105
(Yenilənib 15:42 29.10.2020)
Azərbaycanda indiyədək ümumilikdə 53152 nəfər koronavirus infeksiyasına yoluxub, onlardan 42516 nəfər müalicə olunaraq sağalıb, 708 nəfər vəfat edib, aktiv xəstə sayı 10636 nəfərdir

BAKI, 29 oktyabr - Sputnik. Azərbaycan Respublikasında koronavirus (COVID-19) infeksiyasına 1015 yeni yoluxma faktı qeydə alınıb, 483 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 9 nəfər vəfat edib.

Azərbaycanda indiyədək ümumilikdə 53152 nəfər koronavirus infeksiyasına yoluxub, onlardan 42516 nəfər müalicə olunaraq sağalıb, 708 nəfər vəfat edib, aktiv xəstə sayı 10636 nəfərdir.

Ölkədə son sutka ərzində 11813, hazırkı dövrədək isə 1331287 test aparılıb.

105
Mövzu:
Azərbaycanda koronavirus: son xəbərlər (319)
Avropa Liqasının qrup mərhələsinin 2-ci tutu çərçivəsində Qarabağ - Vilyareal matçı

"Qarabağ" azarkeşlərini məyus etdi

0
(Yenilənib 23:52 29.10.2020)
Azərbaycanın "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

BAKI, 29 oktyabr — Sputnik. "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

Sputnik Azərbaycan xəbər verir ki, görüş Türkiyənin İstanbul şəhərindəki "Başakşehir Fatih Terim" stadionunda baş tutub.

Komandalar oyunun birinci hissəsini heç-heçə başa vurublar. İkinci hissədə isə "Qarabağ"ın oyunçusu Kvabena Ovusu fərqlənib. O, 78-ci dəqiqədə hesabı açıb. Lakin Ağdam klubunun azarkeşlərinin sevinci uzun çəkməyib. 2 dəqiqə sonra "Vilyarreal" Yeremi Pinonun vurduğu qolla hesabı bərabərləşdirib. Matçın 84-cü dəqiqəsində Pako Alkaser Ağdam klubunu cəzalandırıb. "Vilyarreal" ikinci qolla önə çıxıb. 

Oyuna əlavə edilən dəqiqələrdə "Vilyarreal" 3-cü topu "Qarabağ"ın qapısından keçirib. Üçüncü topu da 90+6-cı dəqiqədə penaltidən Pako Alkaser vurub.

Beləliklə, "Qarabağ"-"Vilyarreal" matçında oyun ispan klubunun qələbəsi ilə başa çatıb.

Bu oyunun nəticəsi olaraq xallarını 6-ya çatdıran "Vilyarreal" qrupda liderliyini möhkəmlədib. "Qarabağ" isə 1 xalla 3-cü pillədə qalıb.

0