Bakıda təcili yardım avtomoblində qoruyucu geyimdə olan tibb işçisi, arxiv şəkli

Azərbaycana koronaviruslu xəstələr üçün gələn həkim: "Yaxşı yerdəsiniz"

772
(Yenilənib 12:45 03.05.2020)
"Hər kəsi şəxsi gigiyena qaydalarına əməl etməyə çağırıram. Sosial məsafə qorunmalıdır, əks halda zaman keçdikcə rəqəmlər arta bilər" - Cəbrayıl Cəbrayılov

Nigar İsgəndərova, Sputnik Azərbaycan

BAKI, 3 may — Sputnik. Respublikanın seçilmiş xəstəxanalarında COVID-19-a qarşı mübarizə tədbirlərini gücləndirmək üçün həyata keçirilən REACT-C19 layihəsinin icrası məqsədi ilə Türkiyədə çalışan 19 azərbaycanlı həkim Azərbaycana gəlib. Bu həkimlər Türkiyədə koronavirusla mübarizədə əldə etdikləri təcrübə və bilikləri buradakı həkimlərlə bölüşürlər.

Sputnik Azərbaycan REACT-C19 layihəsi çərçivəsində Azərbaycana qayıdan Türkiyənin Hacettepe xəstəxanasının daxili xəstəliklər üzrə həkimi Cəbrayıl Cəbrayılovla söhbətləşib. O, bu günlərdə gördüyü işlər və planlarla bağlı danışıb: "Azərbaycan Tibb Universitetinin Tədris-Cərrahiyyə korpusunda idim, orada koronavirusdan müalicə alan xəstələrə baş çəkir, şöbələri gəzir, reanimasiyadakıları yoluxurdum. Deyə bilərəm ki, Bakıdakı xəstəxanalarda layihə çox uğurla həyata keçirilib. Mayın 1-də isə bölgələrə səfərimiz başladı".

O, həkimlərin necə qruplaşması haqda da bizi məlumatlandırır:

"Biz Türkiyədən Azərbaycana koronavirusla mübarizədə ən müsbət addımları icra etməyə gəlmişik. Ümumi olaraq isə bu həkimlərdən ibarət 4 qrup yaradılıb. Hər bir qrup 14 gün boyunca onun fəaliyyəti üçün nəzərdə tutulan xəstəxanada çalışacaq. Ümumilikdə biz respublika üzrə bütün bölgələrə baş çəkəcəyik. Amma sıralamaya gəldikdə isə bu, koronavirusun hansı bölgələrdə daha çox olmasına görə planlaşdırılır. Baş çəkdiyimiz xəstəxanalarda da virusla mübarizənin daha yüksək səviyyədə olması üçün müəyyən addımlar atılacaq, həkimlərlə fikir mübadiləsi aparacağıq".

"Bir daha virusla mübarizə üçün hər kəsi şəxsi gigiyena qaydalarına əməl etməyə çağırıram. Sosial məsafə qorunmalıdır, əks halda zaman keçdikcə rəqəmlər arta bilər. Amma qeyd edim ki, hazırda virusun yayılmasının qarşısının alınmasına görə Azərbaycan daha yaxşı yerlərdən birində qərarlaşıb".

Qeyd edək ki, bir neçə gün öncə Ümumdünya Səhiyyə Təşkilatının Bakı nümayəndəliyinin rəhbəri Hande Harmancı jurnalistlərə açıqlamasında Türkiyədən gələn yerli həkimlərlə bağlı məlumat vermişdi. O bildirmişdi ki, Türkiyədən gəlmiş həkimlər Bakıda işlərini yekunlaşdırıb bölgələrə yola düşəcəklər. H.Harmancının sözlərinə görə, bu həkimlər ixtisaslarına görə təlimlər də həyata keçirəcəklər.

Bildirək ki, layihə iyunun sonlarınadək davam edəcək və 16 xəstəxananı əhatə edəcək. Mayın 4-12 tarixlərində həkimlər Gəncə-Goranboy, Şəmkir və Ağdaşda olacaqlar.

772
Mövzu:
Azərbaycanda koronavirus: son xəbərlər (79)
Əlaqədar
Türkiyədən gələn həkimlər bölgələrə yola düşürlər - Bakı mərhələsi yekunlaşdı
Koronanın hücumu dayanmasa - Azərbaycanda həkimlərin profilləri dəyişə bilərmi?
Koronavirusa daha çox bu vitamin çatışmazlığı yaşayanlar tutulur
Aviatorlardan həkimlərə qeyri-adi təşəkkür – VİDEO
Koronavirusun yeni dərmanı tapıldı: xilas dəvədə imiş
 Koronavirus testi, arxiv şəkli

TƏBİB koronavirus testindən keçənlərin sayını açıqladı

13
Hazırda 1681 aktiv koronavirus xəstəsinin 79-u reanimasiyadadır, 20 nəfər süni tənəffüs aparatına qoşulub.

BAKI, 28 may - Sputnik. Bu gün Azərbaycanda koronavirusla bağlı keçirilən test sayı 4006 olub.

TƏBİB-dən Sputnik Azərbaycan-a verilən məlumata görə, ümumilikdə ölkədə koronavirusla bağlı keçirilən test sayı 284 669-dur.

Qeyd edək ki, Azərbaycanda daha 191 nəfərdə koronavirus aşkarlanıb, 2 nəfər vəfat edib. Ümumilikdə ölkədə koronavirusa yoluxanların sayı 4759, vəfat edənlərin sayı 56, sağalanların sayı 3022-dir.

Hazırda 1681 aktiv koronavirus xəstəsinin 79-u reanimasiyadadır, 20 nəfər süni tənəffüs aparatına qoşulub.

13
Laboratoriya, arxiv şəkli

Ən böyük vaksin istehsalçısından ümidverici xəbər

18
(Yenilənib 20:15 28.05.2020)
Lakin vaksinin qiyməti ilə bağlı olaraq isə hələlik heç bir məlumat açıqlanmayıb. Hazırda şirkət tərəindən hökumətlərlə bu istiqamətdə danışıqlar aparılır.

BAKI, 28 may — Sputnik. Bu gün bütün dünyada yayılan COVİD-19 virusu ilə əlaqədar olaraq bir neçə ölkə vaksin istehsalına başlayıb. Artıq müxtəlif firmalar 2021-ci il üçün COVİD-19 əleyhinə istehsalı nəzərdə tutulan vaksinlərlə bağlı müəyyən məlumatları açıqlayırlar.

Sputnik Azərbaycan-ın “The Guardian”a istinadən xəbərinə görə,  dünyanın ən böyük vaksin istehsalçılarından olan “GlaxoSmithKline” (GSK) 1 milyard dozada COVİD-19 əleyhinə vaksinin istehsalı nəzərdə tutur. Hazırda şirkət tərəindən hökumətlərlə bu istiqamətdə danışıqlar aparılır.

Lakin vaksinin qiyməti ilə bağlı olaraq isə hələlik heç bir məlumat açıqlanmayıb. Hazırda şirkət fransız dərman istehsalçısı olan, bu sahədə ixtisaslaşmış, dünyaca məşhur Sanofi şirkətilə birgə işlərə başlayıb.

18

Paytaxtda karantin rejimini pozan kafelər aşkarlandı

0
Reydlərlə "Dəli Kür"də 5 nəfər, "Sakit Məkan"da 4 nəfər və "Çırağan" kafesində isə 2 nəfər müştəri qəbulu həyata keçirildiyi aşkarlanıb.

BAKI, 28 may - Sputnik. Bakıda xüsusi karantin qaydalarını pozan bir neçə kafe aşkarlanıb.

"Report"un xəbərinə görə, Xətai Rayon Polis İdarəsi əməkdaşlarının keçirdikləri reyd zamanı Babək prospektində yerləşən "Dəli Kür" kafesinin, Qaçaq Nəbi küçəsindəki "Sakit Məkan" və Ramiz Quliyev küçəsindəki "Çırağan" kafelərinin müəyyən edilən vaxt rejimindən kənar saatlarda fəaliyyət göstərmələri məlum olub.

Reydlərlə "Dəli Kür"də 5 nəfər, "Sakit Məkan"da 4 nəfər və "Çırağan" kafesində isə 2 nəfər müştəri qəbulu həyata keçirildiyi aşkarlanıb.

Onların hər biri barəsində İnzibati Xətalar Məcəlləsinin (İXM) 211-ci maddəsi ilə protokollar tərtib olunub.

Qeyd edək ki, Nazirlər Kabineti yanında Operativ Qərargah tərəfindən qəbul edilən qaydalara əsasən, bütün ictimai iaşə obyektlərində müştərilərə saat 08:00-dan 18:00-dək yerində xidmət göstərmək olar.

0