COVİD-19 xəstəsi, arxiv şəkli

Koronavirusun qadın "məhəbbəti" - bəladır, kimsə baş açmır

243
(Yenilənib 15:57 30.06.2020)
ÜST-ün Avropada 53 ölkə üzrə hesabatında əks olunan məlumata görə, koronavirusa yoluxmada Avropada 20 faizi kişilər, 40 faizi qadınlar təşkil edir

Zülfiyyə Quluyeva, Sputnik Azərbaycan

BAKI, 30 iyun — Sputnik. Azərbaycanda "COVID-19"a yoluxanlar arasında qadınlar üstünlük təşkil edir. Koronavirusinfo.az saytının məlumatına görə, yoluxanların 54 faizi qadınlar, 46 faizi kişilərdir.  Ölkəmizdə koronavirusa yoluxanlar arasında qadınların çoxluq təşkil etməsi suallara yol açır. Sputnik Azərbaycan ölkəmizdə koronavirusa yoluxanla arasında yaranmış cins kateqoriyası arası fərqi araşdırıb.

Səhiyyə Nazirliyinin baş infeksionisti Cəlal İsayev Sputnik Azərbaycan-a açıqlamasında bildirib ki, ölkəmizdə koronavirusa yoluxanlar arasında qadınların üstünlük təşkil etməsi araşdırılmalıdır: "Koronavirusun əsasən qadınlara, yaxud da kişilərə yoluxması ilə bağlı tibbi izah yoxdur. Çünki koronavirus yoluxmada sərhəd tanımır. Bu virus daha çox təmasda olan insanlara yoluxur. Yəni əsasən aktiv və daha çox təmasda olan insanlar arasında virusa yoluxma həddi yüksəkdir. Belə nəticəyə gəlmək olar ki, Azərbaycanda qadınlar daha çox aktivdirlər. Onlar ictimai yerlərdə daha çox olur, sosial təcrid qaydalarına az əməl edirlər. Yaxud da onlar sosial məsafə gözləmirlər.

Biz özümüz dəfələrlə şahid olmuşuq ki, qadınlar pandemiya dövründə də görüşüb-öpüşməyi tərgitməyiblər. Amma kişilər daha əllə də az-az hallarda görüşürlər. Çox güman ki, sadaladığım bu amillər qadınlar arasında koronavirusa yoluxma sayını artırır. Amma dediyim kimi, bu, ətraflı araşdırılmalıdır. Koronavirusa yoluxan qadınların təmas zənciri araşdırılmalı, onların bu virusa daha çox yoluxma səbəbi öyrənilməlidir".

Baş infeksionist deyir ki, koronavirusa yoluxmanın əsasən qadınlar arasında qeydə alınmasını onların  təkcə yas mərasimlərində iştirakları ilə əlaqələndirmək doğru deyil: "Yasa qadınlar da gedirlər, kişilər də. O zaman sual yarana bilər ki, bəs kişilər niyə yasda bu virusa yoluxmurlar? Nəzərə almalıyıq ki, qadınlar alış-veriş mərkəzlərinə, bərbərxanalara çox gedib-gəlirlər. Kişilər də belə yerlərə getsələr də, orada çox vaxt sərf etmirlər. Həmçinin kişi bərbərxanaları qadınların üz tutduğu gözəllik salonları qədər dolu olmur. Bu da qadınlar arasına virusa yoluxmanı artıra bilər. Amma dediyim kimi, bunu dəqiq söyləmək üçün onlar arasında təmas zənciri müəyyən edilməlidir".

Qeyd edək ki, Tibbi Ərazi Bölmələrini İdarəetmə Birliyinin  İdarə heyyətinin sədri Ramin Bayramlı qadınların bu virusa daha çox yas mərasimlərində yoluxduğunu söyləmişdi. Bu günlərdə koronavirusa yoluxan jurnalist Müşfiq Abdulla isə ailəsinə virusun məhz həyat yoldaşının işlədiyi gözəllik salonundan gəldiyini bildirib. O deyib ki, həyat yoldaşı koronavirusa çalışdığı bərbərxanada yoluxub.

Ümumdünya Səhiyyə Təşkilatından Sputnik Azərbaycan-a verilən məlumata görə, Avropada da qadınlar arasında yoluxma sayı çoxluq təşkil edir. Belə ki, ÜST-ün Avropada 53 ölkə üzrə hesabatında əks olunan məlumata görə, koronavirusa yoluxmada Avropada 20 faizi kişilər, 40 faizi qadınlar təşkil edir.

Maraqlı digər məqam isə ondan ibarətdir ki, bu virusa daha çox qadınlar yoluxsalar da, COVID-19-a davam gətirməyən kişilərdir. Ümumdünya Səhiyyə Təşkilatının məlumatına görə, ölənlərin 57 faizini kişilər təşkil edir. Bu gün hətta bəzi ölkələrdə qadınlarla müqayisədə kişilər arasında ölüm rəqəmləri ikiqat artıqdır. Məsələn, Çin və İtaliyada da qadınlarla müqayisədə COVID-19-dan kişilərin daha çox dünyasını dəyişməsi faktı qeydə alınıb.

Alimlər bildirir ki, kişilərdə estrogen səviyyəsi aşağı olduğundan, onların xəstəliklərə yoluxub ölmə riski qadınlarla müqayisədə daha yüksəkdir. Lakin qadınlarda estrogen səviyyəsi yüksək olduğundan onlarda kişilərlə müqayisədə ölüm riski azdır. Estrogen səviyyənin fərqli olması hətta qadın və kişilərin zərərli vərdişlərə yönəlməsində də özünü göstərir.

Həmçinin, qadınlarda olan iki XX xromosomu kişi xromosomu ilə müqayisədə daha mükəmməldir. Hətta bu iki XX-dan bir X-ı mutasiya etdikdə digərində bufer, yəni müdafiə gücü yaranır. Lakin kişilərdə bu ehtiyat olmadığından, onlar daha tez xəstələnir, müxtəlif yoluxucu xəstəliklərə yoluxur və ölüm riski qadınlarla müqayisədə yüksək olur.

243
Mövzu:
Azərbaycanda koronavirus: son xəbərlər (391)
Əlaqədar
Rusiyadan yaxşı xəbər: vaksinlər təsirini göstərir
İyun da getdi, amma o hələ yerini bərkidir
Ölüm qorxusunun gətirdiyi bəla: Hər şey bitəndən sonra onunla mübarizə başlayacaq
Nəhayət, xoş xəbərlər də gəlir: Vaksin sınağında iştirak edənlərin vəziyyəti açıqlanıb
"Qaydalara riayət olunmasa, hər birimiz süni nəfəs aparatına qoşula bilərik"
Koronavirusa qarşı peyvənd, arxiv şəkli

Bizə niyə Çin vaksini vuracaqlar? İşçi qrupunun üzvü xüsusiyyətləri sadalayır

14
(Yenilənib 15:56 19.01.2021)
"Ölkəmizdə illər boyu mövcud olan infrastruktur imkan verir ki, bu vaksinləri ölkənin ən ucqar nöqtəsinə çatdırıb, tətbiq edək" - Günay Quluzadə

BAKI, 19 yanvar — Sputnik. Azərbaycanda tətbiq edilən peyvəndin saxlanma qaydaları açıqlanıb.

Sputnik Azərbaycan-ın məlumatına görə, Səhiyyə Nazirliyinin nəzdində fəaliyyət göstərən koronavirusla (COVID-19) mübarizə işçi qrupunun üzvü Günay Quluzadə bildirib ki, peyvəndlər temperatur və zərbə kimi ola biləcək kənar təsirlər hesablanaraq, paketlənir. Bu səbəbdən peyvənd ampulları istiliyə davamlı şüşələrdən seçilir.

"Peyvəndləri təhlükəsiz və soyuq şəraitdə saxlamaq lazımdır. Hər bir peyvəndin özünün saxlanma şərtləri var. Bəzi COVID-19 peyvəndləri -20, bəziləri -70 dərəcə saxlanma şərtləri tələb edir. Azərbaycanda tətbiq olunan "Sinovac" şirkətinin hazırladığı "CoronaVac" vaksinidir. Bu vaksinin saxlama temperaturu sadədir, 2-8 dərəcədə üç ilə qədər saxlamaq mümkündür. Vaksinin Türkiyədəki kliniki sınaq nəticələrinə əsasən, onun virusla mübarizədə 91,25 faiz effektiv olduğu müəyyən edilib. İnaktiv üsula görə hazırlanan bu peyvənddə yoluxucu xüsusiyyətini itirmiş virus bədənə verilir və bədənin xəstəlikdən immunitet qazanması hədəflənir. "CoronaVac" vaksini ənənəvi, etibarlı və sınanmış inaktiv platformada hazırlanır. Yüksək qoruyuculuq və uğurlu sınaq nəticələri var. Saxlanma şəraiti, çatdırılma və tətbiq şərtləri, "soyuq zəncir" sistemi tələbi əlverişlidir. Ölkəmizdə illər boyu mövcud olan infrastruktur imkan verir ki, bu vaksinləri ölkənin ən ucqar nöqtəsinə çatdırıb, tətbiq edək", - deyə Günay Quluzadə bildirib.

14
Teqlər:
Sinovac Biotech, vaksin, Koronavirus, epidemiya, COVID-19
Mövzu:
Azərbaycanda COVID-19 əleyhinə vaksinasiya
 Azərbaycanda koronavirus infeksiyasına qarşı vaksinasiya

Azərbaycanda universitetdə peyvəndləmə başladı

26
(Yenilənib 15:59 19.01.2021)
Vaksinasiya prosesində ilk növbədə risk qrupuna aid olan şəxslər, yəni yaşı 65-dən yuxarı olan həkimlər və universitet əməkdaşları iştirak edəcəklər

BAKI, 19 yanvar — Sputnik. Yanvarın 18-dən etibarən Azərbaycanda COVİD-19 infeksiyasına qarşı vaksinasiya prosesinə səhiyyə işçilərinin peyvəndlənməsi ilə start verilib. Artıq Azərbaycan Tibb Universitetinin (ATU) klinikalarında da vaksinasiya prosesinə başlanılıb. ATU-dan Sputnik Azərbaycan-a verilən məlumata görə, klinikalarda hər cür tələblərə cavab verən vaksinasiya məntəqələri fəaliyyət göstərir.

Əvvəlcə ATU-nun rektoru, professor Gəray Gəraybəyli və universitet rəhbərliyində təmsil olunan şəxslər peyvənd olunublar.

ATU-nun Tədris Cərrahiyyə Klinikasının direktoru, professor Surxay Hadıyev bildirib ki, vaksinasiya prosesində ilk növbədə risk qrupuna aid olan şəxslər, yəni yaşı 65-dən yuxarı olan həkimlər və universitet əməkdaşları iştirak edəcəklər. Sonra isə mərhələli şəkildə universitetin digər əməkdaşları da peyvənd olunacaqlar. S. Hadıyev vaksinasiyanın könüllü olduğunu diqqətə çatdırıb. Lakin qeyd edib ki, COVİD-19 pandemiyasına yoluxmamaq üçün peyvənd olunmaq çox vacibdir.

ATU-nun Tədris Stomotoloji Klinikasının direktoru, tibb üzrə fəlsəfə doktoru Mahir Səfərov qeyd edib ki, Səhiyyə Nazirliyi və Azərbaycan Tibb Universitetinin rəhbərliyinin göstərişinə əsasən, klinikada ayrıca vaksinasiya otağı ayrılıb:

"Orada 4 tibb bacısı fəaliyyət göstərir. Vaksinasiya üçün klinkamızda, demək olar ki, hər cür şərait yaradılıb. Tədris Cərrahiyyə Klinikasının reanimasiya blokundan bir tibb bacısı da bizə təhkim olunub".

ATU-nun Onkoloji Klinikasının müalicə işləri üzrə direktor müavini, dosent Nigar Mehdiyeva koronavirusa qarşı aparılan vaksinasiyanın əhalinin sağlamlığının qorunması üçün çox mühüm tədbirlər qrupuna aid olduğunu qeyd edib. Digər klinikalarda olduğu kimi Onkoloji Klinikada da sanitar və tibbi normalara uyğun olaraq vaksinasiya məntəqəsinin təşkil olunduğunu bildirib. Qeyd edək ki, adıçəkilən klinikalarda ATU-nun əməkdaşları vaksinasiya olunacaqlar.

26

İlham Əliyev: "Milli iradəmizin zəfər çaldığı gün - 20 Yanvar"

17
1990-cı il yanvarın 19-dan 20-nə keçən gecə Sovet İttifaqı Kommunist Partiyası Mərkəzi Komitəsinin baş katibi Mixail Qorbaçovun əmri ilə qoşun hissələri Bakıya və Azərbaycanın bir neçə rayonuna yeridilib.

BAKI, 20 yanvar - Sputnik. Prezident İlham Əliyevin "Facebook" səhifəsində 20 Yanvar faciəsinin 31-ci ildönümü ilə əlaqədar paylaşım edilib.

Sputnik Azərbaycan-ın məlumatına görə, paylaşımda deyilir: "Milli iradəmizin zəfər çaldığı gün - 20 Yanvar".

17