Tibb bacısı peyvənd üçün şpris hazırlayır, arxiv şəkli

Adil Qeybulla: "Vaksinasiya özü spekulyasiyadır"

539
(Yenilənib 13:40 27.04.2020)
"Fikir verin, indiyədək 2 minədək H1N1 virusunun ştammı var. Onun heç birinə qarşı effektiv vaksinasiya yoxdur. Təsəvvür edin, müəyyən vaksin hazırlanır, o hazır olanda virus yeni ştammda olur"

Nigar İsgəndərova, Sputnik Azərbaycan

BAKI, 27 aprel — Sputnik. Koronavirusa qarşı vaksin 2020-ci ilin sentyabrında hazır ola bilər. Bunu Oksford Universitetinin vaksinologiya üzrə professoru Sara Gilbert deyib.

Professorun sözlərinə görə, vaksinin həmin müddətə hazır olma ehtimalı 80 faizə bərabərdir. O əlavə edib ki, vaksinin klinik sınaqları iki həftə ərzində başlamalıdır. Vaksin sınaqların bütün mərhələlərindən keçəndən sonra kütləvi istehsalına başlana bilər. Bu müddətin bu qədər uzun çəkməsi isə insanları narahat edir.

Sputnik Azərbaycan koronavirusa görə vaksinin gec hazırlanma səbəblərini araşdırıb. Tibb üzrə ekspert Adil Qeybulla Sputnik Azərbaycan-a açıqlamasında bu haqda danışıb: "Vaksinlə bağlı illüziyaya qapılmaq lazım deyil. Vaksin aktiv immunizasiyadır və hazırlanması 6 ay, hətta daha çox zaman ala bilər. Çünki bu proses o qədər də sadə deyil. Bunun üçün öncə virusun antigeni alınmalıdır. Molekulyar biologiyanın imkanları ilə lazım olan nəticə əldə olunduqdan sonra antigen bədənə vurulur. Bədən özü isə immunitet üçün anticisimlər hazırlayır. Bu da virusa qarşı immunitet olur".

"Lakin bu gün SARS-CoV-2 koronavirusunun bir neçə ştammı haqda söhbətlər gedir. Bəs bu hazırlanan vaksin bütün ştammları əhatə edəcəkmi? Bu səbəbdən düşünürəm ki, vaksinasiya özü spekulyasiyadır. Əksinə, daha çox respirator virus infeksiyalarına qarşı dünya üzrə yeni bir taktika işlənib hazırlanmalıdır. Yəni həm virusoloqlar, genetiklər, bioloji mütəxəssislər də bu işə cəlb olunaraq infeksiyanı vaxtında lokallaşdırmalı, insanların yoluxmalarının qarşısının alınması üçün bir alqoritm hazırlamalıdırlar. Çünki insanlar prosesin mahiyyətini dərk etmədikləri üçün hər şayiəyə uyurlar", - deyə mütəxəssis əlavə edib.

Daha bir məsələ isə vaksin hazırlananadək koronavirusun aktuallığını itirə biləcəyi ilə bağlıdır: "Ola bilsin ki, vaksin hazırlananadək koronavirusun aktuallığı arxa plana keçsin. Ümumiyyətlə, fikir verin, indiyədək 2 minədək H1N1 virusunun ştammı var. Onun heç birinə qarşı effektiv vaksinasiya yoxdur. Təsəvvür edin, müəyyən vaksin hazırlanır, o hazır olanda virus yeni ştammda olur. Bu zaman isə həmin vaksin mənasız olur. Hər il vaksin hazırlanmasına baxmayaraq qripdən qorunmaq üçün hələlik elə bir vasitə yoxdur".

"Bu baxımdan, koronavirusda da eyni qaydadır. Bu səbəbdən də insanların vaksin gözləməsi illüziyadır. Hətta ola bilsin ki, bir müddətdən sonra virus yeni ştammla ortaya çıxsın", - deyə A.Qeybulla əlavə edib.

539
Əlaqədar
Azərbaycana koronavirus xəbərdarlığı - Vəziyyət çox gərginləşə bilər
Bəlkə də onlar koronavirusun kökünü kəsəcək
Qədim viruslar geri qayıdır – Əbədi buzlaqların əriməsi səbəbindən
TƏBİB rəhbəri: “Karantinin tam aradan qalxması kütləvi yoluxmaya səbəb ola bilər”
Vərəm əleyhinə peyvənd koronavirusa qarşı immuniteti artırır – İDDİA
DİN əməkdaşları, arxiv şəkli

Saatlı polisi koronavirus xəstəsini küçədə tapdı

17
T.Hüseynovun karantin qaydalarına zidd davranaraq evini tərk etdiyi və qonşuluqda yaşayan sakinlərin evinin həyətinə daxil olaraq xəstəliyin yayılmasına real təhlükə yaratdığı müəyyən edilib.

BAKI, 4 dekabr — Sputnik. Saatlı Rayon Polis Şöbəsinin (RPŞ) əməkdaşları tərəfindən koronavirus pandemiyasının yayılmasının qarşısının alınması məqsədilə tədbirlər mütəmadi olaraq davam etdirilir. Daxili İşlər Nazirliyinin (DİN) Mətbuat Xidmətinin Bərdə regional qrupundan Sputnik Azərbaycan-a verilən məlumata görə, polis əməkdaşları tərəfindən rayon ərazisində koronavirus testi müsbət çıxan şəxslərin yaşadığı ünvanı tərk edib-etməməsi yoxlanılarkən bir nəfər rayon sakini, T.Hüseynovun karantin qaydalarına zidd davranaraq evini tərk etdiyi və qonşuluqda yaşayan sakinlərin evinin həyətinə daxil olaraq xəstəliyin yayılmasına real təhlükə yaratdığı müəyyən edilib.

Həmin şəxsin qanunazidd hərəkətlərinin qarşısı alınıb və müalicəsini davam etdirmək üçün yenidən yaşadığı ünvana gətirilib.

Saatlı RPŞ-nin İstintaq Bölməsində araşdırma aparılır.

17
Mağazada qadın, arxiv şəkli

Siyəzəndə mağazada satıcı işləyən COVID-19 xəstəsi müəyyən edilib

11
(Yenilənib 18:26 04.12.2020)
Sədan kənd sakini Rufanə Əliyevanın karantin qaydalarına zidd davranaraq yaşadığı ünvanı tərk etdiyi müəyyən edilib

BAKI, 4 dekabr — Sputnik. Siyəzən Rayon Polis Şöbəsinin əməkdaşları tərəfindən rayon ərazisində koronavirus testi müsbət çıxmış şəxslərin yaşadığı ünvanı tərk edib-etməməsi yoxlanılarkən rayonun Sədan kənd sakini Rufanə Əliyevanın karantin qaydalarına zidd davranaraq yaşadığı ünvanı tərk etdiyi müəyyən edilib.

Daxili İşlər Nazirliyinin Mətbuat Xidmətinin Quba regional qrupundan Sputnik Azərbaycan-a verilən məlumata görə, şöbə əməkdaşları tərəfindən R.Əliyeva satıcı kimi işlədiyi mağazada aşkarlanaraq yaşadığı ünvana qaytarılıb. Həmin şəxsin törətdiyi əmələ hüquqi qiymət verilməsi üçün Siyəzən RPŞ-də araşdırmalar aparılır.

11
Teqlər:
Daxili İşlər Nazirliyi, Koronavirus, Siyəzən
Biznes  ledi

İllərin sənətçisi yeni biznesə başlayıb

0
(Yenilənib 23:45 04.12.2020)
Sayan istehsalına yenicə başladıqları məhsul haqqında məlumat da verib. Müğənninin bildirdiyinə görə, sözügedən odekolon öd ağacından hazırlanıb

BAKI, 4 dekabr — Sputnik. Türkiyəli müğənni Seda Sayan yeni biznesə başlayıb.

Sputnik Azərbaycan xəbər verir ki, sənətçi öz adı ilə istehsal olunan ətirli kolonyanı satışa çıxarmağa hazırlaşır.

View this post on Instagram

A post shared by Seda Sayan (@sedasayan)

Artıq Seda məhsullarla çəkdirdiyi fotosunu özünün "Instagram" səhifəsində paylaşıb. O, istehsalına yenicə başladıqları məhsul haqqında məlumat da verib. Müğənninin bildirdiyinə görə, sözügedən odekolon öd ağacından hazırlanıb. Qeyd edək ki, kolonya qutusunun üzərində Seda Sayanın şəkli yer alıb.

0