Hande Harmancı, arxiv şəkli

"Xəstəliyə yoluxanların sayı artsa, hökumətin səhvi deyil" - Harmancı

16
(Yenilənib 19:50 01.05.2020)
"Əhali bilməlidir ki, xəstəliyə yoluxanların sayı artsa, hökumətin səhvi deyil. Bu baş verməsin deyə, insanlar fiziki məsafəni qorumalı, gigiyena qaydalarına əməl etməlidirlər" - Hande Harmancı

Nigar İsgəndərova, Sputnik Azərbaycan

BAKI, 1 may — Sputnik. "Bütün hökumətlər tərəfindən insanların sosiallaşması əsas hədəfdir. Onlar həm vətəndaşlarını qorumaq, həm də iqtisadi fəaliyyətin olmasını istəyirlər. Bundan başqa, hər bir ölkədə tədbirlərin yumşaldılması ilə yanaşı, yenə də xəstəliyin artıb-azalması tempi izləniləcək. Çünki ola bilsin ki, bəzi tədbirlər yenə də davam etdirilsin, bəziləri isə azaldılsın. Təbii ki, bunun üçün bir addım atıb nəticəsinə baxılacaq. Azərbaycan da belə edəcək".

Sputnik Azərbaycan-ın xəbərinə görə, bu barədə Ümumdünya Səhiyyə Təşkilatının Bakı nümayəndəliyinin rəhbəri Hande Harmancı bu gün jurnalistlər üçün təşkil olunan virtual mətbuat konfransında deyib.

O bildirib ki, artıq Azərbaycanda bəzi balaca mağazalar açılsa da, hələlik bağlı olan yerlər də var. Yoluxma sayının azalması, rəqəmlərin yenidən artmaması üçün H.Harmancı sosial məsafənin qorunması və gigiyena qaydalarına əməl edilməsinin vacibliyindən bəhs edib: "Əhali bilməlidir ki, xəstəliyə yoluxanların sayı artsa, hökumətin səhvi deyil. Bu baş verməsin deyə, insanlar fiziki məsafəni qorumalı, gigiyena qaydalarına əməl etməlidirlər".

"Hazırda ən yaxşı seçim onlayn görüşüb, virusun yayılmasının qarşısını almaqdır", - deyə ÜST rəsmisi əlavə edib.

16
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar (373)
Əlaqədar
Koronavirus rəhm etmir: yenə ölüm xəbəri
65 yaşdan yuxarı şəxslərin hərəkətinə icazə verilə bilər
Azərbaycanda xüsusi karantin rejiminin müddəti uzadıldı, amma yeni icazələr var
COVID-19-a yoluxanlar ən çox bu rayonlardadır
Karantin rejimindən çıxma aşağı templə həyata keçiriləcək
Türkiyənin Daxili işlər naziri Süleyman Söylü

Türkiyədə nazir koronavirusa yoluxdu

19
Soylu özünün və ailə üzvlərinin səhhətlərinin normal olduğunu və həkimlərin tövsiyəsi ilə müalicələrini xəstəxana şəraitində davam etdirdiklərini vurğulayıb.

BAKI, 31 oktyabr - Sputnik. Türkiyənin Daxili İşlər Naziri Süleyman Soylu yeni növ koronavirus (COVID-19) infeksiyasına yoluxub.

Bu barədə Sputnik Azərbaycan Türkiyə mətbuatına istinadən məlumat verir.

Nazir özü ilə bərabər həyat yoldaşı və qızının da COVID-19 testinin pozitiv çıxdığını qeyd edib.

Soylu özünün və ailə üzvlərinin səhhətlərinin normal olduğunu və həkimlərin tövsiyəsi ilə müalicələrini xəstəxana şəraitində davam etdirdiklərini vurğulayıb.

19
Dərman, arxiv şəkli

Evdə müalicə olunan COVID-19 xəstələrinə dərmanı dövlət verir - Səhiyyə Nazirliyi

21
O, indiyədək ölkəmizdə 700-ə yaxın insanın bu virusdan dünyasını dəyişdiyini bildirib O, indiyədək ölkəmizdə 700-ə yaxın insanın bu virusdan dünyasını dəyişdiyini bildirib

Zülfiyyə Quluyeva, Sputnik Azərbaycan

BAKI, 31 oktyabr — Sputnik. Azərbaycanda COVID-19 xəstəliyini yüngül keçirən xəstələrə də dərmanlar dövlət tərəfindən verilir. Sputnik Azərbaycan-ın türk mətbuatına istinadən məlumatına görə, bu məlumatı Azərbaycanın Səhiyyə nazirinin müavini Elsəvər Ağayev Türk Konseyi Sağlıq Bilim Kurulunun toplantısında iştirak edərkən bildirib. E.Ağayev deyib ki, Azərbaycan Prezidenti İlham Əliyevin tapşırığı ilə iki ayda 4 min çarpayılıq 12 modul xəstəxana COVID-19 xəstələrinə xidmət üçün verilib. E.Ağayev COVID-19-u yüngül keçirən xəstələrin evdə izolyasiya olunaraq müalicələrini davam etdirdiklərini dilə gətirib. Nazir müavini Azərbaycanda koronavirusa yoluxma sayının gündəlik 500-600 təşkil etdiyini, ümumi xəstə sayının 53 mini keçdiyini söyləyib. E.Ağayev bu səbəbdən də təhsil müəssisələrində dərslərin iki həftəlik dayandırıldığını, onlayn təhsilə qərar verildiyini bildirib.

E.Ağayev çıxışı zamanı Azərbaycanda 7-8 bölgədə virusa yoluxma sayının artması səbəbindən giriş-çıxışa qadağa qoyulduğunu diqqətə çatdırıb. O, indiyədək ölkəmizdə 700-ə yaxın insanın bu virusdan dünyasını dəyişdiyini bildirib.

21
Azərbaycan Respublikası Müdafiə Nazirliyinin binası

Azərbaycan ordusu Ermənistan ərazilərini atəşə tutmur, cavab tədbiri görür - MN

0
(Yenilənib 22:50 31.10.2020)
Azərbaycanın Qubadlı rayonu ərazisindən guya Ermənistanın Qafan şəhəri yaxınlığındakı David Bek kəndinin atəşə tutulması nəticəsində yaralıların və xeyli sayda dağıntıların olması ilə bağlı Ermənistan tərəfinin yaydığı xəbər yalandır və növbəti təxribatdır.

BAKI, 31 oktyabr - Sputnik. Ermənistan ərazisinin atəşə tutulması xəbəri tamamilə yalandır və düşmənin növbəti təxribatıdır. Sputnik Azərbaycan xəbər verir ki, bu barədə Müdafiə Nazirliyi açıqlama yayıb. 

Məlumatda bildirilir ki, Azərbaycanın Qubadlı rayonu ərazisindən guya Ermənistanın Qafan şəhəri yaxınlığındakı David Bek kəndinin atəşə tutulması nəticəsində yaralıların və xeyli sayda dağıntıların olması ilə bağlı Ermənistan tərəfinin yaydığı xəbər yalandır və növbəti təxribatdır.

Ermənistan-Azərbaycan dövlət sərhədinin Qubadlı sahəsində rayonun 4-5 km dərinliyində, Azərbaycan ərazisində artilleriya qurğularının atəş nöqtələrini yerləşdirən düşmən Qubadlı rayonunun işğaldan azad olunmuş kəndlərini və Azərbaycan Ordusunun bölmələrini gün ərzində intensiv atəşə tutub. Yalnız sərhədlərimiz çərçivəsində tərəfimizdən düşmənin həmin atəş nöqtələrinə qarşı adekvat tədbirlər görülüb.

Bir daha bildiririk ki, Azərbaycanın Ermənistan ərazisində heç bir hərbi məqsədi yoxdur. Azərbaycan Ordusu dünya birliyi tərəfindən tanınan ölkəmizin sərhədləri çərçivəsində Azərbaycanın ərazi bütövlüyünü bərpa edir.

0
Teqlər:
Ermənistan silahlı qüvvələri, Ermənistan ordusu, Ermənistan, Müdafiə Nazirliyi
Əlaqədar
Müdafiə Nazirliyi Əsgəran, Ağdərə və Xocavəndin bombalanması barədə
Müdafiə Nazirliyi: "Azərbaycan tərəfinin hücum cəhdi olmayıb"
Müdafiə Nazirliyi: Ermənistan ordusunun polkovniki məhv edildi
Müdafiə Nazirliyi Xocalıdakı Qarabulaq kəndi ilə bağlı məlumat yaydı
Azərbaycan Ordusunun Xankəndini atəşə tutması xəbəri yalandır - Müdafiə Nazirliyi