Xəstəxanada tibb bacısı, arxiv şəkli

Xəstəliyin adını eşidəndə qapıdan qaytaran poliklinikalar: tapşırıq üstün gələcək, qorxu?

868
(Yenilənib 10:48 02.07.2020)
"Bu həkimlərə yanaşma digərlərindən fərqli olmalıdır. Bundan sonra təcili şəkildə poliklinikanın da strukturu bu işi görməyə uyğunlaşdırılmalıdır" - Adil Qeybulla

Nigar İsgəndərova, Sputnik Azərbaycan

BAKI, 2 iyul — Sputnik. Nazirlər Kabineti yanında Operativ Qərargahın tapşırığı ilə COVID-19-la mübarizədə yaranan problemlərin aradan qaldırılması üçün poliklinikalara yardım etmək məqsədilə Səhiyyə Nazirliyi tərəfindən yaradılmış işçi qrupunun üzvü Nabil Seyidov bu yardımın nədən ibarət olduğu haqqında açıqlama verib.

Sputnik Azərbaycan xəbər verir ki, Nabil Seyidovun sözlərinə görə, bu yardım metodiki tövsiyələr və təşkilati məsələlərin həll edilməsindən ibarətdir.

Nabil Seyidov bildirib ki, evdə müalicə alan xəstələrə göstərilən tibbi xidmətin təkmilləşdirilməsi və əhali tərəfindən müraciətlərin artması nəticəsində Təcili və Təxirəsalınmaz Tibbi Yardımın (TTTY) yüklülüyünün azaldılması məqsədilə Bakı şəhəri üzrə bütün rayonlarda simptomsuz və yüngül simptomlu yoluxmuş şəxslərin aşkarlanması, müayinəsi, laborator testlərindən keçirilməsi və davamlı təqibi üçün müvafiq ilkin səhiyyə müəssisələri artıq müəyyənləşdirilib. O, həmçinin xəbər verib ki, Səhiyyə Nazirliyi tərəfindən simptomsuz və yüngül simptomlu şəxslərin müayinə və müalicəsinə dair xüsusi metodik tövsiyələr hazırlanıb, poliklinikalara əlavə təlimatlar təqdim edilib.

N.Seyidovun verdiyi açıqlamaya əsasən, Səhiyyə Nazirliyinin tövsiyələrində bildirilir ki, vətəndaşlar COVID-19-la bağlı yaşadıqları ünvana uyğun olaraq müvafiq poliklinikalarla əlaqə saxlayacaqlar. Poliklinikanın mütəxəssisləri tərəfindən vətəndaşın vəziyyəti ilkin olaraq qiymətləndiriləcək və COVID-19-a dəlalət edən şikayət, simptom və ya yoluxma riskini artıran digər faktorlar (məsələn, təmas) dəyərləndiriləcək. Tibb işçisinin qərarı əsasında yoluxma riski olan və ya koronavirus xəstəliyi ehtimalı olan şəxslərin müayinəsi və PZR testinin aparılması üçün poliklinikaların tibbi briqadaları evlərə göndəriləcək və testlər üçün nümunələr məhz orada götürüləcək.

"Ümumiyyətlə, Bakı şəhəri üzrə bütün poliklinikalara verilmiş tövsiyə və təlimatlara əsasən, simptomsuz pasiyentlərin evdə müşahidəsi, yüngül gedişatlı xəstələrin müalicəsi təmin ediləcək. Pasiyentlərin səhhətlərində baş verən hər-hansı pisləşmə və ya mənfi dinamika müəyyən edilən kimi onlar poliklinika həkimi tərəfindən təkrar qiymətləndiriləcəklər. Obyektiv pisləşmə olduqda həmin an hospitalizasiya olunacaqlar.

Onu da qeyd etmək istəyirəm ki, poliklinikalar COVID-19-un müalicəsi ilə yanaşı, öz adi fəaliyyətlərini davam etdirir. Yəni dispanser qeydiyyatı olan digər xəstəliklərlə pasiyentlər poliklinikalarla telefonla təmas qura, həkimləri ilə əlaqə saxlaya və tələb olunduqda poliklinikaya gəlib, müayinədən keçə bilərlər", – deyə Nabil Seyidov bildirib.

Eyni zamanda N.Seyidov hazırda koronavirusa yoluxma riskinin artdığı vəziyyətdə vətəndaşların digər məsələlərlə bağlı poliklinikaya gəlişlərinin məhdudlaşdırılmasını məqsədəuyğun hesab edir. Testlərin yalnız göstərişlərə uyğun olaraq aparılacağını bir daha xatırladan N.Seyidov vətəndaşların öz poliklinikalarına zəng etməklə COVID-19 infeksiyası və onun profilaktikası, habelə evdə müşahidə və müalicə ilə bağlı müvafiq məlumat və təlimat əldə edə biləcəklərini qeyd edib.

İşçi qrupunun üzvü müsahibəsini bu sözlərlə bitirib: "Bütün bu tövsiyələrin yerinə yetirilməsi nəticəsində ilkin səhiyyə xidməti olan poliklinikalar COVID-19 xəstələrinə daha yaxşı tibbi yardım göstərməyə cəlb edilmiş olacaq, TTTY-nin yüklənməsi azalacaq və vətəndaşlarımıza COVID-19 pandemiyası dönəmində tələb olunan tibbi xidmətin göstərilməsi davam etdiriləcəkdir".

Bəs maraqlıdır, poliklinikalar və sahə həkimləri bu işin öhdəsindən gələ biləcəklərmi?

Bu haqda tibb üzrə ekspert Adil Qeybulla Sputnik Azərbaycan-a danışıb: "Təbii ki, poliklinikalarda yetərli kadrlar yoxdur. Amma bütün bunlarla yanaşı, tədricən müəyyən işlər də görülür. Evə yazılan bəzi ambulator xəstələri "bluetooth" ilə əlaqələndirmək, onların hərəkətinə telefonla nəzarət etmək belə, yetərli deyil. Bu işin təşkili üçün gərək ki, bu işi görəcək həkimlərin konkret yerləri olsun. Ya poliklinikada, ya da qərərgahlarda bunlar üçün lazımi şərait yaradılmalı, müəyyən avadanlıqlar quraşdırılmalıdır. Yəni xəstələrə bir-bir nəzarət etmək, gündəlik xəstəliyin dinamikasını, xəstələrin dərman təminatını izləmək üçün bütün bunlar çox vacibdir. Bundan başqa, lazımi qədər tibb bacıları da olmalıdır".

"Bu istiqamətdə müəyyən işlərin görülməsinə başlanılsa da, problemlər, şikayətlər də qalmaqdadır. Xəstələr şikayət edirlər ki, test nəticələri müsbət çıxsa da, onlara baş çəkən yoxdur. Bu isə kadr çatışmazlığını göstərir. Bu səbəbdən hələlik ümumi vəziyyəti, bu işi tam qənaətbəxş hesab etmək olmaz", - deyə ekspert əlavə olaraq bildirib.

O, müalicə aldıqdan sonra nəticəsi neqativ olan bəzi xəstələrə poliklinikada sahə həkimlərinin: "Sən xəstəsən", - deyib içəri girməsinə qadağa qoymasına da münasibət bildirib: "Poliklinika üçün xəstəliyin adını eşidib xəstəni içəri buraxmamaq ən asan yoldur. Nəticəsi neqativ olan şəxslər də təlimatlandırılmalıdırlar".

A.Qeybulla bildirib ki, bu işə cəlb olunan həkimlərin maaşları artırılmalıdır ki, onlarda da bu işi görməyə maraq olsun: "Bu həkimlərə yanaşma digərlərindən fərqli olmalıdır. Bundan sonra təcili şəkildə poliklinikanın da strukturu bu işi görməyə uyğunlaşdırılmalıdır".

Artıq belə fikirlər dolaşır ki, növbəti həftələrdən etibarən şübhəsi olan xəstələr özləri poliklinikaya müraciət edib yaxma verəcəklər. Sual yaranır, bəs belə olan halda rəqəmlər daha da artmayacaqmı?

A.Qeybulla bu suala cavab olaraq bildirib ki, buna qalsa, bu gün xeyli xəstə ictimai nəqliyatda sərbəst gəzir, xəstəliyi ayaqüstə keçirir.

Azərbaycan Tibb Universitetinin dosenti Ədalət Rüstəm də Sputnik Azərbaycan-a açıqlamasında bildirib ki, bu gün poliklinikaların əsas problemlərindən biri sahə həkimləri və tibb bacılarının çatışmazlığıdır:

"Çünki onların arasında da yoluxanların sayı kifayət qədər çoxdur. Yaşlı tibb işçiləri isə prosesə cəlb edilə bilməzlər. Prezidentin sərəncamının (tibb işçilərinin vəzifə maaşlarınin 3-5 misli qədər müddətli Prezident əlavəsinin verilməsi haqqında) icra edilməməsi də məsələyə olduqca ciddi mənfi təsir göstərib. Nəticədə əvvəl fəal iştirak etmiş tibb işçilərinin prosesdən yayınması halları kəskin artıb".
868
Əlaqədar
Şamaxıda vəlvələ: təcili yardım maşınından atılan zibil sakinləri qorxutdu
"Masonların oyunu": Maskanı masqaraya qoyub, koronanı bihörmət edənlər...
Koronavirus, isti keçən havalar və günvurma – Hər şey qəsdimizə durub
Bir heyvanın gətirdiyi bəlanı başqa heyvan aradan qaldıra bilər
Azərbaycanda dərman və tibb işçisi problemi ilə bağlı açıqlama verildi
Koronavirus testi, arxiv şəkli

Yoluxma azalsa da, ölənlərin sayı artdı

17
(Yenilənib 17:48 19.10.2020)
Azərbaycanda indiyədək ümumilikdə 45295 nəfər koronavirus infeksiyasına yoluxub. Onlardan 40144 nəfər müalicə olunaraq sağalıb, 630 nəfər vəfat edib, aktiv xəstə sayı 4521 nəfərdir.

BAKI, 19 oktyabr — Sputnik. Azərbaycan Respublikasında koronavirus (COVID-19) infeksiyasına 331 yeni yoluxma faktı qeydə alınıb, 107 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 4 nəfər vəfat edib.

Azərbaycanda indiyədək ümumilikdə 45295 nəfər koronavirus infeksiyasına yoluxub. Onlardan 40144 nəfər müalicə olunaraq sağalıb, 630 nəfər vəfat edib, aktiv xəstə sayı 4521 nəfərdir.

Ölkədə son sutka ərzində 4612, hazırkı dövrədək isə 1232636 test aparılıb.

17
Laboratoriya işçisi, arxiv şəkli

Alimlər koronavirus zamanı karantin rejiminin tətbiq olunmasına qarşı çıxdılar

48
(Yenilənib 15:36 19.10.2020)
Artıq 10 mindən çox elm adamı karantin rejiminə etiraz edən Qreat Barrinqton adlı bəyanata imza atıb.

BAKI, 19 oktyabr — Sputnik. Koronavirus pandemiyası vaxtı sərt karantin rejiminin tətbiq olunmasına etiraz edən bir qrup alim Qreat Barrinqton adlı bəyanat imzalayıblar. Sputnik Azərbaycan-ın Türkiyənin NTV kanalına istinadən yaydığı məlumata görə, artıq bu bəyanata bütün dünyadan 10 mindən çox elm adamı, 30 mindən çox səhiyyə işçisi və 535 mindən çox mülki şəxs imza atıb. Sənəd öz adını ABŞ-ın Massaçusets ştatının Qreat Barrinqton qəsəbəsindən götürüb. Belə ki, bəyanata ilk imza atan alimlər həmin qəsəbədə karantin rejiminin tətbiqinə qarşı etiraz ediblər.

Bəyanat Amerika İqtisadi Araşdırmalar İnstitutunun binasında imzalanıb. Sənədin müəllifləri Harvard Universitetinin alimi Martin Kulldorf, Oksford Universitetinin alimi Sunetra Qupta və Stenford Universitetinin Tibb Fakültəsinin müəllimi Cey Bhattaçaryadır.

Karantin rejiminin ictimai quruluşa zərər verdiyini iddia edən elm adamları, koronavirusa qarşı "məqsədyönlü müdafiə" adını verdikləri üsulla mübarizə aparmağı təklif edirlər. Onlar gənclərin daha az risk qrupunda olduqlarını irəli sürərək bu yaş kateqoriyasından olan insanların həyatını normal şəkildə davam etdirməsinin vacibliyini vuğulayırlar. Alimlərin fikrincə, sərt karantin rejimi cəmiyyətdə sosial münasibətlərə böyük zərbə vurur və "məqsədyönlü müdafiə" metodu ilə aşağı risk qrupundan olan insanların sayəsində bu xəstəliyə qarşı immunitet yaratmaq olar. Bununla belə, alimlər onların təklif etdikləri metodun "kollektiv immunitet" üsulundan fərqli olduğunu iddia edirlər.

Qeyd edək ki, dünyanın bəzi inkişaf etmiş ölkələri COVID-19 virusuna qarşı mübarizədə "kollektiv immunitet" strategiyasına üstünlük verir.

Bu strategiya əhalinin aztəminatlı təbəqəsinin müdafiəsini təmin etməklə, digər təbəqələrin koronavirusa yoluxdurulmasına və beləliklə də, ümumi immun sisteminin yaradılmasına əsaslanır.

Xatırladaq ki, koronavirusdan qurtulmaq üçün "kollektiv immunitet" üsulundan yararlanmaq fikrini ilk dəfə Böyük Britaniyanın Baş naziri Boris Conson səsləndirib. O bildirib ki, əhalinin infeksiyaya yoluxmasına imkan verilməlidir, əks təqdirdə karantin müddətindən sonra virus yenidən qayıda bilər.

Koronavirusla mübarizədə "kollektiv immunitet" metoduna qarşı qəti şəkildə etiraz edən Dünya Səhiyyə Təkilatının rəhbərliyi isə insanları qəsdən virusa yoluxdurmaq təklifini əxlaqsızlıq kimi qiymətləndirib.

48
Əlaqədar
Alimlər COVID-19-un yeni xəstəliyə səbəb olduğunu söyləyirlər
Pandemiya beş ayını tamam elədi, alimlər hələ bir qərara gələ bilmədilər
Alimlər təkzib edirlər: təyyarədə koronavirusa yoluxma şansları aşağıdır
“Professor Gül” gəmi-bərəsi, arxiv şəkli

Bakı limanında gəmilər sevinc fiti verdilər

0
Bakı portundakı gəmilər Zəngilanın Azərbaycan Silahlı Qüvvələri tərəfindən işğaldan azad edilməsi şərəfinə fit veriblər.

BAKI, 20 oktyabr — Sputnik. Bakı portundakı gəmilər Zəngilan şəhəri və digər yaşayış məntəqələrimizin Azərbaycan Silahlı Qüvvələri tərəfindən işğaldan azad edilməsi şərəfinə fit veriblər.

Bu barədə Sputnik Azərbaycan-a hadisənin şahidi olan sosial şəbəkə istifadəçiləri məlumat veriblər.

Qeyd edək ki, bu gün Azərbaycanın Prezidenti, Ali Baş Komandan İlham Əliyev xalqa müraciəti zamanı işğaldan azad edilən növbəti yaşayış məntəqələrimizin adlarını açıqlayıb.

Belə ki, oktyabrın 20-də Füzuli rayonunun Dörd Çinar, Kürdlər, Yuxarı Əbdülrəhmanlı, Qarğabazar, Aşağı Veysəlli, Yuxarı Ayıbasanlı, Cəbrayıl rayonunun Səfərşa, Hasanqayda, Fuğanlı, İmambağı, Ağtəpə, Yarəhmədli, Daş Veysəlli, Xocavəndin Ağcakənd, Mülküdərə, Daşbaşı, Günəşli (Noraşen), Çinarlı (Vəng), Zəngilan rayonunda Havalı, Zərnəli, Məmmədbəyli, Həkəri, Şərifan, Muğanlı kəndləri və Zəngilan şəhəri azad edilib.

0
Əlaqədar
İyirmi yeddi ildən sonra gələn azadlığın adı - Zəngilan
İşğaldan azad edilmiş Zəngilan şəhərində Azərbaycan bayrağı dalğalanır - VİDEO
Ali Baş Komandan: Zəngilan bizimdir!