Həkim, arxiv şəkli

Tibb işçiləri Dövlət Agentliyinə etiraz etdilər - "Bura yazdıqlarımızı silə bilərsiniz..."

243
(Yenilənib 14:03 22.05.2020)
Agentliyin maliyyə departamentin rəhbəri Rasim Həsənovun koronavirus pandemiyası ilə mübarizədə iştirak edən tibb və qeyri-tibb işçilərinə müddətli əlavələrin ödənilməsinin davam etdirilməsinə dair dedikləri tibb işçilərinin sərt narazılığına səbəb olub

BAKI, 22 may — Sputnik. İcbari Tibbi Sığorta üzrə Dövlət Agentliyinin Facebook sosial şəbəkəsindəki səhifəsində paylaşımı tibb işçiləri tərəfindən ciddi təpgi ilə qarşılanıb. Sputnik Azərbaycan-ın məlumatına görə, İTV-də "Sabahın Xeyir Azərbaycan" verilişinə qoşulan Agentliyin maliyyə departamentin rəhbəri Rasim Həsənovun koronavirus pandemiyası ilə mübarizədə iştirak edən tibb və qeyri-tibb işçilərinə müddətli əlavələrin ödənilməsinin davam etdirilməsinə dair dedikləri tibb işçilərinin sərt narazılığına səbəb olub.

Ulviyya Mahmudova adlı sosial şəbəkə istifadəçisi 20.04.2020 tarixdən etibarən bu günə dək ATU cərrahiyyə klinikasında həkim-infeksionist kimi çalışsa da hələ bir manat belə almadığını bildirib. Bəzi tibb işçilərinin isə Agentliyin bu paylaşımının altına yazdığı rəylər silinib. Elşad Əliyev adlı sosial şəbəkə istifadəçisi yazıb: "Başa düşmədim, mənim rəyimi niyə silmisiniz? Bayaqdan bütün rəylərə verdiyiniz cavablara baxıram. Müddətli artım ancaq virusa mübarizə aparanlara verilir yazırsınız. Stasionarda işləmişik düz 1 ay . Niyə 5 qat yox, 3 qat almalıyıq? Eyni zamanda digər müəssisələrdə stasionarda işləyənlərə niyə 3 qat vermisiniz? Siz buradan rəyləri silə bilərsiniz, amma görək eyni uğurla Prezident Adminstrasiyasına yazılan şikayətləri də silə biləcəksinizmi?".

Könül Əliyeva adlı tibb işçisi də tənqidi rəylərin paylaşımın altından silinməsinə etirazını bildirib: "Salam, mən hər dəfə yazıram, hər dəfə də komentim nədənsə silinir. Biz poliklinika tibb işçiləriyik, bu pulu almadıq. Ancaq sahə həkim tibb bacılarına ödənildi bu pul. Hərçənd bizi də mart ayını tam işə çıxartmışdınız. Bayramsız-bazarsız işləmişik. 6 saat işdə oturmuşduq. Hətta xəstə də qəbul etmişdik. Bizə böyük haqsızlıq olundu. İxtisas həkim tibb bacılarına heçnə ödənilmədi. Hələ gecə növbələrinə də qalanlarımız olmuşdu. Yazım yenə silinər yəqin".

Məhəmməd Süleymanov adlı sosial şəbəkə istifadəçisi isə yazıb: "Salam, mən Təcili və Təxirəsalınmaz Tibbi Yardım Stansiyasında işləyirəm. Çağırışa getdiyim xəstələr bilmirəm karonadi yoxsa, yox. Qızdırmalı ağır xəstələrdən yaxma analizi aparmışam. Mənə yüklənən əlavə pul 18 manatdır. Bu nəyin 4 mislidi mən anlamadım".

Sərxan Sərxanov adlı sosial şəbəkə istifadəçisi isə yazıb: "Yalan deyirsiniz, Xızı rayonunda əksər tibb işçilər əlavə almayıb".

Nüranə Fazilova isə belə yazıb: " Salam, karantin xəstəxanasında iki aydır fasiləsiz çalışırıq.Hələ bu ay da evə buraxılmırıq. Sizə iki sualım var. Aprel ayının artımın aldıq, bəs may ayı nə vaxtdan veriləcək? Biz ASM işçiləriyik, aylıq vəzifə maaşımızdan 30 sahə faizi hansı əmr əsasında tutulur?"

İcbari Tibbi Sığorta Agentliyinin Facebookdakı səhifəsinin admini əksər sualları cavabsız qoyub.

243
Bakıda küçədə tibbi maskada olan insanlar, arxiv şəkli

Koronavirusdan qorunmaq barədə sənəd: kontakt linzanı vasitə saymırlar

38
(Yenilənib 22:13 06.06.2020)
Standart tədbirlərin tələb olunduğu digər aspektlər (məsələn, təhlükəsiz inyeksiya, əl gigiyenası) bu sənəddə vurğulanmayıb

BAKI, 6 iyun — Sputnik. Tibbi Ərazi Bölmələrini İdarəetmə Birliyi (TƏBİB) koronavirus pandemiyası dövründə tövsiyə olunan fərdi qoruyucu vasitələri (PPE) açıqlayıb. Sputnik Azərbaycan-ın məlumatına görə, TƏBİB-in tövsiyəsində bildirilir ki, COVID-19 infeksiyasına yoluxduğu şübhələnilən xəsətəyə birbaşa müdaxilə edən və ya xəstəylə eyni məkanı paylaşan EMS klinisistləri Standart Ehtiyat Tədbirlərinə əməl etməli və PPE vasitələrindən istifadə etməlidirlər.

Tövsiyə edilən PPE vasitələrinə aiddir:

N-95 və ya daha yüksək səviyyəli respirator və ya üz maskası (respirator olmadıqda).

Aerozol generasiya edən prosedurları həyata keçirən zaman üz maskasının yerinə N-95 respirator və ya daha yüksək səviyyədə qoruyan respiratorlardan istifadə edilməlidir.

Gözlərin qorunması (yəni üzün ön və yan tərəflərini tam əhatə edən gözlüklər və ya birdəfəlik istifadə olunan üz qalqası). Şəxsi gözlük və kontakt linzalar adekvat göz qoruyucuları sayılmır.

Tək dəst birdəfəlik xəstə müayinə əlcəyi. Əlcəklər və izolyasiyaedici xalat yırtılıbsa və ya çox çirkləndiyi halda dəyişdirilməlidir.

Xalat çatışmazlığı olduqda, aerozol generasiya edən prosedurlarda, spreylərin istifadə edildiyi prosedurlarda və patogenlərin əldən-ələ və EMS klinisistlərinin geyimlərinə ötürülməsinə səbəb olan yüksək təmaslı xəstə baxımı fəaliyyətlərində iştirakları zamanı işçilər xüsusilə diqqətli olmalıdırlar (məs. xəstəni xərəyə yerləşdirən zaman).

Təchizat zənciri bərpa edildikdə, uyğun analizdən keçmiş təcili tibbi yardım həkimləri, COVID-19-un araşdırıldığı və ya şübhələnildiyi xəstələrlə kontakta girən zaman təkrarən respiratorlardan istifadə etməyə başlamalıdırlar.

Sürücülər xəstəyə birbaşa qulluq göstərirlərsə (məsələn, xəstələri xərəyə yerləşdirirlərsə), tövsiyə olunan bütün PPE vasitələrini geyinməlidirlər. Xəstə baxımını tamamladıqdan sonra və nəqliyyat vasitəsinin sürücüyə məxsus təcrid olunmuş hissəsinə girməzdən əvvəl sürücünün PPE-ni çıxarıb atması və bölmənin təmizliyini qorumaq üçün əl gigiyenasını yerinə yetirilməlidir.

Nəqliyyat vasitəsində təcrid edilmiş (qapalı) sürücü bölməsi yoxdursa, sürücü üz qalqasını və ya gözlükləri, xalat və əlcəkləri çıxarıb əl gigiyenasını yerinə yetirməlidir. Nəqliyyat zamanı respiratordan və ya üz maskasından istifadə edilməlidir.

Bütün personal işləyərkən üzlərinə toxunmaqdan çəkinməlidir.

Tibb müəssisəsinə çatdıqda, xəstə müəssisəyə daxil edildikdən sonra, EMS klinisistləri PPE vasitələrindən azad olmalı və əl gigiyenasını yerinə yetirməlidir. İstifadə olunmuş PPE-nin utilizasiyası rutin prosedurlara uyğun olaraq həyata keçirilməlidir.

Standart tədbirlərin tələb olunduğu digər aspektlər (məsələn, təhlükəsiz inyeksiya, əl gigiyenası) bu sənəddə vurğulanmayıb. Lakin "İzolyasiya Ehtiyat Tədbirlərinə dair Təlimata", həmçinin Səhiyyə Müəssisələrində infeksiyanın qarşısının alınmasına yönəlik xüsusi təlimatlara istinad etmək tələb olunur.

38
Mövzu:
Dünyanı cənginə almış bəla
Əlaqədar
Bakıda koronavirusa yoluxma ən çox bu rayondadır
Britaniyanın keçmiş kəşfiyyat rəhbəri: koronavirus Çin laboratoriyasında yaranıb
Hava və koronavirus arasında əlaqə varmı? Akademik izah edir
Koronavirusa yoluxanların sayı durmadan artır
Azərbaycanda millət vəkilinin yaxın qohumu koronavirusdan öldü
 Həkim, arxiv şəkli

Azərbaycanda daha bir həkim COVID-19-a yoluxdu

12
"Әzizlәrim, heç kim sığortalanmayıb - nә gәnci, nә yaşlısı, nә hәkimi, nә hakimi, nә sıravi vәtәndaşı. Özünüzü qoruyun"

BAKI, 6 iyun — Sputnik. Azərbaycanda daha bir həkim, pulmonoloq ixtisaslı Günay Əliyeva COVID-19-a yoluxub.

Sputnik Azərbaycan-ın məlumatına görə, bu barədə həkim-infeksionist Natiq Əliyev Facebook hesabında yazıb.

"Şәkildә gördüyünüz hәkim yoldaşımız Dr. Günay Әliyeva (hәkim-pulmonoloq) COVID-19-un ilk günlәrindәn mübarizәyә başlayan insanlardandır. Astara, Qobustan, daha sonra Bakıda bәrabәr COVID-mәrkәzdә 3 aya yaxındır ki, mübarizә edirdik. Amma tәəssüf ki, koronavirus ondan da yan keçmәdi vә COVID-19 testi pozitivdir", - N.Əliyev yazıb.

"Dünәnә qәdәr bu palatalarda bizlә çiyin-çiyinә gecә-gündüz demәdәn xәstәlәrin dәrdlәrinә qaçan Günay bu gün xәstә statusundadır.

Әzizlәrim, heç kim sığortalanmayıb - nә gәnci, nә yaşlısı, nә hәkimi, nә hakimi, nә sıravi vәtәndaşı. Özünüzü qoruyun, - yazan həkim mübarizə yoldaşına tezliklə sağalmağı arzulayıb. - Doktorum, tez sağal, aramıza qayıt, hәlә hәngamәlәr bundan sonra başlayır, bizi, komandanı belә buraxmaq olmaz".

12
Əlaqədar
Əl çalmaqla qarın doymur və ya pandemiyadan sonra bizə kim baxacaq?
Koronavirusla mübarizə aparan həkimlərə əlavə pul ödənildi? - Agentlik açıqlama verdi
Ön cəbhədə olan həkimimiz koronavirusdan sağaldı
Virusa yoluxub sağalmısınızsa, çox sevinməyin - Hər şey daha kəskin şəkildə qayıda bilər
Azərbaycanda millət vəkilinin yaxın qohumu koronavirusdan öldü
ABŞ-da etirazlar

Benksi etirazını bildirdi: “Kimsə qapını sındırmalı olacaq”

0
(Yenilənib 23:43 06.06.2020)
Onun sözlərinə görə, Floydun başına gələn hadisələr aşağı mərtəbədə yaşayan insanların başına su axıdan boruya bənzəyir

BAKI, 6 iyun — Sputnik. Britaniyalı məşhur küçə rəssamı Benksi Minneapolisdə afroamerikalı Corc Floydun polis tərəfindən öldürülməsindən sonra ABŞ-da başlanan etirazlara həsr etdiyi işini göstərib.

Sputnik Azərbaycan bildirir ki, o, şəkli özünün Instagram səhifəsində yerləşdirib.

Şəkildə rəssam qara insanın matəm portretini və onun üst tərəfindən asılmış, bir qırağı şamdan od alan Amerika bayrağını təsvir edib.

“Rəngli (qara) insanlar sistemə görə uğursuzluğa düçar olublar. Ağ sistemə görə”, - Benksi paylaşımında yazıb.

Onun sözlərinə görə, Floydun başına gələn hadisələr aşağı mərtəbədə yaşayan insanların başına su axıdan boruya bənzəyir.

Посмотреть эту публикацию в Instagram

Публикация от Banksy (@banksy)

“Bu düzgün olmayan sistem onların həyatını məşəqqətə çevirir, ancaq (boruları) təmir etmək – onların vəzifəsi deyil. Heç kim onları yuxarıdakı mənzilinə buraxmayacaq”, - yazan rəssam əlavə edib ki, bu, “ağ adamların problemidir” və buna görə istənilən halda kimsə “yuxarı qalxıb qapını sındırmalı olacaq”.

Mayın 25-də Minneapolisdə polis əməkdaşları afroamerikalı Corc Floydu həbs ediblər. Bu zaman onu yerə yıxıblar, polis zabitlərindən biri dizi ilə onun boynunu sıxıb. Floyd dəfələrlə nəfəs ala bilmədiyini desə də, buna əhəmiyyət verməyiblər. Nəticədə Floyd reanimasiyada dünyasını dəyişib. Bundan sonra ABŞ-da kütləvi etiraz və iğtişaşlar başlayıb.

0
Əlaqədar
İrqçilər yaddan çıxdı. Amerikadakı etirazlar necə soyğunlara çevrildi
Mən Corc Floydam: ABŞ-da başlayan etirazlar bütün dünyanı bürüyüb
Biz şokdayıq: azərbaycanlılar ABŞ-dakı iğtişaşlardan danışdılar
Amerika tənəzzülünün xronikası: uşaqlara polisə nifrət etmək öyrədilir
Yaşlı kişini ölümcül hala salan polislərə həmkarlarından dəstək - VİDEO