Tibbi maskada olan həkim, arxiv şəkli

Dünyanı bürüyən şübhə pandemiyadan sonra Azərbaycandan da yan keçməyəcək

961
(Yenilənib 22:41 03.05.2020)
"Elə bir sistem qurulmalıdır ki, Azərbaycanın bütün regionları üzrə həkimlər bərabər paylanılsın", - Adil Qeybulla

Nigar İsgəndərova, Sputnik Azərbaycan

BAKI, 4 may — Sputnik. Son günlər bütün dünyada olduğu kimi, Azərbaycanda da həkimlərə tələbat artıb. Bəs maraqlıdır, yaranan bu vəziyyətdə ölkəmizdə həkim çatışmazlığı varmı?

Tibb üzrə ekspert Adil Qeybulla Sputnik Azərbaycan-a açıqlamasında bu haqda danışaraq ümumi vəziyyəti qiymətləndirib: "Azərbaycanda səhiyyə əsasən Bakı, Gəncə, Sumqayıtda inkişaf edib. İri şəhərlərlə müqayisədə regionlarda səhiyyənin inkişafı çox aşağıdır. Bu səbəbdən də həkimlərin əksəriyyəti öncə qeyd etdiyim şəhərlərdə toplaşıb. Məsələn, Bakıda adambaşına düşən saya müvafiq olaraq kifayət qədər həkim olsa da, eyni durumu rayonlara şamil edə bilmirik".

"Elə bir sistem qurulmalıdır ki, Azərbaycanın bütün regionları üzrə həkimlər bərabər paylanılsın, - deyən A.Qeybulla əksər rayonlarda həkim çatışmazlığının olduğunu vurğulayıb. - Qeyd edim ki, bütün dünyada həkimlərin sayının az və ya çox olması əhalinin sayına görə hesablanır".

O bildirib ki, bu gün Azərbaycan qərb təbabətinə keçsə də, qərb təbabətini mənimsəmiş həkimlərin sayı azdır:

"Koronavirusdan sonra vəziyyətin necə olacağı bəlli deyil. Dünyanın əksər ölkələri həkimliyə meyl edənlərin sayının azalacağından narahatdır. Bunun da səbəbi yaranan belə riskli vəziyyət və onların əmək haqları, sosial müdafiələrinin yetərli olmamasıdır. Azərbaycanda da analoji vəziyyəti müşahidə etmək olar".

"Düşünürəm ki, həkimlərin sosial müdafiəsi haqda düşünmək, müəyyən paket qəbul etmək, onları məişət qayğılarından azad etmək, kredit götürə bilmək üçün güzəştlər etmək vacibdir", - deyə A.Qeybulla əlavə edib.

Bu gün bir çox ölkələr, o cümlədən də Rusiya yayılmış pandemiya ilə əlaqədar olaraq həkim çatışmazlığını aradan qaldırmaq üçün tibb universitetlərinin tələbələrini də koronaviruslu xəstələrin müalicə proseduruna cəlb edir. Maraqlıdır, indiki şəraitdə Azərbaycanda buna zərurət varmı?

A.Qeybulla bildirib ki, hazırda ölkəmizdə buna zərurət yoxdur: "Bir müddət öncə Azərbaycan Tibb Universitetinin tələbələri bununla bağlı təşəbbüs irəli sürdülər. Lakin başqa ölkələrlə müqayisədə Azərbaycanda rəqəmlərin az olması, sanitar-epidemoloji vəziyyətin qənaətbəxş olması bu məsələni aktuallaşdırmır. Hələlik ki, Azərbaycanda ixtisaslı həkimlər bu işin öhdəsindən gəlirlər. Amma təbii ki, xəstə sayı artsaydı, vəziyyət pisləşsəydi, tələbələrin də köməyinə ehtiyac olacaqdı. Onlar ən azı tibb bacılarının işinə nəzarət edə, tapşırıq və təyinatları yerinə yetirməklə bu işdə yardımçı ola bilərdilər".

TƏBİB-dən də Sputnik Azərbaycan-a bildirilib ki, hazırda ölkəmizdə həkim çatışmazlığı müşahidə olunmur.

961
Mövzu:
Azərbaycanda koronavirus: son xəbərlər (79)
Əlaqədar
"Koronavirus bitməyəcək və ən azı bir il bizlə birgə olacaq" - ÜST rəsmisi
Üzümüzə virus üfürənlərlə mübarizə: Azərbaycanda hər kəs məcburi maska taxacaq?
Azərbaycana koronaviruslu xəstələr üçün gələn həkim: "Yaxşı yerdəsiniz"
Əbədi səninlə. Koronavirus sağalmış insanın ağciyərlərində qala bilər
Onlar daha çox risk qrupudur: gözlənilmədən yoluxa bilərlər
 Koronavirus testi, arxiv şəkli

TƏBİB koronavirus testindən keçənlərin sayını açıqladı

13
Hazırda 1681 aktiv koronavirus xəstəsinin 79-u reanimasiyadadır, 20 nəfər süni tənəffüs aparatına qoşulub.

BAKI, 28 may - Sputnik. Bu gün Azərbaycanda koronavirusla bağlı keçirilən test sayı 4006 olub.

TƏBİB-dən Sputnik Azərbaycan-a verilən məlumata görə, ümumilikdə ölkədə koronavirusla bağlı keçirilən test sayı 284 669-dur.

Qeyd edək ki, Azərbaycanda daha 191 nəfərdə koronavirus aşkarlanıb, 2 nəfər vəfat edib. Ümumilikdə ölkədə koronavirusa yoluxanların sayı 4759, vəfat edənlərin sayı 56, sağalanların sayı 3022-dir.

Hazırda 1681 aktiv koronavirus xəstəsinin 79-u reanimasiyadadır, 20 nəfər süni tənəffüs aparatına qoşulub.

13
Laboratoriya, arxiv şəkli

Ən böyük vaksin istehsalçısından ümidverici xəbər

17
(Yenilənib 20:15 28.05.2020)
Lakin vaksinin qiyməti ilə bağlı olaraq isə hələlik heç bir məlumat açıqlanmayıb. Hazırda şirkət tərəindən hökumətlərlə bu istiqamətdə danışıqlar aparılır.

BAKI, 28 may — Sputnik. Bu gün bütün dünyada yayılan COVİD-19 virusu ilə əlaqədar olaraq bir neçə ölkə vaksin istehsalına başlayıb. Artıq müxtəlif firmalar 2021-ci il üçün COVİD-19 əleyhinə istehsalı nəzərdə tutulan vaksinlərlə bağlı müəyyən məlumatları açıqlayırlar.

Sputnik Azərbaycan-ın “The Guardian”a istinadən xəbərinə görə,  dünyanın ən böyük vaksin istehsalçılarından olan “GlaxoSmithKline” (GSK) 1 milyard dozada COVİD-19 əleyhinə vaksinin istehsalı nəzərdə tutur. Hazırda şirkət tərəindən hökumətlərlə bu istiqamətdə danışıqlar aparılır.

Lakin vaksinin qiyməti ilə bağlı olaraq isə hələlik heç bir məlumat açıqlanmayıb. Hazırda şirkət fransız dərman istehsalçısı olan, bu sahədə ixtisaslaşmış, dünyaca məşhur Sanofi şirkətilə birgə işlərə başlayıb.

17

Paytaxtda karantin rejimini pozan kafelər aşkarlandı

0
Reydlərlə "Dəli Kür"də 5 nəfər, "Sakit Məkan"da 4 nəfər və "Çırağan" kafesində isə 2 nəfər müştəri qəbulu həyata keçirildiyi aşkarlanıb.

BAKI, 28 may - Sputnik. Bakıda xüsusi karantin qaydalarını pozan bir neçə kafe aşkarlanıb.

"Report"un xəbərinə görə, Xətai Rayon Polis İdarəsi əməkdaşlarının keçirdikləri reyd zamanı Babək prospektində yerləşən "Dəli Kür" kafesinin, Qaçaq Nəbi küçəsindəki "Sakit Məkan" və Ramiz Quliyev küçəsindəki "Çırağan" kafelərinin müəyyən edilən vaxt rejimindən kənar saatlarda fəaliyyət göstərmələri məlum olub.

Reydlərlə "Dəli Kür"də 5 nəfər, "Sakit Məkan"da 4 nəfər və "Çırağan" kafesində isə 2 nəfər müştəri qəbulu həyata keçirildiyi aşkarlanıb.

Onların hər biri barəsində İnzibati Xətalar Məcəlləsinin (İXM) 211-ci maddəsi ilə protokollar tərtib olunub.

Qeyd edək ki, Nazirlər Kabineti yanında Operativ Qərargah tərəfindən qəbul edilən qaydalara əsasən, bütün ictimai iaşə obyektlərində müştərilərə saat 08:00-dan 18:00-dək yerində xidmət göstərmək olar.

0