Koronavirus testi, arxiv şəkli

COVID-19-a yoluxanlar ən çox bu rayonlardadır

39
(Yenilənib 18:28 01.05.2020)
"Xəstəlikdən sağalan donorların müayinəsi tamamlanıb və sabahdan etibarən plazmalar alınaraq pasportlaşdırılacaq"

BAKI, 1 may — Sputnik. “Ötən iki həftədə yoluxma faktlarında azalma qeydə alınıb. Aprelin 27-dən sonra isə yoluxanların sayının artması müşahidə olundu. Mayın 1-də yenə neqativ tendensiya müşahidə edildi”.

Sputnik Azərbaycan-ın məlumatına görə, bunu bu gün Nazirlər Kabineti yanında Operativ Qərargahın Azərbaycanda xüsusi karantin rejiminin müddətinin mayın 31-dək uzadılmasına həsr edilmiş mətbuat konfransında Nazirlər Kabineti mətbuat xidmətinin rəhbəri İbrahim Məmmədov bildirib. İ.Məmmədov deyib ki, iki zidd tendensiya müşahidə olunur: “Amma həkimlərimizin fədakarlığının hesabına vəziyyət nəzarət altındadır”.

Nazirlər Kabineti (NK) yanında Operativ Qərargahın mətbuat konfrasında TƏBİB-in İdarə Heyətinin sədri Ramin Bayramlı bildirib ki, bu günə qədər Azərbaycanda koronavirus pandemiyası ilə bağlı 150 minə yaxın test həyata keçirilib.  R.Bayramlı deyib ki,  ölkəmizdəki laborator müayinələr davam etdirilir: “Erkən müalicəyə cəlb edilmə nəticəsində xəstəliyə yoluxanların sayında azalma nəzərə çarpır. Xəstəlikdən sağalan donorların müayinəsi tamamlanıb və sabahdan etibarən plazmalar alınaraq pasportlaşdırılacaq.  Həftə ərzində xəstələrlə əlaqədar müalicə fəaliyyəti davam etdirilib. Fədakar həkimlərin təcrübəsi sayəsində xəstə pasiyentləri vaxtında müəyyən etmək üçün bütün imkanlarımız var. Erkən diaqnoz isə süni nəfər aparatına qoşulanların sayının azalmasına gətirib çıxardır".

R.Bayramlı onu da qeyd edib ki, aprelin 27-dən sonrakı həftə ərzində karantin rejiminin yumşaldılması ilə əlaqədar yoluxma sayının azalmasında da bir azalma müşahidə edilir. Bu da onu göstərir ki, biz hər cür ssenariyə hazır olmalıyıq:

"İndiyədək Azərbaycanda 1 854 nəfər koronavirusa yoluxub, 25 nəfər isə dünyasını dəyişib. Hazırda 464 nəfər aktiv xəstə Bakıda və regionlarda ayrılmış xüsusi xəstəxanalarda müalicəsini davam etdirir. Onların 20-si reanimasiyadır ki, bu xəstələrdən 8-i süni tənəffüs aparatına qoşulub".

R.Bayramlının sözlərinə görə,  ölkə üzrə yoluxma hallarının təxminən 50 faizi Bakının payına düşür: "Yoluxma hallarının 22 faizi 50-59 yaşlı insanlar arasında qeydə alınır. Yoluxma halları daha çox qadınlar arasında müşahidə edilir.  Yoluxma daha çox Bakının Nəsimi, Yasamal və Binəqədi rayonlarındadır. Sumqayıtda da yoluxanların sayı  çoxdur. Bundan başqa, son günlər Gəncə və Lənkəranda koronavirusa yoluxanlar artır. Bu, əhalinin karantin rejiminə ciddi əməl etməməsilə bağlıdır”.

39
Mövzu:
Azərbaycanda koronavirus: son xəbərlər (316)
Əlaqədar
Koronavirus rəhm etmir: yenə ölüm xəbəri
Deyəsən karantin rejimi yavaş-yavaş qəbul edilir - Azalma var
Karantinin yumşaldılması davam edəcək - Operativ Qərargah
Adil Qeybulla: "Vaksinasiya özü spekulyasiyadır"
O dayanmaq bilmir – Say artıq 3,2 milyonu keçdi
Koronavirus testi, arxiv şəkli

Azərbaycanda daha 792 nəfər COVID-19-a yoluxub, 220 nəfər sağalıb

29
(Yenilənib 15:37 24.10.2020)
Son sutka ərzində yeni yoluxma hallarının müəyyənləşdirilməsi ilə əlaqədar 11 353, ötən müddət ərzində isə ümumilikdə 1 281 497 test aparılıb.

BAKI, 24 oktyabr - Sputnik. Azərbaycan Respublikasında koronavirus (COVID-19) infeksiyasına 792 yeni yoluxma faktı qeydə alınıb, 220 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 8 vəfat edib.

İndiyədək ölkədə ümumilikdə 49 013 nəfərin koronavirus infeksiyasına yoluxması faktı müəyyən edilib, onlardan 41 051 nəfər müalicə olunaraq sağalıb, 664 nəfər vəfat edib, aktiv xəstə sayı 7 298 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 11 353, ötən müddət ərzində isə ümumilikdə 1 281 497 test aparılıb.

29
Gürcüstanda epdimioloji vəziyyət

Qonşuda yeni yoluxma antirekordu qeydə alındı

30
(Yenilənib 14:57 24.10.2020)
Bu günə qədər 41 Gürcüstan vətəndaşı digər ölkələrə müalicə üçün gedib. Gürcüstanda ilk yoluxma fevralın 26-da qeydə alınıb.

BAKI, 24 oktyabr — Sputnik. Gürcüstanda son sutkada 1941 nəfər koronavirusa yoluxub və 10 nəfər dünyasını dəyişib.

Sputnik Gürcüstan xəbər verir ki, pandemiya başlayandan bu günə qədər 26503 nəfər koronavirusa yoluxub.

Eyni zamanda son sutkada 412 nəfər sağalıb. Bu günə qədər Gürcüstanda 10163 nəfər koronavirusdan sağalıb və 193 nəfər ölüb.

Hazırda karantində 4180 nəfər, koronavirus üçün ayrılmış mehmanxanalarda 1848 nəfər, stasionar 3571 nəfər müalicə alır. Bu günə qədər 41 Gürcüstan vətəndaşı digər ölkələrə müalicə üçün gedib. Gürcüstanda ilk yoluxma fevralın 26-da qeydə alınıb.

30
Naxçıvanda Əlahiddə Ümumqoşun Ordunun aviasiya hərbi hissəsinin SU-25 hücum təyyarələri təlim uçuşları həyata keçirib

Ağdam istiqamətində Ermənistan SQ-nin hərbi texnikası infrastrukturu məhv edilib

0
(Yenilənib 19:23 24.10.2020)
Ermənistan silahlı qüvvələrinin 3 tankı, 2 sığınacağı və bölüyün 4 dayaq məntəqəsini dəqiq aviasiya zərbələri ilə məhv edilib.

BAKI, 24 oktyabr - Sputnik. Oktyabrın 24-də saat 13:00-dan 15:00-dək Azərbaycan Hərbi Hava Qüvvələrinin (HHQ) döyüş aviasiyası cəbhənin Ağdərə və Ağdam istiqamətlərində Ermənistan silahlı qüvvələrinin 3 tankı, 2 sığınacağı və bölüyün 4 dayaq məntəqəsini dəqiq aviasiya zərbələri ilə məhv edib. Sputnik Azərbaycan bu barədə Müdafiə Nazirliyinə istinadən xəbər verir.
Azərbaycan HHQ-si düşmənin hərbi infrastrukturuna hava zərbələri endirməyə davam edir.

0
Mövzu:
Azərbaycan və Ermənistan arasında müharibə