Laboratoriya, arxiv şəkli

Dövlət xəstəxanalarından "bir - sıfır" öndə: xəstələr eyni qiyməti verəcəklərmi?

602
(Yenilənib 21:07 28.04.2020)
Şəhərkənarı ərazilər, rayon və qəsəbələrdəki ünvanlarda səyyar laboratoriya xidmətinin göstərilməsi üçün əlavə olaraq 50 manat ödənilir.

Nigar İsgəndərova, Sputnik Azərbaycan

BAKI, 28 aprel — Sputnik. Bu gün dünyanı cənginə alan koronavirusla əlaqədar olaraq insanların evdən çıxmaması üçün bir sıra səyyar xidmətlər göstərilir. Bu xidmətlərə laboratoriya xidmətləri də daxildir.  

Sputnik Azərbaycan tərəfindən aparılan kiçik araşdırma nəticəsində dövlət xəstəxanalarının hər hansı birində səyyar laboratoriyanın olmadığı bəlli olub. Özəl xəstəxanalar isə bu gün xəstələri itirməmək üçün bu əlverişli şəraiti yaradıb. Belə özəl xəstəxanalardan birindən səyyar laboratoriyanın fəaliyyəti haqda məlumat aldıq. Bizə verilən məlumatda bildirilib ki, səyyar laboratoriya xidmətinin olması ilə insanların evlərindən çıxmasına ehtiyac qalmır.

Maraqlıdır, bəs həkimlərin evbəev gəzməsi necə, təhlükə mənbəyi deyilmi? Xəstəxanadan təhlükəyə heç bir əsas olmadığı bildirilib:

"Səyyar laboratoriya əməkdaşları heç bir təhlükə mənbəyi deyillər. Bu şəxslər bircə xüsusi, koronaviruslu xəstələrlə işləyən həkimlərin geydikləri xüsusi geyimlərdən istifadə etmirlər. Lakin təhlükəsizlik qorunur, onlar lazım olan avadanlıqlarla təmin olunurlar".

"Bəs səyyar laboratoriya xidməti üçün hesablanan qiymətlər xəstəxanadakı qiymətlərdən fərqlənirmi?" sualına cavab olaraq isə bildirilib ki, qiymət ərazidən asılı olaraq dəyişilir: "Şəhəriçi ünvanlarda səyyar laboratoriya xidmətlərinin göstərilməsi pulsuzdur. Yəni xidmətə görə əlavə vəsait alınmır, yalnız analizə görə pul ödənilir".

"Lakin şəhərkənarı ərazilər, rayon və qəsəbələrdəki ünvanlarda səyyar laboratoriya xidmətinin göstərilməsi üçün əlavə olaraq 50 manat ödənilir", - deyə xəstəxanadan verilən məlumatda bildirilib.

Bundan başqa, özəl xəstəxanadan verilən məlumatda son bir ayda bu xidmətə görə çoxsaylı müraciətlərin olduğu vurğulanıb. Xüsusən yaşlılar, xroniki xəstəlikdən əziyyət çəkənlər müraciət edirlər. 

Bundan başqa, endokrinoloji, qaraciyər xəstəliklərinə və qanın ümumi analizinə görə səyyar laboratoriya xidmətinə müraciətlərin çox olduğu bildirilir. Səyyar laboratoriya xidməti olan xəstəxanadan verilən məlumata görə, müraciət edənlər arasında şəkər xəstələri də üstünlük təşkil edirlər: "Endokrinoloqlar bildirirlər ki, şəkərli diabet xəstələri venadan alınan qanda aclıq qan şəkəri, 3 aylıq şəkər testi (HbA1C), C-peptid, insulin, ümumi sidikdən mütəmadi olaraq analiz verməlidirlər. Onların işinin asanlaşması üçün evdə laboratoriya xidmətini təklif edirik".

Bu səyyar xidmətin qarşılığında ödəniş üçün çek verilir və nəticələrin digər xəstəxanalar, orada çalışan həkimlər tərəfindən qəbul edildiyi bildirilir: "Nə qədər xəstəmiz olub ki, həkimi başqa bir xəstəxanada çalışıb, analizləri aparıb və razı qalıb".

Qeyd edək ki, səyyar laboratoriyalarda istənilən növ xəstəliklərə görə analizlər götürülür. Hətta hamilə qadınlar üçün də rahat şərait yaradılıb ki, evdən çıxmadan analizlərini versinlər. Səyyar olub-olmamasından asılı olmayaraq bu analizlərin nəticələri eyni müddətdə hazırlanır. Yəni xəstəlik üçün götürülən analizdən asılı olaraq bu vaxt müəyyənləşir.

602
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar (379)
Əlaqədar
Sumqayıtda koronavirusla mübarizə üçün modul tipli xəstəxana tikilir
"Koronavirus bitməyəcək və ən azı bir il bizlə birgə olacaq" - ÜST rəsmisi
Həkimlər virusa görə xəstəxanadan qaçdı
Onlar indi dərman əvəzinə xəstəlik "satır", biz də öz istəyimizlə alırıq
Skandinaviya ölkələri tibbi səbəblərdən “evdə qal” rejimindən imtina edib
Əllərin dezinfeksiya olunması, arxiv şəkli

Qışda əlləri tez-tez dezinfeksiya etmək daha zərərlidir

10
(Yenilənib 02:22 24.11.2020)
Həkim-dermatoloq Aleksey Yedemski pandemiya dövründə dezinfeksiyaedici maddələrdən uzaq durmağı məsləhət görmürlər.

BAKI, 24 noyabr — Sputnik. Həkim-dermatoloq Aleksey Yedemski Sputnik radiosuna müsahibəsində dezinfeksiyaedici maddələrdən istifadə zamanı əllərə qulluq barədə danışıb.

Mütəxəssisin sözlərinə görə, koronavirus pandemiyası səbəbindən əllərimizi tez-tez yumağımız və antiseptik vasitələrlə dezinfeksiya etməyimiz qış aylarında əllərin dərisinə daha çox ziyan vura bilər.

"İnsan dərisi özünü yeniləməyə qadirdir, ancaq kəskin qoruyucu məhlullardan tez-tez istifadə buna imkan vermir", – deyə mütəxəssis qeyd edib.

Bununla belə, dermatoloq pandemiya dövründə dezinfeksiyaedici maddələrdən uzaq durmağı məsləhət görmür. O, əllərin dərisini qorumaq üçün vaxtaşırı əl kremlərindən istifadəni tövsiyə edir.

"İlk növbədə emolent tipli qoruyucu kremlərdən istifadə etmək lazımdır. Belə məhsullar dərini müdafiə edərək nəmin buxarlanmasının qarşısını alır ", – deyə həkim bildirib.

Bir qədər bundan əvvəl Rusiyanın Burdenko adına Elmi Tədqiqat İnstitutunun əməkdaşı, tibb elmləri doktoru Olqa Yerşova bildirmişdi ki, əllərin antiseptik vasitələrlə dezinfeksiya olunması dermatit xəstəliyinin yaranmasına yol aça bilər. O qeyd etmişdi ki, tibb işçiləri belə hallarla çox qarşılaşır və bunun nəticəsi kifayət qədər ciddi ola bilər.

10
Tahir Kərimli, arxiv şəkli

Millət vəkilində COVID-19 aşkarlandı, evdə karantinə alındı

20
Tahir Kərimli bildirib ki, ailəsində də yoluxan olub və onlar da ev şəraitində müalicələrini davam etdirirlər. 

Nigar İsgəndərova, Sputnik Azərbaycan

BAKI, 23 noyabr — Sputnik. Noyabrın 19-da Milli Məclisin 10-dan çox deputatında COVID-19 testinin nəticəsi pozitiv çıxıb. Sputnik Azərbaycan xəbər verir ki, virus aşkarlanan millət vəkillərindən biri olan Tahir Kərimli hazırda evdə müalicə alır. Bu haqda Sputnik Azərbaycan-a danışan millət vəkili səhhətinin yaxşı olduğunu bildirib: "Hazırda səhhətim yaxşıdır, evdə müalicə alıram. Həkim müayinəsi altında müalicələr davam edir".

Millət vəkili bildirib ki, ailəsində də yoluxan olub və onlar da ev şəraitində müalicələrini davam etdirirlər. 

Xatırladaq ki, “Report” COVID-19-a yoluxan deputatlardan 9-nun adını təqdim edib: Bunlar Tahir Kərimli, Azər Badamov, Məşhur Məmmədov, Vüqar Bayramov, Qənirə Paşayeva, Rəşad Mahmudov, Soltan Məmmədov, Nizami Səfərov və Elnur Allahverdiyevdir

20
Teqlər:
müalicə, millət vəkili, Koronavirus, COVID-19, yoluxma
Nizami Paşayev

Ağlayaraq muğam oxuyan o balaca oğlan: Cefri filmin üçüncü hissəsini yəqin Füzulidə çəkər

23
(Yenilənib 02:35 24.11.2020)
Nizami Paşayev deyir ki, aradan uzun illərin keçməsinə baxmayaraq, əgər evləri dağıdılmayıbsa, bu gün Zərgər kəndinə gedib onu rahatlıqla tapa bilər.

İradə Cəlilova, Sputnik Azərbaycan

BAKI, 24 noyabr — Sputnik. "İndi qəriblikdir məni ağladan, O yanan evləri könlüm istəyir", - oxuyaraq göz yaşlarını saxlaya bilmir. 20 il əvvəl 13 yaşlı Nizaminin ifası nəinki bütün İmişlini, hətta Azərbaycan muğamının əcnəbi tədqiqatçısı Cefri Verboku da heyran qoymuşdu.

C.Verbok Nizaminin ifasını bəyənir və onun haqqında film çəkməyə qərar verir. Yenidən Azərbaycana gələrək onu axtarmağa başlayır.

"İlk video İmişli rayonunun Bayramtəpə qəsəbəsində, bizim məskunlaşdığımız qaçqın düşərgəsində çəkilib. O zaman mənim 14 yaşım var idi", - deyə Sputnik Azərbaycan-ın qonağı olan Nizami Paşayev bildirir.

Nizami Paşayev əslən Füzuli rayonunun Zərgər kəndindəndir. Rayonlarından köçkün düşdüyü günü bu gün kimi xatırlayır. Deyir, hamı bacardığı qədər əşyasını götürüb, çıxmağa çalışırdı. Bu zaman onların da ailəsi rayondan çıxır.

© Sputnik / Irade JELIL
Nizami Paşayev
"Füzulidə yaşayanda özümü ən xoşbəxt uşaq hesab edə bilərdim. Böyük problemlərimiz yox idi. Müharibə başlayandan sonra çətinliklərimiz başladı. Evimizin arxasındakı təpədə "ocaq" adlandırılan bir yer var idi. Erməni atmağa başlayanda ailəliklə ora yığılır, atəşin səngiməsini gözləyərdik. O zaman düşünürdüm ki, düşmənlə qarşı-qarşıya qalmaq qorxuludur, çətindir. Amma əsl çətinliklərimiz Füzulidən çıxandan sonra başladı", - Nizami danışır.

Onun sözlərinə görə, İmişlidə qaçqın şəhərciyində çox çətinliklər yaşayıb.

İmkansızlıq, soyuq evlər, işsizlik.

Həmin dövrdə ailədə təkcə Nizaminin anası işləyir, ailəni saxlamağa çalışırdı.

Həyat onlar üçün heç də düşünüldüyü qədər asan olmayıb: "Beş nəfər bir otaqda qalırdıq. Evlər dəmirdən olduğu üçün çox soyuq olurdu. Kimin imkanı çatırdısa, özünə palçıqdan ev tikirdi …".

Nizami 2005-ci ilə qədər ailəsi ilə İmişlidə yaşayır. Sonra isə Bakıya gələrək, müxtəlif işlərdə işləməyə başlayır.

Cefri Verbok 2008-ci ildə Azərbaycana gələndə Nizamini asanlıqla tapa bilmir. Çünki onun əlində Nizaminin 14 yaşı olanda çəkilən fotosundan başqa heç bir məlumat yox idi. Bir neçə rayonu gəzəndən sonra nəhayət, Nizaminin ailəsini tapa bilir.

Cefri Verbok Nizaminin ifa etdiyi muğam haqqında film çəkməyə başlayır. Filmin çəkilişi 2015-ci ildə tamamlanır:

"Cefri haqqımda iki film çəkib. Biri uşaq olanda ifa etdiyim muğam, ikincisi isə 2008-2015-ci ildə çəkilən filmdir. İkinci filmin təqdimatı 2017-ci ildə Nizami kinoteatrında oldu. Həmin ərəfədə Avropa Azərbaycan Cəmiyyətinin rəhbəri Tale Heydərovun çox dəstəyini gördüm".

Hazırda Cefri Verbok Nizami haqqında üçüncü filmi çəkməyi düşünür. Buna görə də Bakıya gələndə onunla ilə görüşür, söhbətləşir.

© Sputnik / Irade JELIL
Nizami Paşayev

Nizami hesab edir ki, filmin üçüncü hissəsi yəqin Füzulidə çəkilər.

Sənətə marağı böyük olsa da, yaşadığı sıxıntılar, maddi problemlər ona sənətinin arxasınca getməyə mane olur. O, təhsil ala bilmir və taleyin yönləndirdiyi istiqamətə üz tutur, hərbçi olur:

"Mən yenidən təhsil almaq istəyirəm. Məsələn, Mənsum İbrahimovun tələbəsi olmağı çox arzulayıram. İstərdim o, mənimlə məşğul olsun. Dost-tanışın toyuna dəvət alıram. Amma axı mənim arzum xanəndə olmaq idi. Buna can atıram".

Qəhrəmanımızın dünyaya göz açdığı Zərgər kəndi artıq düşmən işğalından azad edilib. İndi onun bir arzusu var. Zərgərdə muğam ifa etmək. Deyir ki, aradan uzun illər keçməsinə baxmayaraq, evləri dağıdılmayıbsa, bu gün Zərgər kəndinə gedib asanlıqla onu tapa bilər.

 

23