Rusiyada COVID-19 qarşı qrafiti, arxiv şəkli

“Sovet möcüzəsi” işə düşüb: Məşhur həkim COVID-lə bağlı gizlinləri açıqlayır

699
(Yenilənib 10:34 03.06.2020)
"Hər il dalğalar olacaq. İnsan koronaviruslarının sayı beş idi. İndi altı oldu. Hələ başqa infeksiyalar, viruslar, qriplər də olacaq – onları heç kim ləğv etməyib. Bugünkü koronavirus – bizə yanvarda gələn virus deyil" - Aleksandr Myasnikov

BAKI, 3 iyun — Sputnik, Dinara Kurmanova. Məşhur rusiyalı teleaparıcı, Jadkeviç adına Moskva şəhər kliniki xəstəxanasının baş həkimi, koronavirus situasiyasının monitorinqi üzrə informasiya mərkəzinin nümayəndəsi Aleksandr Myasnikov xüsusi onlayn videokörpü zamanı Sputnik-ə koronavirusun əslində necə inkişaf etməsi və postsovet ölkələrinin İtaliya, İspaniya və ABŞ-ın yaşadığı faciələri təkrarlamamasının səbəbləri haqda danışıb.

BSG koronavirusdan qoruyurmu?

Bir çox alim və həkimləri bir fakt təəccübləndirir: keçmiş SSRİ-yə daxil olan ölkələrin əksəriyyətində bütün dünya ilə müqayisə etdikdə ölənlərin sayı xeyli azdır. Coronavirus-monitior.ru servisinin iyunun 1-nə olan məlumatına görə, bunlarda ölüm göstəricisi, məsələn, Özbəkistanda 0.4%-dən Litvadakı 4.23%-dək dəyişir. Ancaq eyni zamanda İtaliya və Böyük Britaniyada ölüm göstəricisi 14%, Fransada – 15%, Belçikada 16%-dir. Aleksandr Myasnikov yaranan situasiyanı “sovet möcüzəsi” adlandırır.

“Siyasətçilər, adlı-sanlı həkimlər hazırda bundan baş çıxarmağa çalışır, keçmiş SSRİ ölkələrinə baxırlar, - Myasnikov deyib. – Bu, məhz sovet möcüzəsidir. Ağır xəstə və ölənlərin sayı epidemiyanın gerçək durumunu sərgiləyir. Keçmiş SSRİ-yə daxil olan bütün ölkələrdə isə ölüm sayı qat-qat azdır. Bunun niyə belə olduğunu anlamaq lazımdır. Ola bilsin, bu, BSG peyvəndidir (SSRİ-də kütləvi olaraq tətbiq edilən vərəm əleyhinə peyvənd – red.), yeri gəlmişkən, artıq tədqiqatlar da var – amerikalılar kiçik qrup insanlara BSG vurmağa başlayıblar. Ümumdünya Səhiyyə Təşkilatı da deyir: “Ola bilər ki, bu, BSG üzərində möhkəmlənmiş immun sisteminə görə belədir, amma hələlik tövsiyə etməyə tələsmirik”.

Myasnikov eləcə də ehtimal edib ki, postsovet ölkələrin əhalisinin koronavirusa dayanıqlılığı keçmişdə vərəmə yüksək yoluxma səviyyəsi ilə izah oluna bilər.

“Bəzi alimlər ehtiyatla güman edirlər ki, latent vərəmin belə geniş yayılması immun sisteminin bu cür dəyişməsinə gətirib çıxarıb, indi də koronavirus böyük müqavimətlə rastlaşıb, – deyə mütəxəssis dəqiqləşdirir. – Amma biz rusların, belarusların, ukraynalıların, qazaxların amerikalılar, fransızlar və ya italyanlardan 10 dəfə az ölməsi faktına sadəcə göz yuma bilmərik. Bunu araşdırmaq gərəkdir”.

Karantin nəyə lazımdır?

Belə bir səhv fikir var: karantin koronavirus və ya hər-hansı digər xəstəliyi birdəfəlik məhv edə bilər.

“Biz niyə karantin elan edirik? Ona görə ki, insanların hamısı birdən xəstələnib səhiyyə sistemini bir anda çökdürməsin, - deyə Myasnikov izah edir. –  O zaman xəstəxanalar, təcili yardım boğulacaqlar, insanlar nəinki COVID-19-dan, həmçinin infarkt, insult, tibbi yardım göstərilməməsi səbəbindən ölməyə başlayarlar. Ona görə hər bir dövlət özünün səhiyyə sisteminin öhdəsindən gələ biləcəyi model qurur. Karantin sağalda bilməz, ancaq o, artım əyrisini yavaşıda bilər, yəni insanlar tədricən xəstələndiklərindən kömək almağa imkanları olar. Karantin – hesablamalar və davranış modelidir.

Belarus təcrübəsi

Məlumdur ki, Belarusla İsveç yeganə ölkələrdir ki, karantin təcrübəsindən imtina etdi. Ancaq Aleksandr Myasnikovun sözlərinə görə, Belarusda qeyri-adi heç nə baş vermir.

“Hər bir ölkə riyazi hesablamalardan çıxış edirdi. Uğurlu və uğursuz ssenariləri hesabladılar, mümkün iqitsadi itkiləri və sairəni nəzərdən keçirdilər. Belarusda səhiyyə sistemi əvvəlki, sovet vaxtındakı kimidir, orada infeksion xəstəxanalar, infeksionist həkimlər var. Bu, Aleksandr Lukaşenkonun: “Bilirsiniz, nə var? Mən risk edəcəyəm” qərarı deyil, hesablamaların nəticəsidir. O səviyyə deyil. Burada hər şey hesablanıb. Belarusun təxminləri özünü doğrultdu. Sovet möcüzəsi bizim hamımızda effektli oldu”.

Koronavirus əslində necə yayılır?

Myasnikov hər xəstənin daha üç nəfəri, onların da daha üçünü  yoluxdurması nəzəriyyəsini inkar edir. Həkimin sözlərinə görə, istənilən virus infeksiyası aktiv yayılmağa başladıqdan 1,5-2 ay sonra yoxa çıxır.

Mütəxəssis 1918-ci ildə yayılmış və ilk aylarda 30 milyon insanın həyatına son qoymuş “ispan” qripini misal çəkir.

“Yeni virus heyvandan insana keçən zaman aqressiv olur. O, “acıqlı”, yad olduğundan insanları öldürür, ancaq hər dəfə insanlar sağaldıqca virus da zəifləyir. Siz bir virusu nəfəsinizə çəkirsiniz, sizin kötükçəniz isə artıq bir başqa virusu nəfəsi ilə bayıra itələyir, yəni sonuncu xeyli zəif olur. O, başqa insana keçib, həmin adam da onu zəiflədib. Bilirsiniz, bu, dalğaya oxşayır: sahilə vurur, mehmanxananı dağıdır, ağacları kökündən çıxarır, sonra isə zəifləyir və gölməçəyə çevrilir. İnfeksiya da onun kimidir: əvvəl şahə qalxır, sonra da sönür”, - həkim deyir.

Tanınmış mütəxəssis əmindir: nə qəsər çox insan koronavirusa yoluxsa, bu virus bir o qədər yoluxdurma qabiliyyətini itirəcək. Özü də onun ikinci dalğası birinci kimi güclü olmayacaq.

“Hər il dalğalar olacaq, - Myasnikov deyir. – İnsan koronaviruslarının sayı beş idi. İndi altı oldu. Nə olsun bəs? Hələ başqa infeksiyalar, viruslar, qriplər də olacaq – onları heç kim ləğv etməyib. Bugünkü koronavirus – bizə yanvarda gələn virus deyil artıq. O, milyonlarla insanın ələyindən keçib və hər yeni insanla onun təhlükə dərəcəsi azalır”.

Xəstələnənləri saymaq niyə mənasızdır?

Yoluxanların qorxuducu dərəcədə böyük sayına Myasnikov xüsusi diqqət çəkib. Onun fikrincə, əslində yalnız yoluxanların sayına görə nəticə çıxarmaq elə də düzgün addım deyil.

“Biz bu rəqəmləri, beş-altı milyonu səsləndiririk, vurğulayırıq. Bunlar sadəcə testləri müsbət çıxmış insanlardır. Əslində isə onların sayı onlarla dəfə çoxdur. Gəlin onda adi sətəlcəmi də sayaq: o, hər il dünyada 3 milyondan çox adamı öldürür. Biz yanvardan bəri nə sayırıq? Real olaraq xəstə adamlar – iki həftə bundan əvvəl xəstələnənlərdir. Qalanları çoxdan sağalıblar, işlərinə, öfislərinə qayıdıblar. Ölüm sayına istiqamətlənmək lazımdır, amma burada da düzən yoxdur”.

Myasnikovun sözlərinə görə, yalnız Rusiyada koronavirusdan ölənlərin hamısının (100%) meyitləri yarılır, ona görə də dünya üzrə rəqəmlər istənilən halda qeyri-dəqiq olur. Bu il məhz koronavirusun neçə adam öldürdüyünü dəqiq demək mümkün deyil.

“Qərbdə aprelin 21-dək heç kim koronavirusdan ölənlərin meyitini yarmırdı ki, həkimlər yoluxmasınlar, - mütəxəssis izah edir. – 17 min insan müqabilində Almaniyada cəmi 60, İtaliyada 50 yarılma olub. Amerikada isə meyitləri ümumiyyətlə yarmır, kompüter tomoqrafiyası edirdilər”.

699
Mövzu:
Dünyanı cənginə almış bəla (321)
Əlaqədar
"Yarasa qadın"dan bədbin proqnoz: Koronavirusdan da betəri olacaq
Dünyada ilk dəfə Türkiyədə suda koronavirus olması araşdırılır
Bu rəqəmlər heyrət doğurur: koronavirusa görə də uşağa bu qədər pul verərlər?
Koronavirus əleyhinə dərman təsdiq edilmədi – Sübut yoxdur
Şimal qonşumuzda bir gündə yüzdən çox şəxs koronavirusdan öldü
FTBA-nın baş infeksionisti, Piroqov adına RMTTU-nun infeksion xəstəliklər və epidemiologiya kafedrasının müdiri, professor, tibb elmləri doktoru Vladimir Nikiforov

Rusiyalı baş infeksionist: "Azərbaycan azacıq bizim səhvimizi təkrarladı" - MÜSAHİBƏ

354
(Yenilənib 21:33 10.07.2020)
Nikiforovun başçılıq etdiyi həkimlər briqadası bir sıra pandemiya xəstəxanalarına baş çəkərək azərbaycanlı həmkarlarına koronaviruslu xəstələrin müalicəsində tövsiyələrini verib

BAKI, 10 iyul — Sputnik, Zarina Orucəliyeva. Azərbaycan koronavirusla mübarizədə metodiki-təlim yardımı və respublikadakı situasiyanın dəyərləndirilməsi üçün Rusiya Federal Tibbi-Bioloji Agentliyinə (FTBA) müraciət edib. Həkimlərimizlə öz təcrübələrini bölüşmək üçün FTBA-nın baş infeksionisti, Piroqov adına Rusiya Milli Tibbi Tədqiqat Universitetinin (RMTTU) infeksion xəstəliklər və epidemiologiya kafedrasının müdiri, professor, tibb elmləri doktoru Vladimir Nikiforovun başçılığı ilə rusiyalı mütəxəssislər ölkəmizə təşrif buyurublar. 

Sputnik Azərbaycan-a müsahibəsində baş infeksionist bir sıra pandemiya xəstəxanalarında müşahidə etdiyi vəziyyətlə bölüşüb.

- Bizdə pandemiya xeyli əvvəl başladı və ona görə də təcrübəmiz daha çox oldu. Ümumiyyətlə isə demək olar ki, heç kimin təcrübəsi yoxdur. Sadəcə, bizdə o, bir qədər çoxdur – zamana, xəstələrə görə, çünki ölkəmiz özü də böyükdür. Hər şey isə sıfırdan başladı, üstəlik, xatirinizdədirsə, Çindən, ona görə də hər kəs üçün xəstəlik tamamilə yenidir. Heç kim indiyədək onu necə müalicə edəcəyini bilmir. Ancaq müalicənin bir neçə mümkün variantlarından açıq-aşkar səhv olanları istisna edilirdi. Son nəticədə biz əsas xəstə kontingentinin həyatını qurtarmaq üçün daha adekvat tədbirləri müəyyənləşdirə bildik. Biz bu xəstəliklə daha effektiv mübarizə aparmaq üçün tədbirlər kompleksi işləyib-hazırladıq.

Demək olmaz ki, biz ona qalib gəldik, amma istənilən halda, korononavirusdan artıq qorxmuruq və ondan nə gözləyəcəyimizi bilirik. Sizin həkimlərinizə gəldikdə isə  onlar da heç nə ilə geridə qalmırlar, sadəcə, təcrübələri bir qədər azdır, sizin xəstələriniz də bir qədər az, həkimlərinizin vaxtı dar idi. Onların da maraqlı tədbirləri ortaya çıxıb. 

Ümumi istiqamət düz götürülüb, biz öz azərbaycanlı həmkarlarımıza azacıq düzəlişlər verdik. Ümumilikdə isə epidemioloji proses adi qaydada gedir. Absolyut karantin yaratmaq mümkün deyil. Siz heç kimi evə tıxayıb qapılarını da lehimləyə bilməzsiniz – daha pis olacaq. Amma tamamilə buraxmaq da olmaz. Dərhal xəstəxanalarınıza axın artacaq, ölüm halları, özü də əsassız, çoxalacaq. Sizin səhiyyə sisteminiz boğulacaq. Ona görə də belə yumşaq variantı seçirik. Bu hətta heç karantin də deyil, belə desək, məhdudlaşdırıcı tədbirlərdir.

Yəni evdən bayıra süd və çörək almaq üçün çıxmaq olar. Bizdəki tədbirlər sizdəkindən də yumşaq idi. Bizdə metro işləyirdi. Məhdudlaşdırıcı tədbirlər xəstəliyin kütləvi yayılmasına, yəni birdən-birə minlərlə adamın yoluxmağına  imklan vermir. İnsanlar onsuz da tədricən xəstələnəcəklər və müalicə müəssisələri də sakit rejimdə çalışacaq.  Onsuz da xəstəxanalara pasiyentlər qəbul olunacaqkar və proses də uzanacaq.

- Siz yerli xəstələri müşahidə etmisiniz. Rusiyadakı və Azərbaycandakı xəstələr arasında hansısa kliniki fərqlər varmı?

- Yox-yox, Azərbaycanda və Rusiyada bu xəstəlikdə heç bir fərq yxdur. Hər şey tam eynidir – Çində də, Azərbaycanda da, İsraildə də, Rusiyada da. İnanın mənə. Eyni virusdur. Ola bilər ki, hansısa milli fərq olsun, amma biz belə bir şey görməmişik. Düzdür, virus mutasiyaya uğrayır, amma çox cüzi. Azərbaycanlıda da, moskvalıda da xəstəlik tamamilə eynidir. 

- Rusiya Səhiyyə Nazirliyi “Avifavir” dərmanını təsdiq etdi, onu bizim ölkəyə də tövsiyə edirsinizmi? Məlumdur ki, hələ ki Azərbaycan onun alınması üçün müraciət etməyib.

- Mən bilirəm ki, sizdə, burada həmin dərman necəsə peyda olub. Yəni onun qutularını da Azərbaycanda görən olub. Ancaq adi vaxtlardakı kimi situasiya indi olmayacaq. Burada sadə yolla irəliləmək lazımdır. Yəqin ki, sizin rəhbərlik də məhz belə hərəkət edir.

- Siz Azərbaycanda istifadə olunan preparatları daha güclüləri ilə dəyişdirdinizmi?

- Biz dar peşəyönümlü bəzi məsələləri sadəcə korrektə etdik. Onlar prinsipial deyildi. Yəni elə bir dərman yoxdur ki, siz ondan istifadə edəsiniz, Rusiyada isə onu qəbul etməsinlər – ümumi yanaşmalar var. Bax, məsələn, bütün dünyada bir qrup preparatdan imtina etdilər, siz də eyni şeyi təkrar etdiniz. 

- Son zamanlarda pasiyentləri xəstəliyin ağırlıq dərəcəsinə görə qruplara bölməyə başladılar, yəni əvvəllər yoluxanların hamısını xəstəxanaya yatırırdılarsa, indi elə deyil. Bu yeni təcrübəyə dair münasibətinizi bilmək istərdik.

- Siz, sadəcə, azacıq bizim səhvimizi təkrarladınız. Rusiyada da əvvəlcə ucdantutma hamını xəstəxanaya yerləşdirirdilər. Sonra anladılar ki, xəstəxanalar dolub-daşacaq. Xəstələrin səksən faizi koronavirusu yüngül keçirir. Yəni xəstəxanaya ağır xəstə gələndə görəcək ki, müalicə yatağında xəstəliyi yüngül keçirən  insan uzanıb, hansının ki, sadəcə yaxması müsbət nəticə verib və terapiyaya elə də ehtiyacı yoxdur. Ona görə də biz Rusiyada pnevmoniyası olmayan xəstələri evdə saxlayırıq. Yəniz bizdə yoluxanların əksəriyyəti evdə ambulator nəzarət altında qalır və xəstəxana çarpayısını tutmur. Siz də bu nəticəyə gəldiniz.

- Siz pandemiya xəstəxanalarımızda oldunuz. Necə fikirləşirsiniz, ağciyərləri süni havalandırma cihazları Azərbaycanda kifayət qədərdirmi?

- Kifayət qədərdir, özü də ən müasirlərindəndir. Azərbaycan onları vaxt itirmədən aldı. Sizə düzünü deyim: Moskvanın bəzi xəstəxanaları daha pis təchiz olunub. Əhali həmişə düşünür ki, onun üçün kifayət qədər işlər görülmür, nəsə gizlədilir. Bizdə də deyirdilər ki, Moskvada insanlar kütləvi surətdə qırılırlar, guya meyitləri zirzəmidə gizlədirlər. Amma belə bir şey yox idi. Biz də əhalinin bu narazılıqlarını, şayiələri görüb-eşitmişik.

Biz sizin xəstəxanalarınızda olmuşuq, orada boş reanimasiya çarpayıları var, yəni xəstəxanalar “tıxanmayıb”. Heç kim dəhlizlərdə uzanmayıb, heç kimi yer olmadığından qeydiyyat şöbəsindən geri qaytarmırlar. İş adi rejimdə, sakit davam edir. İndi kifayət qədər çox xəstə gələr, amma xüsusiləşdirilmiş xəstəxanalar tamamilə COVID-19 xəstələri üçün işləyir. Biz tibbi administrasiyanın adekvat reaksiyasını görürük. Mən şəraiti müsbət qiymətləndirirəm.

- Siz bəzi xəstələri də ziyarət etmisiniz. Onların arasında “Parni iz Baku” ŞHK komandasının üzvü Bəhram Bağırzadə də vardımı?

- Biz onu bu gün gördük. Belə deyək, xəstə insan haqda nə qədər yaxşı demək olarsa, bir elə gözəl vəziyyətdə idi. Onunla danışdıq, tamamilə adekvat idi. Perspektivdə onun həyatı üçün heç bir təhlükə görmürəm. Onu ağciyərləri süni havalandırma sistemindən ayırıblar. 

- Koronavirus nəticəsində ağciyərlərinin 90%-i zədələnmiş insan sağ qala bilərmi?

- Bilirsiniz, nə qədər maraqlı olsa da, bəli. İnsan nəhəng rezervlərə malikdir. Zədələnmə nə deməkdir? Bunu araşdırmaq lazımdır. Biri var, kompüterin çıxardığı şəkil. Bir də var, insanın daxilində gedən proses. Elə olub ki, 90%-li zədələnməsi olanları da o dünyadan qaytarmışıq. Əlbəttə, bu, pisdir, qarşısıalınmaz dəyişikliklər ola bilər. Ancaq 80-90% KT4 – artıq ölüm hökmüdür, heç müalicə etməyək, elə dərhal basdıraq demək olmaz. Təbii ki, müalicə baxımından bu, çox böyük problemdir, belə xəstələrin, təəsüf ki,  ölüm şansı yüksəkdir. Ancaq hətta ən ağır xəstələri, ən ağır variantları olanlari da uğurla süni nəfəs aparatlarından ayırırlar.  Amerikalılarda bu göstərici 12% təşkil edir. Sizdə isə həmin göstərici xeyli çoxdur – reanimasiya 50% sağqalma nümayiş etdirir. Xəstənin həyatı uğrunda sonadək mübarizə aparmaq lazımdır  və heç vaxt ondan əlini üzmək olmaz. 

- Necə bilirsiniz, 10 milyonluq əhali üçün 22 min xəstə çoxdur, yoxsa az?

- Mən statistik deyiləm, müalicə professoruyam. İşim müalicə etməkdir. Niyə bizdə, Rusiyada ölüm sayı belə azdır? Biz xeyli insanı test etdik, test olunanların 80%-i isə xəstəliyi əlamətsiz keçirənlərdir. Başqa ölkələrdə ancaq ağır xəstələri test edirlər, nəticədə də ölüm səviyyəsi yüksək alınır. Bilavasitə xəstəxanalarda nə qədər insanın öldüyünə diqqət yetirmək lazımdır, ancaq o zaman siz terapiyanın effektivliyindən danışa bilərsiniz. 

- Azərbaycanlı həkimlər rusiyalı həmkarlarından nəyi əxz eləsələr, yaxşı olardı?

- Heç bir qəti fərq yoxdur ki, biz mübahisə edək, deyək ki, azərbaycanlılar düzgün müalicə etmirlər, belə bir şey yoxdur, olmayıb. Sadəcə biz müalicəni daha əvvəl başlamağı məsləhət gördük. Azərbaycanlı həkimlər bir qədər gözləmə mövqeyində idilər, bizdə, Rusiyada isə metodika daha aqressivdir, yəni biz aqressiv terapiyanı daha erkən başlayırıq. Biz anladıq ki, ciddi terapiyanı erkən başlamaq daha yaxşıdır ki, sonra vaxt itirməyək. Köhnə həkimlər deyirdilər ki, “Asan xəstəlik hələ çətinə  dönməmişkən onun müalicəsinə başla”. 

- Vaksin barədə nə deyə bilərsiniz?

- Bilirsiniz, spesifik və qeyri-spesifik profilaktika mövcuddur. Hazırda vaksin yoxdur. Rusiyada, səhv etmirəmsə, 17, yaxud 20 vaksin növü hazırlanır.  Dünyada bunun sayı yüzdən çoxdur. Bizdə bir vaksin, demək olar ki, son mərhələ sınağından keçirilir. Ancaq istənilən halda bu, “nübar”dır. Yaxşı vaksin uzunmüddətli nəticə naminə çox ciddi və dəqiq yoxlanılmalıdır. O özü sizi öldürməməlidir, sizin üçün güclü immunitet yaratmalıdır. Məsələn, vaksin gələcək nəsildə hansısa nəticələrə səbəb ola bilər. Kliniki araşdırmaların vaxtını azaltmaq olmaz. Vaksinin boğaz heyvanlara hansı təsir göstərəcəyini yoxlamaq lazımdır, yəni görəsən ki, vaksin işləyirmi və doğulan nəsildə eybəcərlik, hansısa digər sapma varmı. İnsanda hamiləlik doqquz ay çəkir. COVID-19 isə cəmi bir neçə aydır ortaya çıxıb, heç 9 ayı olmayıb. Koronavirus daha öldürücü xassəyə malik çiçək xəstəliyi deyil. Ona görə də yoxlanmamış preparatla risk etməyə dəyməz. Mən qızılca, çiçək, difteriya kimi peyvəndlərin qatı tərəfdarıyam – onlar hamısı yoxlanmış, etibarlıdır. Vaksina, yəqin ki, peyda olacaq, amma tələsmək olmaz, hər şeyi yaxşıca götür-qoy etmək lazımdır. Bu, ölümcül xəstəlik deyil, ölüm səviyyəsi 1%-dən azdır. Amma nəhayətdə hamımız yoluxacağıq, kollektiv immunitet qazanacağıq, xəstəlik də itib gedəcək.

354
Mövzu:
Azərbaycanda koronavirus: son xəbərlər
Əlaqədar
Rusiya koronavirus vaksininin sınaqlarının yekun mərhələsinə başlayıb
Avstraliya və Honkonqda koronavirus məhdudiyyətləri bərpa olunur
Ölkəmizdə kimlər daha çox risk altındadır? - Koronavirusa yoluxanların yaş qrupları
Vaksin yarışı: Çin ikinci koronavirus peyvəndini hazır etməyə tələsir
Bölgələrimizdə koronavirusla bağlı vəziyyəti - Hansı zona daha təhlükəlidir?
Favipiravir preparatı

Həyatınızla eksperiment aparmayın - Koronavirusu müalicə "edən" dərman təhlükəli çıxdı

194
(Yenilənib 19:07 10.07.2020)
Yaponiyada "Favipiravir" kliniki testlərdən keçirilib və onun koronavirusun müalicəsində effektiv olmadığı sübut olunub. Rusiya Səhiyyə Nazirliyi "Avifavir"-i mayın 30-u təsdiqləyib.

BAKI, 10 iyul — Sputnik. Rusiya Səhiyyə Nazirliyi tərəfindən koronavirusun müalicəsi üçün təsdiqlənən "Avifavir"in hamilə qadınlar üçün təhlükəli olduğu məlum olub. Sputnik Azərbaycan "Lenta.ru"-ya istinadən xəbər ki, bunu Qameli adına epidemiologiya və mikrobiologiya üzrə elmi-tədqiqat mərkəzinin direktoru Anatoli Altşeyn bildirib.

O, qeyd edib ki, daha əvvəl bu preparat yuxu dərmanı kimi istifadə olunub və genetik qüsurlu uşaqların doğulmasına səbəb olurdu.

Altşeyn bildirib ki, bu preparat Yaponiya istehsalı olan "Favripiravir"dən sintez olunub. Yaponiyada istehsal olunan və digər ölkələrə göndərilən dərman isə effektiv olmayıb: "Həmin dərman sintez olunub və digər adlarla buraxılıb. Bu dərman hamilə xanımlar üçün çox təhlükəlidir O, 60-cı illərdə yuxu dərmanı kimi tətbiq olunan talidomidə bənzəyir.

O, əlavə edib ki, Yaponiyada "Favipiravir" kliniki testlərdən keçirilib və onun koronavirusun müalicəsində effektiv olmadığı sübut olunub. Bu nəticələr Rusiyada da nəzərə alınmalıdır.

"Qovorit Moskva" radiostansiyası ilə qeyd edir ki, Yaponiya hökuməti bu dərmanı qrip epidemiyası üçün saxlayır və əlavə təsirlərlə bağlı açıq bazara çıxarmır.

Qeyd edək ki, Rusiya Səhiyyə Nazirliyi "Avifavir"-i mayın 30-u təsdiqləyib. Qeyd olunur ki, bu preparat Ebola hemorragik qızdırmasının müalicəsində istifadə olunub.

194
İranda epdimioloji vəziyyət

İran bərbad durumda: ölənlər azalsa da, yoluxanların sayı artıb

0
(Yenilənib 22:34 10.07.2020)
Dünən İranda bir sutka ərzində 2079 nəfərdə virus aşkarlanmış, 221 nəfər COVID-19-dan dünyasını dəyişmişdi. Bu gün isə daha 142 nəfər ölüb. Amma yoluxma sayında artım var

BAKI, 10 iyul — Sputnik. İranda koronavirusa yoluxanların sayı bir gün ərzində 2262 nəfər artıb. Sputnik Azərbaycan xəbər verir ki, bunu İranın Səhiyyə Nazirliyinin rəsmi nümayəndəsi Sima Sədat Lari bildirib.

"Son 24 saat ərzində koronavirusa 2262 yoluxma halı qeydə alınıb ki, bununla da ölkədə virusa yoluxanların sayı 252720-yə çatıb. Bir gün ərzində 142 nəfər virusdan ölüb, bununla da ölkədə koronavirusdan ölənlərin sayı 12447-yə çatıb", - deyə məlumatda bildirilib.

O, həmçinin qeyd edib ki, virusa yoluxan 252720 şəxsdən 215500 nəfəri sağalıb.

Xatırladaq ki, SARS-CoV-2 koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 12 milyonu keçib, 554 mindən çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

0
Mövzu:
Dünyanı cənginə almış bəla (321)
Əlaqədar
Avstraliya və Honkonqda koronavirus məhdudiyyətləri bərpa olunur
Azərbaycanın xaricdəki bəzi diplomatları koronavirusa yoluxub
Həyatınızla eksperiment aparmayın - Koronavirusu müalicə "edən" dərman təhlükəli çıxdı
Koronavirusa qarşı yeni dərmanlar tapıldı
ÜST: Rusiyada koronavirus məhdudiyyətləri qayıda bilər