Xəstəxana, arxiv şəkli

Bizim üçün ölümə gedən tibb bacısı: “Saniyələr belə, hər şeyi həll edə bilər” MÜSAHİBƏ

351
(Yenilənib 16:18 26.06.2020)
Mərkəzi Neftçilər Xəstəxanasının tibb bacısı Arzu Haqverdiyeva: “Əsas çətinliklərdən birini yeni xəstələr gələndə yaşayırıq. Çünki xəstənin bizə, dərmanlara öyrəşməsi üçün zaman lazımdır”

Nigar İsgəndərova, Sputnik Azərbaycan

BAKI, 26 iyun — Sputnik. COVID-19 xəstələrinin müalicəsində ən böyük məsuliyyətlərdən biri də onların üzərinə düşür. Xəstənin müalicə, digər zəruri ehtiyacların ödənilməsi prosedurunu da onlar icra edirlər. Bu gün onların da vaxtilə işlədikləri palatalarda xəstə olaraq müalicə alması heç də təsadüfi deyil. Bəzən tələm-tələsik xəstənin yanına qaçaraq, özlərini riskə atmış olurlar. Əlləri virusa yoluxur, tər-su içində dəhliz boyu o başa, bu başa qaçışırlar.

Sputnik Azərbaycan-ın budəfəki həmsöhbəti COVID-19 xəstələrinin müalicəsində yaxından iştirak edən Mərkəzi Neftçilər Xəstəxanasının tibb bacısı Arzu Haqverdiyevadır. Təəssüf ki, biz onun üzünü belə, göstərə bilmirik. Çünki bu gün onların həyat tərzi belədir. Eynəkli, maskalı və əynind qoruyucu geyim. Arzu Haqverdiyeva və onun kimi yüzlərlə, minlərlə qəhrəmanın. 

© Sputnik / Stringer
Mərkəzi Neftçilər Xəstəxanasının tibb bacısı Arzu Haqverdiyeva

- 15 ildən artıqdır ki, Mərkəzi Neftçilər Xəstəxanasında tibb bacısı olaraq fəaliyyət göstərirəm. Artıq maydan etibarən COVID-19 xəstələrinin müalicəsi prosesinə cəlb olunmuşam. Bu xəstəlik hamı kimi məni də ailəmdən, övladlarım və nəvələrimdən uzaqlaşdırdı. Onlarla artıq iki aya yaxındır ki, ancaq görüntülü danışa bilirik. Yaşlı anam var, ondan da uzaq düşmüşəm. Xəstəxanamız martdan etibarən COVID-19 xəstələrinin müalicəsinə qoşulub. Mən özüm də aprelin sonundan COVID-19 xəstələrinin müalicəsində iştirak etmək üçün adımı siyahıya yazdırdım. Fikirləşdim ki, niyə mən bu prosesdən kənarda qalmalıyam. Bu gün bu işə müəyyən qədər də olsa töhfə vermək üçün buradayam. Biz tibb bacıları olaraq çətin də olsa böyük həvəs və əzmkarlıqla bu gün burada əlimizdən gələni edirik. Düşünürəm ki, bu müvəqqəti çətinlikdir, bir zaman hər şey geridə qalacaq.

- Əsas çətinliyiniz nədir?

- Əsas çətinliyimiz komuflyaj paltar, bağlı üz maskası və əlcəklərə görədir. Təsəvvür edin, iş başında olarkən biz bütün günü bu qapalı geyimdə, su içində oluruq. İnanın, bir dəfə bu formanın altından geyindiyim öz geyimlərimi sulu formada sellofana qoyub, otelə apardım. Gecə çox yorğun idim, səhər sellofanı əlimə götürəndə, nə qədər ağır olduğunu hiss elədim. Üstündən müəyyən qədər saat keçməsinə baxmayaraq geyimlərim su içində idi. Təsəvvür edin, bu geyimlə növbəmiz bitənədək işləyirik. Bundan başqa, əsas çətinliklərdən birini də yeni xəstələr gələndə yaşayırıq. Çünki xəstənin bizə, dərmanlara öyrəşməsi üçün zaman lazımdır. Xəstə səhhəti ilə bağlı reallığı başa düşdükdən bir neçə gün sonra artıq çətinliyi geridə qoymuş olur. Bəzən aralarında bu xəstəliyin adına görə stressə düşənlər çox olur. Biz isə onlara hər zaman ürək-dirək veririk ki, bu vəziyyətdən çıxa bilsinlər.

- Özünüz üçün yarana biləcək riski nə dərəcədə dəyərləndirirsiniz?

- Düşünürəm ki, bu xəstəliklə bağlı risk artıq hər yerdə var. Bu risk yalnız xəstəxanada deyil, bu divarlardan kənarda da ola bilər. Çətin də olsa, biz burada tamamilə qapalı formada fəaliyyət göstəririk. Bacardığımız qədər özümüzü riskdən qoruyuruq.

© Sputnik / Stringer
Mərkəzi Neftçilər Xəstəxanasının tibb bacısı Arzu Haqverdiyeva

- İlk iş gününüz necə yadınızda qalıb, qorxu, stress var idi?

- İlk iş günüm çox çətin oldu. Bu geyimə öyrəşmək də çətin idi. Amma zamanla bu iş artıq mənim üçün adiləşdi. Ümumiyyətlə, növbədə olarkən fasilə etmək söhbəti olmur. Fasilə edə bilmirik, xəstələr çoxdur. Bütün günü qaçaqaçdayıq. Xüsusən də gecə növbəsi olanda, yeni xəstə gələndə işimiz daha gərgin olur. Saturasiyası düşən xəstənin otağını dəyişirik, xəstəni bütün günü oksigenə qoşsam da, onun vəziyyəti stabilləşmədi və xəstəni reanimasiyaya qaldırdıq. Bəzən olur ki, bütün günü növbədə balon daşıyırıq, dəhlizlə o başa, bu başa qaçırıq. Balonu beş dəqiqə saxlayanda xəstənin saturasiyası yenə də aşağı düşürdü. Biz çalışırıq ki, xəstəyə nəsə köməyimiz dəysin. Çünki hər anın o xəstə üçün xüsusi önəmi ola bilər. Hətta saniyələr belə hər şeyi həll edə bilər.

- Xüsusi özəl, yadınızda qalan bir hadisə olubmu?

- Ailəm bilirdi ki, mayın 1-dən etibarən COVID-19 xəsətlərinin müalicəsi prosesinə cəlb olunacağam. Bu səbəbdən onlar aprelin 30-da mənim 50 illik yubileyimi qeyd elədilər. Yubiley günüm, mayın 12-si iş günümə təsadüf edirdi. Növbəm başa çatdıqdan sonra artıq evimə çevrilən oteldə iş yoldaşlarımla birgə doğum günümü qeyd etdik.

- Baxdığınız xəstələr nə deyirlər, daha çox harada yoluxublar?

- Yoluxanlar arasında yasa gedənlər çox olub. Bundan başqa, bu şəxslər arasında rayona gedib-qayıdanlar da az deyil.

© Sputnik / Stringer
Mərkəzi Neftçilər Xəstəxanasının tibb bacısı Arzu Haqverdiyeva

- Xəstələriniz arasında uşaqlar olubmu?

- Təəssüflər olsun ki, yoluxanlar arasında azyaşlılar da olub. Bir ana burada iki övladı ilə birgə qalırdı. Bir neçə belə xəstəm olub. Onların damarlarına iynəni yeridəndə balaca oğlan qaçıb yatağın üstünə çıxırdı. Biz isə ona ürək-dirək verib qucağımıza alıb sakitləşdirirdik.

- Olub ki, iş başında ikən öz səhhətiniz də pisləşsin?

- Olub, bir yaşlı xəstəm var idi. Xəstəm çox narahat idi. Onun narahatlığı mənə keçmişdi. Bir də gördüm ki, artıq gözümün qabağı mənim üçün bulanıqlaşıb. Onda başa düşdüm ki, təzyiqlə bağlı problem yaşamışam.

Qeyd edək ki, Arzu xanım başda olamaqla buradakı bütün şəfqət bacıları xəstələrin doğmalarına çevrilib.

351
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar (373)
Koronavirus testi, arxiv şəkli

Azərbaycanda koronavirusa yeni yoluxanların sayında ciddi artım var

20
Son sutkada Azərbaycanda koronavirusa 988 yeni yoluxma faktı qeydə alınıb, 11 nəfər isə bu xəstəlikdən vəfat edib.

BAKI, 28 oktyabr — Sputnik.Azərbaycanda bu gün koronavirus infeksiyasına 988 yeni yoluxma faktı qeydə alınıb, 340 nəfər müalicə olunaraq sağalıb və evə buraxılıb. Sputnik Azərbaycan-ın məlumatına görə, bu barədə Nazirlər Kabineti yanında Operativ Qərargah məlumat yayıb.

Son sutkada 11 nəfər COVID-19-dan vəfat edib. Hazırkı dövrədək ölkəmizdə 52 min 137 nəfərin koronavirus infeksiyasına yoluxması faktı müəyyən edilib. Onlardan 42 min 033 nəfər müalicə olunaraq sağalıb, 699 nəfər vəfat edib. Aktiv xəstə sayı 9405 nəfərdir. Ötən müddət ərzində 1 milyon 319 min 474 test aparılıb. Bugünkü test sayı isə 11426-dır.

20
Teqlər:
Koronavirus, epidemiya, COVID-19
Əlaqədar
Alimlər koronavirus zamanı karantin rejiminin tətbiq olunmasına qarşı çıxdılar
Daha 20 şagirddə koronavirus aşkarlandı
Azərbaycanda koronavirus xəstəsi yaşayış yerini icazəsiz tərk etdi
Koronavirus daha tez öldürməyə başlayıb
Koronavirus da öz işindədir: Azərbaycanda bir sutkada 230 nəfərdə COVID-19 aşkarlandı
Qoca erməni

Astronomik rəqəmlər - Ermənistanda yoluxanların sayı artır

31
(Yenilənib 13:19 28.10.2020)
Ümumilikdə bu virusdan ölənlərin sayı 1243-ə çatıb. Xəstəlikdən sağalanların sayı 52508 nəfər olub. Hazırda bu ölkədə 28548 nəfər xəstəxanada müalicə alır.

BAKI, 28 oktyabr — Sputnik. Ermənistanda koronavirusa yoluxanların sayı 82651-ə çatıb. Sputnik Ermənistan xəbər verir ki, bu barədə Ermənistanın Xəstəliklərə Nəzarət və Profilaktika üzrə Milli Mərkəzinin yaydığı məlumatda bildirilib.

Məlumatda qeyd olunub ki, bir gündə bu virusa yoluxanların sayı daha 2241 nəfər artıb.

Ermənistanda son gündə daha 21 nəfər ölüb. Ümumilikdə bu virusdan ölənlərin sayı 1243-ə çatıb. Xəstəlikdən sağalanların sayı 52508 nəfər olub. Hazırda bu ölkədə 28548 nəfər xəstəxanada müalicə alır.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 44 milyonu keçib, 1,17 milyondan çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

31
Məktəblərin birində, arxiv şəkli

"Nazirlik bu qədər müddətə bir problemin öhdəsindən gələ bilməyib"

0
(Yenilənib 08:28 29.10.2020)
"Bu qədər müddətə nazirlik elə bir resurs hazırlamalıydı ki, bütün şagirdlər məsafədən təhsil ala bilsinlər".

Zülfiyyə Quluyeva, Sputnik Azərbaycan

BAKI, 29 oktyabr — Sputnik. 2020-ci il 19 oktyabr tarixindən 2 noyabr tarixinədək ölkə üzrə bütün təhsil müəssisələrində elan olunmuş tətil davam edir. Noyabrın 2-dən sonra təhsilin hansı formada davam edəcəyi isə hələ aydın deyil. Təhsil naziri Emin Əmrullayev bildirmişdi ki, noyabrın 2-dən sonra tədrisin hansı formada aparılması ilə bağlı işlər gedir: "İnternet məsələsi ilə bağlı aidiyyəti qurumlarla danışıqlar gedir. Deməzdim ki, bu gün distant təhsil mümkün deyil. Müəyyən çətinlik var, lakin danışıqlar aparılır. Noyabr ayı ərzində danışıqların yekun nəticəsi ilə bağlı məlumat veriləcək".

Sputnik Azərbaycan pandemiya dövründə və hərbi vəziyyətdə noyabrın 2-dən sonra dərslərin hansı formada bərpa edilməsinin mümkünlüyünü araşdırıb.

Təhsil Nazirliyi yanında İctimai Şuranın sədri, professor Şahlar Əsgərov Sputnik Azərbaycan-a xüsusi karantin rejimi dövründə Azərbaycanda fəaliyyət göstərən təhsil müəssisələrinin fəaliyyətinin dayandırılmasını dəyərləndirib. O bildirib ki, hər şey proseslərin gedişatına bağlıdır: "Özünüz də qeyd etdiniz ki, bir tərəfdən koronavirusa yoluxma artır, digər tərəfdən isə cəbhədə vəziyyət gərgindir. Mən həmişə vurğulamışam ki, təhsil dəyərdir. Amma sağlamlıq bir ayrı dəyərdir. Vətəni qorumaq isə müqəddəs dəyərdir. İndi əgər müqəddəs dəyər və sağlamlıqla yanaşı, həm də ali dəyər uğrunda mübarizə aparırıqsa, ilk növbədə bu dəyərləri qorumalıyıq. Vətənimizi düşmən tapdağından qurtaraq, ondan sonra Təhsil Nazirliyi qalan problemləri həll edəcək. Dövlətimizin hər zaman təhsilə qayğısı var, bundan sonra da bu qayğını artıracaq".

Ş.Əsgərov deyir ki, hər şey ölkəmizdə virusa yoluxma ilə bağlı vəziyyətin necə dəyişəcəyindən asılıdır: "Əgər virusa yoluxma sayı aşağı düşərsə, yəqin ki, əyani təhsili bərpa etmək mümkün olacaq".

Kamran Əsədov isə Təhsil Nazirliyinin problemdən çıxış yolu tapmaqda gecikdiyini söyləyir. Həmsöhbətimiz deyir ki, 9 aya normal bir uşaq dünyaya gətirmək mümkün olduğu halda, Təhsil Nazirliyi bu qədər müddətə bir resurs hazırlayaraq ortaya çıxarda bilməyib: "Pandemiya mart ayından başlayıb. Bu qədər müddətə nazirlik elə bir resurs hazırlamalıydı ki, bütün şagirdlər məsafədən təhsil ala bilsinlər. Amma indiyədək işlək bir resurs hazırlayıb ortaya qoymadılar. Bu gün ümumi internetin verilişində problem yoxdur. Problem bir sıra platformalara girişdədir. Xarici saytlara giriş məhdudlaşdırılıb. Hər məktəbin öz videokonfrans proqramı vasitəsilə dərslərin keçirilməsi mümkündür. Azərbaycanda kompüter üzrə bu qədər mütəxəssislərimiz olduğu halda, bütün ölkənin şagirdləri teledərslərin ümidinə qalıb".

K.Əsədov bildirir ki, hazırda yeganə əlçatan resurs teledərslər olduğundan, teledərslərlə işləmək əsas çıxış yoludur: "9 aya bir normal uşaq dünyaya gəlir. Amma Təhsil Nazirliyi 9 aya yaxın müddətdə normal işlək resurs hazırlayaraq ortaya çıxartmayıb ki, şagirdlər məsafədən dərs keçsinlər. İndi nazir problemi iki həftəyə aradan qaldırmağı vəd edir. Bunun nə dərəcədə mümkün olduğunu isə tətil bitəndən sonra görmək mümkündür".

Qeyd edək ki, noyabrda nəzərdə tutulan payız tətilinin 1 həftə uzadılması ilə yerdəyişmə edilib. Nazir qeyd edib ki, noyabr ayında ənənəvi tətil günləri qabağa çəkilib. Odur ki, tətil günlərinin kompensasiyası gözlənilmir. İrəlidə olması nəzərdə tutulan tətil günlərindən istifadə edilir. Xatırladaq ki, payız tətili 16-20 noyabr müəyyən edilmişdi.

0