Tibbi maskalar, arxiv şəkli

Tibbi maskalarla bağlı mif darmadağın edildi

53
(Yenilənib 23:19 25.06.2020)
Amerika infeksion xəstəliklər Cəmiyyətinin nümayəndəsi Ravina Kullar: "İnsanlar maska taxmamaq üçün səbəblər uydurmağa çalışırlar və tibbi tədqiqatları şübhə altına alırlar".

BAKI, 26 iyun — Sputnik. Amerikalı alimlər qoruyucu maskaların təhlükələri haqqında mifləri dağıdıblar. Bu barədə "The Philadelphia Inquirer" nəşri ABŞ-ın Tibb departamentinin mütəxəssislərinin sözlərinə istinadən məlumat verir.

Həkimlər bildiriblər ki, maskaların mümkün ziyanı haqqında fikirlər insanlarda qoruyucu aksessuarların uzun müddət qalıcı olması ilə əlaqədar yaranır, lakin onların narahatlığı əsassızdır. ABŞ-ın Pensilvaniya səhiyyə departamentinin mütəxəssisləri qeyd ediblər ki, çoxları maskaların taxılmasının faydasını çətin dərk edirlər. "İnsanlar maska taxmamaq üçün səbəblər uydurmağa çalışırlar və tibbi tədqiqatları şübhə altına alırlar", — deyə Amerika infeksion xəstəliklər Cəmiyyətinin nümayəndəsi Ravina Kullar bildirib.

Həmçinin, həkimlər koronavirus xəstəliyi ilə bağlı riskləri təhlil edərkən maskanın üzə möhkəm yapışmaması və COVİD-19-un inkişafının bilavasitə səbəbi ola bilməsi barədə ehtimalları da nəzərdən keçiriblər. "Biz insanların maska taxdıqları və ondan xəstələndikləri barədə məlumatlara malik deyilik", — deyə Vanderbilt Universitetinin (ABŞ) Tibb Mərkəzinin infeksion xəstəliklər üzrə mütəxəssisi Uilyam Şaffner bildirib.

Jurnalistlərlə söhbət zamanı həkimlər qeyd ediblər ki, müdafiə üsulları əhalinin böyük hissəsini əhatə edəndə maskalı rejim daha effektivdir. "Mənim maskam sizi qoruyur, sizin maskanız da məni", - nəşr həkimlərin sözlərini belə yazıb. Eyni zamanda, yoluxucu xəstəliklər üzrə ekspertlər maskanın koronavirusdan tam qorumanı təmin etmədiyi tezisilə razılaşırlar. Həkimlər xatırladıblar ki, maska havadakı virus hissəciklərinin yayılmasını gecikdirən bir maneə kimi fəaliyyət göstərir.

Alimlər həmçinin qeyd ediblər ki, N95 tipli tibbi maskalardan uzun müddət istifadə edilməsi qanda karbon qazının səviyyəsinin artmasına səbəb ola bilər. Mütəxəssislərin sözlərinə görə, həkimlər bunu anlayırlar və peşəkar qoruyucu aksessuarların daşınmasında fasilələr etməyə çalışırlar. "Maskalarla bağlı ən böyük problem ondan ibarətdir ki, insanlar onları geyinmirlər", — deyə Ravina Kullar fikrini yekunlaşdırıb.

53
Mövzu:
Dünyanı cənginə almış bəla (493)
Əlaqədar
Bütöv klinikanı əvəz edəcək: Türkiyədə ağıllı maska yaradıldı
İlham Əliyev maska taxmayanlara xəbərdarlıq etdi: “Mən taxıram, siz niyə taxmırsız?”
Bəla üzərində pul qazananlar – Taxdığımız hər maska virusdan qorumurmuş
Baş Nazirə də aman yoxdur - Qapalı məkanda maska taxmadı, cərimələdilər
Yeni ətraf mühit problemi - əlcək və maskalar
Bakıda maska taxmış şəxs

DİN koronavirusla bağlı əhaliyə müraciət etdi

7
"Bu təhlükəli infeksiyanın mövcudluğunu bir an belə unutmamalı, özümüzü, doğmalarımızı və ətrafımızdakı insanları qorumalıyıq".

BAKI, 27 oktyabr — Sputnik. Daxili İşlər Nazirliyi (DİN) koronavirus pandemtyası ilə bağlı əhaliyə müraciət edib.

Sputnik Azərbaycan həmin müraciəti təqdim edir:

"Koronavirusla mübarizəmiz davam edir. Bu təhlükəli infeksiyanın mövcudluğunu bir an belə unutmamalı, özümüzü, doğmalarımızı və ətrafımızdakı insanları qorumalıyıq. Biz qorxunc virusa birlikdə, karantin qaydalarına riayət etməklə qalib gələ bilərik".

7
Yerevanda epdimioloji vəziyyət

Ermənistanda koronavirusla bağlı rekord: Bir gündə 25-dən çox adam öldü

14
Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

BAKI, 27 oktyabr — Sputnik. Ermənistanda koronavirusa yoluxanların sayı 80410-a çatıb. Sputnik Ermənistan xəbər verir ki, bu barədə Ermənistanın Xəstəliklərə Nəzarət və Profilaktika üzrə Milli Mərkəzinin yaydığı məlumatda bildirilib.

Məlumatda qeyd olunub ki, bir gündə bu virusa yoluxanların sayı daha 1600 nəfər artıb.

Ermənistanda son gündə daha 26 nəfər ölüb. Ümumilikdə bu virusdan ölənlərin sayı 1222-ə çatıb. Xəstəlikdən sağalanların sayı 51814 nəfər olub. Hazırda bu ölkədə 27027 nəfər xəstəxanada müalicə alır.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 43,4 milyonu keçib, 1,16 milyondan çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

14
(2:07 / 16.42Mb / просмотров видео: 1)

Bir ay cəbhədə: Bakılılar əsgərlərimizə arzulamaq istədilər video

0
Artıq düz bir aydır ki, əsgərlərimiz ön cəbhədə əks-hücum əməliyyatlarını davam edir, torpaqlarımızı qarış-qarış qan-tərlə azad edirlər. Bakılıların cəbhədə vuruşan əsgərlərimizə nə arzu etmək istədiklərini videomuzda izləyin.

Artıq bir aydır ki, Azərbaycanın Ermənistan tərəfindən işğal edilmiş ərazilərində qızğın döyüşlər gedir. Əsgərlərimizin bizə yaşatdığı hər qələbə bizi sevindirir. Hal-hazırda bütün Azərbaycan xalqının duaları onların yanındadır.

Sputnik Azərbaycan bakılılara əsgərlərimizə öz ürək-dirək sözlərini çatdırmaq imkanı yaratmaq istəyib. Daha ətraflı – videomuzda izləyin.

Qeyd edək ki, 10 oktyabr saat 12:00-dan etibarən humanitar məqsədlərlə Beynəlxalq Qırmızı Xaç Komitəsinin vasitəçiliyi və onun meyarlarına uyğun olaraq, hərbi əsirlər və digər saxlanılan şəxslərin, həmçinin ölənlərin meyitlərinin dəyişdirilməsi üçün atəşkəs elan olunub.

Bununla bağlı Rusiya tərəfinin təşəbbüsü əsasında 9-10 oktyabr tarixlərində Moskva şəhərində keçirilən görüş nəticəsində Rusiya Federasiyası, Azərbaycan Respublikası və Ermənistan Respublikasının Xarici İşlər nazirlərinin qəbul etdiyi bəyanatda deyilir.

Bəyanata əsasən, atəşkəs rejiminin konkret parametrləri əlavə olaraq razılaşdırılacaq.

Oktyabrın 25-də ATƏT-in Minsk Qrupunun həmsədrləri yeni bəyanatla çıxış ediblər. Bəyanatda həmsədrlərin 24 oktyabrda Vaşinqtonda Ermənistan xarici işlər naziri Zohrab Mnatsakanyan və Azərbaycanın xarici işlər naziri Ceyhun Bayramovla görüşdükləri, xarici işlər nazirləri və ABŞ Dövlət Katibinin müavini Stiven Bigan ilə birgə iclasda iştirak etdikləri bildirilir. Həmsədrlər tərəfləri öhdəliklərinə uyğun olaraq 10 oktyabrda  Moskvada imzalanmış birgə bəyanatın bütün aspektlərini həyata keçirmək üçün təcili addımlar atmağa çağırıblar və bu öhdəlikləri 18 oktyabrda Parisdə təsdiqlədiklərini qeyd ediblər. Dağlıq Qarabağda növbəti humanitar atəşkəs oktyabrın 26-da Bakı vaxtı ilə saat 08:00-da başlamalı idi.

0
Mövzu:
Azərbaycan və Ermənistan arasında müharibə