Koronavirus testi, arxiv şəkli

"Super insanlar" - Bioloq COVID-19-a qarşı immunitetin yaranmasını izah edib

26
(Yenilənib 19:29 12.05.2020)
"Güclü immun cavabı olan super insanlar da var ki, onların anticisimlərindən digər insanların müalicəsi üçün istifadə etmək olar", - bioloq qeyd edib.

BAKI, 12 may — Sputnik. Koronavirusa yoluxmuşların yalnız 7-8 faizində güclü və davamlı immunitet formalaşır və ən davamlı immunitetə xəstəliyi ağır keçirmiş insanlarda rast gəlinir.

Sputnik Azərbaycan xəbər verir ki, bu barədə RİA Novosti-yə biologiya üzrə elmlər doktoru, Corc Meyson Universitetinin (George Mason University) Sistemli Biologiya Məktəbinin professoru Ança Baranova deyib. 

"Xəstə olmuş insanlar var, onların temperatur və öskürəyi var idi, lakin onlarda koronavirusa qarşı anticisim yoxdur (təxminən 7-8 faiz belə xəstə var). Bu o deməkdir ki, onlar virusa cavab olaraq insan orqanizmində yaranan interferonların köməyi ilə infeksiyadan qurtulublar. Bu halda interferonlar özləri virusun öhdəsindən gəlib və anticisimlər yaranmayıb, buna görə də bu xəstələrin COVID-19-a immuniteti yoxdur", - Baranova bildirib.

Həmçinin koronavirusa yoluxmuş insanların 7-8 faizində xəstəliyə qarşı çox sayda anticisimlər və yaxşı immunitet yaranıb.

"Güclü immun cavabı olan super insanlar da var ki, onların anticisimlərindən digər insanların müalicəsi üçün istifadə etmək olar", - bioloq qeyd edib.

Onun sözlərinə görə, digər COVID-19 xəstələrinin 40 faizində koronavirusa qarşı immunitet olduqca zəifdir, bəzilərində isə anticisimlərin səviyyəsi, yəni immunitet bir ay ərzində əhəmiyyətli dərəcədə düşür.

Baranova bildirib ki, bu qrupdan olan insanlarda təkrar yoluxma riski yaranır.

26
Bakının mərkəzində tibbi maskada olan gənc, arxiv şəkli

Bakıda yoluxma niyə sürətlə artır? Həkim açıqladı

14
(Yenilənib 20:07 29.05.2020)
“Xəstəliyə inanmamaq insanın təkcə özü üçün deyil, ətrafı üçün də çox təhlükəlidir. Yoluxmanın artmasına səbəb belə insanlardır"

BAKI, 29 may — Sputnik. Koronavirusa yoluxanların sayı artıq üçrəqəmlidir. Virusa laqeyd yanaşdığımız üçün özümüz özümüzü yoluxdururuq. Sputnik Azərbaycan-ın məlumatına görə, bunu tanınmış pediatr Vaqif Qarayev son günlər koronavirusa yoluxmanın artmasından danışarkən deyib.

Həkim bildirib ki, yoluxmanın artmasına səbəb insanların xəstəliyə artıq laqeyd yanaşması, virusun olmasına inanmamasıdır: “Xəstəliyə inanmamaq insanın təkcə özü üçün deyil, ətrafı üçün də çox təhlükəlidir. Yoluxmanın artmasına səbəb belə insanlardır. Karantinin sərtliyindən hamı gileylənirdi. İstilər düşdüyü üçün anlaşılandır. Ancaq nəticə göz önündədir. Yoluxma dinamikası artır, vəziyyət belə davam etdikcə yoluxma daha da artacaq. Qonşu Gürcüstanda karantin tədbirləri bizdəkindən də sərt idi. Orada bu gün də ictimai nəqliyyat işləmir. Nəticədə də gündə 1-3 yoluxma var”.

14
Mövzu:
Azərbaycanda koronavirus: son xəbərlər
Əlaqədar
Bu "rekordu" heç gözləmirdik: yenə ölənlər var
Azərbaycanda xüsusi karantin rejiminin müddəti uzadıldı
Azərbaycanda COVID-19-dan vəfat edən ən gənc adamın yaşı açıqlandı
Ölkədə koronavirusa ən çox yoluxma haradadır?
Azərbaycanda "COVID 19" pasportunun tətbiqi ilə bağlı müzakirələr aparılır
COVİD-19 xəstəsi, arxiv şəkli

Azərbaycanda COVID-19-dan vəfat edən ən gənc adamın yaşı açıqlandı

36
(Yenilənib 19:02 29.05.2020)
Ümumilikdə vəfat edənlərdən 1 nəfər 30-39 yaş arasında şəxs olub. Ən çox ölüm faizi isə 60-69 yaş arası şəxslərin payına düşüb

BAKI, 29 may — Sputnik. Koronavirusdan ölənlərin yaş faizi açıqlanıb.

Sputnik Azərbaycan bildirir ki, bu barədə Nazirlər Kabineti yanında Operativ Qərargahın mətbuat konfransında TƏBİB-in İdarə Heyətinin sədri Ramin Bayramlı danışıb. Onun sözlərinə görə, vəfat edənlərin 20 nəfəri 60-69 yaşdadır: “Bu isə ölənlərin 34 faizini təşkil edib. Ümumilikdə vəfat edənlərin 2 faizi, yəni 1 nəfər 30-39 yaş, 3 faizi, yəni 2 nəfəri 40-49 yaş, 13 nəfəri, yəni 22 faizi 50-59 yaş, 17 nəfəri, yəni 29 faizi 70-79 yaş, 5 nəfəri, yəni 9 faizi 80 yaşdan yuxarı şəxslərdir”.

TƏBİB rəsmisi qeyd edib ki, kütləvi yoluxma halları əsasən yas mərasimlərində baş verir: “Yoluxma baş verdikdən sonra analizlər aparılır. Analizlər göstərir ki, yoluxmaların əksəriyyəti yas yerlərində baş verir. Xüsusən, yaşlı insanların və qadınların yas yerlərində toplaşması yoluxmaya səbəb olub. Vətəndaşları qaydalara riayət etməyə dəvət edirik”.

36
Mövzu:
Azərbaycanda koronavirus: son xəbərlər
Əlaqədar
Azərbaycanda xüsusi karantin rejiminin müddəti uzadıldı
30 qəpiklik maskaya 100 manat ödəmək istəmirsiniz?
Bu "rekordu" heç gözləmirdik: yenə ölənlər var
Uçuşlar nə zaman bərpa olunacaq?
Ölkədə koronavirusa ən çox yoluxma haradadır?
ABŞ Prezidenti Donald Tramp, arxiv şəkli

Vəssalam. Tramp bütün əlaqələri kəsdi

0
(Yenilənib 23:22 29.05.2020)
Ağ Evin rəhbəri əlavə edib ki, bundan belə ABŞ bu təşkilat üçün nəzərdə tutulan vəsaiti bütün dünya üzrə səhiyyə ehtiyaclarının qarşılanmasına yönəldəcək

BAKI, 29 may — Sputnik. Prezident Donald Tramp ABŞ-ın Ümumdünya Səhiyyə Təşkilatı ilə münasibətlərini kəsdiyini deyib.

Sputnik Azərbaycan RİA Novosti-yə istinadən bildirir ki, Amerika lideri qərarını onunla əsaslandırıb ki, ÜST Vaşinqtonun tələb etdiyi islahatları yerinə yetirməkdən imtina edib.

Ağ Evin rəhbəri əlavə edib ki, bundan belə ABŞ bu təşkilat üçün nəzərdə tutulan vəsaiti bütün dünya üzrə səhiyyə ehtiyaclarının qarşılanmasına yönəldəcək.

Xatırladaq ki, hələ aprelin 14-də Tramp bəyan etmişdi ki,  ki, Vaşinqton ÜST-ün maliyyələşdirilməsini dayandırır. Onun sözlərinə görə, təşkilat koronavirus haqda məlumatları vaxtında çatdırmayıb, eləcə də həqiqəti dünya ictimaiyyətinə açıqlamayıb.

0
Əlaqədar
"ABŞ başa düşməlidir ki, onun düşməni virusdur, Çin yox"
"Strateji səhv". Ruhani ABŞ-ın ÜST-ə dair qərarını şərh etdi
ABŞ və Çin dünya iqtisadiyyatını məhv etməyə hazırlaşırlar
ÜST Trampı yalançı çıxardı - COVID-19 peyvəndi ilin sonuna hazır olmayacaq
Tramp ÜST-ə şərt qoydu: "ya mən dediyimi edin, ya da..."