Namiq Nəbiyev, arxiv şəkli

Azərbaycanda daha bir həkim COVID-19-a yoluxdu: "Həyat yoldaşımla eyni palatada qalırıq"

964
(Yenilənib 13:54 24.04.2020)
"Biz həkimik, bu virusa görə risk qrupu sayılırıq. Amma işimiz tələb edir ki, sağlamlığımızı təhlükəyə atsaq da, xəstələri müalicə etməliyik"

Zülfiyyə Quluyeva, Sputnik Azərbaycan

BAKI, 24 aprel — Sputnik. Azərbaycanda koronaviruslu xəstələri müalicə edən həkim Namiq Nəbiyev COVID-19-a yoluxub. Sputnik Azərbaycan-a bu barədə “Sağlamlığın qorunması” İctimai Birliyinin sədri, həkim-oftalmoloq Yazgül Abdıyeva məlumat verib. O bildirib ki, Namiq Nəbiyev ilk gündən koronavirusla mübarizəyə qoşulanlar sırasındadır: "Namiq Nəbiyev 3 saylı Şəhər Klinik Xəstəxanasının İnfeksion şöbəsinin müdiridir. Fevral ayından başlayaraq Qobustan, Neftçala, Cəlilabad, Astara, Biləsuvar rayonunda və Olimpiya kəndində karantin xəstəxanalarında xidmət göstərən, həmçinin Bakı və Bakıətrafı rayon xəstələrinin infeksion qəbulu şöbəsində aktiv çalışan həmkarlarımızdan biri, doktor Namiq Nəbiyev koronavirusa yoluxub. O, hazırda Azərbaycan Tibb Universitetində müalicə alır. Gecə-gündüz virusla mübarizəyə qoşulan dəyərli həmkarımıza cansağlığı arzulayırıq".

Namiq Nəbiyev

Qeyd edək ki, N.Nəbiyevin həyat yoldaşında da COVID-19 testinin nəticəsi pozitiv çıxıb. Onun həyat yoldaşı 3 saylı Şəhər Klinik Xəstəxanasının Qanköçürmə şöbəsinin müdiridir.

N.Nəbiyev hazırda xəstəxanada olsa da, Sputnik Azərbaycan-a açıqlama verib. O bildirib ki, aprel ayının 18-də özünü pis hiss edib:

"Gördüm ki, məndə halsızlıq var. Aprelin 20-də Referans Klinik Laboratoriya Mərkəzində analiz verdim. Həyat yoldaşımda da eyni simptomlar özünü büruzə verdiyindən, o da analiz verdi. Hər ikimizdə pozitiv çıxdı. Hazırda ikimiz də ATU-da eyni palatadayıq, müalicə alırıq. Mənim bu gündən temperaturum qismən aşağı enib".

N.Nəbiyev bildirib ki, özünün və həyat yoldaşının 52 yaşı var. Onların ailə üzvləri də analiz olunublar. Müayinənin nəticəsi neqativ çıxıb: "Bir az təngnəfəslik, halsızlıq var. Amma müalicə alırıq, şükür, hər şey yaxşıdır. Bizə görə narahat olanlara da təşəkkür edirəm. Biz həkimik, bu virusa görə risk qrupu sayılırıq. Amma işimiz tələb edir ki, sağlamlığımızı təhlükəyə atsaq da, xəstələri müalicə etməliyik. Həkim həmkarlarıma da təşəkkür edirəm ki, bu çətin günlərdə işlərinin öhdəsindən layiqincə gəlirlər".

964
Mövzu:
Azərbaycanda koronavirus: son xəbərlər (332)
Əlaqədar
Evə yazılan koronavirus xəstələri necə izolyasiya olunurlar?
Risk qrupundadırlar, amma hesabları aparılmır: testdən keçmək də fərdidir
Onlar indi dərman əvəzinə xəstəlik "satır", biz də öz istəyimizlə alırıq
Savab, səhhət və təmiz hava: bir az qanınızdan çəkəcəklər, amma...
Professor koronavirusla mübarizə haqqında: vəziyyəti qənaətbəxş hesab etmək olar
Koronavirus testi, arxiv şəkli

Azərbaycanda son sutkada 3469 nəfər COVID-19-a yoluxub

10
Son sutka ərzində yeni yoluxma hallarının müəyyənləşdirilməsi ilə əlaqədar 15 057, ötən müddət ərzində isə ümumilikdə 1 646 654 test aparılıb. 

BAKI, 25 noyabr - Sputnik. Azərbaycan Respublikasında koronavirus (COVID-19) infeksiyasına 3469 yeni yoluxma faktı qeydə alınıb, 1229 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 30 nəfər vəfat edib.

İndiyədək ölkədə ümumilikdə 102 396 nəfərin koronavirus infeksiyasına yoluxması faktı müəyyən edilib, onlardan 66 963 nəfər müalicə olunaraq sağalıb, 1 224 nəfər vəfat edib, aktiv xəstə sayı 34 209 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 15 057, ötən müddət ərzində isə ümumilikdə 1 646 654 test aparılıb. 

10
Teqlər:
Azərbaycan, test, Koronavirus, COVID-19, yoluxma
COVID-19 virusundan ölən şəxsin meyiti morqa yerləşdirilir, arxiv şəkli

Ermənistanda bir gündə 38 nəfər koronavirusdan öldü

6
(Yenilənib 17:55 25.11.2020)
Ermənistanda son gündə daha 38 nəfər ölüb. Ümumilikdə bu virusdan ölənlərin sayı 2040-a çatıb. Xəstəlikdən sağalanların sayı 100913 nəfər olub.

BAKI, 25 noyabr — Sputnik. Ermənistanda koronavirusa yoluxanların sayı 129085-ə çatıb. Sputnik Ermənistan xəbər verir ki, bu barədə Ermənistanın Xəstəliklərə Nəzarət və Profilaktika üzrə Milli Mərkəzinin yaydığı məlumatda bildirilib.

Məlumatda qeyd olunub ki, bir gündə bu virusa yoluxanların sayı daha 1563 nəfər artıb.

Ermənistanda son gündə daha 38 nəfər ölüb. Ümumilikdə bu virusdan ölənlərin sayı 2040-a çatıb. Xəstəlikdən sağalanların sayı 100913 nəfər olub. Hazırda bu ölkədə 25619 nəfər xəstəxanada müalicə alır.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 59,8 milyonu keçib, 1,41 milyondan çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

6
Teqlər:
yoluxma, Koronavirus, COVID-19, Ermənistan
Xəritə, arxiv şəkli

Tsakurinin Hünərli, Quşçubabanın isə Baharlı adlandırılması təsdiqlənib

0
(Yenilənib 19:06 25.11.2020)
Prezident "Azərbaycan Respublikasının Xocavənd rayonunun Tsakuri kəndinin Hünərli kəndi adlandırılması haqqında" qanunu təsdiq edib.

BAKI, 25 noyabr — Sputnik. Prezident İlham Əliyev "Azərbaycan Respublikasının Xocalı rayonunun Quşçubaba kəndinin Baharlı kəndi adlandırılması haqqında" qanunu təsdiq edib.

Sputnik Azərbaycan-ın məlumatına görə, qanuna əsasən, Azərbaycan Respublikasının Xocalı rayonunun Qarabulaq kənd inzibati ərazi dairəsi tərkibindəki Quşçubaba kəndi Baharlı kəndi adlandırılıb.

Prezident İlham Əliyev həmçinin "Azərbaycan Respublikasının Xocavənd rayonunun Tsakuri kəndinin Hünərli kəndi adlandırılması haqqında" qanunu təsdiq edib.

Qanuna əsasən, Azərbaycan Respublikasının Xocavənd rayonunun Çiraquz kənd inzibati ərazi dairəsi tərkibindəki Tsakuri kəndi Hünərli kəndi adlandırılıb.

0
Teqlər:
təsdiq, qanun, Xocavənd, Xocalı